|
اليوم الثالث عشر - - - اليوم راح اسميه يوم المشي صحينا الساعة 10 وبعدين طلعنا مشي مع زخات المطر لبرج غلطة بس ما دخلنا لان كان فيه زحمة وعلى فكرة سعر الدخول 25 ليرة وبعده مشينا للسوق المصري وسوف محمود باشا ومرينا معانا محل اوباما المشهور وقهوة محمد افندي ملاحظة (القهوة متوفرة بالكويت) بعدها رجعنا بالترام الى تقسيم ومرينا محل الشاورما واكلنا بالفندق وتقريبا الساعة 5 مشينا من تقسيم الى اورتوكاي تقريبا 4 كيلو بس رجعنا بتاكسي لانه تعبنا وما نقدر نرجع مشي - - - http://www.arabtrvl.com/up/uploads/a...6166918738.png برج غلطة - - - http://www.arabtrvl.com/up/uploads/a...6166918889.png محل اوباما - - - http://www.arabtrvl.com/up/uploads/a...6166919110.png اورتوكاي - - - http://www.arabtrvl.com/up/uploads/a...6166962981.png بطاطا الكيمر - - - بالليل قلنا نروح مطعم المدينة نتعشى في اخر ليله بتركيا لكن المفاجأة ان بعد ما طلبنا الاكل تاخروا حيل وبعد نص ساعة اخضروا الاكل تونا قلنا بسم الله والا دوده بصحن صديقي ونادينا المدير وقال عادي تصير بس مطعمنا احنا مشهور ونظيف المهم طلعنا وما دفعنا الحساب وللاسف صديقي صور فيديو بس اخر الشي طلع الفيديو مو محفوظ ورحنا اكلنا شورما :32: ورجعنا الفندق - - - - - - اليوم الرابع عشر والاخير - - - اليوم يوم الوداع بعد رحلة روعة الحمدالله استانسنا فيها رحت الصبح شريت جنظة لان كان عندي اغراض كثيرة وطلبنا تاكسي كبير لينقلنا لمطار صبيحة لانه كان عندنا 10 جناط واخذ علينا التاكسي 190 ليرة والحمدالله وصلنا قبل الرحلة بـ 3 ساعات ودخلنا العفش وكان عندنا زياده 26 كيلو بس الموظف اول شي قال ادفعوا عطينا كم كلمة حلوه وقالنا خلاص لا تدفعون :22: بعدها حدث تاخير بالاقلاع لمدة ساعتين بالاخر الحمدالله وصلنا الكويت الساعة 12 ليلا - - - وهنا ايها الاحبة نصل الى ختام التقرير الذي ارجو انه نال على اعجابكم وشكرا - - - كل الود |
شكراً عادل على التقرير الجميل. فكرة حلوة المشي من تقسيم لاورتاكوي 4 كيلو. والله الواحد لو يقضي أيامه باسطنبول بس يمشي ما يمل. على شرط بعيد عن فصل الصيف. تذكرة برج غلطة كانت 12 ليرة معقولة تضاعفت. الموقف بمطعم المدينة مقرف بصراحة. |
الله يعطيك العافية عادل تقرير رائع و مرتب للرحلة كاملة فعلاً الموقف بمطعم المدينة مزعج والمشي هو اللي يعلمك البلدو يخليك تحفظها غيب واسطنبول ما تمل من المشي فيها الله يسعدك |
جميلة مغامراتك اخ عادل معلومات مهمة ومفيدة ان شاء الله الكل يستفيدوا منها استمتعت بشرحك وصورك الله يعطيك العافية sent from Galaxy Note 5 using Tabatalk |
تقرير رائع كروعة صاحبة عادل تقرير شامل ومميز وممتع للغاية ماشاء الله تشكرآت عادل أرسلت من SM-G900F بإستخدام تاباتلك |
شكرا لك برج غلطه مشكلتهم كاش بس ما فيه خصم من البطاقه ألا أذا تغيرو المطعم أخذ شهره أكثر من اللازم صراحه إلي هالدرجه ما يعتذر |
تقرير اكثر من رائع معلومات مفيده تم تدوينها تسلم يمينك |
حياكم الله اخواني وشكرا لك من تابع او شارك او شجع على كتابة هذا التقرير |
قواك الله عادل على هالتقرير الحلو والخفيف حرني المدير يقولكم عادي [emoji35][emoji35] شنو عادي ويعني مشهور المشهور يكون نظيف مو وصخ ليش البرج اسمه غلطه ؟ اخييه عالبطاطه عوااافي وتسلم الايادي على هالتقرير Sent from my iPhone using Tapatalk |
حياج الله اختي ابرار والله يعافيج والله لو تشوفين الناس الي فيه المدير صج ما يرد على اي احد المطعم مسوي دعاية ومو مخلي مشهور بالعالم مو مصور وحاط صورته بالمطعم وكل القنوات التركية لها تقرير عن المعطم بعد شنو نسوي احنا اكلنا حمص وخبر وطلعنا بلاش هههههههههههه بخصوص برج غلطه ونطقة الصحيح هو (غ ل طة ) جذي اسمه بس اكيد الكلمة لها معنى بالتركي لانه في فريق تركي اسمه غلطة سراي |
| الساعة الآن 03:06 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO