طلعت قبل شوي من موعد فيزا فرنسا في المكتب الموحد جدة
 

السلام عليكم
طبعا اوراقي سلمتها مكتب استخراج تأشيرات قريب من المكتب الموحد .. علشان اريح راسي ... بالرغم ان الطلبات سهله وميسرة .. والفرنسية صاروا مايطلبون حجوزات تذاكر طيران نهائيا ...

رافقني في كافة الاجراءات شاب كثير فريندلي وحبوب .. واستمتعت بالسوالف معاه .. واخذت منه اوراقنا اشوفها وأراجعها بنفسي .. قلت له وين حجز الطيران قال الحين صاروا مايطلبون حجز طيران على الجواز السعودي..


قال لي اللي قدمنا اوراقهم في ٩ يوليو .. أمس صدرت فيزتهم .. الزوج وزوجته اعطوهم ٣ سنوات واولادهم اعطوهم سنة ..

المكتب الموحد كان زحمه شوي .. وفيه حالات رايحين للعلاج الله يشفيهم ..
السرا في البداية كان بطئ وفجأة مشى زي الطلقة .. انا انصدمت .. قلت مثل ذاك اللي بالفيديو : يالله وش ذا .. هههههههه

فيه نقطة مهمه .. حجز الفندق لازم يكون حقيقي لين تصدر فيزتك وبعدين تقدر تلغيه .. لانهم يشيكون في القنصلية الفرنسية على الحجوزات ..


اخيرا .. جميع طلبات فيزا شنقن من كل الدول تروح لبروكسل في بلجيكا .. هناك مركز المعلومات الموحد لدول الشنقن .


تحياتي ..

تسلم يالغالي .. الله يسعدك

ماشاء الله على البركة .

على كذا راح اقدم على جدة لأن الرياض والخبر مافيه الا منتصف اغسطس اما جدة المواعيد متوفرة .

لكن تقديمك للاوراق للمكتب الموحد كان بدون حجز مسبق على الموقع ..؟

شكرا على ذكر تجربتك والتنبيه :e303::e303::e303:

الله يسعدك

عدلت حجزي حق الفندق :1:

الله يوفقك ياام حسووون :3:

الله يبارك فيك .. موضوعي السابق كتبت فيه الحجز والموعد ..

بخصوص الموعد .. حجزت الموقع والموعد كان بعد 4 أيام فقط .. حجزت يوم الخميس وموعدي الثلاثاء الظهر .. لو شلنا الجمعة والسبت لانه مافيه دوام بيكون بعد يومين عمل تقريبا ..


بيني وبينك الرياض زحمة .. يلحقون على مين والا مين .. عندنا في جدة تساهيل ان شاء الله

هههههههههه اي عدله .. واذا اخذت الفيزا غير مثل ماتبي .. تحياتي

انت الاجمل والله :e303:


ابشر كل التفاصيل راح اذكرها اذا صدرت الفيزا ان شاء الله .. تخيل رفضوا طلبي ههههههه :e445:


بخصوص جوازي ينتهي في 2020 ... وزوجتي جديد بقراطيسه باقي 5 سنوات ...


وبالمناسبة ذكرتني .. امس الساعة 7 ونص المغرب وصلتني رسالة من المكتب الموحد تفيد ان جوازي وصل للقنصلية ..

وقبل شوي الساعة 10 الصباح تقريبا وصلتني رسالة ان القنصلية استلمت الجواز وسيتم معالجة الطلب والرد في مدة اقصاها 15 يوم ..

تحياااتي

تسلم يالغالي ... بيني وبينك .. بالرغم ان أعضاء المنتدى ماقصروا ابدا في شرح كل صغيرة وكبيرة وعلى رأسهم الزعيم آخر فرصة .. الله يوفقه ..


وبالرغم ان الطلبات سهلة جدا اقدر ارتبها وأجهزها ... لكن مااحب شعور القلق والهم لين يجي يوم موعدي .. ولا احب القلق اذا جاء دوري في الشاشة عندهم ... اروح للموظف واجلس اطالع في تعابير وجهه واصير خبير في قراءة لغة الجسد هههههههههههههههههههه .. كله خايف يقول لي ناقصك ورقة والا التعبئة خطأ ثم يتعكر مزاجي ...

وفي صالة الانتظار شفت ناس كثير محتاسين بهالاوراق .. وبعضهم متنرفز .. بس على كل حال كله يعدي وتستمر الحياة .. ههههه تساهيل ان شاء الله ..


طبعا اللي عنده جوازات كثيرة ماانصحه يروح لمكتب تأشيرات نهائيا .. راح يطلع عليه مبلغ كبير ... لكن مثل حالتي جوازين فقط .. ماتسوى همها ..


وبالنسبة لي المره الجايه ماراح اروح مكتب .. لازم اجرب بنفسي واعيش التجربة وشعور القلق .. لكن المره ذي .. لأنها أول مرة ووقت زحمة.. ماابي تواجهني صعوبات وابي كل شيء ميسر وسهل حتى لو دفعت اكثر ..

تحياااتي :e20c:

بيجونك الخبراء ويفيدونك ان شاء الله ... لكن بفيدك من خلال تجربتي .. لما رحت لمكتب استخراج التأشيرات قال لي الموظف هل سبق وبصمت وصورت في الفرنسية قلت له لا ليش ؟

قال لو انك مبصم ومصور من قبل .. مايحتاج تجي عالموعد انا بروح واخلص لك كل شيء وانت في بيتك ..


وعلى فكرة تقدرين تطلبين خدمة vip برسوم 280 ريال للجواز الواحد ..

متى قدمت عليها انت؟ واستلمت ولا باقي

ههههه انا حالي حالك يالمتمادي .. مقدم يوم 18 قبل أمس .. وعلى الله .. السستم هذا مشكلة .. كنت احسبه في الراجحي بس السستم عطلان .. طلع حتى عند الفرنسيين ..

بس مااتوقع تطول المشكلة ..

ان شاء الله ماتطول
وعلى فكره
الجوازات المقدمه للفرنسين للحصول على تاشيره
هالشهر حسب علمي
الاف جواز
عدد كبير


أرسلت من SM-G925I بإستخدام تاباتلك

الله يسهل لك وتطلع في أسرع وقت

يالغالي
لو تكرمت
وين موقع المكتب في جده
حجزنا فيه من القصيم
الرياض فل الفل ..

السلام عليكم
انا قدمت يوم 19 وبعد التقديم بيوم الغيت حجز الفندق كونه وهمي وطلب مني عند التقديم حجوزات فنادق حتى
لوكانت وهميه ..اخاف يرفضون طلبي
اش الحل في مثل هالحاله

والله يااختي اتوقع مثل حالتك ناس كثير .. ومشت امورهم .. ومادام قدمتي وانتهى كل شيء وماباليد حيلة .. فما لك الا الصبر والانتظار .. وان شاء الله ربك يسهلها ..

بالنسبة لي اتوقع ان اغلب الناس نفس وضعك يقدمون كل شيء وهمي .. بالذات اللي يقدمون عن طريق المكاتب ... واعتقد ان اللي يهم السفارة هو كشف الحساب والقدرة المالية .. والسفارة عارفين ان اغلب الحجوزات اللي تجيهم وهمية ..

والشيء الثاني يمكن صار من حظك انه تعطل السستم وعندهم ضغط كبير جدا .. فما اتوقع انهم راح يدققون بحجز الفنادق .. المهم يخلصون اللي بيديهم بأسرع وقت ..

ربك يسهلها لاتقلقين ..

بشر استلمت التأشيره

لا والله باقي .. لكن قبل ربع ساعة وصلتني رسالة من المكتب الموحد انه الجوازات جاهزة واليوم خميس ، ومافيه الا الاحد ..

شوف موضوعي توني كتبته في المنتدى

اتمنى يارب تتسهل للجميع