|
تنظيم جميل جدا فعلا كانه مطار دولي بس لا يكون رميتم ايصالات الماء !! ننتظر اليوم الاول متابعينك |
استقبال مميز واكيد اعداد المسافرين كانت كبيرة ووجود موظفة عربية بالسفينة اكيد سهل عليكم الأمور ودائما العرب يحنون لبعضهم في الغربة الحمد لله |
بهرتني القاعه صراحه كأنها قاعة مطار رغم الاعداد الكبيرة بس باين الترتيب والتنظيم في السفينة تحمسنا ....متى بتمشي السفينة :yolks00750: |
بهرتني القاعه صراحه كأنها قاعة مطار رغم الاعداد الكبيرة بس باين الترتيب والتنظيم في السفينة تحمسنا ....متى بتمشي السفينة :yolks00750: |
واسطه ام عيسي من قدك ما شاءالله عليك |
بسم الله الرحمن الرحيم وكلنا شوق لمعرفة انطباعك عن اليوم الاول وتجربة الرحلة البحرية :) |
صباح الخير سامحوني أمس ماقدرت أنزل يديد بصراحه كنت تعبانه شوي ولازلت بحاول اليوم اشتغل في اليديد اقتباس:
اقتباس:
ههههههههههههههههههههههه لاتطمن استفدنا منهم ان شاءالله بحاول اليوم اقتباس:
فعلا حسيت بهاي الحنيه من الصوبين أحس هم فرحانين بوجودنا ونحن بعد اقتباس:
هههههههههههههههههههه اليوم بنحاول نخليها تمشي اقتباس:
شو أسوي ويهي VIB :(141): اقتباس:
من عيوني بجاول اليوم تذكرت لهفتي وشعوري في اول يوم بتبحر فيه السفينه كيف كنت أعيش مشاعر مختلطه بين الخوف والحماس |
موجودة :(3): واااااو الصراحة روعة ... ما شاء الله عليج يا ام عيسى التقرير شامل كل شي ... حبيت التفاصيل .. يعطيج العافية و اكيد يالسين نتريا نتريا التكملة ... |
يلا هداوه انا صعدت معاكم السفينه :(153): بس ما أدري وين أروح بعدين :(57): لا تطولين علينا ناطرين باجي التقرير :(114): |
اقتباس:
اقتباس:
فديتكم حبايبي مابخليكم تتريون وايد اليوم ان شاءالله فليل بينزل اليديد جهزوا عماركم وهاتولكم خفايف تمزمزونها وانتوا تقرون الجزء اليديد:(94): ترا وايد طويل وفيه وايد سوالف :p |
ياحلو النظام يعني ماكو فايده عرررررب مانيووز [emoji23][emoji23] الليله صباحي على الجزء شكلنا Sent from my iPhone using Tapatalk |
بينتهي الدوام وحنا ننتظر يالله اذا طلعت الاستراحه نمخمخ علي التقرير أو كالعاده الفجريه |
وانا جالس إلى المغرب في الدوام لعل يتم طرح الانطباع او نشوفه صباح غدا |
اقتباس:
اقتباس:
اقتباس:
اقتباس:
اقتباس:
اقتباس:
هههههههههههههههههههه أنا توا يبدأ الدوام عندي :(56): خلصته بس باقي أهندسه لكم يعني يبالي ساعه او أقل :(153): |
هندسي براحتك حنا بانتظارك |
الجزء الخامس اليوم الأول والثاني لنا في السفينه :ikuy: حسب برنامج كروزنا بيكون أول يوم وثاني يوم كله في السفينه فبدمجه في تقرير واحد قلنا بسم الله ودخلنا أول شي سرنا ندور غرفتنا اللي كانت في الدور 9 وأحلى شي انه نحن بدون شنطنا كنا خفاف بس فيه شي لفت نظرنا من أول يوم وهو نظرة الناس لنا كأنه مستغربين من وجودنا معاهم بس عقب عرفت السبب الظاهر انه هاي الكروزات نادر يكون فيها عرب وخليجين بالذات وكنا الخليجين الوحيدين في السفينه ومره وحده صادفت عائله مغربيه والباقي كلهم أجانب وأغلبهم من الطليان والاسبان يعني العب ياولد ماشي خليجين هههههههههههههههههههههههه أمزح طبعا بس صدق حسينا براحه أكبر انه محد ويانا من عربنا حريه أكثر :(34): نرجع لموضوعنا رحنا الدور التاسع ومشينا في ممرات طويله ندور غرفتنا http://i1050.photobucket.com/albums/...pstlner9nb.jpg أخيرا وصلنا غرفتنا http://i1050.photobucket.com/albums/...psv1cpvpjn.jpg أول مادخلنا الغرفه شفت حاجتين ماحبيتهم فيها :yolks00430: الاولى الغرفه صغيره http://i1050.photobucket.com/albums/...psmxitzoh5.jpg هذا سريرنا أنا وبنتي الصغيره http://i1050.photobucket.com/albums/...ps7a7iydgg.jpg http://i1050.photobucket.com/albums/...pskhy5jzoy.jpg http://i1050.photobucket.com/albums/...psymsbevym.jpg دبدوب بنتي مآخذ ويانا مكان في الغرفه http://i1050.photobucket.com/albums/...pseireopxq.jpg هاي الكنبه تتحول لسرير ولما تنفتح تاخذ المساحه كلها لدرجة مانقدر نمشي واضطرت بنتي تنام عليها بدون مانفتحها طول الرحله كلها قسم التسريحه وتحتها فيه ثلاجه صغيره ، وفوق حاطين ماي للشرب وعقب أكتشفنا انه هالماي بفلوس ونحن ماندري وللاسف انه مافيها غلايه واعتقد انه تقدرون تتطلبون ماي حار للشاي والقهوه وهم يوصلونه لكم الصراحه أنا ماسبق طلبت وكنت دايما أسير أشرب في المطعم عشان أجابل البحر http://i1050.photobucket.com/albums/...psoycwnazb.jpg http://i1050.photobucket.com/albums/...ps3czxrdqx.jpg http://i1050.photobucket.com/albums/...psgehpkn9y.jpg http://i1050.photobucket.com/albums/...pselbhw80b.jpg لما شفت الغرفه صغيره ع طول كلمتهم وطلبت غرفه سويت وقلتلهم بدفع الفرق اعتذرولي وقالولي السفينه فل وماشي غرف فاضيه :yolks00430: العيب الثاني اللي شفته وخرب عليه الرحله كلها وخلا في قلبي حسره:yolks00430: العيب كان في البلكون كان حاجز البلكون من المعدن مب زجاج شفاف والحاجز كان مرتفع وهذا حرمنا انه نستمتع بالبلكونه آآآآخ يالقهر يعني لويالسه ع كرسي واحد مابيكون مستوى البحر ع مرمى نظري مره قلت بجرب ويلست ع كرسيين بس مب حلو كنت أبا زجاج http://i1050.photobucket.com/albums/...ps9ifeblyw.jpg http://i1050.photobucket.com/albums/...psvcqmxlwb.jpg تخيلوا السفينه تقريبا كل بلكوناتها لهم حاجزمن زجاج الا جزء صغير ومن نحاستنا كانت هالجانب من الغرف من نصيبنا http://i1050.photobucket.com/albums/...psfkluhbrg.jpg حسيتوا فيني وعرفتوا شكثر هالشي يزعل ويقهر وخصوصا لما يينا بنحجز كانوا مطرشيلنا صوره للبلكونه أم زجاج وشكثر تخيلت نفسي يالسه فيها ومتمغطه واقرأ كتابي ولكن حرموني حلمي كلمت بوعيسى وقلتله كلم الشركه واشتكي من الوضع وقال أوكي بس ماكلمهم ومن ناحيه السفينه فل ومافي مجال يعطونا غرفه ثانيه :yolks00640: في الاخير قبلنا بالامر الواقع وحاولت ما أخلي هاشي يعكر مزاجي وقاطعت البلكونه والجلوس فيها :sly: يمكن طلعت كم مره بس عشان أصور وارد أدخل والبنات حولوا البلكونه لستور ههههههههههه حطوا شنطهم فيها ونعلتهم عزكم الله لأنه الغرفه صغيره وماشي مكان http://i1050.photobucket.com/albums/...psopygqojb.jpg بالنسبه للشنط العمال يوصلون كل الشنط ويحطونهم جدام باب غرفكم وانتوا تدخلونهم قمة الترتيب والنظام http://i1050.photobucket.com/albums/...psb5f4rlzb.jpg أول مادخلنا الغرفه شفنا محطيلنا أوراق وهاي جدا مهمه لأنه يخبرونكم بكل برنامج السفينه لهاليوم واليوم اللي عقبه أي نشاط أو فاعليه أو شي كله موجود وبالوقت ويحددون المكان يعني مجله أخباريه فيها كل شي http://i1050.photobucket.com/albums/...psvkcfqede.jpg وكل يوم يحطولنا هاي المجله الاخباريه مثلا اذا باجر بننزل منطقه معينه يخبرونا عنها متى بتوصل وكم درجة الحراره فيها وشو الانشطه اللي فيها وشو الرحلات اللي موفرتنا السفينه مع القروبات لهاي المنطقه ...الخ مهم جدا الافضل حجز كل الرحلات اللي تبونها قبل السفر أو في أول يوم توصلون فيه عندهم مكتب خاص للرحلات لأنه الرحلات تسكر اذا صلت لعدد معين أهم شي هاي المجله الاخباريه لازم ماتهملونها ما أدري اذا الكروزات الثانيه نفس نظامنا ولاغير المهم كان في المجله الاخباريه اعلان عن تجمع معين وفيه بيعرفونا ع الكروز وهذا فاتنا كنا متأخرين والاعلان الثاني انه ناخذ معانا سترة الانقاذ اللي موجوده في الدلاوب ونسير نتيمع في صالة القمار أيوه من بدايتها خراب هههههههههه التجمع عشان يعطونا تعليمات وارشادات حول طريقة استخدامها في حالة لو صار شي ما أدري ليش تذكرت تايتنك ... مب وقته :sly: خذت كل وحده منا سترة النجاه وسرنا في المكان اللي حددوه لنا ولانه بعدنا مانعرف أجزاء السفينه كانوا هناك موظفين مهمتهم انه يوجهونكم صوب التجمع قمة في التنظيم http://i1050.photobucket.com/albums/...ps04vzfvuv.jpg http://i1050.photobucket.com/albums/...psomjhilvg.jpg http://i1050.photobucket.com/albums/...psojkzzpfu.jpg http://i1050.photobucket.com/albums/...pssng11bcc.jpg عقب ماخلصنا التدريب رجعنا الغرفه ورجعنا السترات وسرنا صوب المطعم اللي حجزناه لما حجزنا الكروز لين الحين نحن ماندري اذا نقدر نآكل في مطعم ثاني كنت مفكره انه هو هذا المطعم بس أسم المطعم http://i1050.photobucket.com/albums/...ps5ptcvysd.jpg المطعم فخم وراقي ولكن نظرات الناس علينا عجيبه :(49): انا براويهم اذا ماسويت غزو خليجي عليهم :(48): http://i1050.photobucket.com/albums/...ps7lqln5ne.jpg ملاحظه مهمه لازم تاخذون معاكم دايما بطاقة الغرفه وتحافظون عليها بنتي ضيعتها في ثاني يوم وغيرناهم كلهم اول مادخلنا المطعم خذوا منا البطاقه وحطوها في المكينه وظهر عندهم حجزنا دخلونا عند طاوله معينه وخبرونا انه هاي طاولتنا ع طول وحتى لو ماحضرنا تبقى فاضيه وبعد مايلسنا يابولنا المنيو وفيه سلطات ومقبلات واطباق رئيسيه وحلو واظن عصاير اللي يشتغلون أغلبهم مسلمين مخلطين من اندونيسيا والهند ومن آسيا عموما وهالشي وايد ريحنا لأنه بفضلهم أحيانا نعرف اذا بعض الاطباق حلال ولا لا عاد اللي يضحك في الموضوع مب نحن فرحنا بوجودهم بس حتى هم وايد كانوا فرحانين بوجودنا يمكن لأنه نحن الوحيدين المحجبات في السفينه وكانوا يخدمونا بعيونهم عاد وايد يسولفون ويانا ساعات كنت أتضايق بس أنا ما احب أعامل حد لطيف ويايي بقسوه وهم لما عرفوا مني اني يايه مع بناتي وانه زوجي مشغول وماقدر ايي ويانا هالرحله أحسهم اكثر قاموا يهتمون فينا من خلال سوالفنا وياهم عرفنا انه فيه مطعم ثاني وفيه بوفيه ومفتوح 24 ساعه وخبرونا انه نقدر نطلب كل الاطباق اللي في المنيو لو نبا ونقدر نطلب أكثر من مره نفس الطبق لو نبا واخترنا بعض الاطباق http://i1050.photobucket.com/albums/...psfnyy8bpi.jpg http://i1050.photobucket.com/albums/...psdjraeiw3.jpg http://i1050.photobucket.com/albums/...psqzfqge1q.jpg http://i1050.photobucket.com/albums/...pspuibeene.jpg http://i1050.photobucket.com/albums/...ps3uevkl0r.jpg عقب ماخلصنا طلب من الموظف كوبات الماي عشان يسجلهم وانا ماكنت فاهمه وعقب هو فهمني وقلتله ماجبتهم مسكين مشاها لنا والمفروض يدفعنا هاي واسطه ثانيه :bleh: ومن هالموقف عرفت انه هالكوبونات للماي مجانا ولما نطلب ماي لازم ياخذون كوبون عن كل دبة ماي ويوقعونكم انكم استلمتوا الماي عقب بخبركم شو سويت في باقي الكوبنات اللي زادت عندنا:(56): أظن في اي مكان في السفينه نقدر نستخدم الكوبون حق الماي لكن الماي اللي في الغرفه هذاك ماكان مجانا ونحن فتحناهم فحاسبونا عليهم عقب تعلمنا الدرس بس الغريبه نفس الماي اللي نحصله مجانا ما أدري ليش يحسبونه علينا بعد ماتعشينا أو تغدينا الصراحه ما أقدر احدده هاك الوقت شو نوع الوجبه كانت الساعه 6 ونص نقدر نعتبرها مزت المغرب هههههههه وعموما كان لنا لقاء مع مطعم البوفيه فليل والهجوم عليه هههههههههه http://i1050.photobucket.com/albums/...pswxipvc3i.jpg طبعا السفنه تحركت وأنا وبناتي بدت جولتنا الاستكشافيه في السفينه هاي قوارب الانقاذ ان شاءالله مانحتاجهم ونرد سالمين http://i1050.photobucket.com/albums/...psg3hcghs8.jpg لحظات الغروب http://i1050.photobucket.com/albums/...psgeusulnk.jpg أذكر أنا وبناتي كنا سعيدين وفرحانين وايد بالرحله ومتحمسين لها والسفينه حلوه وتبهر http://i1050.photobucket.com/albums/...pshv8dzcqo.jpg وتمينا نتمشى ونتفرج وبالليل دخلنا مطعم البوفيه نشمشم فيه ههههههه http://i1050.photobucket.com/albums/...psr0kzaxxh.jpg البيتزا جدامكم يسوونا في الفرن http://i1050.photobucket.com/albums/...pswtm98sne.jpg كل طبق موجود عليه كارت كاتبين فيه مكوناته وعدة لغه فكنا نعرف الاكل اللي فيه خنزير رغم هذا كلت مره طبق كان فيه خنزير خلاص في كل سفره ياماكله خنزير ولافيه خمر :shutup: http://i1050.photobucket.com/albums/...psdphmafcv.jpg http://i1050.photobucket.com/albums/...pscjgomw1z.jpg http://i1050.photobucket.com/albums/...psdq09oamf.jpg http://i1050.photobucket.com/albums/...psgkbwxgcg.jpg الصراحه عقب ماشفنا مطعم البوفيه طلقنا هاذاك هههههههههههههههههه مرات قليله مرينا عليه من باب الفضول نشوف شو جديدهم http://i1050.photobucket.com/albums/...pspqxtxzkh.jpg http://i1050.photobucket.com/albums/...psn41uxrvo.jpg http://i1050.photobucket.com/albums/...ps1t0kmllj.jpg http://i1050.photobucket.com/albums/...ps57le01mf.jpg البوفيه كل يوم غير ومتنوع ومغري الصراحه وزاد الوزن بسببه http://i1050.photobucket.com/albums/...ps29ccfnog.jpg http://i1050.photobucket.com/albums/...ps0uf7lnqp.jpg http://i1050.photobucket.com/albums/...ps00ghxvbt.jpg http://i1050.photobucket.com/albums/...psw3cw0oac.jpg http://i1050.photobucket.com/albums/...pseqgqfy3z.jpg http://i1050.photobucket.com/albums/...pspegqd1bo.jpg المطعم يفتح للوجبات الثلاث في اوقات محدده مثلا الريوق أظن من الساعه 7 لين 10 ونص والغدء من 12 لين 3 والعشا من 7 أو 6 لين 10 او 9 الصراحه ممتأكده من الاوقات اما باقي الوقت وأقصد اللي بينهم ويكون مفتوح طول اليوم ويقدم انواع من البيتزا والساندويشات والفواكه ومشاريب ساخنه من قهوه وشاي وأعشاب وغيره يعني ماتيوعون في السفينه أبدا وهاي بعض الخفايف اللي تكون في غير أوقات الوجبات الرئيسيه http://i1050.photobucket.com/albums/...pslnddga9e.jpg http://i1050.photobucket.com/albums/...psgdjcqf6h.jpg http://i1050.photobucket.com/albums/...ps9v3jukei.jpg http://i1050.photobucket.com/albums/...psbse4mkal.jpg http://i1050.photobucket.com/albums/...ps5ixdaa4g.jpg http://i1050.photobucket.com/albums/...ps0nqcoq5g.jpg http://i1050.photobucket.com/albums/...psirl6bcqk.jpg http://i1050.photobucket.com/albums/...ps8vreqydu.jpg http://i1050.photobucket.com/albums/...ps7b7gpzbd.jpg تذكرت شي كانوا موفرين في المطعم مكينه فيها ماي ولكن نحن كنا نطلب ماي معدني بالكوبونات واحيانا نطلب زياده وناخذهم الغرفه حق حاجتنا وشفت ناس تشل أكل وتوديه الغرفه اعتقد ممكن تاخذون أكل معاكم الغرفه لو تحبون وبعد اعتقد انه ممكن تتطلبون ريوق يوصلكم للغرفه بس اتأكدوا في هاليوم كنا تعبانين ومرهقين من الرحله ورقدنا أنا والبنات بدري واليوم الثاني نشيت بدري قبلهم وطلعت أتريق وهم عقب يوني ولأنه الارسال مقطوع في السفينه كنا ننتفق وين بنيلس http://i1050.photobucket.com/albums/...psu6ws1tcb.jpg أحلى ريوق مع هالمنظر http://i1050.photobucket.com/albums/...ps1xhg6hsg.jpg عقب ماتريقت طلعت اتمشى والبنات تموا في المطعم طلعت ع طول من باب المطعم ع المسبح ع فكره المطعم والمسابح في الدور 14 لما كنا نطلع من غرفتنا نمشي لين آخر الممر لين آخر مصعد وهويطلعنا ع طول ع مطعم البوفيه شوفوا مخطط السفينه اللي باللون الأخضر هي المصاعد وغرفتنا وين السهم والمصعد الاخير هو اللي يطلعنا مباشره طبعا كل المصاعد ممكن تودينا للدور 14 بس هذا كنت أحسه أسهل بس أمشي في الممر http://i1050.photobucket.com/albums/...psekchuegi.jpg لما طلعت من المطعم شفت عند المسبح حاطين مسرح وكان فيه وحده وواحد يسوون حركات رياضيه والمسافرون يشاركونهم يعني اللي يبا ايي ويصف وياهم والحركات متناغمه مع الموسيقى الصراحه وايد روعه بس اللي ماحبيته انه كان يوم مشمس :sly: http://i1050.photobucket.com/albums/...psxhaefzef.jpg http://i1050.photobucket.com/albums/...psqyzvgt5i.jpg http://i1050.photobucket.com/albums/...pssjudkmxt.jpg عقب رجعت الغرفه أستعد للمساج في هاليوم حاجزه آخذ جلسة مساج عقب تعب أمس أبالي راحه واسترخاء وسرت الاسبا الاكثر من رائع والبنات خليتهم بروحهم يستكشفون السفينه وتواعدنا نلتقي في المطعم وقت الغدا http://i1050.photobucket.com/albums/...psboopcicn.jpg http://i1050.photobucket.com/albums/...pswbidhmek.jpg http://i1050.photobucket.com/albums/...psshq3jsne.jpg http://i1050.photobucket.com/albums/...pswhwczg7s.jpg http://i1050.photobucket.com/albums/...pslzzyqa4d.jpg نسيت أخبركم اني كنت حاجزه من أمس جلستي هاي وحجزت الثانيه حق آخر يوم قبل الوصول بيوم http://i1050.photobucket.com/albums/...psqe3p2saw.jpg عداله الصالون http://i1050.photobucket.com/albums/...psplqfuwcm.jpg http://i1050.photobucket.com/albums/...psk5uudm6o.jpg هذا الكوفي الخاص بالاسبا وطبعا المشاريب بفلوس http://i1050.photobucket.com/albums/...psv1rshv4q.jpg http://i1050.photobucket.com/albums/...ps1g3f5uzy.jpg وهنيه الاستقبال واستراحة الاسبا وعداله الجيم http://i1050.photobucket.com/albums/...psqiy2zlfe.jpg بعد ماعطيتهم بطاقتي وورقة الحجز استقبلتني هاي الاموره من الجهه الثانيه http://i1050.photobucket.com/albums/...psjeptp7st.jpg ومشوني صوب غرفتي http://i1050.photobucket.com/albums/...psgoyxxrtj.jpg هاي غرفتي http://i1050.photobucket.com/albums/...psjiwtcgwv.jpg http://i1050.photobucket.com/albums/...psao9jgirk.jpg وهاي مدلكتي تحييكم http://i1050.photobucket.com/albums/...ps6fpmtpsa.jpg أنا خلصت المساج ورجعت الغرفه وعقب سرت المطعم البنات لعبوا بولينج وتمشوا وعقب يوني المطعم ع الموعد http://i1050.photobucket.com/albums/...psvqijspu6.jpg عقب رجعت ريحت في الغرفه وبعدها سرت مكتب الرحلات السياحيه عشان أضبط برنامجنا وحجزت رحله يديده وسالتهم عن باقي الرحلات اللي حجزتها قالتلي اذا حجزتوا بالنت فخلاص تذاكركم بتوصلكم الغرفه عقب حضرنا عرض مسرحي تقريبا كل يوم شي عرض ويعرض مرتين واحد يبدأ الساعه 7 ونص والثاني 9 ونص نحن حضرنا عرض 7 ونص http://i1050.photobucket.com/albums/...pshz09mtqk.jpg http://i1050.photobucket.com/albums/...psqdo8gfet.jpg انطباعي في هاليومين والمواقف اللي مرينا فيها :ikuy: 1- السفينه جدا آمنه وونيسه 2- خاليه من العرب مثل ماخبرتكم وخاصه الخليجين ولكن تعرفنا ع موظفين عرب مثل ساره المغربيه اللي خبرتكم عنها وعثمان بعد مغربي ويبيع عطور، وهاذيل ساعدونا في بعض الامور جزاهم الله خير مره صار موقف وساعدني فيه عثمان مره نسيت بطاقتي في الغرفه وسرت أدور البنات وماحصلتهم وكنت أبا ادخل الغرفه طبعا كنت أقدر أطلب من الرسبشن بس في هاي الحاله بيغيرون كل البطاقات وانا مابغيت هالشي قاللي عثمان خلي اللي ينظفون يفتحولج الباب وفعلا سرت وكلمت عامل النظافه وفتحلي أصلا هم حافظينا 3- الموظفين جدا حبوبين ومتعاونين وكانوا يعاملونا معامله خاصه واغلبهم مسلمين ومن الجاليه الاسيويه موقف مره من المرات لما بناتي دخلوا المطعم راحلهم الموظف وقالهم امكم يالسه هناك ويابهم عندي هههههههههه 4- أسعار بضاعاتهم في السفينه وخصوصا من الماركات العالميه جدا رخيصه وعندهم عروض وخصومات وخصوصا العطور مثلا اشتريت عطر من عندهم أنا كنت شارتنه قبل بـ 100 يورو وعن طريقهم حصلته بـ 70 وشويه وخذينا أغلب عطورتنا من السفينه ، طبعا مب كل شي متوفر من العطورات اللي نبها واغلبها عطورات قديمه 5- الاكل متنوع ولذيذ ومافي يوع بس فيه متن هههههههههه 6- ارجع واقول كل شي منظم ومرتب ومحد يضيع فيها 7- الرسبشن مفتوح 24 ساعه لأي استفسار 8- احجزوا كل رحلاتكم مع القروب خصوصا في جانب النرويج الافضل مع القروب واصلا أكثر متعه 9- العروض المسرحيه تجنن لاتفوتنها ابدا وهاي مجانيه 10- مافي خوف من اللي يلعبون قمار أو يشربون كل شي عليه ضوابط والسفينه محروسه من جيش الموظفين اللي فيها والصراحه ماقابلنا أي موقف منهم ولاشفنا شي يخوف 11- السفينه مناسبه لكل الاعمار وحتى للمعاقين 12-مشكله كبيره ماتوقعناها في هاليوم حطولنا تذاكر مال الرحله اللي حجزتها من عندهم أما باقي الرحلات اللي حجزناها بالنت مموجوده لما راجعيتهم مره ثانيه اكتشفت انه الرحلات اللي حجزها بوعيسى مموجوده عندهم وقتها ما عرفت شو السبب وحاولت اتدارك المشكله وتميت أحجز الرحلات حق باقي الايام ولكن فيه رحلتين ماحصلتهم ووحده اعتبرها من أهم الرحلات كيف حليت هاي المشكله بخبركم عنها في الجزء الياي تابعوني في الجزء 5 واليوم الثالث ووصولنا لأول منطقه في النرويج :ikuy: |
اقتباس:
هندسته وجاهز :(94): اتمنى يعجبكم ولاتحرموني من مشاركاتكم :(37): |
احلى هندسة يا هداوه جزء عجيب وحلووو حسافه البلكونة لوكانت زجاج ماعليه المرات اليايه ان شاءالله عجيبه طاولتكم مالت الريوق احلى مكان [emoji108][emoji108] ممتاز انه اللي يشتغلون اغلبهم مسلمين [emoji106] انا أحب الرحلات الجماعية مع الأجانب وايد حلوه بصراحه .. وزين سويتي حجزتي معاهم.. ناطرين حل المشكلة .. ترا بوعيسى قاعد ينرفزني ليش ما يتصل ويزفهم [emoji23][emoji34] Sent from my iPhone using Tapatalk |
جزء رووووووووووووعه والحمدلله بدأت تفاصيل المغامرة الشيقه معوضه خير ع البلكونه والحلو انك تقدري تروحي اي مكان بالكروز وتستمتعي بمنظر البحر المنظر من الطاوله وقت الافطار جدا اليم متابع ومستمتع لا تطولين علينا يسلموا ام عيسى |
والله خساره صغر الغرفه والبنت نامت علي الكرسي بدون ما تخليه سرير مشكله الاطلاله انحرمتوا منها بس مثل ما قلتي ما فيه شيء يعكر المزاج تذكرت تقرير A.B.C. وقارنته مع تقرير ابوسعد وتقريرك كل واحد اتخذ طريقه ف يالبرنامج انتي حجزتي معاهم ابوسعد للحين يتضح لي يحجز سياره اول ما ينزل ويروح لحاله وصاحبنا الله يذكره بالخير كان مرات يحجز من برا بالأخير الكل يثني علي تجربته وهذا شيء طيب أنك تقدر تخطط علي راحتك بدايه رائعه جدا ومنتظرين أول يوم وصول للنرويج فيه واسطات بعد أو وقفت |
الحمدلله اليوم خميس وطلع التقرير بداية منتازه جدا :) ما احب الغرفة لما تكون صغيرة ابدا تحس بكتمه الله يعينكم وماشاء الله السفينه جميلة البوفيه المفتوح افضل خصوصا إذا كان منوع :) لو فيها سينما ياسلام ههههههه في انتظارك خلال 72 ساعة القادمة نبا نشوف اليديد يا ام عيسى طاقم الموظفين المسلمين افادكم الحمدلله متتتتتتتتتتتتتتتابع |
صباح الورد ياورد [QUOTE=q8ya metnaqla;164993]احلى هندسة يا هداوه جزء عجيب وحلووو حسافه البلكونة لوكانت زجاج ماعليه المرات اليايه ان شاءالله عجيبه طاولتكم مالت الريوق احلى مكان [emoji108][emoji108] ممتاز انه اللي يشتغلون اغلبهم مسلمين [emoji106] انا أحب الرحلات الجماعية مع الأجانب وايد حلوه بصراحه .. وزين سويتي حجزتي معاهم.. ناطرين حل المشكلة .. ترا بوعيسى قاعد ينرفزني ليش ما يتصل ويزفهم [emoji23][emoji34] فديتج هذا من ذوقج استانست امس لم شفت ردج قبل لا أرقد قلت في خاطري هاي الوحيده اللي عبرتني :yolks00640: مع انه كانوا داخلين في هالوقت أكثر من 100 شخص :(150): عاد انا قلت الردود بتهل عليه من الناس اللي كانت تتريا :sly: المره اليايه بروحي بوقف ع راس بوعيسى وهو يحجز توبه تخيلي كل أيلس هنيه وأحلى الاوقات عندي لما اعيش جوي بروحي هيه والله الرحلات معاهم حلوه ومنظمه بس عيبها انج مقيده بوقت معين معاهم هههههههههههههههههههههههههه خبرته البار حه عن ردج وقلتله خليت الناس يحقدون عليك :(34): وعقب تميت أتضارب وياه وأقوله ليش ماكلمتهم :(150): شوفي تحليلي الشخصي للموقف بوعيسى ماكان وده نسافر عنه ولكن ماقدر يكسر بخاطرنا وخلانا نسافر وعشان جيه ماكان متحمس لأي شي وكان وده نقوله ملينا ونبا نرجع ولكن طلع العكس ههههههههههههه أشكرج من قلبي ع مشاركتج وتفاعلج وياي :(149): |
يسعدني صباحكم اقتباس:
اقتباس:
ترا هذا اللي عوضني اني أقدر أيلس في أي مكان واكون مجابله البحر بس بعد كانت بتكون فيها متعه خاصه وانا ببلكونتي ياسلام أحلى الاوقات قضيتها في السفينه في المكان وانا مجابله البحر بحاول أجهزلكم اليوم يديد واذا ماقدرت أنزله اليوم فبيكون باجر ان شاءالله الله يسلمك يارب اقتباس:
اقتباس:
فعلا خساره انها ضيقه وصغيره والحمدالله انه معاي بناتي مب حد أنحرج منه وفديتها وايد عانت من نومتها ع الكنبه ماكانت مريحه رغم انها وسيعه وكنت أقولها بنخليهم يفتوحنها بس تقول لا فعلا هالتنوع وايد مفيد لليبا يسافر عشان ياخذ الخيار اللي يناسبه بس بالنسبه للنرويج أنا أنصح برحلات القروب لأنه الاماكن السياحيه بعضها بعيد والبلدان الاسكندنافيه ممتعودين عليها ومانعرف وايد طبيعتها والسواقه فيها والافضل مانغامر لأنه انتوا ملزومين بوقت للعوده ولابتروح السفينه واذا أجرنا سياره مع سائق ما أدري اذا أصلا متوفر وكيف أسعارهم ومن خلال تجربتي بتعرفون أكثر بعد فيه واسطه وهاي المره واسطه كبيره :yolks00250: اقتباس:
اقتباس:
الحمدالله انه عجبكم نحن الحمدالله ماشعرنا بالكتمه لأنه فيها بلكونه غكنا نفتح الستائر وتكون الغرفه شرحه بس مب وايد أنا مستغربه ليش السفينه مافيها سينم وتعرض أفلام حلوه هاي 72 ساعه انزين يمكن في خلال 24 ساعه ماتدري كل شي جائز وتسعدني متابعتكم وتفاعلكم |
تقريرين دسمين من بوسعد وام عيسى راح نشوف احلى التقارير ام عيسى ذكرتيني برحلتي العام بالكروز لجزر الكاريبي وبصراحه كان اختياري للجزر سيئ جدا مااستانست فيها كانت وايد حر ورطوبه ومافيها شي غير السباحه والغوص وانا ماعرف اسبح استانست بالكروز واااايد كنت حاجزة سويت ولا أروع حسيت بشعورج لما قلتي اجابل البحر مع كتاب صج مناظر وراحه بال انا مثلج ماتوقعت اني استانس بالكروز لكن مرت الايام بسرعه ماحسينا فيها |
حسافه بلكونتكم حاجزها حديد لكن زين تسزين طنشتي الحاجز واستمتعي بالسفره على فكرة رحلتنا بالكروز كانت كلها خليجيين ومسلمين من ماليزيا وواااايد المتحجبات |
اقتباس:
هههههههه ان شاءالله دوم مستانسه قلتلج سهاري الليلة [emoji23][emoji23] هههههههه الله يخليه لكم لان متعود السفر معاكم - اي المره اليايه انتي سوي شغلج عشان تضمنون [emoji23][emoji23] صح ملتزمين بالوقت بس الحلو يروحون اماكن احنا مانروح لها .. نبي جزئين عشان الويك اند [emoji5][emoji5] Sent from my iPhone using Tapatalk |
جزء جميل هل عند حجز الغرفة فيه مخطط مثل حجز الطائرة تستطيعين تحديد الغرفة ؟؟ لان البلكون الحديد مشكلة !! ايش المشكلة اذا في عرب او خليجين ؟؟؟كثير يعتبرها ميزة عدم وجود عرب !! متابعين و مستمتعين |
وتحركت السفينه :(34): خساره لسويت ما كان مثل ما توقعتوه من حيث الحجم والبلكونه عجبني مطعم البوفيه باين عليه وايد متنوع والاحلى انه ٢٤ ساعه حلوه الأنشطة و متنوعة يمر الوقت وما تحسين بيه بديت أتقبل فكرة الكروز شوي متابعين المتعه |
يسعدني مساكم بدأ العد التنازلي بوفيصل عاطني مهله 72 وانا مابديت في الجزء اليديد الحين ببدأ فيه وبشوف اذا بقدر أنزله اليوم اقتباس:
اقتباس:
ياسلااام كتبتي تقرير عن رحلتج هاي؟ الصراحه محتاجين تقارير عن الكروزات أحسه عالم مجهول شوي عنا بس الحين ان شاءالله عقب تقاريرنا واللي بيون عقبنا بتتضح الصوره أكثر وأكثر اقتباس:
اقتباس:
هيه والله حسافه ماكان عندي حل الا اني أرضى بالامر الواقع اعتقد بعد الكروزات اللي صوب اوروبا ممكن يكون فيها خليجين بس اللي صوب البلدان الاسكندنافيه تكون قليله جدا اقتباس:
هيه فديتج انتي بس اللي سهرتي ويايي اللهم آمين عاد المره اليايه ان شاءالله يكون هو معانا ياويلي انا جزء مب قادره ابدأ فيه تعرفين ويك انك وتجمع مع الاهل اقتباس:
اقتباس:
اقتباس:
اقتباس:
اقتباس:
يوم حجزنا هم حددونا 4 غرف ونحن نختار بينهم ع اساس انه الباقي محجوز فأعتقد فييه بس هم يخبرونكم بالغرف المتوفره لا أبدا مافي أي مشكله بس من باب المزح انا كنت أقول جيه بالعكس اتمني لو كان معانا عوائل خليجيه ع الأقل مابنشعر بالغربه مع الاجانب من ناحيه ثانيه بعد كثرة الخليجين والعرب في مكان سياحي مب حلو اذا صار زحمه منهم مثلا زيلامسي السنه اللي طافت يوم زرتها ماحبيتها من كثر الخليجين وكل شوي تقابل حد تعرفه وتسلم بعد جذي مب حلو اقتباس:
اقتباس:
هههههههههههههههههههههههههه هيه تحركت أخيرا اعتقد هاي غرفه ديلوكس مب سويت الصراحه رحلات الكروز جدا جميله وفيها متعه كبيره بعد ماجربتها |
السموحه مابنزل يديد اليوم شكلي مرضت اليوم كله وانا أشعر بالتعب والام في جسمي وبروده ان شاءالله مايزيد عليه دعواتكم لي بظهر الغيب |
ماتشوفين شر يا ام عيسى اخذي راحتج |
سلامات ام عيسى ماتشوفين شر وعلى راحتك الاكل يوم يكون على نار هاديه افضل وكمان التقرير بس حنا اللي بنستوي مو التقرير ههههه الف لاباس |
الف لا بأس عليكي طهور ان شاء الله خذي راحتك ونحن بالانتظار |
لا بأس طهور |
ماتشوفين شر هداوه Sent from my iPhone using Tapatalk |
يسعدني صباكم ومساكم الله يسلمكم يارب والشر ماآييكم حبايبي الحمدالله انا اليوم أفضل بوايد ما أدري امس صابتني حاله عجيبه شعرت ببرد مب طبيعي وجسمي يعورني ومتكسر والغريبه مافيي سخونه بس خذيت مسكن وتدثرت والحمدالله أصبحت بخير ابشروا بجزء يديد ان شاءالله |
الف لا باس عليك ام عيسى طهور ان شاء الله ننتظر الجزء الجديد |
الحمد لله عالسلامة وانشا الله ماعقلبك شر ننتظر تتمة الابداع وبرايي المتواضع ومن دون مجاملة تقريرك افضل تقرير هذا العام لانه يجمع الاثارة والتشويق والمعلومات الغزيرة والتفاصيل الدقيقة |
سلامات ام عيسى خذي راحتج |
اقتباس:
سلامتك من كل شر إن شاء الله اجر وعافية |
| الساعة الآن 10:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO