مساعده في رفض فيزا تشنغن لألمانيا من دبي
 

السلام عليكم ... بصراحه المنتدي ده متميز بالخبرات الموجوده و اتمني انكم تفيدوني
انا قدمت علي الفيزا لألمانيا من المركز الموحد في وافي سنتر في دبي يوم 29/09/2017 و بصراحه لم أكن أتوقع تماما ان يكون الرد بالرفض يوم 10/10/2017 لأني شغال في شركة والدي من خمس سنين و راتبي كويس بالأضافه أن والدي شريك في شركه في ألمانيا و أسمي مكتوب في العقد وكيل عنه بس بصراحه لم أستخدم العقد ده و خصوصا ان الغرض من السفر سياحه فخوفت يحصل ألتباس عندهم فمقدمتوش و بصراحه انا مصدوم جدا لأني كنت فاكر الموضوع بالنسبه لي مضمون و فكرة اني أستني 3 شهور عشان أقدر أقدم تاني دي تقيله علي قلبي و و خصوصا اني كنت رتبت كل حاجه ... السبب الرفض البند رقم 8 و كانوا مترجمين كالأتي :
The provided information has caused strong doubts in the true intention of your travel
أفيدوني أفادكم الله ... ما الحل ؟

عليكم السلام ورحمة الله

ممكن تكتب ايش الطلبات الي قدمتها بالتفصيل

عشان تكسب وقت ويقدرون الخبراء يردون عليك

الأوراق كانت:
1- ابلكيشن الزياره و الغرض كان سياحه
2- صورة الجواز المصري و الأقامه الأماراتيه و المهنه مدير مشاريع
3-صورتين شخصيتين
4-رساله من الشركه مكتوب فيها الراتب و تاريخ بداية العمل و تعهد بتحمل المصاريف كامله و العوده في تاريخ محدد.
5- تأمين سفر .
6-كشف حساب من البنك لأاخر 3 شهور.
7-حجز فندف من بوكينج و حجز تذكرة طيران من شركه سفريات مع العلم اني نوهت اني هقعد في ألمانيا و بعد كده هسافر قبرص و أرجع علي ألمانيا مره أخري و كنت حريص ان مدة أقامتي في ألمانيا تكون هي المده الأكبر بما انها البلد اللي هستخرج منها الفيزا .
كنت مقدم المكتوب بالظبط في قايمة الطلبات بتاعت السفاره و البنت رجعتهم و كل الورق كان مظبوط.

نعم العقد موقع و مصدق عند كاتب العدل و الشركه قائمه فعليا و ليها حساب بنكي و رقم ضريبي و مقر و فعلا ليها نشاط .
بس بصراحه بعد بحث اكتشفت اني عملت خطأين :
أولا حطيت مبلغ كبير قبل ما أطبع كشف الحساب انا كنت مدخل المبلغ علي أساس انها راتب و ظهر انه salary في كشف الحساب بس أعتقد ده كان سبب انهم يشكوا .
ثانيا كنت طالب 22 يوم و دي كانت أول سفريه لمنطقة تشنجن و اللي عرفته بعد كده اني كان مفروض مطلبش اكتر من 10 ايام لأول مره
بس الحمدلله الرفض جالي بدون اي أختام علي الجواز

السؤال هنا هل أقدر أقدم تاني بدون أنتظار؟ و هل أقدر أستخدم كشف الحساب بنفس التواريخ من 27/6 الي 27/9 مع رساله من الشركه ان المبلغ الكبير المودع ده بونص عن أداء سنه مثلا ؟ و هل أقدر أرفق صوره من عقد الشركه الألمانيه مع الطلب و أكتب رساله اني ارفقت صورة العقد لأثبات أن لا نيه و حاجه للهروب وعدم العوده ؟ ولا أستني 3 شهور و أمري لله

اه الحمدلله شهريا بينزل الراتب وزي ما قولت لحضرتك أن والدي صاحب الشركه فأقدر اكتب اي حاجه هتدعم موقفي قدامهم ... بس انا حابب استخدم العقد بدون اي دعوه و زي ما قولت لحضرتك هكتب رساله عليه ان غرض ارفاقه هو التأكيد علي عدم حاجتي للهروب و عدم العوده هل اقدر اعمل كده ؟

الشركه الالمانيه موثوقه ١٠٠٪ بس انا مش حابب فكرة الدعوه منهم لأنها اجازه و مش حابب حد يعرف اني هناك و خصوصا شريك الوالد قريبي و انا مش حابب اتقل علي حد

تمام تسلم بارك الله فيك تعبتك معايا
هبلغكم بالجديد باذن الله

معلش استفسار اخير ... هل أكيد أقدر اقدم تاني دون انتظار لان اكتر من حد اكدلي انهم مش هيبصوا في الورق و هيرفضوه مباشرتا و اني لازم عل الاقل استني ٣ شهور ... انا متأكد من خبرة حضرتك و علشان كده حابب اطمن انهم فعلا هيرجعوا ورقي قبل ما يقرروا بالقبول أو الرفض لا قدر الله

رسالة من الشركة مكتوب فيها تعهد بتحمل المصاريف وانت مسافر سياحه!!
هذه علامة استفهام، عادة خطاب الشركات يكون بالراتب دون ادنى مسؤلية من قبل الشركة

كلامك مظبوط انا فعلا مكتبتهاش حتي في الابلكيشن بتاعت السفاره ... بس المره الجايه هثبتها في الابلكيشن بتاع السفاره أن الشركه متحمله مصاريف الرحله بالمشاركة معايا طبعا بجانب الكاش و الكريدت كارد ... و بكده تكون مثبته في الابلكيشن بتاع السفاره و في خطاب الHR

بس فعلا عندك وجهة نظر قويه .... طيب رأيكم ايه الحل ... انا فعلا مثبت في كشف الحساب اني نزلت مبلغ كبير علي هيئة salary .. و ده يثبت أن الشركه هي اللي حطته لان صيغة الsalary مكرره في كشف الحساب كل شهر علي أساس أنها راتب ... دلوقتي لو ربطها في رساله الHR بأن المبلغ ده هو الcover بتاع الشركه للسياحه كبونص عن اعمال سنه هيبقي شكلها افضل ؟... مع العلم اني طبعت الابلكيشن و اثبت فيه أن الشركه متحمله مصاريف الرحله بالمشاركة معايا ... ايه رأيكم؟

نصيحتي لا تعقد الامور، اول شي لازم تحدد الغرض من الرحلة وبعدها تجيب مستندات تدعم الطلب، انا اشوف حاليا انك خالط بين رحلة عمل وسياحه وبين اموالك واموال الشركه.
افضل حل انا اشوفها انك تكتب خطاب ان رحلتك لزيارة الفرع الاوروبي وبنفس الوقت راح تقضي كم يوم سياحه على حسابك وتدعم طلبك بنفس كشف الحساب ونفس الاوراق بالاضافه للخطاب من الشركه الاوروبيه وخطاب منك توضح هالشي وشركة الوالد تكون ملازمه فقط بالمصاريف الخاصه برحله العمل وليس بالايام الزياده اللي راح تقضيها سياحه.

وشوف رائي اخونا الخبير ابو غسان

كلامك في منطق كبير ... بس للاسف انا اللي عملت في نفسي كده ... الله المستعان