|
مساعدة و أتمنى من الجميع المساعدة في التاشيرة الفرنسية السلام عليكم ورحمة الله وبركاتة اسعد الله مساء او صباح الجميع بصراحة هذا المنتدى استفدت منه الكثير خلال سفراتي خصوصا من تقارير الاعضاء ونصائحهم وهذة المره انا امام اختبار حقيقي ونفسي وحبيت اني اخوض التجربة واني اقوم بعمل التاشيرة بنفسي بدلاً من مصب مكاتب السياحة واخذ مبالغ استطيع توفيرها بصراحة عندي عدة اسئلة انا حجزت على باريس يوم 8 اكتوبر بإذن الله انا وزوجتي وبنتي وطبعت الابلكيشن الخاص بالسفارة الفرنسية .. وان شاء الله انه واضح ومافيه مشاكل ولكن استفساري هو حول الآتي : كشف الحساب .. اللي راح اطبعة ست شهور .. ولكن هل يتطلب ان اخذ نسخة لزوجتي وبنتي عشان ارفقهم مع اوراقهم ؟ وثانيا هل كشف الحساب لابد ان يكون مختوم ؟ لانني اذكر قبل سنتين طلعت فيزة بريطانية .. والبنك رفض يختم لي كشف الحساب يقول اصلاً الكشف معتمد دامة مطبوع على ورق البنك الاصلي ثالثاً .. هل يتطلب وجود مبلغ كبير .. ولا يكفيهم الراتب حقي هذا الاستفسار المتعلق بالبنك وقريت من ضمن الشروط انه لابد من ختم الغرفة التجارية ؟ هل لي علاقة فيها ولا لا .. علماً اني ممارس صحي ولا لي علاقة بالتجارة وتوقعاتكم لو اختار الموعد في 13 سبتمبر هل تنتهي قبل 8 اكتوبر ؟ ولا استسلم لشركات السياحة ولا اوجع راسي :26: انتظر ردكم ومساعدتكم وشكراً جزيلا لكم |
اقتباس:
الله يحييك بيننا يا غالي وننتظر منك تقارير تثري المنتدى وتفيد الاعضاء والزوار |
استفسار شنغن فرنسا أنا قدمت الأسبوع الماضي يوم 2017/8/29 شنغن فرنسا لي أنا وزوجتي الأوراق المطلوبه الي اخذها هي جبت كشف حساب 4 شهور مختوم الصفحة الاولى والاخيرة ونسخه واحده تكفي والمبلغ الي كان فيه 12 الف صافي أخذ صوره شخصيه واحده فقط أنا والمدام رجع لي حجز الفندق قال مايحتاج الابلكيشن طبعا المعتمد الي يجي إنجليزي وعربي وسويته كل نموذج وجه وقفى ماسويت كل نموذج ورقتين وقبله ماقال شي حجز طيران ذهاب وعوده وسويته وهمي طبعا ب 100 ريال أنا والمدام وتأمين طبي وتعريف بالراتب مترجم . اما بخصوص هل لازم يكون فيه مبلغ معين في الحساب الأهم من هذا كله يكون هناك حركة للحساب مستمرة والأفضل الأفضل قد ماتستطيع يكون ع الأقل هناك 10الف مو ضروري ولكن الأفضل في تجارب للأعضاء قدموا كشف حساب وفيه الف ريال وجتهم الفيزا ، عموما الإجراءات سهله جدا وماتاخذ وقت أنا ربع ساعه ونا طالع من المركز واليوم استملت الفيزا عطوني سنه بس المشكلة انها بدأت من تاريخ تقديم الطلب 😩 الله يسهل لك |
نسيت بخصوص كشف الحساب أخذ اخر شهرين ورد لي الباقي |
من وين سويت حجز الطيران |
| الساعة الآن 07:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO