|
انتم ليش حريصين على الآجار ؟؟ لان بريطانيا ماتحتاج دائما سيارة فهي مخدومة بجميع انواع المواصلات وعمرها ماكانت مشكلة لكن اذا حبين تجربون تجربه جديدة وممتعه بنفس الوقت ليش لا اشجعكم وبأذن الله بتلقين عندهم جميع انواع السيارات اللي تبون ولو بسائق وهذا الاكيد بتحصلونه |
الباصاات اكسبريس توصل لاي مكان تبونه |
ابغاها بآخر يوم لنا بمانشستر الى البحيرات بعد كذا نسلمها وبالقطار للندن |
وين تبون تسلمونها ؟؟ في وندرمير !! صدقيني بتبهذلون فيها وبتكون عائق لكم غير حساب بنزينها الغالي يعني بتطلع عليكم اكثر من بيع السوق الرجعة بتكون من ونديرمير للندن صح يعني بتاخذون السيارة من مانشيستر وبتسلمونها في ونديرمير ثم بعدها للندن صحيح فكري ان اقرب مسافه لتسليم السيارة في وندرمير بعيده شوي يعني الي بيسلم السيارة بيضطر يرجع بتاكسي لكم من هناك وثم تاكسي للمحطة انا اشوف انكم تريحون راسكم من غثى السيارة وسوالفها ولاترتبطون باستلام وتسليم السيارة روحو بقطار اريح واحسن ولا فيه ارتباط بشي وهناك كل العالم تمشي وتنحصر زيارتها حول البحيره او بتكاسي قريبة للمكان الي انتم فيه عددكم كبير لو 2 او 3 - 4 كان قلت لكم اوكي استأجروا سيارة بتستمتعون فيها لكن اكثر من كذا اشوفها مالها داعي وتبين الجد انا اشوف البحيرات بكبرها وبعد مسافتها ماتصلح لعائلة كبيرة بريطانيا كلها ريف ويوجد من الارياف ماهو اجمل واحلى واكثر فعاليات من البحيرات نفسها مثل وستفلد قريبه من لندن وفرصه للتسوق منها كذلك وزيارة بعض الآثار والقصور الملكية القريبه وكذلك وندسور وجمال قلعتها يكفي انها مصيف للملوك والأمراء واشهر سباق خيل يقام فيها سنويا |
يعني نكنسل السيارة طيب عندي استفسار لندن رحتها كذا مره وما امل منها ابداً هذي السفرة بكون بلندن من ١الى١٤ اوغس عندي نيه اطلع الآوت لت بيوم واطلع لملاهي بيوم وسفاري يوم ايش في اشياء خارج لندن تستاهل بعترف اعتراف انا من النوع اللي امشي ولا ادقق على اسم المكان يعني لندن رحتها كذا مره واغلب معالمها وشوارعها زرتها لكن مااعرف اسماء الشوارع او المناطق فإذا بتدلوني على شي اشرحوه لي |
مرحبا اختي طوق نفس ماقال لج مشرفنا السياره حق ويندرمير سالفه لو تستأجرين سياره من مانشستر مثلا وترجعينها بمانشستر افضل انا شفتج لج بالمكاتب القريبه المشكله مافي سيارات فان تكفي العدد بالنسبه للأماكن الي ذكرتيها راح نذكرها لج بالتفصيل ان شاء الله الاوت لت بستر فلج يتحرك القطار من محطه London Marylebone هالمحطه في ظهر فندق لاندمارك بالضبط والوصول محطه Bicester Village الوصول الى محطه قطارات مارليبون ( نسيت السكن عطيني سكنكم واقولك الباص الي تروحين عليه ) بعد الوصول الى بستر فلج اول ماتنزلون من القطار اطلعي من باب المحطه وانتظري بيوصل لكم باص ياخذكم للأوت لت تقريبا 5 دقايق المسافه للأوت لت وبعد ماتخلصون تركبون الباص مره ثانيه وتروحون المحطه لما توصولن محطه بستر فلج للعوده بتحصلين ممر مغطى فوق السكك الحديد ينقلكم للجهه الثانيه لان الطريق الي رايح لندن من هناك تركبين الدرج وتنزلين من الناحيه الثانيه للخط المسافه بالقطار 00:46 دايركت لما توصلون محطه مارليبون اشترو التذاكر عادي من هناك بدون تحديد الوقت لان التذكره صالحه طول اليوم واقرب رحله رايحه بستر فلج تاخذونها بعد ماتشترون التذاكر شوفي في اي خط القطار وركبو فيه كل نص ساعه في قطار رايح للأوت لت الاماكن الثانيه راجع اذكرها لج ان شاء الله |
الله يمهل لكم ... من الاماكن حول لندن فيه هذا السفاري وهو سفاري وحديقة حيوان ... ناوي اروح له قريب ان الله يسر وفضينا شوي .. فالان ماعندي خلفيه عنه كبيرة بس هو قسمين ... قسم حديقة وقسم سفاري يندخل له بالسيارة Woburn Safari Park هاري بوتر ... https://www.wbstudiotour.co.uk/ زرته قبل اسبوعين ومصور له عشان تقرير بس الله ييسر وانزله حلو مره وبياخذ من وقتكم 3 ساعات بدون المشوار ... بس حاولوا تحجزون من الان اذا تبون لان الحجز صعب ... والمكان مره حلو خصوصا للي تابعوا سلسلة هاري بوتر ... لان هنا تم تصوير بعض الاجزاء .. وفيه عندهم كوفي شوب ومطعم... ... |
القطري خلاص كنسلنا السيارة السكن شقق بادنغتون ابو عبدالله هاري بوتر خارج لندن وكم المسافة؟؟ |
اقتباس:
WD25 7LR وتقريبا ساعه بالمترو من وسط لندن ولهم باص ينقلكم من محطة Watford Junction اللي هي اقرب محطه للاستديوهات ( تذكرة ذاهب وعودة للمحطه باوندين ونص للشخص ) |
حلو بشوف هل يناسب لنا او لا رغم ثقتي بذوقك في الاماكن |
| الساعة الآن 11:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO