|
اقتباس:
سؤال اخر هل في قطار يودي من مانشيستر إلى منطقه Acle ؟ ايضاَ من Acle إلى لندن ؟؟ ويعطيك الف عافية ... |
اقتباس:
هههههه حلو الموضوع صار فله D: |
الله يعافيج اختي ويجزاج بمثله يارب اي اختي نعم في رحلات من مانشستر الى acle ورحلات من acle الى لندن بس مافيها رحلات دايركت لكن في رحلات تبديل قطار بس المسافات طويله تخيلي مانشستر غرب بريطانيا و acle اقصى شرق بريطانيا محطه مانشستر Manchester Oxford Road محطه تبديل القطار بمدينه Norwich محطه الوصول Acle مده الرحله كلها مابين 4:55 الى 5:20 مدينه Norwich قريبه من مدينه acle بعد تبديل القطار راح تكون المسافه الى اسلي 19 دقيقه ومن acle الى لندن مافي رحلات دايركت لكن في رحلات تبديل قطار واحد في مدينه Norwich هالمدينه شغلتها موزعه :34: وبعدها دايركت الى لندن من محطه acle محطه تبديل القطار Norwich محطه الوصول لندن London Liverpool Street مده الرحله كلها من 2:20 الى 2:36 |
اقتباس:
ودنا نجرب البوت اللي نأجره مدة 3 ايام ويكون فيه غرف نوم واحنا اللي نسوقه ، يكون بالمناطق اللي فيها نهر .. هل تعرف منطقة غير acle توفر هالبوت ، وتكون لها قطار دايركت ؟؟ ماحصلت في لندن او مانشيستر هالنوع من البوتات .. ما ادري هل لا يوجد ولا انا ما اعرف ابحث D: وترا الوالدة تدعي لك :e32e: ، ماقصرت الله يجزاك خير .. |
الله يحفظ الوالد والوالده ويطول بأعمارهم ويجمعكم على الخير دايما الله يجزاها خير على الدعوه وفي ميزان حسناتكم ان شاء الله سلمي على الوالده سلام كثير وتحيه اهل قطر لها بالنسبه للبوت شوفي هالموقع لتأجير البوت في اماكن متفرقه وقريب من مانشستر واماكن اخرى الي راح تشوفينهم كلها رحلات منوعه بالتواريخ والاسعار واي رحله تبغين تشوفين خط النهر ومسارها اضغطي على كلمه Location واذا بغيتي تشوفين مخطط تقسيم البوت من الداخل وايضا صور للبوت من الداخل تضغطين على صوره البوت بكل رحله اي مساعده انا حاضر http://www.abcboathire.com/Portal.aspx |
بالنسبه لبعض الرحلات متكوب جنب Location مناطق : Blackwater Wrenbury Whitchurch Gailey Anderton هالمناطق المكتوبه با الاعلى تكون في نهر غرب منطقه Monyash وجنوب مانشستر يعني المناطق قريبه منها وليست بعيده عنهم تقدرون تروحون لها بسهوله |
|
السلام عليكم ابوسعد رايتك بيضا وماقصرت مع الكل دائما سباق وفيك الخير مااقول الا الله يكتب اجرك وجزاك الله خير لما تقدمة لاخوانك المسافرين اخوي / اختي راعي الموضوع بما ان الوالد والوالدة الله يعطيهم الصحة وطولة العمر مسافرين معاك ماادري ليه مختار مناطق في الغالب ماحد يجيها من السياح الا ماندر وبريطانيا جميعها تتشابه من حيث الطبيعة او المعالم نصيحتي لك لاتتعبهم لانك اولا سائح ومدة سفرك قصيره نوعا ما لذلك افضل انك تغتنم كل يوم في سياحة نافعة ومحددة ومعلومة مسبقا ومرتب لها صح بدون عناء ضرب مشاوير وتنقلات على غير سنع ورحلات الاكتشافات هذه رحلات مغايرة جدا عن الرحلات السياحية مثل حالتكم ولها برامج خاصة وطرق منوعة في قضائها ومافاتكم اليوم تدركونه غدا ان شاء الله يعني رحلة اكتشاف القرى بعدين خلوها على رواقه وفي غير موسم الاجازات احصر رحلتك في المدن الكبيرة والمعروفة والوصول لها سهل هذا رايي الخاص وارجو من الله ان اكون مصيباً فيه وتمنياتي بأن تستمتعوا برحلة جميلة وآمنه وسعيدة |
اقتباس:
هذي اول مره نروح فيها إلى بريطانيا ، او اوربا او الخارج بشكل عام .. سفرنا دائماً في دول الخليج ... الحمدلله ربي كتب لنا هذي السنه نسافر الى بريطانيا بتيسسير من الله .. انا حسيت ان كلمتي بينت لكم ان الوالد والوالدة كبار فالسن ،، الوالد والوالدة صغار ويحبون الطبيعه والمغامره والاكتشاف وانه يكسبون تجربة جديدة في الرحلة ، بس ما ابغى اعنيهم واغثهم بالسفره بشكل انهم يحسوون الموضوع طويييل وشغله ، ابي كل شئ يكون واضح مرتب وسهل عليهم علشان يستمتعون اكثر بدون هم ، لانهم يشيلوووون هم بشكل موطبيعي من كل شئ ... سفرتنا مو قصيره راح تكون بإذن الله والله يبارك لنا فيها مدة 23 يوم .. حددنا 3 ايام لمانشيستر ويومين لبلاك بول و10 ايام لندن (اعتقد كذا كفاية) خصوصاً اننا نبي نستمتع ونعيش تجارب جديدة مو تكون سفرتنا مملة وكلها تمشية وتسوق .. فقررنا نعيش تجربة حلوة وتستحق في بريطانيا ، قررنا بالبداية ناخذ لنا ريف ونقعد فيه 4 ايام .. لما قرينا تجربة احد الاخوان في المنتدى عن البوت اللي تسوقه بنفسك تحمسسسنا جداً وحسينا ان هذي التجربة اللي نبغى نخوضها ... بس وين ؟ وكيف ؟ الى الان الوصول لها صعب ومو بسيط :( نصائحك بتفيدنا جداً ، ياليت تقول لي لو في مشكلة بتخطيطي بكون شاكره لك :) |
اقتباس:
يطلع لي البوت ب 5 الالف ريال سعودي ؟؟ اوفر :| انا محصلة في Acle في موقع اخر ب حول 2500 ريال طيب باصات megabus ؟ هل تاخذني مباشرة لمنطقة Acle ؟؟ |
| الساعة الآن 08:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO