|
تجربتي على تقديم الفيزا الاسبانية 19 شوال .. فلم رعب من الصباح .. السلام عليكم مساء الخير اليوم كان موعدي 10.15 ماخذه من قبل رمضان كنت مرتب اوراقي قبل أمس ومنتهي منها وفقط باقي علي ورقة ترجمه سويتها أمس بعد إكتشاف خطأ مكتب الترجمه برقم الجواز !! وراجعت أوراقي أمس كلها لحد صلاة الفجر جلست لحد 6.30 صباحا قلت بروح لهم 8.30 يمكن يدخلوني اذا مافيه زحمه لكن غلبني التعب ونمت :(88): فلم الرعب بدأ من الساعه 9.15 الصباح قمت على صوت السنترال مفجوع شخص يتكلم الساعه 9.15 يالله عجل تأخرنا على المكتب :thumbdown: قومه سريعه وتجهيز وانطلاقه وتحديدا 9.35 مشيت وصلتهم بالضبط 10.15 :201: كانت السرعه غالبه ولكن الحمد لله ربي سلم جيت الا مواقف السيارات تنبه عن كثافه مؤكده دخلنا الا المركز شبه ممتلئ وللعلم هذا يعتبر اول يوم مواعيد مفتوح للإسبانية بعد رمضان كمواعيد متاحة في تاريخ حجزي للموعد كان رقمي 6520 والموجود 6510 كويس ماجلست الا 40 دقيقه تقريبا ثم وصل دوري كان الموظف هندي للأمانه ماارتحت له من يوم شفته ينادي بالمواعيد احيان للإسبانية قلت بنفسي عسى نطيح بغيره من الموظفين وهو ماحصل http://www.arabtrvl.com/vb/images/Smilies/%28127%29.gif وصل رقمي وجيته الا قالي تعال وياخذني من الصالة اللي بأول المركز بالدور الأول وراح لجهة القسم اللي كله موظفات سعوديات وجلسني عند كونتر الاسبانيه وقالي انتظر ماكان فيه الموظفة ماجلست اكثر من 3 دقايق الا هي جايه على طول طلبت الأجوديه النماذج وبدت بكل شخص أول شي طلبت النماذج مع خطاب التعهد طلبت جوازي وصورة الجواز وقمت وقعت على جوازي بالصفحة الثالثة ماكنت موقع من قبل طلبت صورتين شخصية طلبت تعريف بالراتب من العمل وكشف الحساب ولكوني غير موظف رسمي عطيتها خطاب تعريف براتب الضامن وهو أخوي ثم كشف حسابه البنكي وصورة جوازه بعدها قلت لها معي خطاب تكفل بالمصاريف لي من أخوي مترجم ومعتمد من عمله بختم قالت هاته هي ماجابت طاريه ! كانت انتقلت للطلبات الثانية دافع عليه 70 ريال للترجمة ماتاخذينه ليش http://www.arabtrvl.com/vb/images/Smilies/%2847%29.gif وطلبت الطلب المهم ملاحظته لمن وضعه شبيه بوضعي اذا فيه أحد متكفل وضامنك طلبت صورة بطاقة العمل للضامن والمتكفل فيك مترجمة باللغة الإنجليزية !!! قلت مامعي مايكفي صورة الجواز وخطاب تعريف بالراتب موضح فيه انه يعمل بالجهه الفلانية قالت لا لازم دقيت على أخوي وارسلي صورة على الواتس اب وقالت لي الموظفة بعد ماتخلصون معي تروح تترجم البطاقة وترجع لي قلت اوكي طلبت بعدها التأمين ثم طلبت حجوزات الطيران من الرياض - مدريد / برشلونة - باريس / باريس - الرياض حسب مالاحظت طلبت حجز برشلونة - باريس بعد ماعطيتها الأوراق وكنت ماأرفقتها بالأول فننتبه عند الإنتقال من دولة لدولة اعتقد ضروري ترفق حجزك ثم طلبت حجوزات الفنادق وكنت مرفق بالنماذج حجوزات 4 فنادق طوال إقامتي بأسبانيا فقط باريس اللي ماأرفقته ماسألتني عنه وبكذا خلصت تقديم اوراقي انتقلنا للأشخاص اللي معي ولد أختي وأختي نفس الإجراءات ماعدى ولد أختي قدمنا له ورقة عدم ممانعة سفر ( موافقة الوالدين لمن تحت 18 سنة ) موقعه من والديه وهي بعد ماجابت طاريه أنا اللي قلت لها عنه قالت هاته ! طلبت مبلغ 990 ريال لعدد 3 أشخاص وسددنا كاش وانتهينا من عندها بالضبط الساعه 11.40 قالت خلاص انتظروا عشان التبصيم بالغرفه الصغيره وبرضه للتصوير كلها مكان واحد عند شخص هندي جلسنا يمكن 10 دقائق أو ربع ساعه بالكثير الا دخلنا عنده وخلصنا رحت بعدها ابي اترجم الا سكروا أذن الظهر :(60): أنا تعبان يالربع :(46): انتظرنا لبعد الصلاة وسألت موظف الأمن تحت عن مركز الترجمة قالي لاتروح للمركز الملاصق بالمكتب الموحد تراه غالي والكثير يذمونه رح للمحلات اللي مقابله لجهة مطعم كودو رحت لواحد اسمه فيفا مدري الفيفا وانتظرت عنده يمكن 20 دقيقه حتى خلص اللي عنده بسعر 50 ريال راجعت معاه الاسم حسب الجواز وهذا مهم يكون مطابق للجواز الاسم طلع ناقص حرف عدلنا وطبعه لي رحنا لبنت الأجواد وعطيناها الترجمة لبطاقة العمل وقالت خلال 5 أيام عمل رسمية تنتهي الفيزا ان شاء الله وقالت هالكلمة بالنص تشرفنا فيكم :(125): الموظفة محترمة جدا وردودها علينا كانت جدا مؤدبة طلبت من اختي انها تروح تجلس بصالة الإنتظار وشرب القهوه :(125): فعلا سحرتنا بأخلاقها الكريمة الله يوفقها ويحفظها طلعنا من عندهم الساعه تقريبا 12.45 أو 1 ناسي صراحة التأخير كان بسبب ترجمة بطاقة العمل فقط وتصادف وقتها مع صلاة الظهر ماجلسنا لعدد 3 أشخاص أكثر من ساعتين الا ربع من بداية دخولنا الساعه 10.15 حتى 10.50 إنتظار بالصالة ثم بعدها تقديم فعلي على الكونتر حتى الساعه 12.00 يعني إجراءات ماجلست اكثر من ساعه وعشر دقائق يبدو لي الاسبانيه ماعليها ضغط كبير كان واضح الفرنسية والالمانية هي الاكثر ضغط العصر الساعه 4 تقريبا ارسلوا لي 3 رسائل متتابعه برقم التقديم للثلاث أشخاص وانها قدمت الاوراق للسفارة الإسبانية وراح اتابع معاكم أي جديد بحول الله نصيحة بسيطه: لترتيب أمورك حاول تشتري شنطة أوراق مغلقة مثل اللي منزلها أنا أو تحط أوراق كل شخص بملف شفاف خفيف وتلزق ورقه صغيره فيه بإسم صاحب الطلب وفيه جوازه وصوره وكل اوراقه المطلوبه مجرد الموظفه أو الموظف يطلب منك الاوراق تفتح ملف الشخص وتسلم الورق وحده وحده لاتجمع كل اوراقك بملف واحد كذا تلخبط نفسك وتتداخل الاوراق مع بعض شخصيا كان معي هالمزيونة مغلقة لعدم سقوط او فقدان الجواز او الصور وانت ماتدري وفيها عدة مستويات لعزل الاوراق تباع في المكتبات شريتها بـ 30 ريال تصنيع شركة الهوشان تشيل ممكن ملفات 7 أشخاص http://www.arabtrvl.com/up/uploads/a...8723391691.png كلمة حق تقال والفضل لله ثم لأخونا آخر فرصة بذل مجهود كبير بمواضيعه التفصيليه وتجاوبه معي بمواضيعي وخلاني اعتمد على نفسي بدل الذهاب للمكاتب للتقديم كان خير ناصح على العام والخاص فله كل الشكر والله يجزاه خير ويجعلها بميزان حسناته كنت شايل هم التقديم ويوم رحت لهم وجدت الأمر بسيط ومرتب ولله الحمد |
رد: تجربتي على تقديم الفيزا الاسبانية 19 شوال .. فلم رعب من الصباح .. تسلم أخونا تميم على ذكرك التجربه الرائعه والمفيده والأخ آخر فرصه ما يقصر كثر الله من أمثاله نفسي أعرف ليه موظفين المكاتب الموحده ما ينضمون معنا في المنتدى أكيد بيكونون مفيدين هههههه مشكور تميم وأتمنى بإذن الله تأتيك التأشيره سريعا وبمده طويله وتروح رحلتك وترجع بكل سلامه |
رد: تجربتي على تقديم الفيزا الاسبانية 19 شوال .. فلم رعب من الصباح .. و عليكم السلام ما شاء الله 1000 مبروك يا تميم الامور مشت سهالة و التقديم مثل ما شفت سهل جداً طلب بطاقة العمل غير منطقي فـ تعريف العمل يغني عنها خطاب التكفل بالمصاريف و خطاب عدم الممانعة مهمين و مع ذلك ما طلبتهم لذا التأكد من اكتمال الطلبات مهم جداً من قبل المتقدم بالتوفيق يا غالي ما قمنا الا بالواجب شكراً لعرض تجربتك فالكل راح يستفيد منها |
رد: تجربتي على تقديم الفيزا الاسبانية 19 شوال .. فلم رعب من الصباح .. اقتباس:
ياهلا فيك أستاذي دائما ماتشرفني بمواضيعي كلكم فيكم الخير الله يعافيكم مده طويله لاأعتقد حسب كلامها تقول غالبا سنه اقتباس:
الله يبارك في أيامك أبو غسان انت راعي الاوله صحيح تعريف العمل فيه اثبات بجهة عمله بس الحمد لله مشت الامور بعد طلبها بالواتس التأكد من الاوراق مهم صحيح ولابد من معاونة أحد الأشخاص لك شخصيا قاعد افرز الاوراق وولد أختي يقرأ جدولك للتأكد :(37): العفو ياغالي وهذا السبب اللي خلاني انزل الموضوع الاستفادة من التجربة للآخرين خصوصا اللي يستصعب التقديم بنفسه ويسلمها للمكاتب بيض الله وجهك |
رد: تجربتي على تقديم الفيزا الاسبانية 19 شوال .. فلم رعب من الصباح .. عالبركه اخوي عندي سؤال انت تقول قدمت أوراق لثلاث أشخاص في موقع السفارة مايقدر تحجز الا لشخص واحد عادي تحجز لشخص واحد وتقدم أوراق اكثر من شخص لانه انا واخوي مسافرين مع بعض ومالقيت موعد في نفس اليوم نروح مع بعض عادي يمشونا وهو يقدم اوراقي وأوراقه ؟ |
رد: تجربتي على تقديم الفيزا الاسبانية 19 شوال .. فلم رعب من الصباح .. الف مبروك كويس ماراحت عليك نومه بعد هالانتظار كله :(47): وعقبال ما تأخذها في اسرع وقت |
رد: تجربتي على تقديم الفيزا الاسبانية 19 شوال .. فلم رعب من الصباح .. اقتباس:
الله يبارك بعمرك كلامك صحيح يوم جيت احجز كل شخص لوحده ثم أطبع الموعد ثم اعبي بيانات الشخص الآخر واخترت كلنا يوم واحد وكانت متاحة المواعيد الصدفه كانت الوقت لأنه مااعطاني خيارات بالوقت جت كلها بوقت واحد اذا موعدكم بنفس اليوم والوقت تقدرون تقدمون سوا مختلفه مواعيدكم اسأل فيها الخبراء وان كنت اظن لا ماتقدر تدخل مع اخوك فيه حل ممكن اذا مضطر تروح ويدخلونك VIP عشان تخلص بنفس اليوم انت وأخوك وهذا السعر بس الأهم تروح مبكر http://www.arabtrvl.com/vb/picture.p...ictureid=35595 موفق يارب اقتباس:
الله يبارك في عمرك كان اجلد اللي معي انا اللي اتعب وهم يفخون :(37): يارب شرفتي الموضوع |
رد: تجربتي على تقديم الفيزا الاسبانية 19 شوال .. فلم رعب من الصباح .. الف مبروك .. عندي استفسار حجز الموعد فقط لشخص واحد وانا وزوجي نبغى ناخذ موعد نقدم ع حجز الموعد ب شخص فقط ولا لازم كل شخص ع حده وشكراً |
رد: تجربتي على تقديم الفيزا الاسبانية 19 شوال .. فلم رعب من الصباح .. وعليكم السلام ومساء النور شكرا لذكر تجربتك وابوغسان مو مقصر |
رد: تجربتي على تقديم الفيزا الاسبانية 19 شوال .. فلم رعب من الصباح .. السلام عليكم اخوي ، عندي اربع استفسارات 1- انت تقول جاتك ثلاث رسائل على جوالك ، يعني انت كتبت في نموذجك انت ونماذج أقاربك نفس رقم الجوال ، هل هذا عادي انك تكتب كل النماذج رقم واحد ولا فيه إشكال ؟ 2 - الغير موظف إِيش يكتب في النموذج قدام سؤال اسم الوظيفه وعنوان صاحب العمل ، يتركها فاضيه ولا يكتب شئ معين ؟ 3 - بطاقة العمل شفتهم طلبوها من غيرك ولا بس انت ، لانه انت اول واحد يتكلم عن هذا الطلب ، ما اعرف هو نظام جديد عندهم ولا إجتهاد من الموظفة اللي أخذت أوراقك 4 - التعهد كيف اعبيه ؟ ، احط صح تحت كلمة yes في كل خانه وأوقع تحت وبس ، كذا ؟ وشكرا ورحله سعيده |
| الساعة الآن 02:36 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO