|
كيف اسافر من لندن إلى باقي أرجاء انجلترا السلام عليكم .. بإذن الله بسافر إلى بريطانيا بعد شهرين .. رحلتي بتكون كالتالي :e01d: : لندن > Peak District National Park > مانشيستر > منطقة البحيرات (فقط زيارة) > بلاكبول > لندن الان انا في حيرة من امري بشكل خيالي ، محتاجة احد فاهم يساعدني في مشكلة التنقل ؟؟ 1*كيف اروح من لندن إلى منطقة (Monyash) ابي وسيلة اقتصادية لان ميزانيتي للسفرة هذي مو عاليه :( بالضبط اللوكيشن للمنطقة المجهولة : Endmoor Farm Holiday Cottages, Tagg Lane, Bakewell DE45 1JP، المملكة المتحدة عن طريق اي محطه ؟ او اي قطار او مترو او باص ؟؟ :8: 2*وايضاً ايش افضل وسيلة اروح فيها إلى منطقة البحيرات من مانشيستر في نفس اليوم فقط للزيارة ؟ وهل يستحق اني اروح لها يوم ازورها ولا مايسوى ؟؟ 3*وايضاً من مانشيستر إلى بلاك بول ايش استعمل ؟؟ 4*ومارأيكم في الميغابوس megabus ، هل هي وسيلة امنه للسفر بها ؟؟ اسعارها جداً خياليه ورخيصه للغايه بس اخاف انها تكون غير امنه للعوائل والعفش بيكون في خطر ما ادري اخاف :( ؟؟ وشكراً جزيلاً لكم الله يفرج لكم ويوسع صدورنا وصدوركم بالعافيه بما يرضي الله عز وجل ...:e01d: |
بسم الله الرحمن الرحيم التنقل بيكون عن طريق القطار :e435:افضل واريح واسهل طريق لكم بشرط الحجز من بدري للحصول على افضل الاسعار National Rail Enquiries - Official source for UK train times and timetables الرحلة تقريبا في حدود 4 ساعات ونص من محطة اوستن في لندن https://www.google.com.sa/maps/dir/%...2!2d53.1941438 البحيرات جميلة وهادئة تصلح للاسترخاء لكن بيوم واحد ماتسوى المشوار الا ان كنتم ستأخذون فيها يوم او يومين كحد ادنى ومن مانشستر ان حبيتم تستأجرون سيارة او كذلك عن طريق القطار من مانشيستر لبلاك بول المسافه قصيره تاكسي يوديكم او شركات تأجير السيارات او بالقطار كذلك هناك بعض الرحلات وبالنسبة للباصات هناك الكثير من الشركات والرحلات المتعدده من لندن لاي مكان في بريطانيا ونعم امنه جدا ومريحة كذلك واسعارها جدا رخيصة لكن اذا المسافات بعيده انصحكم بالقطار افضل واسرع تمنياتي لكم بسفره سعيده وامنه |
|
مرحبا اختي الاء نعم المنطقه مافيها محطه قطارات ممكن توصلين مدينه Buxton ومنها تستخدمين المواصلات هناك للوصول الى منطقتج والمسافه بينهم فقط 13 كيلو لكن عيبها هالمنطقه مافيها قطار دايركت من لندن لازم يروح منطقه Stockport وبعدها مدينه Buxton ومدينه ستوك بورت تكون شمال بوكستون يعني راح تمرين على بوكستون وتروحين اشوي شمال وبعدها تاخذين قطار من ستوكبورت الى بوكستون انتظري اشوي اشوف حل اخر اما باقي الجدول الامور طيبه ان شاء الله تطمني اختي راجع لج |
اختي هالمنطقه مافيها قطار مافيها الا اربع بيوت :( |
ممكن اختي تاخذين قطار دايركت من لندن من محطه London St Pancras International وتنزلين في محطه Chesterfield المسافه من لندن الى شيسترفيلد دايركت تقريبا 1:45 وبعدها سياره الى منطقتج والمسافه 28 كيلو فقط |
وسعر تذكره القطار للشخص الواحد ذهاب فقط مابين 17.5 باوند الى 26 باوند |
لما توصلين مدينه Chesterfield تاخذين الباص رقم 170 ولما توصلين مدينه Bakewell تنزلين وتاخذين باص رقم 177 ويوصلج الى منطقتج يعني الموضوع يمكن ياخذ منج ساعه بالباص فيها سالفه يعني |
اعتقد اذا عندها أحد من ساكني المنطقة ياخذها من محطة القطارات افضل اذكر لج عن رحلة اختي من بلاكبول الى مانشستر كانت رايحة بالقطار عادي بس بالرجعة المحطة كان في مشكلة والقطارات ما تمشي فكانو ينادون المسافرين ويركبونهم باص الى المحطة التاليه وعلشان بالليل فكمل الباص لمانشستر الحلو بالموضوع تقول اختي ان الباص صار فيه فلة العوائل الانجليزية قاموا يغنون لعيالهم ويصفقون علشان الاطفال ما يملون من الطريج وتقول الكل كان يغني نفس الاغنية ووناسة صارت انا دايما اروح لها بالقطار افضل |
ينقل للأستفسارات بالتوفيق |
| الساعة الآن 07:15 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO