|
اقتباس:
من الاسواق مولات ويستفيلد ... - فيه اثنين ويستفيلد في لندن الاول : على البوست كود : W12 7GF والوصول له عن طريق محطة Shepherds Bush وحوله اسواق شبربوش الشعبية على البوست كود W12 8DE وانا ماعجبني لاهو ولا منطقته :24: الثاني وهو عندي اجمل يقع في ستراتفورد على البوست كود : E20 1EJ ومحطته هي Stratford وتخدم القطارات او قطار DLR او الوصول بالباص . ------------------- شريك عين لندن مدام توسو نصيحه مني بما انه معك اطفال فـ شريك مره بيبسطهم كثير وخصوصا الباص في نهاية الجولة ( عبارة عن شاشة 4D ) وهذا تقرير عنه http://www.arabtrvl.com/vb/t10226.html انا اشتريت التذاكر من موقع مدام توسو https://www.madametussauds.co.uk/london/en/tickets/ واخترت مع مدام توسو عين لندن ، مغامرة شريك ، الاكواريوم ( موب حلو ) دنجوان ما دخلته لان عيالي صغار موب لاني جبان او خواف لاقدر الله :e419:... اذا شريت من مدام توسو فاول مكان تروح له هو مدام توسو وهناك يعطونك تذاكر باقي الاماكن بس انتبه : التذاكر ماتخولك الدخول فورا خصوصا لشريك، لازم تروح وتحجز من عندهم موعد معين بنفس التذكرة اللي تاخذها من مدام توسو .... وعين لندن تغير التذاكر من المبنى المقابل لها ( اذا وقفت عند العين خلها بظهرك يصير مبنى التذاكر لها على يمينك في الزاوية ) بس لاتصف في سراء الشراء ... لا شف الموظف وبيدخلك على الشباك مباشرة تغير التذاكر لانك اصلا مشتري ومخلص .... طبعا العين وانتم فيها فيه اماكن حمراء اعتقد هي حقت التصوير للكاميرات المثبته في جسم العين من الخارج ( اللي يبغى صوره منهم ) ... - مدام توسو حلو وكبير وبتستمتعون فيه لوقت طويل شوي واذا انتهيتوا منه فيه عرض 4D حلو مررره لاتفوتونه بسبب الزحام ... والزحام يكون بسبب انه يكون فيه عرض وبمجرد انتهائه تفتح الابواب ويدخل الجميع ولاتنسون تاخذون النظارات معكم وهي موجوده عند الصالة داخل حاويات . - اذا تحبون تجربون اكل الشوارع ... خل عين لندن على يسارك وامش قدام بتدخل بوسطهم ولو تعديتهم من هناك بتوصل لـ Borough Market على البوست كود SE1 1TL ، طبعا البوست كود بنص المنطقة تقريبا يعني بتدخل قبل ... والمسافة من عين لندن الى هنا كلها منطقة تمشية وبتصير قريب من جسر البرج ( اللي ينفتح لمرور السفن على التايمز ) - عودة لمغامرات شريك عشان اقول لك عن مكانهم فانت تخلي العين على يمينك وتمشي بمحاذاة النهر بيجي ع اليسار ( جنب الاكواريوم ودنجوان ) قبل الدرج . - بالنسبة لمصنع حلويات كادبوي فهو في برمنجهام وكم مره افكر اروح له بس ماالقى حجز يناسبني فما عندي شي جديد عنه بس يحتاج الى حجز بدري شوي .. - هاري بوتر حجزي له في الشهر القادم وماعندي الان معلومات كافيه عنه بس ان شاء الله انزل تقرير عنه ويساعدك في اتخاذ القرار . وبما ان تذاكره غاليه فانا احس انه شي حلو . وصعوبة الحجز المتأخر تعطي انطباع انه حلو بعد ... - كامدن بما انك سكنت حوله فاعتقد اجل انك تعرفه وهو موب كله مغطى وفيه مجسمات خيول ودعاسيق حلوه وسويت تقرير عنه وقبله من المترو الى توصل له محلات كثيرة مجال المكاسر مفتوح فيها بلا حد . ولو رحت له عن طريق المترو فمر على قناة ريجنت ( هي النهر اللي تمر من فوقه وانت رايح للسوق ) فيه مسار مشي جميل اذا كنت من اهل المشي . والمسار هذا طويل شوي ينتهي بك بعد ريجنت بارك وفيه تمر بحديقة الحيوانات وتشوف بعضها ( سبق اني مشيته وكان حلو مره ) . - لندن مدينة ( مشي ) خصوصا كثير من الاماكن قريبة من بعض وشوارعها مخدومة للمشاة بشكل كبير وايضا اذا شفت خط مشاة فالطريق لك واجبارا ليس تكرما على السيارات الوقوف لك ... |
رحلة موفقة ان شاءالله اشوف انه من الظلم انك تقلل بعدد الايام بلندن خاصة انها اول مره للمدام والاطفال لندن حلوة ومريحة كثير حتى للي معاهم اطفال اهم نقطة حاول تحجز بشقق لانك فعلا راح تحس بالفرق احساس جميل تصحوا الصباح تتقضوا لوجبة الفطور من السوبر ماركت وكمان فيها توفير لانها ارخص ولانك ع الاقل بتاكل وجبة وحدة بالشقة الله يسعدكم ويهنيكم |
منطقة بادنقتون العام سكنا فيها حلوووة وقريبة من الهايدبارك والاكسفورد وخلي بالك ترى بالوقت هذا راح تكون شوي باردة والزحمة بكل مكان لندن او غيرها غزينا العالم ماشاءالله بنكون بلندن من 1 الى14 اوغس واسعار الشقق والفنادق نار |
اللع يعطيك العافية ابو عبدالله على تجاوبك وابركها من ساعة لما تمر علينا وتحط شوية معلومات مشكور طوق على اهتمامك وصادقة الاسعار نار نار تقولين الاجواء بتكون باردة شوي ( اخر شهر 7 وبداية 8) |
اقتباس:
ابو مهاب اذا بتاخذون شقه وعادي تاكلون فيها احيانا فأكثر الاشياء اللي في المطاعم تلقاها مجمده في (Island) او (Aldi) وتسكو وسنسبري وغيرها بس ايسلند والدي ارخص بزياده :1: وبعضها لمطاعم معروفة .... وفيه للنباتيين او اللي ماياكلون لحم ...ونفس الطعم واوفر 90% من المطاعم ... وكلها بالمكرويف ... تحسون اني تحمست :e419: والجو بالعكس في جيتكم حلو او حر شوي وبتكون ودرجات الحراره فوق 25 وتوصل احيانا فوق 30 ... وهو بالنسبة لنا الخليجيين حلوووو مره .... العام وصلت 38 وبغوا يفطسون ... واحنا برمضان مبسوطين وصايمين ونمشي بالشمس من حلاوة الجو لنا |
الله يسلمك ابو عبدالله ان شاء الله ناخذ شقة دورت عن طريق بوكنغ أسعار خيالية شيكت airbnb لقيت شقق مناسبة فيها الرخيص (بس بعيد شوي) وفيها المتوسط وفي مناطق معروفة اما وسط لندن غالية (بس ارخص من بوكنغ) في شقق كثير في منطقة Canary wharf ، ايش رايك فيها وشقة لقيتها رخيصة مكانها جنب Hoxton Overground Station وكمان شقة في شارع ليفربول وشقق في STRATFORD |
ابو مهاب هالمناطق اللي ذكرتهم ابعاد وبالليل من المغرب تكون هاديه شوف بادنغتون وكوينزوي ومارليبون كوفنت غاردن Sent from my iPhone using Tapatalk |
ابو مهاب ... انا منيب حجة في السكن :3: لأني بخيل :41: ومحد يعطيني وجه فما اقول رايي :24: في المدن الامنه مثل لندن وباريس واللي السكن فيها غالي + الجلوس فيه قليل انا ماافضل اسكن غالي وافضل اذا كنت بصرف اصرف الفرق في فعاليات كثيرة ومايكون بفندق محد جالس فيه... بباريس اخر مره سكنت خمسة ايام بـ 1400 ريال ... وكانت بزون 2 ..والمترو يقرب البعيد ... انا اشوف الواحد اذا كان بصحه وعافيه وش المشكلة يسكن في الضواحي او برا المنطقة المركزية على الاقل اذا كان السعر داخل غالي ... وليش ارهق روحي او ان اكثر الميزانية يروح ع السكن بدون سبب مقنع ... السكن الغالي والمريح اشجعه في سياحة الجزر ، الدول الفقيرة ، واذا كنت رايح مدينة او دولة المواصلات العامة فيها سيئة ومااقدر استاجر سيارة ... المناطق اللي انت حطيتها تبعد نص ساعه بالكثير عن قلب لندن بالمترو او الباص واشوفه وقت عادي للمسافر ... بس طبعا انا ماافضل اجلس 10 ايام بشقة وحده وافضل اني اغيرها يعني على الاقل تكون بين شقتين .. الحافظ الله سبحانه ومستوى الامن هنا جدا جدا عالي والناس مسالمين جدا ... بريمير ان اسعارهم حلوه احس وبوسط لندن : Premier Inn Hotels | Book Direct for our Saver Rates فيه مواقع عندي اذكر سبق طلعت منها شقق حلوه واسعار حلوه بدورها وكان لقيتها جبتها يمكن تفيدك ... ولو رحت لندن هالاسبوع بتشوف شقق واجيب لك خبر |
اقتباس:
السكن في المدن اهم شي يكون آمن وقريبة منه مواصلات المسألة مو بخل ، نفس فكرتك ليش ادفع مبلغ غالي على السكن وامسك على نفسي في التماشي انا رايح اتمشى وانبسط |
ابو مهاب انا الغيت حجزي بشقق بلندن موقعها رائع جدا وكان حجزي من ٦الى ١٤ اوغس شيك عليها ممكن تناسبكم The Knightsbridge Queen |
| الساعة الآن 04:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO