|
جدول 10 ايام لندن وماجاورها السلام عليكم ورحمة الله وبركاته سبق لي زيارة لندن مرتين (2010 و 2013) ولكن كانت شبابية ولفترة لم تتجاوز 4 ايام في كل مرة وكلتاهما في أكتوبر هالمرة عائلية (محدثكم - ام مهاب - مهاب 10 سنوات - منذر 8 سنوات - تولين 7 سنوات) ولمدة 10 أيام من 27 جولاي - 6 أغسطس التذاكر مشتراة على الخطوط السعودية ينبع - لندن - ينبع (ملاحظة يمكن تبديل التذاكر وتكون العودة من مانشستر باضافة مبلغ 3000 ريال) فضلا لا أمرا التكرم بجدول سياحي عائلي للفترة المذكورة ، وهل بالامكان اضافة مدينة أخرى (مانشستر مثلا) السكن الخيار مفتوح شقق او فنادق (نفضل غرف متصلة ) الميزانية 4000 باوند (كاش) بدون التذاكر بالاضافة الى البطاقات الائتمانية |
هذا جدول ل 10 ايام http://www.arabtrvl.com/vb/t1726.html ممكن تباتون في مانشستر او بلاك بول وتروحون مدينة الملاهي التون تاور او تروحون البحيرات موضوع عن البحيرات http://www.arabtrvl.com/vb/t1836.html وعندكم مزرعه اللافندر تحجزون تور نص يوم من هالسايت وقولولهم نبي اللافندر تور Secret Cottage Cotswold Tour السكن راديسون بلو بورتمان سكوير - امبا ماربل ارتش - هيلتون بادنغتون بس اشوي بعيد عن اوكسفورد |
أختي بخصوص لندن بالذات انا اشوفها ماتحتاج جدول سياحي كل شئ معروف قريب من بعض |
هلا وغلا بابو مهاب ... الله يخلي لك اسرتك ويسعدكم ... مبدئيا من رايي بما انها 10 ايام بس انها تكون بلندن وان حبيتوا تروحون للبحيرات الا اذا انتم شبعانين من الطبيعة . مانشستر مافيه شي زايد الا سوقهم ( ترافورد ) و ملاعب مانشتستر سيتي ومانشيستر يونايتد .. غيره مافيه شي واااو يفضلها على لندن . - من الاماكن اللي لازم لو حبيت تزورها انك تحجز بدري لان يمكن ماتلقى حجز اذا اخرته لوقت جيتك : - هاري بوتر ( مالقيت حجز مناسب لي الا الشهر الجاي ) . - مصنع كادبوري في برمنقهام . - برتب رد وارجع لك ان شاء الله ... بس السكن مالي خبرة فيه لان ساكن قريب من لندن ومااحتاج اسكن فيها.. احس لندن اللي بينبسط فيها يرتب لها عشان مايتحسف انه فاته شي بسبب انه ماعرف عنه او ماقدر يدخل لان مافيه حجز اتمنى لك اسعد الاوقات بصحبة عائلتك واجازة سعيدة بحول الله مقدما |
كتبت رد طويل وراح ... :20: هذا بعض اللي كتبت وبرجع بالقية ان شاء الله ... من الاماكن الجميله : - بالمناسبة هنا في بريطانيا يتعاملون بالعناوين بالبوست كود ... تحطه في قوقل ويوصلك بالطريقة المناسبة لك ( سيارة،نقل عام ، مشي ) وحتى مع المترو يشتغل تمام من حيث التغيير وين تنزل وكيف تغير. كوفنت قاردن : بوست كود WC2E اقرب محطة : Covent Garden ----------------------------- كامدن لوك ..او مدينة كامدن بوست كود NW1 8AB منطقة تسوق جدا جميله وقديمة يسمونها ايضا بالاسطبلات فيها كثير من متاجر الجلديات والكتب والاكسسوار وايضا فيها الكثير الكثير من المطاعم من دول مختلفة وفيها مطاعم حلال .. ممكن توصل لها عن محطة الميترو اللي باسمها Camden Town او عن طريق النهر من خلال قناة ريجنت او فينيسيا الصغرى كما يسميها البعض ... في جولة نهرية تمر بك على كذا منطقة منها حديقة ريجنت وحديقة الحيوان . تقدر توصل لرحلة النهرية عن طريق الذهاب لمحطة Warwick Avenue ومكان بداية الرحلة تقريبا على البوست كود :W9 2PD - هذا موضوع عن كوفنت قاردن وكامدن و قناة ريجنت http://www.arabtrvl.com/vb/t11214.html . |
ماشاءالله خبراء لندن ابرار وابو عبدالله ما قصروا اذا حاب تروح مدينة ملاهي للاطفال وحلوه ومو بعيده عندك ملاهي كينغستون راح يستانسون فيها العيال تروح من الصبح وترجعون قبل الساعه ٦ تسكر واذكر رحنا لها بباص بس الحين اكيد في طرق ثانيه مثل المكاتب السياحيه هناك يعملون لك رحله ملاهي chessington world ofadventure وهي ملاهي ومدينه مائيه وحديقة حيوان ايضا. تبعد عن لندن 35 دقيقة وطريقة الذهاب إليها من محطة وترلو Waterloo إلى محطه Chessington south station ،أخذ باص رقم 71 او مشياً عشر دقائق للملاهي . أسعار الدخول : للكبار: 25 £ الأطفال : 18 £. مواعيد الدخول : من 10 ص الى 5 م . وفي ليغو لاند اكيد بتعجب العيال مدينه العاب حلوه للأطفال تبعد عن لندن نصف ساعه بالقطار السريع. يمكن الذهاب لها من محطة قطارات (Paddington) في لندن الى محطة القطارات Windsor (اسأل عن التذاكر العائلية) ومن Windsor فيه باص مجاني الى الحديقة مسافة 10 دقائق وحاولو تطلعون بدري لان الحديقة تغلق الساعة 6 ويوجد بها (لندن اي) مصغرة وبحيرة جميلة تستاهل الزيارة. سعر التذكرة للكبير كانت 36 باوند،ولي أقل من 3 سنوات مجانا. الموقع الاكتروني:http://www.legoland.co.uk/ العنوان: Winkfield Road\ Windsor\ Berkshire\\ SL4 4AY اقرب محطة Windsor |
السلام عليكم ورحمة الله وبركاته مشكورين مشرفتنا ابرار - مميزنا أبو عبدالله - مراقبتنا أم حسين ما قصرتم ، تم التشاور والاكتفاء ب لندن (وان كان الكل متخوف من زحمتها ) الملاهي خيار ممتاز ممكن معلومات اكثر عن هاري بوتر ومصنع كادبوري (حق شوكلاته صح) اذا ممكن كمان معلومات عن لندن اي وعرض شريك (فاكر ابو عبدالله قال ممكن نحجز بدري ونشتري تذاكرهم مع بعض وكمان متحف مدام توسو) كامدن سكنت فيها 2010 (اخذت شقة صغيرة انا وصاحبي) من المترو 10 دقايق بس حسيتها سكنية صحيح فيها محلات تجارية صغيرة وسوق كبير مغطى على ما أذكر راح أشوف اماكن السكن واخبركم المواصلات اكثر شي مترو وباصات وتاكسي من والى المطار بس |
ممكن تنزل لندن 5 ايام و مانشستر 5 ايام في مانشستر تقدر تطلع لوينديرمير (منطقة البحيرات) ليفربول بلاكبول رحلات يومية بالقطار |
اذا 10 ايام بس خلك على لندن يادوب تلحق خلك بالصبخ معالم و العصر تسوق و المساء مابين كافيهات و مطاعم و سينما هذا جدولك لعشر ايام باختصار يوم واحد فقط تخصصه اوتلت و بالمساء ملاهي و يكون مش ويكند باليوم الواحد زور 2 معلم فقط اختصاراً لوقت التسوق ممكن الدخول على هارودز و السيلفردج و الاختيار قبل السفر |
ما انصحك تسكن بكامدن تاون لانها منطقة هيبز بس بالنهار والتسوق حلوة بس بالليل اتخرع معاك يهال وعايلة احسن مناطق السكن اعتقد كوينز واي والمنطقة اللي حوالين الهايد بارك واحجز من الحين اذا حصلت شوف استفسار طوق الياسمين ماقصر مشرفنا القطري ذاكر كم فندق وكم مكان حلوين |
اقتباس:
من الاسواق مولات ويستفيلد ... - فيه اثنين ويستفيلد في لندن الاول : على البوست كود : W12 7GF والوصول له عن طريق محطة Shepherds Bush وحوله اسواق شبربوش الشعبية على البوست كود W12 8DE وانا ماعجبني لاهو ولا منطقته :24: الثاني وهو عندي اجمل يقع في ستراتفورد على البوست كود : E20 1EJ ومحطته هي Stratford وتخدم القطارات او قطار DLR او الوصول بالباص . ------------------- شريك عين لندن مدام توسو نصيحه مني بما انه معك اطفال فـ شريك مره بيبسطهم كثير وخصوصا الباص في نهاية الجولة ( عبارة عن شاشة 4D ) وهذا تقرير عنه http://www.arabtrvl.com/vb/t10226.html انا اشتريت التذاكر من موقع مدام توسو https://www.madametussauds.co.uk/london/en/tickets/ واخترت مع مدام توسو عين لندن ، مغامرة شريك ، الاكواريوم ( موب حلو ) دنجوان ما دخلته لان عيالي صغار موب لاني جبان او خواف لاقدر الله :e419:... اذا شريت من مدام توسو فاول مكان تروح له هو مدام توسو وهناك يعطونك تذاكر باقي الاماكن بس انتبه : التذاكر ماتخولك الدخول فورا خصوصا لشريك، لازم تروح وتحجز من عندهم موعد معين بنفس التذكرة اللي تاخذها من مدام توسو .... وعين لندن تغير التذاكر من المبنى المقابل لها ( اذا وقفت عند العين خلها بظهرك يصير مبنى التذاكر لها على يمينك في الزاوية ) بس لاتصف في سراء الشراء ... لا شف الموظف وبيدخلك على الشباك مباشرة تغير التذاكر لانك اصلا مشتري ومخلص .... طبعا العين وانتم فيها فيه اماكن حمراء اعتقد هي حقت التصوير للكاميرات المثبته في جسم العين من الخارج ( اللي يبغى صوره منهم ) ... - مدام توسو حلو وكبير وبتستمتعون فيه لوقت طويل شوي واذا انتهيتوا منه فيه عرض 4D حلو مررره لاتفوتونه بسبب الزحام ... والزحام يكون بسبب انه يكون فيه عرض وبمجرد انتهائه تفتح الابواب ويدخل الجميع ولاتنسون تاخذون النظارات معكم وهي موجوده عند الصالة داخل حاويات . - اذا تحبون تجربون اكل الشوارع ... خل عين لندن على يسارك وامش قدام بتدخل بوسطهم ولو تعديتهم من هناك بتوصل لـ Borough Market على البوست كود SE1 1TL ، طبعا البوست كود بنص المنطقة تقريبا يعني بتدخل قبل ... والمسافة من عين لندن الى هنا كلها منطقة تمشية وبتصير قريب من جسر البرج ( اللي ينفتح لمرور السفن على التايمز ) - عودة لمغامرات شريك عشان اقول لك عن مكانهم فانت تخلي العين على يمينك وتمشي بمحاذاة النهر بيجي ع اليسار ( جنب الاكواريوم ودنجوان ) قبل الدرج . - بالنسبة لمصنع حلويات كادبوي فهو في برمنجهام وكم مره افكر اروح له بس ماالقى حجز يناسبني فما عندي شي جديد عنه بس يحتاج الى حجز بدري شوي .. - هاري بوتر حجزي له في الشهر القادم وماعندي الان معلومات كافيه عنه بس ان شاء الله انزل تقرير عنه ويساعدك في اتخاذ القرار . وبما ان تذاكره غاليه فانا احس انه شي حلو . وصعوبة الحجز المتأخر تعطي انطباع انه حلو بعد ... - كامدن بما انك سكنت حوله فاعتقد اجل انك تعرفه وهو موب كله مغطى وفيه مجسمات خيول ودعاسيق حلوه وسويت تقرير عنه وقبله من المترو الى توصل له محلات كثيرة مجال المكاسر مفتوح فيها بلا حد . ولو رحت له عن طريق المترو فمر على قناة ريجنت ( هي النهر اللي تمر من فوقه وانت رايح للسوق ) فيه مسار مشي جميل اذا كنت من اهل المشي . والمسار هذا طويل شوي ينتهي بك بعد ريجنت بارك وفيه تمر بحديقة الحيوانات وتشوف بعضها ( سبق اني مشيته وكان حلو مره ) . - لندن مدينة ( مشي ) خصوصا كثير من الاماكن قريبة من بعض وشوارعها مخدومة للمشاة بشكل كبير وايضا اذا شفت خط مشاة فالطريق لك واجبارا ليس تكرما على السيارات الوقوف لك ... |
رحلة موفقة ان شاءالله اشوف انه من الظلم انك تقلل بعدد الايام بلندن خاصة انها اول مره للمدام والاطفال لندن حلوة ومريحة كثير حتى للي معاهم اطفال اهم نقطة حاول تحجز بشقق لانك فعلا راح تحس بالفرق احساس جميل تصحوا الصباح تتقضوا لوجبة الفطور من السوبر ماركت وكمان فيها توفير لانها ارخص ولانك ع الاقل بتاكل وجبة وحدة بالشقة الله يسعدكم ويهنيكم |
منطقة بادنقتون العام سكنا فيها حلوووة وقريبة من الهايدبارك والاكسفورد وخلي بالك ترى بالوقت هذا راح تكون شوي باردة والزحمة بكل مكان لندن او غيرها غزينا العالم ماشاءالله بنكون بلندن من 1 الى14 اوغس واسعار الشقق والفنادق نار |
اللع يعطيك العافية ابو عبدالله على تجاوبك وابركها من ساعة لما تمر علينا وتحط شوية معلومات مشكور طوق على اهتمامك وصادقة الاسعار نار نار تقولين الاجواء بتكون باردة شوي ( اخر شهر 7 وبداية 8) |
اقتباس:
ابو مهاب اذا بتاخذون شقه وعادي تاكلون فيها احيانا فأكثر الاشياء اللي في المطاعم تلقاها مجمده في (Island) او (Aldi) وتسكو وسنسبري وغيرها بس ايسلند والدي ارخص بزياده :1: وبعضها لمطاعم معروفة .... وفيه للنباتيين او اللي ماياكلون لحم ...ونفس الطعم واوفر 90% من المطاعم ... وكلها بالمكرويف ... تحسون اني تحمست :e419: والجو بالعكس في جيتكم حلو او حر شوي وبتكون ودرجات الحراره فوق 25 وتوصل احيانا فوق 30 ... وهو بالنسبة لنا الخليجيين حلوووو مره .... العام وصلت 38 وبغوا يفطسون ... واحنا برمضان مبسوطين وصايمين ونمشي بالشمس من حلاوة الجو لنا |
الله يسلمك ابو عبدالله ان شاء الله ناخذ شقة دورت عن طريق بوكنغ أسعار خيالية شيكت airbnb لقيت شقق مناسبة فيها الرخيص (بس بعيد شوي) وفيها المتوسط وفي مناطق معروفة اما وسط لندن غالية (بس ارخص من بوكنغ) في شقق كثير في منطقة Canary wharf ، ايش رايك فيها وشقة لقيتها رخيصة مكانها جنب Hoxton Overground Station وكمان شقة في شارع ليفربول وشقق في STRATFORD |
ابو مهاب هالمناطق اللي ذكرتهم ابعاد وبالليل من المغرب تكون هاديه شوف بادنغتون وكوينزوي ومارليبون كوفنت غاردن Sent from my iPhone using Tapatalk |
ابو مهاب ... انا منيب حجة في السكن :3: لأني بخيل :41: ومحد يعطيني وجه فما اقول رايي :24: في المدن الامنه مثل لندن وباريس واللي السكن فيها غالي + الجلوس فيه قليل انا ماافضل اسكن غالي وافضل اذا كنت بصرف اصرف الفرق في فعاليات كثيرة ومايكون بفندق محد جالس فيه... بباريس اخر مره سكنت خمسة ايام بـ 1400 ريال ... وكانت بزون 2 ..والمترو يقرب البعيد ... انا اشوف الواحد اذا كان بصحه وعافيه وش المشكلة يسكن في الضواحي او برا المنطقة المركزية على الاقل اذا كان السعر داخل غالي ... وليش ارهق روحي او ان اكثر الميزانية يروح ع السكن بدون سبب مقنع ... السكن الغالي والمريح اشجعه في سياحة الجزر ، الدول الفقيرة ، واذا كنت رايح مدينة او دولة المواصلات العامة فيها سيئة ومااقدر استاجر سيارة ... المناطق اللي انت حطيتها تبعد نص ساعه بالكثير عن قلب لندن بالمترو او الباص واشوفه وقت عادي للمسافر ... بس طبعا انا ماافضل اجلس 10 ايام بشقة وحده وافضل اني اغيرها يعني على الاقل تكون بين شقتين .. الحافظ الله سبحانه ومستوى الامن هنا جدا جدا عالي والناس مسالمين جدا ... بريمير ان اسعارهم حلوه احس وبوسط لندن : Premier Inn Hotels | Book Direct for our Saver Rates فيه مواقع عندي اذكر سبق طلعت منها شقق حلوه واسعار حلوه بدورها وكان لقيتها جبتها يمكن تفيدك ... ولو رحت لندن هالاسبوع بتشوف شقق واجيب لك خبر |
اقتباس:
السكن في المدن اهم شي يكون آمن وقريبة منه مواصلات المسألة مو بخل ، نفس فكرتك ليش ادفع مبلغ غالي على السكن وامسك على نفسي في التماشي انا رايح اتمشى وانبسط |
ابو مهاب انا الغيت حجزي بشقق بلندن موقعها رائع جدا وكان حجزي من ٦الى ١٤ اوغس شيك عليها ممكن تناسبكم The Knightsbridge Queen |
اقتباس:
راح اشيك عليها لا تكوني لغيتي السفرية بس |
لا لا لكن اهلي قرروا يخاوونا ومافي امكانية بالشقق ذي فغيرناها لاجنحة بادنقتون كمان شيك عليها ممتازة من ناحية الموقع واستشرت القطري وماقصر |
شخباركم عسى امور حجزكم تمام يحلوو سوالف لندن بوعبدالله بالنسبه للسوبر ماركت ايلند والثاني اللي انت تقول ارخص وين موجودين بلندن ؟؟ نبي عناوينهم بالنسبه للاكل المعلب بعد مارك سبنسر في مجمع الوايت ليز روعه كل شي بتحصله ويشوق |
|
اقتباس:
|
حياك الله ورايا ورايا :1: مافهمت وش قصدك هوست هذا موقع لتأجير شقق - فيلات - غرفة في شقة - منتجعات وهذا موضوع للأخ أبو ناصر http://www.arabtrvl.com/vb/t17325.html |
^^^^^ صحيح لكن امن ومجرب الموقع وانا شخصيا استخدمته من قبل |
مرحبا الغالي خبيرنا السموحه توني نتبه لموضوعك والجماعه ماقصرو ماشاء الله ابغي اقرا الردود كلها واشوف وين وصلتو وراجع لك يا غالي |
ابو مهاب ... ترا هاري بوتر حلو مرررره وبنزل تقرير عنه ان شاء الله وتقريبا ياخذ من وقتك 3 ساعات بدون المشوار طبعا ... ام حسين هذا موقع ايسلند https://www.iceland.co.uk وهذا موقع الدي https://www.aldi.co.uk تقدرين تشوفين الموقع القريب منك او تحطين اسمهم بقوقل ويطلع لك الفرع القريب منك ، وعندهم توصيل .. واشيائهم حلوه ولذيذة .. |
اقتباس:
بومهاب عليكم بالعافيه |
ياهلا وغلا خبيرنا ابومهاب الله يحفظ لك الاهل والعيال ويبارك فيهم ان شاء الله ماشاء الله على الجماعه ماخلو لنا شي نقوله عطوك الي عندي واكثر :20: جزاهم الله خير جميعا الغالي ابومهاب انا بتدي معاك ببدايه الوصول 1- المواصلات من مطار هيثرو اذا تبغي تحجز اون لاين لشركه توصيل وتذكر لهم عددكم والامتعه على اساس يكونون منتظرينك بالمطار با الاسم London Airport Taxi Service وفي شركتين يتعاملون مع مطار هيثرو وهي الشركتين يوفرهم مطار هيثرو Personal Heathrow Airport chauffeur service | Heathrow او انك تطلع بالشنط وتنتظر التكاسي لمن تحصل سياره مناسبه الحجم للأعراض 2- بعد الوصول والتشييك ان بالفندق وترتاح اول شي تسويه تشتري بطاقه الاويستر للباص والمترو وتاخذها حسب المده الي تناسبكم اذا تعطيني اسم شققكم بشوف اقرب مكان لكم تقدر تشتريها لان الاويستر راح توفر عليك كثير كثير والتنقل بالباص والمترو ممتاز جدا وتاخذ البطاقه لزون 1 واذا بتطلع بالمترو من رون 1 اخذ تذكره منفصله بس الاماكن محدوده خارج زون 1 مايحتاج تاخذ اويستر اكثر من زون 1 والاطفال تحت 11 مجانا يدخلون معاكم بنفس التذكره الي عندكم 3- بخصوص تذاكر مدام توسو نفس ماقالك خبيرنا بوعبدالله اخذها اون لاين لاتتهاون فيها لان الطابور زحمه جدا ومكان كئيب وصغير ودواعيس ومب شرط تطبع الحجز ممكن بالجوال يشوفونه او تفتح لهم الايميل من جوالك او تصوره بالجوال 4- دايما في جولاتك خصص الاماكن الي تحتاج تروح لها بالنهار والاماكن الي تحتاج تروح لها بالليل ان شاء الله راح نذكرها من ردودنا 5- ونفس ماذكرو لك الاخوان بخصوص اسواق كامدن ونفس ماذكر لك بوعبدالله تطلع بالقناه بالمركب طبعا راح يكون ذهاب فقط من مكان قريب نوعا ما من اجور رود خلف هليتون متروبول وياخذك جوله وينزلك في كامدن من جنب اكشاك المطاعم وبعدها بتشوف المحلات الشعبيه لكامدن مده الجوله تقريبا 45 دقيقه اسم المكان Little Venice 6- بالنسبه لكناري وارف وهو حي الاعمال في لندن صحيح فيها شقق اسعارها حلوه وواسعه ومنطقه هادئه وامنه لكن الناس ماتسكن فيها لانها تشوف يبغي لها مشوار انا في اخر سفره لي بلندن بشهر 9 / 2015 كنت شبه يومي اروح لمحطه نورث غرينتش وهالمحطه بعد بعد محطه كناري وارف يعني ابعد منها بمحطه وكان ياخذ الوقت مني بالمترو تقريبا 15 دقيقه ومره وحده رحت بالتاكسي واخذت تقريبا 45 دقيقه واخذ مبلغ وقدره :e113::20: جاري التكمله |
5- ونفس ماذكرو لك الاخوان بخصوص اسواق كامدن ونفس ماذكر لك بوعبدالله تطلع بالقناه بالمركب طبعا راح يكون ذهاب فقط من مكان قريب نوعا ما من اجور رود خلف هليتون متروبول وياخذك جوله وينزلك في كامدن من جنب اكشاك المطاعم وبعدها بتشوف المحلات الشعبيه لكامدن مده الجوله تقريبا 45 دقيقه اسم المكان Little ابي اسم المكان اللي خلف الهيلتون علشان اركب منه لكامدن بدل ما اروح بالعكس وياريت تذكر رقم الباص هل بيكون رقم ( ١٨ ) والا اي باص واسم الشارع ؟ والمينا اللي بركب العبارة :40: شايف الوجه البريئ عجبني شي جديد |
ياهلا ومرحبا ام حسين باص رقم 18 يوصلج لها لكن الباص رقم 46 احسن لان باص رقم 18 يوقف قبلها بشوي ويروح يسار ولازم تمشون مسافه بسيطه لكن باص 46 يوصلكم اقرب للمكان اعتقد انتي راح تسكنين صوب بانديغتون - وايت ليز - كوينزوي واذا تبغين تاخذين الباص رقم 46 من جنب فندق لانكستر غيت بدايته ويمشي على الشارع من جنب محطه بانديغتون الى لتل فينيس اسم محطه الباص Lancaster Gate اسم الوصول لتل فينيس Blomfield Road اسم المحطه بالكامل Warwick Avenue, Blomfield Road (Stop J) بالنسبه لباص رقم 18 هذا افضل تاخذينه اذا كنتي في ( متحف مدام توسو - مارليبون - بيكر ستريت - هيلتون متروبول من تحت الجسر جنب محطه مترو اجور رود ) وتنزلين في محطه لتل فنينس Bishops Bridge Road / Little Venice يعني الافضل والاقرب باص رقم 46 وطبعا حسب مكانكم الي بتكونون فيه يا تاخذون 18 او 46 |
هالفيس كيوووت اول مره انتبه له هههههههه عجيب والله خذو معاكم لتل فنيس:32: |
جزاك الله خير يابوسعد تمام يعني اذا سكنت في كوينز واي وبطلع لليتل فينس اخذ باص ٤٦ من عند المحطة المقابله للانكستر جيت طيب اذا انا بكون بالكوينز واي بالجهة القريبه من الوايت ليز..هناك باص رقم ٧ يوصلنا الى الاجور رود وننزل قريب من الهيلتون بالمرور من ساكس جاردن صح المهم من هالشرح اذا بوقف في نفس المكان من كوينز واي اي باص يوصلني لليتل فينس والا اخذ باص ٧ وانزل الاجور رود واركب باص ٤٦ من هناك اشرايك ؟ |
لا لا ام حسين تركبين باص 7 عادي وتنزلين في محطه Paddington Station محطه بانديغتون هي اسمها محطه الباص فقط ماقصد محطه القطار هالمحطه قريبه من محطه القطارات لكن مو جنبها هالمحطه قدام شقه طوق الياسمين السنه الماضيه ههههههه لما تنزلين من هالمحطه بتحصلين بنفس المحطه باص رقم 46 لكن لاتاخذينه اخذي الباص 46 من المحطه المقابله على يعني لو نزلتي من باص 7 وركبتي من نفس المكان باص رقم 46 راح ياخذج الى لانكستر غيت انتي اخذي باص 46 من المحطه المقابله عشان يروح للجهه العكس الى لتل فنس فهمتي قصدي او اني ماعرف اشرح توهقت هههههههههه |
اقتباس:
يعطيك العافية يابو سعد شكراا لك |
|
العفووو ام حسين حاضرين لج وان شاء الله الرسمه توضح لج اكثر ماتضيعج |
:58::58::58: ماعلى شرحك كلام يابو سعد شكراا جزيلااا |
| الساعة الآن 07:33 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO