الله يجزاكم خير
خلاص حجزنا
الرياض ⬅️لوسانجلوس
لوس انجلوس ⬅️الرياض
بتاريخ ٧ ابريل الى ٣٠ ابريل باذن الله
ابي الله يسهل اموركم خط سير مقترح وفنادق بسعر معقول
والله يفرج هم من ساعدني ويسعده اضعاف مضاعفه

ماشاء الله مبروك
وان شاء الله تقضين رحلة سعيدة
ايش المدن اللي رسيتي عليها؟ على شان نقدر نساعدك

وعليكم بالبحث في موقعين للسكن airbnb و homeaway

زين زين بالبركة
اهم شي عندكم فيزا ولا بتقدمون


تقريبا تقريبا 3 اسابيع حلوين

استقروا بجنوب لوس انجلوس
و انتقلو بالسيارة الى سان دييغو
ثم الى لاس فيغاس ثم الى سان فرانسيسكو ثم الى شمال لوس انجلوس

الجنوب 6 ليالي
سان دييغو 4 ليالي
لاس فيغاس ليلتين
سان فرانسيسكو 4 ليالي
و الباقي في شمال لوس انجلوس

الله يبارك فيكم استاذ ابو ناصر واستاذه منيره
الفيزا طلعناها من زمان ولله الحمد
المناطق الي ناويتها شمال لوس انجلوس وجنوبها وسان فرانسيسكو لاس فيقاس وسان دييقو
اختي منيره ::
ليش تكون اول محطه الجنوب مو الشمال ولا وش رايك
والمخطط الي اعطيتيني بيكون سهل ولا فيه تعب لانوه يقال انها زحمه جدا لوس انجلوس

وبالنسبه للسكن انصدمت من الاسعار لم تكن بالحسبان ياليت لو تذكرون لي فنادق او شقق فندقيه مناسبه وللعلم راح يكون معانا سياره باذن الله

شاكره لكم ومقدره جهودكم

صباح الخير

من واقع تجربه قبل شهر
لوس انجلوس ليست بالزحمه المهوله من الناس
ولكن لها اوقات ذروه مثل الصباح من 7 الى 9
والمساء من 5 الى 6

بخصوص لاسفيغاس
خلو لها اقل شي 4 ايام

بخصوص السكن هناك الكثير من الفنادق اسعارها حلوه
بس كم عددكم ومتى تواريخكم

لوس انجلوس
حددي اي المدن بتجلسون فيها
لانها تفرق بالاسعار

صحيح بعض الأسعار مبالغ فيها في كاليفورنيا

عشان كذا رشحت لك استخدام homeaway و airbnb في امريكا


والأخت منيرة قسمتها حسب مشاوريكم داخل وخارج المدينة

الله يجزاك خير اخوي ابو ناصر
والله ماادري ايش الافضل ناس تقول بفرلي هلز و سانتا مونيكا وهوليود
فايش افضلهم للسكن وقريب من الاماكن السياحيه
واخوي ايش عناوين السكن الي جربت عن طريق هالموقعين
ووين
نحن زوجين وطفله خمس سنين

خليك في سانتا مونيكا
حول شارع ثيرد استريت
انا اتعامل مع بوكنق
بخصوص سانتا مونيكا طالما معكم سياره فبيفرلي هيلز وهلوليود بتصير عشر الى ربع ساعه
انا اخترت لك سانتا لانها حركه الى وقت متأخر

الموقعين جيده بس حوسه ولازم مراسلة المالك
وشغلانه
واغلب من يستاجر من عندهم اللى عوايل كبيره تدور فلل او شقق
خليكم على فنادق افضل

الله يسعدك ياابو طلال طيب ايش تقترح لي فندق زين وسعره معقول
لان بحثت وكلها غاليه صراحه خاصه اذا جمعتها مع ضريبه المدينه والمواقف