|
استفسار عن تأشيرة السفارة النمساويه وصلاحية تأشيرة ألمانيه قبل الانتهاء السلام عليكم عندي سفرة للاهل بخصوص دورة خارجيه وماعندهم تأشيره من قبل وانا عندي تأشيره ألمانيه سبق استخدامها وتنتهي بتاريخ 18-9-2015 الموافق 5 -12-1436 والسفره راح تكون بتاريخ 22 -10-1436 لمدة 19 يوم والعودة بتاريخ 11- 11-1436 سؤالي الاول: 1-هل تأشيرتي اقدر اسافر فيها ولا لازم اجددها مع العلم انه بعد رجعتي يكون باقي فيها تقريبا 3 أسابيع !!! سؤالي الثاني : بخصوص الاهل هل اطلع لهم تاشيرة عمل او سياحة وهل اذا كانت التأشيرات من سفارات مختلفه ياثر ولا عادي يعني انا تأشيرتي من ألمانيه وهم نمساويه بحكم اني بطلع لهم جديده هذا في حالة ان تأشيرتي الالمانيه تُقبل واقدر استخدمها!! بإنتظار فزعتكم وشوركم عشان اقدر ارتب اموري واتصرف من بدري مع انه موسم اجازات لكن ان شاء الله تتيسر |
رد: استفسار عن تأشيرة السفارة النمساويه وصلاحية تأشيرة ألمانيه قبل الانتهاء و عليكم السلام الله يحييك بيننا ابو راكان 1- نعم تقدر تستخدمها لآخر يوم فيها ما عندك مشكلة 2- بما انها دورة تستخرج تاشيرة عمل و ما يفرق اذا كانت من سفارات مختلفة طبعا اذا جيتوا مسافرين لازم يكون معك انت برنت حجز فندق و نسخة من تأمين السفر لأنه قد يسألك الموظف عنها لأنه سبق لك استخدام التأشيرة ملاحظة : الرجاء وضع الاستفسار بمكانه الصحيح |
رد: استفسار عن تأشيرة السفارة النمساويه وصلاحية تأشيرة ألمانيه قبل الانتهاء الله يريحك ويطمنك دنيا وآخره اخوي كنت شايل هم التجديد والله بالنسبه للحجوزات ماعندي مشكله لان جهة العمل متكفله بكل شي من الطيران للفنادق وراح اخذ معي نسخه منها والتامين انا عندي تامين من العمل وهي بأمن لها تامين يغطي فترة السفره سؤالي اخير لا هنت طال عمرك تحملني الحين بما ان عندي تاشيره انا راح احجز لها موعد لحالها على السفاره النمساويه بمركز التاشيرات الموحد او اذا مالقيت حجز بندبر خطاب تسهيل مهمه ونروح وان شاء الله تتيسر لكن سؤالي هو ينفع اروح معها للمركز وقت استخراج التأشيره واكون انا المرافق بالسفر وبياخذون جوزاي لان فيه تاشيره المانيه ولا مالهم دخل مجرد يشيك على جوزاي ان فيه تاشيره ويرجعه لي !! او كيف حيكون الاجراء بالضبط عشان اكون مستعد ومجهز كل شي يبونه طبعا بوفر طلباتهم واعتقد يحتاجون خطاب تكفل بالمصاريف .. الف شكر لك وجزاك الله خير على ماتقدمونه انت وباقي الاخوان بالمنتدى لللجميع |
رد: استفسار عن تأشيرة السفارة النمساويه وصلاحية تأشيرة ألمانيه قبل الانتهاء تحجز لها موعد لوحدها و تروح معاها لا مشكلة تعمل لها خطاب تكفل بالمصاريف ( موجود بالمنتدى ) ترفق معاه صورة بطاقة ائتمان أو كشف حساب و صورة صفحة البيانات بجوازك مع صورة تاشيرة الشنغن |
رد: استفسار عن تأشيرة السفارة النمساويه وصلاحية تأشيرة ألمانيه قبل الانتهاء الف الف الف شكر لك اخوي ماقصرت الله يجزاك كل خير |
رد: استفسار عن تأشيرة السفارة النمساويه وصلاحية تأشيرة ألمانيه قبل الانتهاء ما قصر أبو غسان رحلة سعيده موفقه |
| الساعة الآن 01:29 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO