|
تجديد فيزا شنغن من سفارة غير السفارة الاولى ممكن ؟ وجواز ينتهي بعد السفر بثلاث شهور ! السلام عليكم ورحمة الله وبركاته كيف حالكم جميعا ؟ في البداية ما كان ودي ان اول مشاركة لي في هالبيت الجديد تكون استفسار وكان ودي افيد الناس بتجربه قبل ,, لكن الظروف ما سمحت :(148): لي تجربة مع الالمانية السنة اللي راحت بس ما بغيت ارجع اطرحها كان ودي اتكلم عن تجربتي الجايه هالاسبوع لكن اضطرينا نسال قبل التقديم السنة اللي راحت جتني فيزا المانيه 3 شهور وولد خالتي عطوه سنه اتوقع بسبب ان ابوه كان عنده فيزا شنغن وفزعت له , لكن الله يهديه شاف الاستكر 90 يوم حقت مدة البقاء ماشاف التاريخ وقال انها ثلاث شهور مثلي يوم جينا امس نعبي الاوراق جا يعبي سؤال فيزا سابقه وتواريخها انتبه وقال فيزتي بتتعارض مع السفره ( بدري يالحبيب :(49): ) والحين باذن الله لنا سفره تبدأ من 6/8/2015 وتنتهي 22/8/2015 الفيزا اللي عنده بتنتهي في 9/8/2015 سؤالي هو حنا حجزنا موعدنا عالفرنسية يوم الاثنين باذن الله هل يقدر يقدم على الفرنسية مع انه بداية السفره بيكون فيه فيزا سارية المفعول من سفارة ثانيه ؟ او يحتاج انه يرجع يقدم على الالمانيه ؟ السؤال الثاني بعد انتبهت انه الله يهديه جوازه بينتهي نهاية السنة تقريبا اذا ماخاب ظني يوم 17/12/2015 من ناحية بعد خروجنا من بلد الشنغن بيكون اكثر من ثلاث شهور ان شاء الله تمشي امور الفيزا ولا ؟ لكن قريت اذا ما خاب ظني اخونا الغالي آخر فرصه في رد له على استفسار لاحد الاخوان انه ما يقدر يسافر اذا باقي اقل من ست شهور في جوازه حسب نظام الجوازات عندنا في السعودية فهل يقدم ولد خالتي واذا خذ الفيزا ودخل جوازه مرحلة الست شهور يروح يجدده ووقت السفره ياخذ الجديد مع القديم اللي فيه الفيزا سارية المفعول ؟ والا لازم يجدد جوازه قبل حتى يقدم على الفيزا ؟ مع ان جوازه ما راح يدخل مرحلة الست شهور عشان التجديد الا بعد شهر واسبوعين من اليوم تقريبا ؟ ويعطيكم العافية وادري موضوعي طويل عشان استفسارين بسيطه لكن من النوع اللي اذا كتبت امسك خط الله يهديني ما اعرف اوقف :(148): |
رد: تجديد فيزا شنغن من سفارة غير السفارة الاولى ممكن ؟ وجواز ينتهي بعد السفر بثلاث شه و عليكم السلام منور عزيزي 1- تقديمه على الفرنسية يلغي الفيزا الالمانية لانه راح يكون واضح بالنموذج تاريخ الوصول و المغادرة 2- الأفضل أن يجدد جوازه ليحصل على 4 سنوات غالباً هذي الايام كما انه يستطيع حمل الجوازين في حال احتاج لذلك بشرط أن لا يتم تخريم صفحة فيزا الشنغن خذ راحتك مابين الاحباب حساب |
رد: تجديد فيزا شنغن من سفارة غير السفارة الاولى ممكن ؟ وجواز ينتهي بعد السفر بثلاث شه اقتباس:
يعطيك العافيه يا غالي ,, وكنت اكثر شيء محتاج اعرفه نقطة الغاء الفيزا السابقة وبعد ماشفت صراحة تجارب الشباب هنا والمدة الطويلة اللي يعطونهم سويت اعادة جدولة لموعد ولد خالتي بلحاله الى الثلاثاء بعد الجاي وقلت له دامك مجدد الجواز مجدده رح جدده ثم تعال قدم يمكن يعطونك اربع سنوات ازين لك عاد ان شاء الله موعدي انا واثنين من الشباب يوم الاثنين هذا وراح انقل لكم التجربة باذن الله ووش يصير |
رد: تجديد فيزا شنغن من سفارة غير السفارة الاولى ممكن ؟ وجواز ينتهي بعد السفر بثلاث شه غلطان اللي يطلع فيزا الحين وجوازه شوي وينتهي .. لا تحرم نفسك من فيزا 4 سنوات بسبب جوازك ! موفق |
| الساعة الآن 04:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO