|
الرحلة الشبابية للاراضي التركية بسم الله الرحمن الرحيم - - - - - - بفضل الله وبفضل جميع من ساهم باي معلومة او نصيحة من الاعضاء بهذا المنتدى الرائع، رجعت قبل ايام من رحلتى للاراضي التركية زرت من خلالها العديد من المناطق (طرابزون + انطاليا + كبادوكيا + اسطنبول) وراح اقسم كل منطقة بتقرير خاص وطريقة التقرير راح تكون طريقة معلومات وليس تقرير بتفاصيله. (يمكن اذا شفت تفاعل اغير واخليه تقرير بتفاصيله) - - راح اكتب بالعامية والفصحى استحملوني شوية - - - راح يكون ذكر الاسعار جميعها بالليرة التركية لتسهيل معرفة الاسعار. - - - - - - - - - تم حجز التذاكر على الخطوط التركية بسعر 750 ليرة للشخص الواحد (كويت – صبيحة – كويت) - - - (صبحية – طرابزون) على خطوط بقاسوس بسعر 160 ليرة للشخص 20 كيلو مع وجبة طعام وبوقت الرحلة طلبوا سعر للوجبات لكن كنت تعبان ما تناقشت معاهم وقلتلهم ما ابي اكل. (طرابزون – انطاليا) على خطوط صن اكسبرس بسعر 155 ليرة للشخص 20 كيلو مع وجبة طعام تم توفيرها من غير مقابل اثناء الرحلة. (انطاليا – كبادوكيا) على خطوط اناضول جت التابع للخطوط التركية بسعر 40 ليرة للشخص 15 كيلو (الحمدالله كانت كافيه). (كبادوكيا – اتاتورك) على الخطوط التركية بسعر 60 ليرة للشخص 15 كيلو. - - - - - - - - - تم حجز بعض الفنادق من الانترنت والبقية تم حجزها مباشر من الفندق - - - (اوزنجول) تم حجز فندق اوزكان مباشرة من الفندق بسعر 125 ليرة للغرفة مع الافطار والغرفة مطلة على البحيرة والمسجد والفندق عبارة عن كوخ من الخشب يعني ازعاج وتسمع كل شي بس المنظر من الصبح يهون كل شي. وتم حجز الفندق لمدة ليلتين. موقع الفندق قريب من والمسجد وبين فندق دوقا ومطعم دوقا يعني في بداية دخولك اوزنجول الفندق الصراحة يعتبر بالنسبة لفنادق اوزنجول ممتاز والشيف الي يشتغل بالمطعم لبناني : وهنا رابط الفندق من موقع بوكينق : - - - تم حجز فندق سايلملار مباشرة من الفندق بسعر 225 ليرة للغرفة مع الافطار لـ 3 اشخاص والغرفة مطلة اطلالة جزئية على البحر، ويعتبر الفندق ذو 4 نجوم بصراحة فندق فخم وشكرا للاخ بليغ (مو معانا بالمنتدى) على ترشيحه للفندق ، الافطار بالدور الاخير ومطل على البحر ، الفندق بجانب النوفيتيل الذي طلب 500 ليرة للغرفة وقريب من جواهر مول وامام حلويات نجلاء هانم. وهنا رابط الفندق من موقع بوكينق: - - - (انطاليا) تم حجز فندق سيلايف فاميلي ريزورت من موقع hotels.com لمدة 4 ليالي (غرفتين ) شامل جميع الوجبات بسعر 1588 ليرة تقريبا والغرفة كانت مطلة اطلالة جزئية على البحر والصراحة الفندق كان كل شي فيه روعة ما فيه اي شي ممكن اعلق عليه الا وقت العشاء الي كان من الساعة 7 لـ 9 والمغرب الساعة 8 هذي المشكلة الي كانت فيه واشكر الاخ مهند (معانا بالمنتدى) على ترشيحه للفندق، طبعا الفندق يقع بمنطقة كوناليتي وراح اشرح المناطق المختلفة بانطاليا فيما بعد. وهنا رابط الفندق من موقع هوتلز: - - - (كبادوكيا) تم حجز فندق ارين كيف من موقع hotels.com لمدة 3 ليالي (غرفة ) مع الافطار بسعر 480 ليرة تقريبا كان موقع الفندق في غوريميه وقريب من مركز المدينة ومن اماكن التسوق والمطاعم ومكاتب حجز الرحلات، الفندق عبارة عن بيت تديرة العائلة الحمدالله توفقت فيهم كان اشخاص طيبين وساعدوني بالكثير من الاشياء. وهنا رابط الفندق من موقع هوتلز: - - - (اسطنبول) فندق ألكوكلار كيبان في البداية كنت حاجز عن طريق موقع hotels.com لمدة 3 ليالي (غرفتين) مع الافطار بسعر 650 ليرة للغرفة لكن حدث تغير بالخطة حيث ذهب اصدقائي لاسطنبول قبل الموعد المحدد وحجزوا حجز مباشر بسعر 150 ليرة ليلة واحد (للغرفة) فطلبت منهم حجز غرفة لي ايضا بنفس السعر وقمت بعدها الغاء حجز الانترنت عن طريق الفندق، نرجع للفندق الي اشوف فندق ممتاز بالنسبة للموقع القريب من ميدان تقسيم وشارع الاستقلال تقريبا 200 متر او اقل بس كان الافطار ليس من مستوى الفندق مع ان المطعم يطل على البوسفور . وهنا رابط الفندق من موقع هوتلز: - - - التنقل - - طرابزون تم استجار سيارة من مكتب easa مقابل 160 ليرة لليوم ديزل اوتماتيك 2016 النوع اوبل حدثت مشكلة معهم حيث انهم طلبوا مبلغ 1500 ليرة تأمين والمشكلة كانوا المكتب الوحيد الي عنده سيارة متوفرة اوتماتيك بعد مشاورة اصحابي قررنا ناخذ السيارة من المكتب والحمدالله رجعوا التأمين بعد 10 ايام من تسليم السيارة. انطاليا تم استئجار سيارة من مكتب يورو كارز مقابل 110 ليرة لليوم ديزل اوتماتيك 2015 النوع رينو وخذوا 300 ليرة تأمين وتم ارجاع التأمين بعد 3 ايام من تسليم السيارة. - - - كبادوكيا التنقل كان فقط من والى المطار وتم توفير باص نقل جماعي من قبل الفندق مقابل 20 ليرة للشخص للوجهة الواحدة يعني 40 ليرة ذهاب واياب لكن انصح اذا كان عدد الاشخاص اكثر من 2 تاخذون تاكسي لانه راح يطلع تقريبا نفس السعر ، اما باقي التنقلات كانت ضمن الرحلات اليومية. - - - اسطنبول تم استخدام الترام والمترو والباصات ولقد قمت باستخدام التاكسي مرتين فقط واحدة كانت في يوم المغادرة لمطار صبيحة حيث كان لدينا اكثر من 10 حقائب. - - - الخرائط - - -تم استخدام خرائط قوقل بس للاسف الخرائط سيئة في معرفة الاماكن - - - العملة - - - تم اخذ الليرة التركية مع بطاقة السحب الالى وبطاقة ماستر - - - نشوفكم قريبا باول جزء من الرحلة |
الحمد لله على السلامه عزيزي عادل كنت انتظر تقرير رحلتكم اكيد استانستوا بالرحله الشبابيّه وصارت سفره رووووعه لانها شبابيّه ومافيها مسؤوليّه ولا اهتمامات خاصّه بالعائله ............ ننتظر بقيّة التقارير لان عندي سفره بعد عيد الفطر ان شاء الله وباروح كبادوشيا وتوابعها تحياتي سفره شبابيّه لازم تكون كشفيّه وتمشيه على السياكل :e136::e136: :e136: |
حلوووو خوش تقرير تفاصيل مميزة ماشاءالله الأسعار حلوة والفندق دام انه نظيف هذا المطلوب والموقع ايي بالاهمية الثانية بس قريب من السنتر عليكم بالعافيه السفرة الشبابيه ومتابعين بس التنقل الى المطار بكبادوكيا شنو أخذت للتنقل لان مو واضح يعطيك العافية متابعين للأخير |
الحمد لله على سلامتكم عادل. المقدمة حلوة فيها كل التفاصيل عن الفنادق واستاجار السيارات وبالاسعار. طيران لكابادوكيا ب 40 ليرة ومنها لاسطنبول ب 60 ليرة !! والله رخيصة. بانتظار الجزء الأول لمعرفة التفاصيل الجميلة. |
ماشاءالله خوش بدايه قويه عادل وحلوووه المعلومات اللي فيها [emoji1362][emoji1362] ورحله شبابيه يا سلاام [emoji1360][emoji1360] بس احنا نبي كل التفاصيل في تقرير واحد وصور ومتابعين معاك Sent from my iPhone using Tapatalk |
صح صح ابرار نبي كل التفاصيل والمعلومات بتقرير واحد لا تجزأه خله كله يميع :58: |
الحمد لله على السلامه ,,,,وبدايه جميله ,ممتاز عرض السعر بالليره ,,,, والله اسعار الطيران جدا مميزه ,,, في الانتظار ,, ومايمنع ان التفاصيل تكون موجوده للفايده,, الله يعطيك العافيه,,,وبالتوفيق |
شبااااااب مررره حلو أكيد تقرير مجنوووون ننتظر |
ماشاء الله تبارك الله... حمدالله على السلامة اخ عادل... ولا تكون بخيل نبغى تقرير كامل بكل التفاصيل... |
يا هلا والله بكل الاعضاء بحاول اكتب تفاصيل بس انت عارفين التعب والمجهود من كتابة ورفع صور وتنسيقها ام حسين تم تعديل فقرة النقل في كبادوكيا اي عضو يشوف في ملاحظة او اي شي مو فاهمة يكتبلي وانا ان شاء الله اعدله |
اقتباس:
صح يأخذ وقت ومجهود بس فصله كل يوم بيومه وأخذ راحتك مو مستعيلين [emoji3] |
اقتباس:
|
اقتباس:
|
الحمد الله على سلامتكم ويعطيك العافيه وباين التقرير من العيار الثقيل ننتظر التحميل والتنسيق بفارغ الصبر ، الرحلة الشبابيه هي الحريه :: لاتسمع المدام :30: |
بداية ولا اروع واضح انك توفقت فى الفنادق لكن ملاحظه عن فندق اسطنبول حجزتوه من النت ب 650 ومن الفندق 150 !!!! معقولة لهذه الدرجه فرق السعر ؟ |
اقتباس:
|
باين انها رحلة جميلة ومميزة بس وين التفاصيل و الصور ومعلومات رائعه في انتظار البقية :e142: |
:e304::e304::e304: |
. . أخيرا يا عادل باشا :) بس تبي الصدق ،،، ترتيب محترم ووالعجيب إنك تقريبا جربت كل خطوط الطيران المحلية ما شاء الله :) والله متحمس أشوف وش علوم السفرة :) لا تبطي علينا لا هنت :) |
رائع يا عادل دايم تقاريرك تحمل المتعة و الفائدة ما شاء الله تفصيل رائع للاسعار و مقدمة جميلة جميل ذكرك لنقطة ارجاع مبلغ تأمين السيارات لأن كثير يعاني منها و هذي فايدة اللي يتعامل مع شركات معروفة متابعين يا عسل جنون تركيا و جمالها |
اسعد الله صباحك أخي عادل بدايه رائعه وخليها يا باشا تقرير بتفاصيله أعتقد حجزك مبكرا ومصادفته للعروض علي رحلات الطيران أسعار السكن رائعه مشكله الشمال هي الحجز بالصيف فقط بليغ وما أدراك من هو بليغ من أفضل ما شاء الله الحسابات في الانستغرام عن الشمال التركي وتركيا رحاله متميز وصادق ورائع ونصيح أفا يا قوقل وش فيه ما بيض الوججهه معاكم هل استخدم التنقل بدون نت نطمح للمزيد عادل :e335::e335::e335::e335::e335: |
بدايه قويه يا عادل اكيد نبي تقرير مفصل اخذ راحتك الاماكن اللي متبتها كلها جديده بالنسبة لي اكيد راح نستفيد من معلوماتك |
اقتباس:
اي نعم هو بليغ افضل حساب بالشمال التركي اشوفه معلومات ونصايح ورجل طيب ويساعد الكل قوقل ماب ما قصر بس كان فيه بعض الاخطاء بالطريق ان شاء الله قاعد اكتب الجزء الثاني من التقرير ترقبوا |
اقتباس:
|
أهلاً حبيبنا عادل .. الحمد لله ع السلامة .. الحين دائماً ردودك على الاستفسارات تكون بالتفصيل الدقيق وتقريرك الشامل لكل محطات تركيا ( ماشاء الله عليك ) ماتكون بالتفاصيل .. هذه صدمة :12: المقدمة جميلة جداً أبدعت كثيراً بتفاصيلها .. وأتفق مع الجميع .. أكتب الأجزاء عندما تشعر بدافعية ومزاج للكتابة .. مثلك ينطق ذهباً ... فلا نريد الاستعجال وتفويت الجزئيات .. بانتظارك ... |
اليوم الاول قبل البداية في الجزء الثاني ابي اقولكم سالفة صارت باخر يوم دوام هو الخميس 21 ابريل صحيت الصبح مريض قلت باجر مسافر اشلون تحملت ورحت الدوام والحمدالله خلصت وانا راجع البيت كنت واقف عن اشارة ضوئية فجأة وقفت السيارة اشغلها ما تشتغل وقفلي واحد جزاه الله خير وسحبنا السيارة على جانب الطريق واتصلت على اخوي عشان يجيب معاه ميكانيكي وصل الميكانيكي وفحص السيارة وقالي ان المكينه خربانه وتحتاج تبديل او تصليح وراح تكلف عليك اكثر من 4000 ليرة ، صدمة باخر يوم دوام وباجر مسافر ومريض وتعبان فقلت خلاص اخلي السيارة من ارجع ويصير خير . - - - اليوم الاول التاريخ 23 ابريل 2016 - - - المهم صرت اعد الدقايق على السفر الحمدالله صار وقت السفر وتوجهت للمطار يوم الجمعة الساعة 12 ليلا وبعد دقائق حضروا اصحابي ورحنا دخلنا العفش وختمنا خروج وتوجهنا لصالة الماستر كارد ويقدر اي احد يدلخها مقابل رسوم بس الي عنده بطاقة ماستر كارد المميزه يدخلها دون مقابل ، تحتوي الصالة على بوفيه مأكولات خفيفة مع مشروبات والمقاعد تحتوي على منفذ USB للشحن . - - - دخول صالة انتظار ماستر كارد (مطار الكويت) - - - - - - - وبعد ساعة تقريبا توجهنا للبوابة وصعدنا الطائرة والحمدالله كانت الطائرة فاضية تقريبا كل واحد اخذ 3 كراسي وحاولنا النوم لبعض الوقت ، وصلنا مطار صبيحة الساعة 6.30 تقريبا وبعد الدخول وستلام العفش توجهنا لكاونتر طيران بقاسوس ونزلنا العفش لرحلة طرابزون الساعة 9.50 دقيقة تاخرت الرحلة يمكن نص ساعة ثم توجهنا لشركة ترك سيل لشراء خط بس للاسف السيستم كان واقف عندهم وقالوا بعد ساعة يفتح بعدها فطرنا في مادو ثم توجهنا للبوابة وكانت الطائرة فل ما فيها مكان فاضي والكراسي كانت ضيقة وبعد ساعة ونصف تقريبا وصلنا طرابزون . - - - - وتوجهنا لمكاتب تأجير السيارات وللاسف ما حصلت سيارة اوتماتك الا عند شركة esas وضطررنا ناخذ السيارة من عندهم مقابل 160 ليرة (النوع اوبل) مكاتب افيس وباجيت كانوا لا يملكون الا سيارة بي ام دبليو وكان سعرهم اكثر من 250 ليرة ، بعد استلام السيارة سألنا عن اقرب مكان يبيع ترك سيل قالوا قرية اوف ، انا كنت اعرف ان مجمع فورم قريب منا فسألت قالوا تاخذ يمين المطار وفعلا شفت المجمع وبعد عدة محاولات للدخول نجحنا وبعدها توجها لشركة ترك سيل واخذنا شريحة مع انترنت (8 جيجا) مع مكالمات (30 ليرة ) مقابل 150 ليرة الحمدالله الانترنت كفى لمدة سفرنا بس الشي الي مستغرب منه ان الـ 4 جي ما اتشغل بعدها صلينا وتغدينا. - - - - ثم توجنها للساحرة للفاتنة شنو اقول ما اوفيها حقها انها اوزنجول يا سادة - - - - - كان باستقبالنا - - - بعد الوصول ذهبنا لعدة فنادق حتى ووقع اختيارنا على فندق اوزكان مقابل 125 ليرة للغرفة لليلة الواحدة وحجزنا ليلتان فقط ، بعد استلام الغرف الحمدالله ارتحنا وغيرنا ملابسنا وبعد ساعتين نزلنا تحت نتفقد المنطقة حتى المغرب وهنا وبعد ان اصبح الجو بارد اشتد علي المرض ورجعت ارتاح للغرفة والساعة 10 تقريبا رحنا مطعم دوقا تعشنا ومن هنا بدأت رحلتي مع المشويات والكباب. - - - الجهة المقابلة للفندق - - يوم السبت والاحد يتواجد الكثير من الاتراك لتقضية اجازة نهاية الاسبوع في اوزنجول - - - الفندق من الخارج وتبدو سيارتنا (اول سيارة يمين) - - - الفندق من الخارج - - - الفندق من الخارج - - - الاستقبال - - - الاستقبال ولمشاهدة صور الغرفة تقدرون من خلال الرابط في الصفحة الاولى - - - - - خلال استكشافنا للمنظقة قبل الغروب - - - - - - - - - - - - - - - - - - - - - - - - - - - ان شاء الله بالجزء القادم فيه صور احلى واجمل ترقبوها واذا فيه اي ملاحظه ياريت بس تذكرونها عشان اقدر اعدلها كل الود |
وراح تكلف عليك اكثر من 4000 ليرة ، صدمة باخر يوم دوام وباجر مسافر ومريض وتعبان. ..... الحمد لله على سلامتك من المرض عندي ملاحظتان شلون في الكويت وتتعاملون بالليره ؟!!! ثانياً ليي ماغطيت رقم لوحه سيارتكم ؟؟؟ |
. . الحمد لله على السلامة ،،، عشان هيك حبيب ألبي أنادي باعلى صوتي :) http://www.arabtrvl.com/vb/t11639.html لا ترخص عليك ،،، توصل مطار أتاتورك ولا صبيحة وحاليا طرابزون تحصل واحد معاه لوحة بإسمك والنت شغال لا تسجيل ولا زحمة ولا سيستم عطلان :) رقم 2 ،،، الشركة اللي أخذت منها السيارة ، سمعتها مو ذاك الزود ،،، عشان كذا ، مع رينتال كارز ، الواحد يحجز بدري من شركة محترمة ويريح نفسه ،،، والسعر تقريبا متقارب ،،، انا أتنازل عن حجز السكن ، ودايما أخليه على عيني ، لكن السيارة لا :) ثالثا ،،، بشر عن سيارتك ؟ مرة ضاق صدري ، إفتتاحية مش حلوة للموضوع ،، كل ما حاولت أركز في موضوعك تذكرت سيارتك ورحمتك بصراحة ،،، أخيرا هالحبيب والطيب هذا وش يبي ؟ اقتباس:
ههههه جد سامي :) وش السالفة ؟ ليه يغطي رقم اللوحة ؟ |
اقتباس:
ما نتعامل بالليرة بس انا كتبت بالجزء الاول راح اذكر الاسعار بالليرة التركية لمعرفتها بسهولة الـ 4000 ليرة تقريبا 370 دينار كويتي ليش اغطي رقم السيارة فيها ضرر ؟ |
شركة اخوي ماجد الفهد انا كان ودي اخذ المودم بس قلت الشباب ما راح يكونون معاي طول الرحلة وراح نتوهق بالنت قلت افضل كل واحد يشتري شريحه شركة تاجير السيارات كا فيه واحد مشهور متعامل معاها وقلت خلاص خلني اجربها لاني توهقت بس التأمين قعد معاهم لمدة 10 ايام عيشوني برعب لدرجة قلت خلاص انسرقنا الحمدالله رجعوا التأمين بس من شفت التعامل مع شركة يوروكار حسيت بفرق التعامل الاخترافي السيارة امس استلمتها الحمدالله اخوي ماجد الظاهر سامي يعرف شي احنا ما نعرفه عن ارقام السيارات ؟ |
صور جميلة ياعادل .. وأكيد لديك ولدى أوزنجول صور أكثر جمااااالاً .. بالنسبة للسيارة في طرابزون وأريافها .. الناقل اليدوي أفضل كثيراً من الأوتماتيك لوعورة الطرق وطلوع ونزول وخلافه .. كل هذا يحتاج عزم وقوة للسيارة .. ( وجهة نظر ) فعلاً أتفق معك تفاجأت أنا أيضا بازدحام أوزنجول بالأتراك يومي السبت والأحد .. كانت باصاتهم ممتلئة ع الآخر .. ( سببوا لنا زحمة ) <= مايستحي:59: الفندق سعره رااائع .. بس ماشفنا الغرف كيف وضعها وتقييمك لها .. وإن شاء الله التعب اللي صادك أول ليلة في أوزنجول ما استمر معاك .. من أصعب الأمور التعب والمرض في السفر .. ربي يعطيك العافية ياخبيرنا .. وبانتظار ماعندك ... |
هلا والله اخوي كتكات المشكلة بالكويت ما تستعمل الناقل اليدوي وما نعرفله اشلون وكانت هذي المشكلة للاسف صور الغرفة ما صورتها بس نفس الصورة موجوده في بوكينق للاسف استمر المرض واثر على رحلاتنا لاني انا كنت قائد الرحة ما ابي احرق عليكم التقرير بس قاومت :22: |
سلامااات عادل ومعوض ان شاءالله بماكينة السياره شي اتضيق الخلق بس دام فيها سفره تهون[emoji51][emoji3] هالاوزنجول اشوف اصورها واتعذب لما الحين ما زرتها ان شاءالله أزورها خووش صور ما شاءالله [emoji1360][emoji1360] Sent from my iPhone using Tapatalk |
الله يسلمج احتي كويتية هالاوزنجول هذي بس تشوفينها ما راح تنسينها صدقيني فيه صور اروع واروع والله يخلي الـGoPro :e032: تصوير الفيديو فيها رهيب |
اقتباس:
:66::66::66: اقتباس:
نسيتوا يوم طحتوا تطنّز فيني أنت والحجّي أوكسير في موضوعي عن آرتفين ؟ خل ابرّد قلبي فيكم الحين :17: :e017: |
هههههههههههههه اي اي تذكرت بس اوكسير ما ادري وينه حتى ما كتب اي تعليق على التقرير |
أعتقد أوكسير رايح تركيا لأنه فاتح موضوع عن فيزته يقول يخوف ينتهي تاريخها يبي يحللها قبل ماتخلص عليه و يلحّق قبل ماينتهي تاريخها قلت له خذني معاك مارضى المهم جزء كابادوكيا اسرع به انتظره |
الحمد لله على السلامه ياعادل رحلتكم فيها تنقلات كثيرة بس ماشاء الله باين الترتيب والتنظيم بانتظار القادم من التفاصيل |
ههههههههههههههههههههههههههههههههههه والله منت هيّن يا سامي ... بصراحة حقهم وماجاهم ( عادل وأوكسير ) تصدق عاد أنا استغربت من سالفة اللوحة بسؤالك لعادل .. بس شفت رد حبيبنا ماجد الفهد قبلي .. قلت يكفي :e419: والحين عرفت سالفة تغطية اللوحة :62: |
:e33a::e33a::e33a::e32f::e32f::e32f: |
| الساعة الآن 03:41 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO