|
تجربتي بأستخراج الفيزا الامريكية السياحية في الرياض🇺🇸 بسم لله الرحمن الرحيم يوم الاحد تاريخ 2018/3/18 الساعة 7:30 صباحاً قدمت على الفيزا السياحية الامريكية في الرياض:e50c: و يوم الاثنين تاريخ 3/19 تحدثت حالة الفيزا بالموقع الالكتروني و كتبوا أنها أصدرت .. و يوم الثلاثاء تاريخ 3/20 الساعة 11:01 صباحاً أستلمت بجوالي رسالة أرامكس لاستلام الجواز منهم .. رقمي 6 جاء دوري و رحت لشباك المقابلة قالي القنصل كيف الويك إند معك فقلت جوود .. القنصل سألني : أيش وظيفتك ؟ مين بيدفع رحلتك ؟ هل زرت أميركا من قبل ؟ وين بتروح في أميركا ؟ بعدها ضغط بالكمبيوتر تقريباً لدقيقة و كان سريع جداً بالضغط على الكيبورد و بدون ما يناظر فيه ماشاءالله عليه و قالي فيزتك مقبولة و أنتظر أرامكس و قلت له متى بتنتهي قال لي أنتظر أرامكس .. * القنصل مباشرة كلمني بالانقلش و كانت مقابلتي كلها بالانقلش لكن بأمكانك تقوله يحكي عربي معك * بالمقابلة جبت كل طلباتهم لكن ماشاءلله القنصل ما طلبني شيء الا الجواز فقط الحمدلله * جلست داخل السفارة تقريبا ً 50 ـ 53 دقيقة ما كان فيه زحمة ، العدد كان معقول * ما حملت صورتي الشخصية بالموقع ٬ لذلك بأول شباك الموظف قالي أي نيد ون فوتو و بصمت عنده كل الاصابع العشرة و بعدها رحنا لشباك ثاني بالخلف بعد أماكن المقابلات و حسب ما أذكر بصمت اليد اليسرى بدون الابهام و أخيراً الشباك الثالث المقابلة الشخصية مع القنصل ٬ و غير متأكد لكني أظن بصمت عنده اليد اليمين بدون الابهام * فيه موظف عربي ينادي كل رقمين مع بعض للمقابلة ٬ مثلاً رقم 6 و 7 و هكذا و يخليهم يصفون بطابور أستعداداً للمقابلة و يحدد لك تروح لاي كاونتر من كاونترات المقابلات الشخصية .. و أنا واقف بالطابور سألني قالي سياحية قلت أيه فقال طلع جوازك ٬ قصده أكون مستعد * حجزت موعد الساعة 7:30 لكن لما أخذت رقمي بالانتظار كان مكتوب عليه الساعة 7:17 صباحاً * بالخارج عند بوابة السفارة فيه عدة مسارات و كل مسار مكتوب عليه الموعد الخاص به .. و أنا موعدي 7:30 له مسار لوحده للي حاجزين بهذا الوقت و هكذا .. يعني تصف بالمسار حسب المحدد لموعدك و تجربتي هذي أفضل بكثيييييير و عكس تماماً تجربتي الاولى تاريخ 5 أكتوبر 2010 و ما فيه مقارنة بينهم .. كنت وقتها أول مرة في حياتي أقدم على الفيزا الامريكية و القنصل طلبني كشف حساب و تعريف الدراسة و قالي فيزتك بتاخذ شهر و بعدها بفترة أرسلوا إيميل عشان أزور السفارة أخذ منهم ورقة و أقدمها للادلة الجنائية و هذا ما حصل .. رحت للادلة الجنائية بصموني و أنتظرت أيام أو أسبوع ناسي بالضبط و سلمت السفارة الصحيفة الجنائية .. رغم أني الحمدلله أنسان بحالي و ما عندي مشاكل و سوابق لكن ما أعرف بالضبط ليش طلبوني هذا الطلب .. و كانت تجربتي بعام 2010 سيئة جداً ، عكس تجربتي بعام 2018 :64: و أي سؤال حاضر :14: |
ماشاء الله بهالسهولة ! وكيف كانت المواعيد متوفرة أو عليها زحمة؟ |
ما شاءالله علي البركه مره مستاهلين فقط الأبلكيشن عبيته شي طيب صراحه |
الحمدلله ان امورك تسهلت و مبروك انا اول مرة اقدم ب ٢٠١٢ انا و الوالدة استلمناها بعد يومين اما والدي فجلست شهر وماعرفنا السبب |
مبروك يا غالي ما شاء الله الاجراءات تمت بسرعة فائقة وجميل أن القنصل كان متعاون جداً كم المدة اللي أعطوك ؟ تسلم يا عسل على طرح تجربتك |
اقتباس:
الحمدلله تمت الاجراءات بسلاسة و سهولة .. نعم المواعيد متوفرة و أحجزي قبل تكون فل:24: اقتباس:
الحمدلله تمت بسهولة و السهولة تكمن بالقنصل اللي قابلته:24: اقتباس:
حلو استلمتوها بيومين ماشاءلله .. هذا العيب و السلبية اللي اشوفها بالسفارة الامريكية أنو البعض يدخل الاجراءات الادارية و ينتظر بالشهور سواءً فيزا دراسية أو سياحية للاسف ،، اقتباس:
الله يبارك فيك و عقبالك .. الحمدلله تمت الاجراءات بسلاسة .. مدة الفيزا 5 سنوات الحمدلله و هذي مدة ثابتة للسعوديين ،، |
للعلم الاخوة في الامارات و قطر يعطونهم ١٠ سنين مادري اذا الكويت نفس الشي |
^ و المغرب عشر سنوات .. أنا ودي بعشر سنوات:31: |
الف مبروووووووك |
الف مبروك عليك بالفعل الفيزا الامريكية من اسهل الفيز التي يتم استخراجها اذا اتبعت التالي : - متطلبات الفيزا - والتشييك على المواعيد اول بأول عشان تلاقي موعد قريب لا تنسانا بالتقرير |
ما شاء الله تبارك الله عقبالي انا واسرتي والله كلما اقرا مواضيع الرفض يجيني تخوف بس ربي يسهل ان شاء الله |
الاخت مسافرة عبر الزمن توكلي على الله وربي بيسهلك ان شاء الله وان لاقدر الله تم الرفض مهو اخر الزمن قدمي ثاني وثالث ورابع وبعض التجارب من المره الرابعه تمت الموافقه في النهاية لا تيأسي مهي اخر الزمن امريكا والله يسهلك امورك وتكتبي لنا تجربتك بعد الموافقه ان شاء الله وبالتوفيق للجميع |
اقتباس:
وحنا عرسان نبي نسافر علقونا 😭 |
شكرًا |
| الساعة الآن 03:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO