فيه موقف نسيت اذكره بالنسبه للقارب وبالاخص القفزه بالقارب من الشلال عند نهاية الرحله .. بعدما وقفنا وانتهت الرحله .. صعدنا الدرج الطويل المتعب .. وكان فيه وجبة غداء مجانيه .. حنا ما اكلنا بس رحنا نبدل ثيابنا .. قابلت شباب خليجيين .. شافوني مع بنتي .. وسألوني ما شاء الله قفزتوا من الشلال ؟؟!! :yolks00700:ومعك بنتك ؟؟!!:yolks00700: وان شاء الله ماجاكم شي؟؟!! :yolks00700:قلت لهم لا ..الحمدلله الامور طيبه وبالعكس بنتي جلست تضحك بعد القفزه ..!!:(127): ليه تسألون ؟؟!! انتوا صار معكم شي ؟؟!! قالوا ايه .. حنا انقلب فينا القارب:yolks0080: :yolks00700: اوووه ان شاء الله ماجاكم شي ؟؟!! قالوا لا .. الحمدلله جات سليمه...:yolks0080:

هذا الموقف اللي حبيت اذكره لكم..

اليوم السابع عشر التوجه للجبل
صحينا الصباح بدري ..فطرنا فالفندق
http://www.arabtrvl.com/vb/picture.p...pictureid=7488

وتصوير سريع للمسبح قبل الرحيل
http://www.arabtrvl.com/vb/picture.p...pictureid=7485
والساعه ٧:٣٠ مشينا من الفندق ودخلنا المطار قبل الرحله بنص ساعه تقريبا.. السواق باندي وصلنا المطار ببلاش.. (يقول السواق باندي انه هذا طريقته مع اللي يتعامل معهم .. توصيل المطار مجانا .. انا قلت له بحط رقمك على النت .. قالي اوكيه ماعندك مشكله .. قلت له انت اسعارك وحده ماتتغير ؟؟!! والا في المواسم ترفع السعر ..؟؟ عشان اعرف وش اكتب عنك في النت ..!! قالي السعر مايتغير 400الف لليوم وتوصيل المطار مجانا..!! وبعد رحلتي تقريبا بست شهور واحد من اخوياي راح واخذ مني رقمه وتعامل معه وامدح ويقول انه كويس ) هذا رقمه
اسمه باندي
جواله 081999365544
المهم في المطار اخذوا منا على الشخص ٧٥٠ الف ماادري وش هي له بس الظاهر تذكرة خروج او ضريبة خروج لان معها فاتوره يعني اتوقع انه مش نصبه .. وركبنا الطياره اول ناس ( وش سالفة اول ناس ذي؟؟!! " جيت قصيت البوردينق ومشينا الى البوابه ومثل ما انتوا عارفين في بعض الاحيان البوابه تطلع منها الى رحلتين او اكثر المهم انه باقي على رحلتنا نص ساعه تقريبا وانا شفت ناس يدخلون من البوابه .. سألت الموظف هذه الطياره رايح الى جاكرتا؟؟ قالي ايه ؟؟ ودخلت ووصلت الى الطياره واشوف مكتوب عليها تايلند ..!! شالسالفه ؟؟ الا وفيه واحد جاينا يركض ويقول لنا انت مش هذه طيارتك ..!! انت وين بتروح ؟؟ قلت له جاكرتا ..!! قالي معليش الموظف غلطان هذه بتروح تايلند .. وحنا نقول في نفسنا ماعليه خلنا نروح تايلند .. المهم رجعنا الى البوابه وانتظرنا دقيقتين خارج البوابه وقالوا يلا بوابة الطياره اللي رايحه الى جاكرتا فتحوها وبكذا دخلنا اول ناس )
وها نحن نغادر بالي
http://www.arabtrvl.com/vb/picture.p...pictureid=7436

الى الوداع
http://www.arabtrvl.com/vb/picture.p...pictureid=7437

الى الوداع يارحله لن تعود
http://www.arabtrvl.com/vb/picture.p...pictureid=7438

الى الوداع ياجزيرة الاحلام
http://www.arabtrvl.com/vb/picture.p...pictureid=7439

الى الوداع ياخيالي
http://www.arabtrvl.com/vb/picture.p...pictureid=7440

اقول الى الوداع وانا اتمنى الرجوع الى تلك الجزيرة
http://www.arabtrvl.com/vb/picture.p...pictureid=7441
ونزلنا في جاكرتا
http://www.arabtrvl.com/vb/picture.p...pictureid=7442
واتصلت على السواق (هذا السواق كان صديق باندي وهو اللي اعطاني رقمه )وكان فالمطار ينتظرنا واخذنا اغراضنا وطلعنا بسرعه لانها كانت رحلة داخليه ما قابلنا زحمه او مضايقات من موظفين الجوازات او غيرهم ومشينا مع السواق اسمه (يادي) وقلت لها ابغى فيلا بمسبح خاص (وهذه غلطه .. طلب الفيلا بمسبح خاص غلط .. لان السعر غالي وانت مارح تسبح بسبب برودة الجو ) المهم اتصل السواق وحاول يشوف لي فيلا .. وحصل بمليون وخمس ميه وقلت له غالي ..وقلنا بنروح وبنشوف... والطريق زحمه بسبب انه كان نهاية الاسبوع
http://www.arabtrvl.com/vb/picture.p...pictureid=7456
في الطريق
http://www.arabtrvl.com/vb/picture.p...pictureid=7463
صراف بافقيه (اشهر من نار على علم)
http://www.arabtrvl.com/vb/picture.p...pictureid=7457

http://www.arabtrvl.com/vb/picture.p...pictureid=7459

http://www.arabtrvl.com/vb/picture.p...pictureid=7460
مطعم ماما نوره
http://www.arabtrvl.com/vb/picture.p...pictureid=7461

معطم الخليج
http://www.arabtrvl.com/vb/picture.p...pictureid=7462

(مع اني حاولت اتجنب اني اروح نهاية الاسبوع الجبل .. لاني عارف ان الطريق زحمه من توصياتكم في هذا المنتدى ولكن بعض الاحيان تعديل الجدول يجري معه اشياء ثانيه ماتقدر تغيرها ) ووصلنا الجبل .. اول شي وصلنا عند فيلا شيكرو .. ولاعجبتنا ..وفل ..وادري انها حقت شباب.. وطلعنا منها الى منتجع الفا ..عوايل بس فل ...ومنها الى جياكرتا ..والفلل.. فل .. ما فيه الا غرف ..ولا عجبتنا .. وادري انها حقت شباب ...والى الفندق سيروني رقم واحد وشفناه فل وقلت له خلنا نروح فندق سيروني 2 او 3 .. قالي والا نروح على الفيلا اللي عند صاحبي ؟؟!! فيها مسبح خاص ..!! شفها اذا عجبتك والا نغيرها ..!! قلت طيب .. وعلى الفيلا حقت صاحب السواق اللي جنب كوتا بونجا .. هذا مدخلها
http://www.arabtrvl.com/vb/picture.p...pictureid=7464
وكنت اظن انها من تبع كوتا بونقا المهم جلست اتفاهم مع المسوؤله عن الفيلا وبالموت اقنعناها بالمليون وست ميه من مليون وسبع ... والمدام مش مقتنعه اصلا بالمكان ولا بالسعر .. كانت ثلاث غرف ومسبح خاص .. خطيره بصراحه بس المدام مش مقتنعه ومش مرتاح في المكان والمستوى حق الاثاث مش ولا بد .. انا تضايقت شوي وتعبت نفسيا من تدوير الفلل وتعبي كله نفسيا فقط .. لاني احس اني دوخت السواق وحنا ندور على فيلا بمسبح خاص .. ف جلست اضغط على المدام عشان تقتنع بهذه الفيلا وانه مافيه غيرها .. وخاصه اذا كنتي تبين مسبح خاص مافيه الا ذي .. ووافقت بالضغط وبالاجبار وتحت التهديد .. دفعنا الفلوس ورحنا شرينا عشاء ماادري غداء لان الساعه كانت تقريبا 4 العصر ورجعنا الفيلا اكلنا هناك .. وهنا صور للفيلا
http://www.arabtrvl.com/vb/picture.p...pictureid=7443

نفس الزاويه بدون بنتي
http://www.arabtrvl.com/vb/picture.p...pictureid=7479
المسبح الخاص
http://www.arabtrvl.com/vb/picture.p...pictureid=7475

المسبح من جهه اخرى وامامه طاولة طعام صغيره
http://www.arabtrvl.com/vb/picture.p...pictureid=7477

طاولة الطعام الصغيره وعليها غدائنا
http://www.arabtrvl.com/vb/picture.p...pictureid=7478

بعض السمك في بركه صغيره بجانب المسبح
http://www.arabtrvl.com/vb/picture.p...pictureid=7445

المسبح من جهه اخرى
http://www.arabtrvl.com/vb/picture.p...pictureid=7454

المسبح وبركة الاسماك الصغيره
http://www.arabtrvl.com/vb/picture.p...pictureid=7444

والمدام تقول لو ..ولو ...وياليت ...وياليت ....المهم سبحت البنت والمدام شوي والماي بارد وطلعوا وحتى ما اخذوا خمس دقايق وهم يسبحون واصلا من الاول المدام مش عاجبها الوضع وقالت لي ترى انا مش مطمنه ...شلون؟؟ وليه؟؟ خايفه ..!! الوضع مايطمن ..!! ليه ؟؟!! ماادري .. بس الوضع مش عاجبني .. طيب تبين نروح جاكرتا ؟؟ نرجع العاصمه؟؟؟ قالت انا مش مرتاحه اذا انت مرتاح عادي بنجلس .. قلت انا متضايق بسبب انك مش مرتاحه.. (ولاننا شباب ماتفرق معنا .. وقلوبنا اقوى من البنات) قلت طيب خلنا نرجع جاكرتا لان وضع الجبل بالكامل مش مريح.. والكل عارف ان الجبل موحش .. المهم قالت بيرجعون لك الفلوس قلت ماادري بس مالنا حق فيهم .. واتصلت على السواق وقلت له تعال ..وجاء وقلت له بمشي جاكرتا ..ليه؟؟!! وليش؟؟ قلت له المدام خايفه ومش مرتاح .. قالي ليه خايفه ؟؟ ( قوست ) يعني شيطان ؟؟!! قلت له لا لا .. مش المشكله في هذه الفيلا .. المشكله في كل الفلل اللي شفناهم .. كلهم مش مرتاحه فيهم .. وضعهم موحش .. طبعا هذا الخوف بسبب دخلت الفلل .. لو ان حنا ساكنين على الشارع الرئيسي في اي فندق كان مافيه مشكله بس المشكله في الفلل لازم تدخل لهم في ممرات .. الممرات هذه تخوف شوي وبالنسبه للنساء تخوف كثير .. لان الممرات ضيقه ولاتمر فيها الا سياره وحده .. تبدوا مرعبه بعض الشي .. المهم وانا اتفاهم مع السواق اني ابغى ارجع جاكرتا الا بجيت صاحبت الفيلا وقلنا لها وقالت برجع لك نص المبلغ.. قلت حلو ...شكرا ...ومشينا وقلت لها حقيقة الجبل .. وان الجبل مليان جن وان الكل يقول ان الجبل موحش ... قالت لي ليه ماقلت لي ..؟؟ قلت ان قلت لك بتقولين لانروح وبتخافين قبل نجي وانا ابغى اجي اشوف ذا الفلل وذا الجبل اللي الكل يتكلم عنه .. المهم وحنا ماشينا الى جاكرتا قلت للسواق تعرف ذا الفندق؟؟ اللي انا حاجز فيه عن طريق النت قال لا.. قلت طيب تعرف المنطقه اللي فيها الفندق؟؟ قال ايه مش كويسه زحمه وضيق.. قال بوديك فندق اربع نجوم وكبير بست مية الف تقريبا ..قلت له اوكيه ووداني قبل الفندق مكتب كاها في محطة القطار وقالي احجز من هنا ارخص لك ..قلت حلو وحجزت منه ليله بدون مااشوف الفندق ورحنا وطلع الفندق رائع جدا وشغل عدل ومرتب وقريب من مانقادوا.. عشر دقايق مشي الى مانقا دوا انا حطيت عنه تقرير هنا
http://www.arabtrvl.com/vb/t2183.html
ودخلنا الغرفه ونوم على طول
http://www.arabtrvl.com/vb/picture.p...pictureid=7480
وبكذا انتهى اليوم السابع عشر

بالنسبة للسواق (هل هو كويس او لا .. ؟؟ انا ماادري كيف اقيمه .. حسيت انه كان يبغى يوديني الى الفيلا حقت خويه وحسيت انه مانصحني .. وانه ماوداني الى فندق سيروني 2 او 3 وانه قالي هذه الفيلا عند كوتا بونقا بس وحنا طالعين انا شفت مدخل كوتا بونقا وعرفت انها مش من تبع كوتا بونقا ويوم رجعنا الى جاكرتا وصلني لهذا الفندق الرخيص والرائع وفوق كذا وصلني الى مكتب كاها بدون مااقوله وطبعا اخذ مني قيمة التوصيل من المطار الى الجبل 600 الف ومن الجبل الى جاكرتا 600 الف) ف احس انه كويس وطيب بس يبغى له واحد عارف المنطقة شوي وعنده شوي خبره وبالطبع كانت تعامله ودود وطيب جدا ...

اليوم الثامن عشر
نزلنا فطرنا في الفندق
http://www.arabtrvl.com/vb/picture.p...pictureid=7530
..الفطور الرائع منوع
http://www.arabtrvl.com/vb/picture.p...pictureid=7534

http://www.arabtrvl.com/vb/picture.p...pictureid=7532

ورجعنا الغرفه ودخلت على اجودا وحجزت ليله ثانيه مع ان كاها ارخص بس قلت المشوار مايسوى ومع تخفيض الراجحي صار الفرق تقريبا ٢٥ ريال بين اجودا وبين مكتب كاها وطلعنا رحنا مانقادوا سكوير .. قلنا نروح مشي او بالتوك توك
http://www.arabtrvl.com/vb/picture.p...pictureid=7535
كالعاده مبالغين في السعر حتى بالتوك توك
قلنا المشي كويس
ومن على الجسر الموصل للشارع المقابل
http://www.arabtrvl.com/vb/picture.p...pictureid=7536

زحمة دبابات
http://www.arabtrvl.com/vb/picture.p...pictureid=7537

وصلنا
http://www.arabtrvl.com/vb/picture.p...pictureid=7538
وكان اغلب المحلات داخل المول مسكره ؟؟!! ليه ماادري !!!! ورحنا مانقادوا اللي جنبه ونفس الوضع
طلعنا ورحنا شمباكاماس
http://www.arabtrvl.com/vb/picture.p...pictureid=7544
وطلع كبير ورخيص بس كبير جدا يبغى له وقت وجهد ونشاط وغير كذا زحمه مو طبيعيه وتعبنا على نهاية العصر ورجعنا الفندق

وبكذا انتهى اليوم الثامن عشر

اليوم التاسع عشر
بعد الفطور في الفندق
http://www.arabtrvl.com/vb/picture.p...pictureid=7519

http://www.arabtrvl.com/vb/picture.p...pictureid=7520

بغينا نمدد ليلتين في الفندق وشيكت على اجودا وطلع السعر ارخص من كاها بس مش مكتوب انه شامل الفطور فقلت بكلم مكتب كاها وقالي بيجي لك واحد في الفندق وعطيته رقم الغرفه وسوا لي حجز وجاني للفندق واخذ الفلوس بس قالي السعر اغلى.. لانه خلال ايام الاسبوع يكون اغلى اما خلال عطلة الاسبوع ارخص ..!!استغربت !! قلت على اجودا العكس المهم الفرق كان تقريبا ثلاثين ريال لليوم الواحد واللي خلاني مااحجز على اجودا البطاقه فاضيه ومافيه فطور .. المهم دفعت له وبصراحة اعجبتني الخدمه انه يجيك للفندق.. المهم رحت عطيت الفندق القسيمه وعطاني بطاقه جديده (مفتاح الباب) لمدة اليومين ..وطلعت رحت مجمع بازار تاباه ابانغ وطلع اغلبه للجمله
http://www.arabtrvl.com/vb/picture.p...pictureid=7523
لازم تشتري بالثلاث قطع وبعضهم لازم ست قطع والبعض اربع قطع المهم تركناه وطلعنا رحنا تامير سيتي وطلع متنوع.. رخيص وغالي وعنده اشياء حلوه.. المهم قابلنا واحد وسمعني وانا اسأل عن الحمام وقالي تبغى شي؟؟ اقدر اساعدك؟؟ سالته عن الحمام قالي كذا كذا وقلت طيب وين اروح غير ذا المجمع؟؟ قالي رح كذا وكذا ورح كذا ..قالي تدري تعال فيه وحده تعرف تتكلم عربي ...وودني لوحده ماادري مصريه ماادري وش جنسيتها .. وقلت لها انا رحت ذا وذاك قالت طيب كذا انت لفيت كل شي رخيص تقريبا ويصلح للتسوق في جاكرتا .. بس شوف انت تبي تتسوق والا تتمشى؟؟ (يعجبني الفاهم) قلت لها كله واحد واكتبت لي في ورقه للتمشي مول تامان انقريك وسينيان سيتي وكازابلانكا وللتسوق شمباكا ماس وامباسادور واي تي سي .. قلت حلو .. مشكوره ... وطلعت ورحت امباسدور وطلع تقريبا فاضي .. بس تقهوينا فيه مع دونات
http://www.arabtrvl.com/vb/picture.p...pictureid=7524
وطلعنا ورحنا كوتا كازا بلانكا طلع فخم
http://www.arabtrvl.com/vb/picture.p...pictureid=7528

اخذنا فشار اللي يحطونه في المايكرويف
http://www.arabtrvl.com/vb/picture.p...pictureid=7526

http://www.arabtrvl.com/vb/picture.p...pictureid=7527

وتمشينا شوي فيه ولعبنا فالالعاب ورجعنا للفندق
http://www.arabtrvl.com/vb/picture.p...pictureid=7522

وبكذا انتهى اليوم التاسع عشر