|
ليه يالفرنسيه السلام عليكم ورحمة الله سبق ونزلت استفسار من فتره عن السفر لفرنسا وبعد الترتيب والحمد لله نتفآجا بشروط السفاره صور للنساء كاشفه الرأس وبعد اخذ وعطاء قالوا سريه ووو اشتراطهم حجز من بوكينج حتى لو كنت حاجز من مكتب او غيره ماتقبل اوراقك الا من بوكينج قلنا معليش حجز وهمي لكن مو قلتوا الفيزا اربع سنوات يعني بجيب حجز لبعد كذا سنه والا ايه قالوا للسفره الاولى ضروري وننتظر خروج الجوازات وبعدين طلعت لهم فنتقه جديده لما تأخرت سألنا ليه قالوا ان معكم طفل ومانعطيه فيزا :yolks00420: ليه لان شعره نازل شوي على الجبهه لا لا الظاهر اننا بنقدم هجره والاجنسيه عصب ابوي وسحب الجوازات وطارت الرحله وحسبي الله ونعم الوكيل والحمد لله اولا واخيرا ً نسيت اقول كانوا شارطين كل شخص جواز مستقل البيبي مايكون مع امه وياليتهم عطوه بسم الله عليه فيزا الله يعوض علينا |
رد: ليه يالفرنسيه وعليكم السلام كاشفات الوجه او الرأس ؟! غريب الامر و اول مره نسمع هالاشتراطات لعلها خيره ينقل للقسم المختص |
رد: ليه يالفرنسيه أختي بإذن الله حصل خير وربي يعوضكم بما هو أفضل بحوله وقوته انتظري ابوك يهدأ شوي وتفاهموا معه ترا مشكلتكم بسيطه تنعاد الصورة والحمد لله وايضا بالإمكان تعديل الخطة شوي وتطلعون الفيزا من بلد ثاني مو شرط فرنسا انا جربت سويسرا والنمسا ماواجهت معاهم ابدا مشاكل ولا تشرطوا روقوا وبإذن الله كل شيء يتعوض ولعل في الأمر خير |
رد: ليه يالفرنسيه اقتباس:
مقهورين منهم والحمد لله عموماً ماقصرتي يافاندا اشكرك والله كريم |
رد: ليه يالفرنسيه اقتباس:
|
رد: ليه يالفرنسيه خيره ان شاء الله هم يقصدون يمكن منابت الشعر تكون باينة .. لكن الوحده تطلع شعرها بالصورة مستحيل ولا يقدرون يطلبون للأسف فيه جهل بموظفين المكتب الموحد والدليل موظف يقولك هذي غلط السفارة ما تقبلها .. وتتفاجأ واحد مثل أوراقك لكن عند موظف ثانية وقبلها على كل حال .. مثل ما قال اخوي .. الوالد بس يروق رتبوا أوراقكم باقي وقت كافي على الاجازة .. واستديو التصوير بالعادة يعرفون طلبات أوروبا أي استفسار حنا هنا بخدمتكم .. موفقين |
رد: ليه يالفرنسيه المفروض ان الموظف اللي استلم الاوراق ينبهكم على موضوع الصور وانها غير مقبولة بهذا الشكل .. وترجع تتصور في نفس المركز ولكن سؤال / من قدم لكم الاوراق ... انتم بأنفسكم او مكتب خاص وعلى فكره يقبلون اي حجز .. انا اخر تأشيرة لي من الفرنسية قدمت لهم حجز من موقع airbnb ربي يوفقكم ويكتب لكم الخير حيث كان |
رد: ليه يالفرنسيه مرحبا اختي ايام وليالي فعلا الامر يثير الاستغراب ماعمري سمعت انهم يكشفون الراس نعم الوجه والاذنين ضروري لكن الشعر شي غريب الله يكون بعونكم وان شاء الله خيره لكم يارب |
رد: ليه يالفرنسيه إذا مقدمين بأنفسكم ياليت تراسلون القنصليه بخصوص الأمر وإن شاء الله خيره |
رد: ليه يالفرنسيه .. ان شاءالله خيره اختي .. اتذكر يوم طلعت الفيزا صار معي كذا .. رحت اتصور وتقول لي صاحبة الاستديو اذا فيزتك شنغن ترا لازم تكوني مكشوفة الرأس وقبلها كنا مكلمين مكتب وقال * محجبه بس منابت الشعر واضحه * المهم تصورت مثل ما قال المكتب وطلعت وقلت ل زوجي كلام المصوره طبعا وقتها حلف ان كان كلامها صحيح نلغي السفره كامله :shutup: بس يوم رحنا للسفاره ومقدمينها من مكتب ماقالوا شيء عن صورتي .. وصوروني كمان عندهم بالسفاره متحجبه وطالعه منابت الشعر فقط* العبره من هذرتي ان تأكدوا وأرجعوا للوالد وهدوأ فيه ووضحوا له ان فيه لبس بالموضوع ولا انكم تلغون كل شيء :( ووحتى لو طلبوا جواز خاص للطفل ترا كل شيء صار بالنت ما غير يروح الوالد يستلمه . الله يسهل لكم امؤركم يارب |
| الساعة الآن 01:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO