تجربتي اليوم في الفرنسيه مكتب جده ..
 

السلام عليكم
صباح الخير
بعد تقديمي للفيزا البريطانيه بتاريخ 13 -7
دورت موعد للسفاره الفرنسيه وكان الرياض فل
ولقيت جده متوفر وعلى طول حجزت بتاريخ اليوم
30-7
ورحت استلم الجوزات من المركز بالرياض بعد صدور الفيزا البريطانيه حاولت احجز موعد بالفرنسيه لو vip
ماهو متوفر غير بالموقع واقرب شي نهاية اغسطس لقيت مكتب يزبطني بالسويسريه موعد ويخلص الامور ب 4400 ريال قيمة 4 جوزات
مبلغ عالي على شي بسيط اتوكلت على الله واعتمدت موعد جده وحجزت طيران على جده
وصلت المركز بدري كنت اول شخص
اخذت رقم وعلى الكونتر عطيتهم الاوراق
نص ساعه وعلى التبصيم ..
الاوراق اللي طلبوها :
النموذج قدمته مطبوع . ويقبل يدوي
انا كان مطبوع وبعض الاشياء اضفتها يدوي ..
تعريف راتب
كشف حساب 4 شهور انجليزي
صور للجوزات
صور تاشيرات سابقه
حجز فنادق
تامين طبي لكل طلب
صورتين شخصيه
لاحظوا انه كل طلب تحط نسخه من التعريف والفنادق عشان ماياخذون ريالين على كل صوره مثل ماصار معي ..
وصلتني رسالة الارسال من المركز الى السفاره الساعه 12 ووصلت رساله من القنصليه الساعه 2 ظهرا انها وصلت وتاخذ 15 يوم ..
........
ملاحظات :
السويسريه مواعيد vip متوفره بجده بنفس اليوم
سئلت اللي استلموا الفرنسيه بعضهم ماجاته رسايل وتقريبا الفيزا تاخذ 10 ايام وتصدر ..
سئلت موظف التسليم يقول بعد اسبوع من التقديم شيك على الرقم حق السفاره برقم جوازك تلقاها صادره ..
هذي تجربتي اليوم وعقبال صدور الفيزا باذن الله خلال اسبوع ..

مبروك التقديم اخوي وان شاء الله تصدرلك الفيزا سريعاً
حبيت استفسر منك ايش نموذج الشينغن الي قدمته هل هو نفس النموذج الي بموقع VFS global ؟

ايه نفسه طبعته من الموقع
المترجم

الله يسهلك و تطلع فيزتك سريعه
وشكرا على ذكر تجربتك

باذن الله ..
الفضل لله ثم لجهودكم مع الاعضاء
فلك جزيل الشكر 🌹🌹

العفو ..
ذكر التجربه دين لكل من استفاد من المنتدى
باذن الله
شكرا 🌹

العفو ..
امين الله يسهل
صارت هم هالتاشيرات كل صيف ..

شنغن
 

السفارة الفرنسية من اسهل السفارات في التقديم الفيز