شبكة و منتديات العرب المسافرون - البحرين ...رحت وإلا ما رحت ؟؟

- بوابة البحرين (https://www.arabtrvl.com/vb/f70.html)

- - البحرين ...رحت وإلا ما رحت ؟؟ (https://www.arabtrvl.com/vb/t14763.html)

اقتباس:

المشاركة الأصلية كتبت بواسطة Deena (المشاركة 204232)

الاكل بيشهي والديكورات حكااااية :18: عليكم بالعافية

ما عرفت اليريش ولا المضروبة .. الهم اسم تاني ؟؟

متابعين معك ام حسييين :e310:

اسمحيلي أرد ام حسين
الجريش مثل ما قلتي قمح بس مكسر و ينباع في الجمعيات و السوبرماركت و يكون نثري مثل البرغل
و المضروبة احنا نسويها من حب الهريس المجروش او حب العيش و ما يكون العيش مطحون
لكن من كثر الطبخ ينهرس العيش بس يكون فيه شوي حبات
و ان شاء الله تشوفين هالاطباق في بوابة رمضان

رؤيا تهبل ... انا اروح المطعم علشانها اصلا

اخلاقها تيينن اذكر اول مره رحت المطعم كان يمكن ب2013

سولفت ويانا حزتها شلون عرفتو عن المطعم ومن هالحجي وبعدها يابت لنا قطعه كيكه هديه منها

ومن عقبها كل مارحت البحرين رحنالها ...

والله من الدول اللي على كثر ما اروح لها لكن اظل مشتاقتلها ..

اقتباس:

المشاركة الأصلية كتبت بواسطة منيرة (المشاركة 202144)

افاااااااااااااا

جان قلتوا له رايحين حفر الباطن و راجعين باجر :24:
على طاري مراكز الحدود

تخيلي ان كنا رايحين من البحرين الامارات
و بالخطا بدال ما ياخذون جوازي خذو جواز جدتي الله يرحمها

المهم عدينا جسر الملك فهد سلامات
وصلنا منفذ البطحا، قام الضابط يسال فلان و يقول نعم
قال منيره قلت نعم قال انتي منيرة قتله اي قال هذي حرمة كبيرة وانتي ياهل :12:

فقال له ابوي الظاهر بالخطا خذنا الجواز قال اصبروا بسال المسوول
المهم طلع المسوول و طل علينا بالسيارة شافنه عايله قال عوايل عوايل مشهم مشهم :32:

قاله ابوي منفذ الغويفات مايرجعونا قاله توكل على الله
المهم طلعنا و دخلنا لحدود ولاحد درى اني بجواز يدتي الله يرحمها الا منفذ البطحا عند الدخول :32:

وش هالغلط الفادح يعني جوازك بالبيت ؟؟؟ وغريبة يقبل النظام جواز جدتك وهي متوفية الله يرحمها :30:

يعطيك العافية على التقرير الصدمة

من البداية انصدمت ولما اتصلتي على دانة انبسطت وصار فيه أمل للمغامرة وخيرة انكم رحتو الصحب عشان مايضيع ليلكم بالطريق وبعد ماينحسب الفندق .

ولو دورتو فندق غير هذا بتحصلون بالسيف او الجفير شقق نظيفة وارخص وممكن يدخلونكم قبل بوقت.
بخصوص مطعم فيلا ماماز حسيت اسعارة عالية على الكمية الموجودة بالصحون وعلى عددكم 5 كثير.
وأفضل بالسفر عدم التردد على نفس المكان والمطعم والذهاب الى أماكن جديدة لللاستكشاف.
وكملي التقرير :10:

ماشاء الله حمستينا وشوقتينا ودخلتينا جو المغامره والحماس عشنا معاك الرحله

انا لي ست سنوات مازرت البحرين مع انهي قريبه مني لكن الحين مشتاقه ازورها بعد صورك المتعه

اقتباس:

المشاركة الأصلية كتبت بواسطة هاوية الاسفار (المشاركة 204303)

اسمحيلي أرد ام حسين

الجريش مثل ما قلتي قمح بس مكسر و ينباع في الجمعيات و السوبرماركت و يكون نثري مثل البرغل
و المضروبة احنا نسويها من حب الهريس المجروش او حب العيش و ما يكون العيش مطحون
لكن من كثر الطبخ ينهرس العيش بس يكون فيه شوي حبات

و ان شاء الله تشوفين هالاطباق في بوابة رمضان

ان شاءالله نشوفها اذا الله أحيانا
يعطيج العافيه يام علي

اقتباس:

المشاركة الأصلية كتبت بواسطة opera_kw (المشاركة 204388)

:e132::e132:
صاجة تهبل الشيف رؤيا
وتستاهل من يتعنى لمطعمها
وانا مثلج هالديرة عشق ابدي وراحة نفسية
شكراا لمرورج يام بدر

اقتباس:

المشاركة الأصلية كتبت بواسطة SNAPTRAVEL (المشاركة 204486)

وش هالغلط الفادح يعني جوازك بالبيت ؟؟؟ وغريبة يقبل النظام جواز جدتك وهي متوفية الله يرحمها :30:

:e132::e132:
أعتقد جدتها بهذيك الفترة وقت سفرتهم كانت من الأحياء
يعطيك العافيه

اقتباس:

المشاركة الأصلية كتبت بواسطة SNAPTRAVEL (المشاركة 204495)

يعطيك العافية على التقرير الصدمة

من البداية انصدمت ولما اتصلتي على دانة انبسطت وصار فيه أمل للمغامرة وخيرة انكم رحتو الصحب عشان مايضيع ليلكم بالطريق وبعد ماينحسب الفندق .

ولو دورتو فندق غير هذا بتحصلون بالسيف او الجفير شقق نظيفة وارخص وممكن يدخلونكم قبل بوقت.
بخصوص مطعم فيلا ماماز حسيت اسعارة عالية على الكمية الموجودة بالصحون وعلى عددكم 5 كثير.
وأفضل بالسفر عدم التردد على نفس المكان والمطعم والذهاب الى أماكن جديدة لللاستكشاف.
وكملي التقرير :10:

:e132::e132:

الله يعافيك اخوي
الحمدلله خيرة والصباح احلى واسلم من الليل
بالسيف مادورنا والجفير سبق في سفرة سابقه ما حصلنا شقق نظيفة
والنظيفة فل
واحنا نحب منطقة السيف وتعلمنا على هالفندق
ودام حصلنا فيه ما حبينا ندور على واحد ثاني
فيلا ماماز احنا كنا سبعة أشخاص
الأكل كميته وايد لا تغرك الصوره
وحتى الطاجن كانو الاربع بنات متقاسمينه
كل ثنتين بطبق
والقوزي لي اكلوو معاي بعد
غالي مثل ما قالت كويتية متنقله لأنها تستخدم المواد الطازجه والاورغانيك
والله هالمره ما مداني امر اماكن جديده
والعيال حابين يجربون فيلا ماماز
يعطيك العافيه على المرور الجميل وظل تابعنا

اقتباس:

المشاركة الأصلية كتبت بواسطة عشقي السفر (المشاركة 204505)

:e132::e132:

تسلمين ومن ذوقك
انا لو البحرين قريبه مني كان لازم بالشهر على الاقل مرتين
يلا روحي وسوي لنا تقرير اجمل بعيونكم
يعطيج العافيه على المرور الجميل