|
استفسار عن شنقن المانيا سلام عليكم كيف حالكم ؟ صراحة م ادري كيف اعبر عن استفادتي من هذا الموقع .. الله يعطيكم العافيه صراحة جميعاً المهم انا ناوي ازور المانيا وش الاجراءات المطلوبة ، علماً انا يمني الجنسية ومن مواليد السعودية ولا سبق لي سفرت برا السعودية وهل فيزة شنقن فيها تعقد ع اليمنين ، ومن اخذها ف هذا الشهر يطرح لنا تجربته من اخواننا اليمنين .. ويعطيكم العافيه جميعاً :e32d: |
وعليكم السلام الله يحييك بيننا وضع اليمنيين صعب الان لكن لا يمنع من المحاولة في حال كانت وظيفتك جيدة و دخلك الشهري جيد مع وجود رصيد يغطي كافة مصاريف الرحلة اما الاجراءات مذكوره في كثير من التجارب بالبوابة مع ضرورة قراءة المواضيع المثبتة |
عليكم السلام بالإضافة الى ماذكره أخونا اخر فرصة :58: يعتمد قبول الفيزة على وضعك الإجتماعي (أعزب / متزوج) المتزوج بتكون الموافقة اقرب من الرفض خصوصا اذا سافرت بدون ابنائك مع ارفاق صور الإقامات للزوجه والأبناء مع الطلب ... اضافة للمهنة والراتب والسفرات والختومات السابقة على الجواز كلها بتدعم طلبك للشنغن وإذا اعزب ممكن ترفق إقامات الأب والأم لتثبيت إستقرارك في السعوديه مع إحضار الأصل ( موظف الشنغن الي بيستلم اوراقك ممكن يقلك مافي داعي لها وغير مطلوبه انت حاول تقنعه بإضافتها ) نصيحتي لك ابعد عن التقديم للشنغن من سفارة المانيا :e50e: لأن الرفض بيكون 99% تقريبا للفيز السياحية لليمنين والدول الي فيها نزاعات داخليه :31: الا بدعوه وضمان شخصي او تجاري من هناك الأفضل قدم عن طريق فرنسا او ايطاليا او اسبانيا ....بالترتيب أو اليونان ( ما افضل اليونان مع انه شبه مضمونه الموافقه لليمنيين لضعف الشنغن مقارنة بباقي الدول وطريقة تقديمة عن طريق السفاره بشكل مباشر ) هذي الدول اكثر مرونه وفي الغالب يعطوك 30 يوم إذا اوراقك مكتمله وإبعد عن التقديم في فترات الصيف ( شهر يناير حاليا ممتاز ) للتقديم ومافي ضغط على الطلبات .... ومن فرنسا مثلا ادخل المانيا اذا حبيت ويكون رجوعك للسعوديه عن طريق المانيا وفي التقديم الثاني ان شاء الله ... ممكن تقدم مباشرة عن طريق المانيا وبتكون نسبة القبول اكثر لوجود شنغن اوروبي فرنسي + خروجك من مطار الماني رتب اوراقك وطلباتهم واضحه مثل ماهو موجود هنا من تجربة الاخ ميدو #نصيحه اخيره جهز كل طلبات التقديم بنفسك ولاتروح مكتب ابدا .... لسبب أخر غير التكلفه الماديه ( إنك تكتسب خبره في طريقة التقدم للشنغن وبتفيدك مستقبلا ) وأي استفسار لأي جزء في متطلبات التقديم الجميع إن شاءالله بيفيدوك بحسب تجاربهم واتوكل على الله :74: بالتوفيق ان شاء الله :e306: |
اقتباس:
وسعيد جداً بردك انا طالب لكن ولله الحمد وظيفة والدي جيدة تعريف براتب 8 الاف هل يعتبر جيد ؟ وكشف حساب حدود 80 الف ؟ هل يدعم من منحي الفيزة هل السياحة مسموحه لليمنين |
اقتباس:
شكراً لك اخي ع تجاوبك معي .. انا طالب ، وسوف يتكفل برحلتي والدي هل فرنسا تقبل اليمنين ، حسب م قراءة حامل الجنسية اليمنية لايستطيع دخول اي دولة تعريف براتب يفضل كم وكشف الحساب كذالك يفضل كم وماهي الاشياء التي تدعم موقفي ، لمنحي فيزة شنقن الفرنسية كون الالمانية صعبة .. |
انتبه تقدم على فيزا سياحة وانت على كفالة الوالد لانه رفض مضمون ١٠٠٪ عندك حلين ١- تقدم على فيزا سياحة شنجن من فرنسا اسهل دولة طبعا تقدم انت واهلك مثل ابوك وأمك وانت اقل شي على أساس انكم بتروحوا كلكم سياحة وإذا طلعت الفيزا سافر لوحدك الحل الثاني انك تقدم على فيزا طالب وهذا الأضمن لانه مهنتك طالب على كفالة الوالد هذي بتكون مقنعة للسفارة في حل ثالث بس مكلف شوي انه تنقل كفالتك من الوالد وتعدل المهنة يكون مهنة ادارية عشان تكون نسبة الموافقة عالية وتفتح حساب بنكي وتجيب تعريف بالراتب عالي وتضبط امورك وتقدم فيزا سباحة لوحدك |
اقتباس:
الوالد كبير بالسن مرهه طيب ينفع انا واخوي او انا والوالدة .. وهل السفارة الفرنسية زي الامريكية فيها مقابلة واسئلة ؟ |
ينفع انت وأخوك اذا كان اخوك موظف في شركة او مؤسسة عشان يجيب خطاب بتحمل المصاريف اثناء الرحلة اهم شي ما يكون إنتوا الاثنين على كفالة والدكم ومهنتكم طالب لازم اخوك يكون موظف ولا قدم على فيزا طالب هذا الحل لا فرنسا ما فيها مقابلة كل دول أوروبا بدون مقابلة حتى كندا ما عدا امريكا فقط |
اقتباس:
طيب وش شروط فيزة شنقن لدراسة وش المتطلبات |
اقتباس:
|
| الساعة الآن 02:44 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO