صباح الخيرات

المشاركة الأصلية كتبت بواسطة طارق عنايات (المشاركة 165739) طهور ان شاء الله ننتظر الجزء الجديد

المشاركة الأصلية كتبت بواسطة fanda (المشاركة 165918) خذي راحتج

الله يسلمج حبيبتي


ما أدري شو هاي الحاله اللي يتني تقريبا 3 أيام انا جيه


الحين افضل الحمدالله

المشاركة الأصلية كتبت بواسطة شخص ثآني (المشاركة 166092) طهور أن شاءالله. .. ماشاء الله تبارك الله تخطيط ترتيب تنظيم حتى في سرت معلومات التقرير. .. بصراحه فئه نادرة من تملك هذا الأسلوب وهذا دليل على أشياء كثيره ثقافه أناقة أدب. ..الخ الله لايحرمكي الأجر على هذي المعلومات والنظره السياحيه الذي لايملكها الكثير. .. اختيارك للمدن النرويجيه جميل جدا ماشاء الله نتعلم الكثير من هداوه احسنتي الاختيار. .. على احر من الجمر انتظر بقية وكمال روعة التقرير. ..

الجزء السادس

النرويج
:ger:

تم تجميع المعلومات من الاخ Ra7la من الانستا


جزاه الله الف خير

النرويج بلد الطبيعه والجمال والامن والامان

هي بلد الشلالات والانهار والبحيرات

بلد معروفه بجمال طبيعتها مثلا

مساحتها من الجنوب الى الشمال تتعدى 2000 كيلومتر

والمدن الكبيره فيها قليله واغلبها قرى ريفيه وسط الجبال

واشهر المدن فيها

اوسلو وبيرجن

تكثر فيها الشلالات والبحيرات والجبال والانهارات والغابات والثلوج

وتتميز بالفيوردات والخلجان

فاذا بغيت تشوف جمال الطبيعه والارياف فانته تحتاج الى سياره

والافضل انك تسكن في بيرجن لأنها اقرب للاماكن السياحيه المعروفه

ويتوفر في بيرجن مطار

وهي تبعد عن اوسلو 7 ساعات تقريبا بالسياره

والافضل تأجر سياره وتسوقها بنفسك لأنه التكسي وايد غالي

وممكن تسير بيرجن بطيران داخلي ، واعتقد ممكن بالقطار

افضل وقت لزيارتها


مابين شهر 5 الى أول شهر 10

ومعروفه في الصيف لاتغرب الشمس عنها وبالشتاء يكون العكس ظلام دامس

وتتميز في الشتاء بالشفق القطبي

النرويج تحتاج فيزت الشينجن


سلبياتها

1- انه اغلب شوارعها تكون في الجبال واذا ممتمرس في السواقه فصعب انك تسوق

وخصوصا انه الشارع واحد والسرعه ماتتجاوز 80 و90

والمسافات بين المناطق كبيره وطويله بالساعات ، طبعا حسب المناطق

ممكن وحده تبعد ساعه والثانيه 5 ساعات أو أكثر هذا يعتمد ع حسب موقعك

2- النرويج تعتبر من البلدان الغاليه مقارنه بأوروبا

خاصه في المطاعم والضرائب

3- الاكل صعب وان وجد يكون غالي والمطاعم الحلال موجوده في المدن الكبيره

والافضل انه تعمل حسابك انك تطبخ وفي هاي الحاله لابد يكون سكنك في

أكواخ أو شقق أو بيوت

4- الشوارع الضيقه في الجبال

5- كثرة الانفاق فيها

6- أغلب الارياف خاليه من البشر

7- عدم وجود أماكن ترفيهيه للاطفال

8- لما تسافر النرويج مب بسهوله تقدر تزور بلد ثانيه قريبه منها مثل باقي دول أوروبا


ايجابياتها

1- مافيها عنصريه واي شخص هو حر في لبسه وشكله يعني

المنقبات والملتحين لايحاتون هالشي

2- اغلبهم يتكلمون انجليزي فهي تعتبر اللغه الثانيه

3- تتميز بالاماااان

4- التخييم في أي مكان والشواء مسموح عند الانهار والبحيرات بس طبعا تراعون النظافه

5- فيها الكثير من الانشطه اللي ممكن تقوم فيها

6- الشعب النرويجي شعب مبتسم ومسالم ومتعاون



اليوم الثالث

منطقة ALESUND

:ger:

ALESUND


http://i1050.photobucket.com/albums/...psi069wijc.jpg









http://i1050.photobucket.com/albums/...pswbyixxny.jpg






http://i1050.photobucket.com/albums/...pskjqxxxkm.jpg



عمرها 100 سنه وتحيط بها عدة جزر متصله في بعض وتقع في الشمال الغربي من النرويج

وبها مطار اسمه VIGRA

ويوجد طيران يومي من العاصمه اوسلو

وتبعد عن جرانجير GEIRANGER ساعتين وعن أولدن وسترين ساعتين ونص
تفاصيل هذا اليوم

الوصول الساعه 10 الصبح الى منطقة ALESUND

وآخر صعود للسفينه بيكون الساعه 4 ونص

هاي بدون قروب سياحي وبنيلس فيها 7 ساعات

أحداث هاليوم


http://i1050.photobucket.com/albums/...psypz8ggcl.jpg


بالنسبه للجو في النرويج


قبل لانسافر باسبوع كان ولد أخويي راجع من النرويج وخبرني

انه الجو وايد بارد وغيوم وأمطار ووصاني ناخذ شتوي

وانا كنت أشوف درجة الحراره 18 أو أقل شويه فقلت الجو حلو ومب بارد وايد

لكن لما خبرني هو قلت يمكن النرويج غير جوها

قمنا حطينا أغلب لبسنا شتوي وقليل صيفي وهذا كنا شالينه حق هامبورغ

وهاللبس هو اللي نقذنا

وهناك كان الجو تعيس من سرنا نحن والدنيا كلها مشمسه وشمسهم حاره

وهاي من الامور اللي تناحست ويانا وضيقت خلقنا


:yolks00640:



واللي يقهر في السفينه قبل لانوصل هاي المنطقه قال الكابتن في الميكرفون

انه انتوا محظوظين لأنه الجو جميل ومشمس

والاجانب فرحانين

ونحن ماغطين بوزنا شبرين :sly:


نتابع معاكم

نشينا بدري وتريقنا في البوفيه

يامحلات الزيتون مالهم لذيذ ووملحوته قليله



http://i1050.photobucket.com/albums/...psx10vylgm.jpg


نتريق وجدامنا ملامح قرية اللاساوند



http://i1050.photobucket.com/albums/...pscvlwi3cr.jpg






http://i1050.photobucket.com/albums/...psvy5z2esj.jpg







http://i1050.photobucket.com/albums/...ps4pu33m5e.jpg



وطلعنا من السفينه


http://i1050.photobucket.com/albums/...pspua9wact.jpg


المطلوب عند خروجك انه بطاقتك تكون معاك وأقصد بطاقة الغرفه

وفي المجله الاخباريه مكتوب وين المخارج


http://i1050.photobucket.com/albums/...psdxygwsxp.jpg


ولاتنسون العوده الساعه 4 ونص


http://i1050.photobucket.com/albums/...psjzyjhry8.jpg


ونحن طالعين خذيت معاي جوازاتنا وبطاقة فيزا وجزء من الفلوس والباقي تركته في الخزنه

في العاده ماآخذ جوازاتي معاي بس في رحلتنا هاي بالكروز

فكرت انه أفضل تكون معاي عشان لو صار وتأخرنا عن السفينه لأي سبب وراحت عنا ممكن نلحقهم ع المنطقه الثانيه


وبعد احتياط مصوره ع الفون برنامج الرحله

فأعرف التوقف الثاني وين بيكون ومتى

http://i1050.photobucket.com/albums/...ps50zvfsul.jpg


ياحسره ع بلكونتنا


http://i1050.photobucket.com/albums/...psd7yd3byv.jpg


أول ماطلعنا من السفينه شفنا جدامنا خيمتين

وحده حق باص سياحي يجولنا في المدينه


والثانيه قطار سياحي


http://i1050.photobucket.com/albums/...psq49qm1w2.jpg


قلنا أول شي بنسير نصرف

وهنيه بعد بوعيسى كان له موقف وبسببه تبهدلنا :(7):

قبل لانسافر وانا أقوله صرفنا فلوس بالكرونا النرويجيه

وهو يقول

مافي داعي أكيد في السفينه بتحصلون صراف

ولما صعدنا ع السفينه دورت صرافه وماحصلت

وفي هاليوم تبهدلنا لين قدرنا نصرف

أول شي

سرنا مول ندور محل صرافه ومال الفونات عشان نشتري بطاقات

ولمادخلنا المحل وطلبنا نصرف قال أنا ما أصرف

ودخلنا محل ثاني عطانا بطاقات الفون وفيها بكج

ولكن ترددنا نآخذها قلنالها بنفكر

وقابلنا وحده سوريه مقيمه وجزاها الله خير ساعدتنا

سألناها

عن أفضل شركه ناخذ منها البطاقات مع خدمة النت

وخبرتنا عن شركة My Call


وقالت بتحصلونها في سوبرماركت سفن الفن

ودلوني عن مكان التصريف وقاللي برع المول

طلعت مع بناتي أدور محل التصريف

وكل ما أسأل يوصفولي المكان


http://i1050.photobucket.com/albums/...psijewo4eu.jpg





http://i1050.photobucket.com/albums/...pshcnyanwc.jpg






http://i1050.photobucket.com/albums/...psyn1ilrqw.jpg






http://i1050.photobucket.com/albums/...psk9ylliwc.jpg


شفنا مطعم هندي في السنتر


http://i1050.photobucket.com/albums/...psmviamxr1.jpg



مشينا وايد وفي الاخير طلعلي المكتب السياحي للمعلومات

استغربت شو علاقتهم بالتصريف

وانتظرت دوري ولما سألتهم قالوا

مانصرف هنيه ودلتني بالضبط المحل اللي يصرف

وتخيلوا كان هذا المحل قريب أول مادخلنا السنتر

ورجعنا نمشي مسافه لين وصلنا لمحل السوفينيير وطلع هو اللي يصرف

صرفنا جزء من اليورو

وطلع علينا اليورو = 8 كرونا

وعقب سألناهم عن سوبرماركت سفن الفن ودلونا

السنتر وايد حلو والمكان وايد جميل بس الجو تعيس وشمس وشمسهم قويه :(36):

المهم اشترينا البطاقات وهاي اسعارها

سعر السيم كارت = 49 كرون

سعرGB1

= 69 كرون

كل وحده منا خذت 2 GB

وخذينا وقت طويل لين خلصنا هاي الشغله

وبردنا ع عمارنا بماي بارد واذكر الماي كان وايد غالي ممتذكره كم بالضبط

يمكن الدبه الصغيره بشي وعشرين درهم

بعد ماخلصنا رجعنا عند الخيم عشان نحجز الباص السياحي

وكنا فرحانين انه اشتغلت الخدمه

وتخيلوا شكلنا

كل وحده منا عينها في فونها نمشي ونعبر شوارع لين وصلنا للخيم ههههههههه


عافانا الله مب شايفين خير هههههههههههه

ملاحظه مهمه

الواي فاي في السفينه ماكان مجانا ولا في أي مكان في السفينه

الا اذا كان عند قوم VIB :(59):

والمشكله انه الاشتراك وايد غالي

يعني الساعه كانت 17 يورو تقريبا 80 درهم

الصراحه وايد مبالغ


والبنات الله يهداهم مرتين أجروا الواي فاي من السفينه من مصروفهم


ولاكانوا يرضون يعطوني دقيقه :(123):


يقولولي اذا تبين أجري بروحج ماما :(40):


كله هذا عشان مارضيت أشركهم ع حسابي هههههههههههه


وانا مره


كنت أبا أكلم بوعيسى ضروري



وهذا من غير انه الارسال أحيانا يقطع نهائي حسب المنطقه اللي نمر فيها




يتبع ...

نكمل معاكم تفاصيل يومنا

سرنا الخيمه الخاصه بالباص السياحي


http://i1050.photobucket.com/albums/...pscdyvxm1k.jpg



وحجزنا


طلع علينا 200 كرون للشخص

خبرونا انه موعد الباص الياي بيكون عقب ساعه


http://i1050.photobucket.com/albums/...pskwsyjcsn.jpg


وعقب تحسفنا انه ماخذنا القطار والسبب

انه أحلى وأونس وأرخص وبيمر تقريبا ع نفس الاماكن


وكان بيتحرك بدري ومابنتريا مده مثل الباص


http://i1050.photobucket.com/albums/...psmzxsb6b1.jpg




http://i1050.photobucket.com/albums/...pslomgyjwp.jpg




http://i1050.photobucket.com/albums/...ps7zr1igtm.jpg




http://i1050.photobucket.com/albums/...psglvywkxl.jpg


الخط الاحمر هي الاماكن اللي بيمر فيها القطار


http://i1050.photobucket.com/albums/...pseuac7y6b.jpg




http://i1050.photobucket.com/albums/...psqnizpewl.jpg


المفروض كنا نشوف الخيارين وعقب نقرر مب ع طول نحجز

لما شفنا انه عندنا وقت قررنا نرجع السفينه ونضبط عمارنا ونرجع قبل مايوصل الباص بشويه

معلومات عن الباص

http://i1050.photobucket.com/albums/...psyr56huk6.jpg




http://i1050.photobucket.com/albums/...ps6utblvmw.jpg




http://i1050.photobucket.com/albums/...psukguzvue.jpg




http://i1050.photobucket.com/albums/...pss2kxcjo5.jpg


رجعنا عند موقف الباص وانطلقنا


http://i1050.photobucket.com/albums/...psjiddz7sv.jpg


أول محطه اخترناها هو المطل


وشفنا القطار واصل نفس المكان


http://i1050.photobucket.com/albums/...pstjy7cxbn.jpg


الفيو من فوق


http://i1050.photobucket.com/albums/...ps3luvup0v.jpg




http://i1050.photobucket.com/albums/...psumgkgxow.jpg


http://i1050.photobucket.com/albums/...psunubenuk.jpg



http://i1050.photobucket.com/albums/...psnu4sla0l.jpg


لو الجو مغيم جان الدنيا غير


سفينتا :(3):

http://i1050.photobucket.com/albums/...psx86jsjwa.jpg




http://i1050.photobucket.com/albums/...pssmeifqbv.jpg


المطعم واليلسات اللي فيه


http://i1050.photobucket.com/albums/...psjzhaw7td.jpg




http://i1050.photobucket.com/albums/...psylmwbls4.jpg


ولابد انه نبرد ع عمارنا


http://i1050.photobucket.com/albums/...psqyc8o6wv.jpg



http://i1050.photobucket.com/albums/...ps22apcrou.jpg




http://i1050.photobucket.com/albums/...psfp91znlg.jpg




http://i1050.photobucket.com/albums/...pscan0iech.jpg




http://i1050.photobucket.com/albums/...psrseoxqig.jpg



وعقب ماتمينا فتره فوق

رجعنا ركبنا الباص مره ثانيه


http://i1050.photobucket.com/albums/...pssg3gegpo.jpg





http://i1050.photobucket.com/albums/...ps51ha9cyx.jpg





http://i1050.photobucket.com/albums/...psd9aqna7j.jpg


ولما وصل السنتر عدال المكتب السياحي نزلوني البنات وقالوا

بنسالهم عن تأجير السياكل

لكن ماحصلوا فسألوا عن الكاياك Kayak


http://i1050.photobucket.com/albums/...pshwirtc7d.jpg


الصراحه انا عقب تضايقت اني سمعت كلامهم ونزلت

لانه حرام دفعنا هالمبلغ حق الباص السياحي ومانزلنا الا منطقه وحده

وعقب ردينا وين ماكنا الصبح

كان الاولى نكمل ويا الباص ونشوف المنطقه

لكن الله يهديهم ماعطوني فرصه أفكر :sly:

ع العموم سرنا ندور وين يأجرون الكاياك


http://i1050.photobucket.com/albums/...psijtrfrpx.jpg




http://i1050.photobucket.com/albums/...psh8rkz6ea.jpg





http://i1050.photobucket.com/albums/...pszglvgzu3.jpg


حصلناه


http://i1050.photobucket.com/albums/...psotlm66o9.jpg



وهم ركبوا القوارب ونسيت بكم أجرناها


http://i1050.photobucket.com/albums/...ps1ecva1bh.jpg




http://i1050.photobucket.com/albums/...psbwhatnbu.jpg


وانا سرت أدورمطعم قريب منهم وأقدر أصورهم


http://i1050.photobucket.com/albums/...psi3jzjwdn.jpg




http://i1050.photobucket.com/albums/...psyowfnpcb.jpg


طلبت شوربه لين خلصوا البنات


http://i1050.photobucket.com/albums/...psh3nqddd9.jpg


وعقب ماخلصوا تيلسنا نسولف

وعقب شفنا انه لازم نرجع السفينه خلص الوقت

والحمدالله السفينه قريبه منا


http://i1050.photobucket.com/albums/...psahn9n18k.jpg


وقتها ماكنت متضايقه كنت مبسوطه لفرحتهم ووناستهم وماكدرني الا الجو شويه

عقب مارجعنا السفينه وريحنا شوي ع الساعه 7 سرنا المسرح نحضر الشووو


وكان هاليوم هو اليوم الاسباني

الشو كان أسباني والاكل في المطعم كان أسباني


http://i1050.photobucket.com/albums/...psvmjpd8ag.jpg




http://i1050.photobucket.com/albums/...ps3fxz6syj.jpg




http://i1050.photobucket.com/albums/...psdhrjblg8.jpg




http://i1050.photobucket.com/albums/...ps6dphoarr.jpg


وعقب ماخلص سرنا المطعم وتعشينا



وهنيه صارلي موقف

تعرفون الاسبانيين مشهوريين بأكلها اسمها بايلا بفواكه البحر يعني بالسي فود

وكانوا حاطين صينيه كبيره فيها هاي الاكله

وحطيتلي منها شويه وكنت بروحي

يلست أتغدى وكنت توني مآكله لقمتين من البايلا وكانت لذيذه وااااايد

شوي واللي يايين البنات وفي ايدهم أكلهم وبنتي لما شافت طبقي


قالتلي

ماما هذا فيه خنزير

عصبت وقلتلها

ماتشوفينه انه كله سي فود

قالت


انا كنت بغرف منه وجان أقرأ انه في خنزير

تنرفزت وسرت أتأكد بنفسي

وفعلا طلع فيه خنزير :yolks00430:

يعني ليش يخربون الاكله علينا :(150):

كانت وايد لذيذه :yolks00430:

http://i1050.photobucket.com/albums/...psqosxvsyz.jpg


وعقب تمشينا ويلسنا نصور ورغم الوقت متأخر الا انه الدنيا منوره


http://i1050.photobucket.com/albums/...psr46ilnso.jpg




http://i1050.photobucket.com/albums/...pslw66korn.jpg




http://i1050.photobucket.com/albums/...psm9uh7hlq.jpg


ماكانت الدنيا تظلم وهالشي وايد حبيته


http://i1050.photobucket.com/albums/...pstk9dzeww.jpg


عقب يلست ويالبنات في المطعم

وفليل بعد ماينتهي العشاء يعني من بعد 10 ونص يكون هادي وشويه ناس فيه

نآخذ زاويه أنا والبنات ونيلس نلعب بألعاب نحن يايبينها


http://i1050.photobucket.com/albums/...psgh09epui.jpg


ونتسلى بخفايف آخر الليل


http://i1050.photobucket.com/albums/...ps49j1vqgm.jpg


والعيايز اللي حوالينا يبتسمون لنا

والموظفين مبسوطين علينا


الصراحه كنا مسوين جو :(127):

وعقب رجعنا غرفنا ونمنا أحلى نومه


على طاري النوم في السفينه

الحين عرفت ليش اليهال كانوا يرقدون يوم نهزهم شويه شويه

كنت أحس وانا حاطه راسي ع المخده كأنه حد يهزني بهدوء

كأني ع سرير طفل بس تدوخون وترقدون

هههههههههههههههههههه

كان حلو


:(56):

موقفي مع بوعيسى عشان التصريف

لما رجعنا السفينه وخبرت بوعيسى عن بهدلتنا حق التصريف

وطبعا لومته :(150):

قاللي المفروض انه فيه تصريف في السفينه

سيري واسألي الرسبشن

يوم سالتهم


طلع صح عندهم وسعرهم افضل لأنه بدون فايده

انزين ليش مايخبرونا ، أكيد في ناس شراتنا مايدرون

والا يمكن كانوا موضحينه في الاوراق اللي عطونا ياها وانا ما أدري

ع العموم هالميزه موجوده في السفينه

وبوعيسى يافرحته يوم عرف انه موجود قال

شفتي ماقلتلج


:(155):

قلتله انته قلت صرافه وماشي صرافه :bleh:


موقفي مع الواسطه الكبيره

تذكرون مشكلة الرحلتين اللي خسرتهم

اليوم بخبركم كيف حليتهم


في هاليوم لما سرت أشيك ع حجوزاتي للرحلات اللي حجزناها بالنت

خبروني انه مموجود حجزنا ووقتها ماعرفت السبب

وحاولت أتدارك الموقف وأحجز اللي أقدر عليه من الرحلات

وخبروني انه رحلتين مابقدر أحصلهم

الرحله الاولى

وهي رحله بالباص لمشاهدة القباقيب العملاقه وهاي مدتها أعتقد 3 ساعات

والرحله الثانيه والاهم وهاي مدتها من 7 الى 8 ساعات في جرانجير

ومنها بنركب قطار وفيها وايد أشياء جميله

حاولت معاهم بس ماشي فايده

عاد طلعت من عندهم وأنا ماغطه بوزي شبرين وشويه وبصيح

حزينه ومكتئبه :yolks00640:

وأمشي وانا مب في حاسيتي

كنت وايد مقهوره وحزينه وأحس الاشياء الحلوه ما أحصلها

أول شي الغرفه والبلكونه التعيسه والجو والحين الرحلات اللي أباها

وأنا أمشي ييت صوب محل العطور وكان بالصدفه عثمان المغربي

واقف برع المحل ومن شافني ع طول سألني

شوبلاج ليش زعلانه

انا من النوع اللي يبين علي الحزن والزعل ما أعرف أداري

عاد من سألني ماصدقت أني حصلت حد أكلمه خصوصا بناتي ما أعرف وينهم

ومانقدر نتواصل ماشي ارسال

وانا كنت في وضع تعييييييس ونفسيه خايسه

فضفضتله وخبرته عن مشكلتي وشويه وكنت بصيح جدامه

بعد هو ماقصر دار ويايي وعصب عليهم وقال

مب ع كيفهم اذا انتي حاجزه وهذا حقج

وعطاني أحلى فكره

قاللي

كلمي مدير السفينه وهو المسؤول عن كل شي وعطاني أسمه ورقم تحويلته

ونحن نرمس فجأه ركض ودخل المحل

وأنا مب فاهمه السالفه واركض وراه ههههههههههههههه

أقوله شوبلاك

قال هذاك هو المدير

وكانت عنده جوله تفقديه

وقاللي سيري وراه وكلميه

سرت وراه وشفته يرمس وقفت أترياه يخلص كلامه

هو لاحظ اني أنتظره ع طول التفتلي وياني

سلمت عليه وقلتله انته فلان

قال نعم

قلتله انا عندي مشكله

قاللي شو مشكلتج

خبرته انه زوجي حجز بالنت الرحلات اللي نباها وهنيه يقولولي انه هاي الرحلات ممحجوزه

وقلتله عندي ورقة الحجز وراويته ياها

ع طول من شاف الورقه قاللي

زوجج حجز وماكمل عملية الحجز

يعني هو اختار الرحلات وحطاهم في سلة المشتريات وماكمل لين الدفع :(7):

عاد أنا وقفت فاجه حلجي ومبققه عيني وقلتله

What

في خاطري هاتولي بوعيسى حيا أو ميتا

:yolks00210:

طبعا الدخنه تطلع من راسي ومن اذنيه من الغيظ اللي فيني

بس ماسكه نفسي ومب عارفه شو أقول:(123):

اللي قهرني انه بوعيسى في هاي الامور شاطر وأحسن مني مليون مره

وأنا واثقه فيه لدرجة ما أراجع وراه :(7):

المهم أنا بسرعه تمسكنت جدامه وقلتله

انا ما ادري وهو معتقد انه حجزه صحيح ونحن يايين هاي الرحله بدون زوجي ولا أي ريال معانا

وأول مره في حياتي أسافر ع كروز

واذا مابحصل هاي الرحلات معناته انه سفرتي هاي كلها اختربت

وشويه وبصيح جدامه :yolks00640:

ماسكه نفسي غصب

كسرت خاطره وقاللي

لاتحاتين بتروحون كل الرحلات اللي تبونها

زين ماحبيته ع راسه هاذيج الساعه :(127):

صدق انه طلع نشمي

ع طول اتصل في الموظفه اللي في المكتب السياحي وخبرها انه تعطيني الرحلات اللي اباها

وعقب قاللي سيري عند فلانه وبتخلصلج شغلج

شكرته وايد:(125):

ومره من المرات تصادفت وياه في السفينه وكنت مع بناتي

يانا وسلم علينا

وعرفته ع بناتي وسألني

اذا اموري طيبه وشكرت مره ثانيه

أنا رجعت عند المكتب وسالت عن البنت اللي خبرني عنها

وطلعت هي اللي قالتلي فل

بس هاي المره المعامله غير

رحبت فيني ويلستني ع القنفه وتعاملت ويايي كأني شيخه

وانا أقول في خاطري


بعد الاجانب عندهم هالسوالف :yolks00590:

المهم قالتلي

شو اللي تآمرين فيه طويلت العمر ههههههههههههههههه

قلتلها أبا رحلة القباقيب اللي في الباص

قالت تم

وقلتلها

أبا رحلة فلام

قالت هاي الرحله فيها مشكله

صاير حادث كبير في قرية افلام وموقفين القطار وننتظر منهم خبر

وقبل مانوصل بيوم لهاذيج المنطقه بنتأكد من الخبر

اذا فتحوا المجال بتكونون فيها واذا لا بتتكنسل نهائي

وحجزت بدالها رحله طويله احتياطي بدل هاي في حالة لو ماسمحولنا
عاد لما نوصل هاذيج المنطقه بخبركم شو اللي صار :yolks00740:

عقب ماخلصت وياها طلعت فرحانه من عندها وشفت البنات في ويهي


قلتلهم

انتوا وينكم أنا عشت وضع صعب بسبب :(7):

ويلست أخبرهم بالسالفه كلها ونحش في ابوهم ونتحرطم

وعقب كلنا سرنا عند عثمان وشكرته واشترينه منه وايد عطور


:(127):


اليوم الثاني اللي قضيناه في السفينه

هذا اليوم قضينا في الراحه والاسترخاء والاكل


واليوم كان اليوم الايطالي

الشو في المسرح ايطالي والاكل ايطالي


بعد ماتريقنا

البنات ساروا يأجرون العاب ويلعبونها



وأمهم عايشه جو ثاني بروحها


:(3):


http://i1050.photobucket.com/albums/...psmgqlupe0.jpg



وقت الغدا نتجمع في المطعم وعشان اليوم ايطالي فكانوا مسوين أصناف متنوعه من الباستا




http://i1050.photobucket.com/albums/...psxk8ekm66.jpg




http://i1050.photobucket.com/albums/...psx5s01qiy.jpg


قسم الساندويشات موجود كل وطول اليوم بس يكون متنوع




http://i1050.photobucket.com/albums/...psyqio9gok.jpg








http://i1050.photobucket.com/albums/...pswiixtfsk.jpg








http://i1050.photobucket.com/albums/...pslgf1z1wr.jpg








http://i1050.photobucket.com/albums/...ps7pfmiffr.jpg




الفواكهه والحلويات طول اليوم وتكون متنوعه




http://i1050.photobucket.com/albums/...ps8cahuy89.jpg








http://i1050.photobucket.com/albums/...psmc03i6gt.jpg








http://i1050.photobucket.com/albums/...psensfy8vg.jpg




http://i1050.photobucket.com/albums/...psthgr6axd.jpg




http://i1050.photobucket.com/albums/...ps3pqae9tm.jpg




http://i1050.photobucket.com/albums/...psflg6gv6g.jpg


شوف كيف الزحمه




http://i1050.photobucket.com/albums/...ps6ojfww1d.jpg


زاد وزنا في هاي الرحله من كثر المغريات


وعقب كم يوم يوم شفت الوضع جيه قمت أسوي كونترول ع عمري


http://i1050.photobucket.com/albums/...psjfahaytl.jpg




http://i1050.photobucket.com/albums/...psmndb4pim.jpg


ودايما عندا بزار في الايام اللي تبحر يوم كامل وساعات في أيام ثانيه




http://i1050.photobucket.com/albums/...psolvd2fv4.jpg


وداما عندهم خصومات وعروض




http://i1050.photobucket.com/albums/...psuwvaufma.jpg


ومحلات متنوعه عندهم




http://i1050.photobucket.com/albums/...psfzatn9xo.jpg


وساعات نتجول في السفينه




http://i1050.photobucket.com/albums/...pshi1p1ork.jpg


http://i1050.photobucket.com/albums/...psv2j4ypyh.jpg




http://i1050.photobucket.com/albums/...ps7julziai.jpg








http://i1050.photobucket.com/albums/...psjhuozchn.jpg




وساعات نتيلس في اللوبي ونتفرج




http://i1050.photobucket.com/albums/...ps38rvg4sy.jpg




http://i1050.photobucket.com/albums/...pslasqp66i.jpg


مرينا ع المكتب السياحي خذينا تذاكرنا حق باجر




http://i1050.photobucket.com/albums/...psvs3mwkul.jpg


سرت الجيم بروحي وسويت رياضه ع الاجهزه ولكن شديت ع نفسي وايد


وأنا ماعندي لياقه وطلع عليه ثاني


في الجزء الياي بخبركم شو صارلي




http://i1050.photobucket.com/albums/...pszuyfjgyg.jpg


حضرنا الاستعراض الايطالي في المسرح




http://i1050.photobucket.com/albums/...pshrbdcjcn.jpg



http://i1050.photobucket.com/albums/...ps6jkqdidk.jpg




http://i1050.photobucket.com/albums/...ps5iz6kktu.jpg




http://i1050.photobucket.com/albums/...psfuohihtl.jpg




http://i1050.photobucket.com/albums/...psagabhbiw.jpg


وفي أوقات أيلسها مع نفسي وأقرأ في كتاب




http://i1050.photobucket.com/albums/...psp09aevfq.jpg


والحلو انه الدنيا ماتظلم


هالمنظركان وقتها 11ونص فليل




http://i1050.photobucket.com/albums/...ps0xgw9lyi.jpg




تابعوني في الجزء الخامس

واليوم 5 من رحلتنا الى قرية Honningsvag
:ger:

المشاركة الأصلية كتبت بواسطة namareq (المشاركة 166309) سلامات هداوه