بسم الله الرحمن الرحيم
العرب المسافرون اندونيسيا
ندخل في الموضوع على طول
كانت رحلتي ماليزيا + اندونيسيا لمدة 22 يوم
وانا بديت في تقريري عن ماليزيا وقربت اوصل الى نهاية رحلتي في ماليزيا
وبعدها بدخل على رحلتي في اندونيسيا ان شاء الله
بس حبيت احط هنا رابط التقرير عن رحلتي الى ماليزيا وأول مااخلص من التقرير في بوابة ماليزيا بكمل الموضوع هنا في البوابة الاندونيسيه ان شاء الله

وهذا رابط الموضوع الخاص بالقسم الماليزي
http://www.arabtrvl.com/vb/t1683.html

حياكم الله .. تابعوني هناك وهنا:yolks00250:
وانتظروني قريبا ان شاء الله

السلام عليكم ورحمة الله وبركاته

قادم الى بالي من العاصمه الماليزيه كوالالمبور بعد قضاء 13 يوم في ماليزيا
وها نحن ذا في الاجواء الاندونيسيه على طيران اسيا

اليوم الرابع عشر في الرحله مغادرة ماليزيا والوصول الى اندونيسيا وفي جزيرة بالي بالتحديد

وتاخرت الرحله شوي ماطرنا الا بعد ساعه تقريبا وفي الطيارة وزعوا علينا كرت الدخول.. ولله الحمد كان معنا قلم (ترى ماعندهم اقلام) المهم بعدها وزعوا وجبات للي طالب عالموقع.. وحنا شرينا منهم بطاطس برينجلز.. وقد بدأت بعرض جمالها
http://www.arabtrvl.com/vb/picture.p...pictureid=5925

http://www.arabtrvl.com/vb/picture.p...pictureid=5926

والمطار قريب البحر .. بدأنا بالهبوط
http://www.arabtrvl.com/vb/picture.p...pictureid=5927

وصلنا للمطار مش متاخرين واجد ..ودخلنا وياعيني على الزحمه
http://www.arabtrvl.com/vb/picture.p...pictureid=5929
وطلع فالمطار اوراق ثانيه غير اللي فالطياره نعبيهم
http://www.arabtrvl.com/vb/picture.p...pictureid=5928
وعبيناهم وصفينا سرى
http://www.arabtrvl.com/vb/picture.p...pictureid=5931
راحت زوجتي وبنتي جلسوا ودقوا الزحمه بصوره .. لانه ممنوع التصوير
http://www.arabtrvl.com/vb/picture.p...pictureid=5979

ووصلت للموظف وقال لي خل زوجتك تتقدم وتروح تنتظر هناك قدام (وهذه حيله منه عشان ينفرد فيني .. ويحطني في صكه مافيها رجعه) وجالس يماطل فيني ويطلع اخطاء في الاوراق المعبأه (كل مسافر يأخذ معه تقريبا 30 ثانيه وانا اخذ معي 5 دقايق )ويقولي مافيه شي مافيه هديه.. وانا داق البلاهه واقوله لا .. على اني مش عارف وش يقول وهذا بفضل من توجيهاتكم وتوصياتكم بعدم اعطائهم اي شي (لانه فعلا ماكان يطلب الا مني انا لاني الوحيد الخليجي والباقي كلهم استراليين وجنسيات اخرى ) ومشاني بعد مازهق مني ... بس انت خلك بعيد عن الكونتر واذا قال شي سو نفسك ماسمعت .. وعلى ماخلصنا قد كملنا ساعتين تقريبا وقوف في ذاك السرى.. وطلعنا وسالت وين البلو بيرد قالوا لي بره.. وطلعت بره وينه ... قالوا لي مافيه هنا خذ لك تاكسي المطار سعره ثابت ورخيص.. قلت طيب خلني ارجع له .. وشفت واحد وياكثرهم يقولي تبي تاكسي.. قلت بكم؟؟ قالي بسعر خيالي بس انه بعملة اندونيسيا..!! قلت ماعندي الا دولارات.. قال ٤٠ دولار ..قلت الفندق قريب... وجلست ارخصه قلت له بخمسه دولار.. وبعد المجادل وصلت معه الى عشره دولار وتركته .. ورحت الى تاكسي المطار وقالي بعشره دولار تدفعها لراعي التاكسي.. قلت اوكيه.. ومشيت ولقيت راعي التاكسي لاحقني .. واخذ الشنط ووقف عند المواقف وقالي انتظرني هنا بروح اجيب السياره واجي .. وجاء ورحت معه ووصلنا الفندق
http://www.arabtrvl.com/vb/picture.p...pictureid=5977
.. ريحنا شوي.. الفندق شكله ممتاز ... ولو انه ماارتحنا للديره بسبب الزحمه والحركه بتاعت الهديه.. المهم الفندق يطلع جولات كل ساعتين من ضمنها ديسكفري مول وشاطى كوتا وشاطى ليغيان.. قلنا له ودنا ديسكفري مول
http://www.arabtrvl.com/vb/picture.p...pictureid=5956

تمشينا فيه شوي
http://www.arabtrvl.com/vb/picture.p...pictureid=5973

http://www.arabtrvl.com/vb/picture.p...pictureid=5962

http://www.arabtrvl.com/vb/picture.p...pictureid=5958

http://www.arabtrvl.com/vb/picture.p...pictureid=5959

http://www.arabtrvl.com/vb/picture.p...pictureid=5960

http://www.arabtrvl.com/vb/picture.p...pictureid=5961

وتعشينا في برغر كينج..
http://www.arabtrvl.com/vb/picture.p...pictureid=5957
مايتعاملون بالدولار.. دفعت بالفيزا وطلعت.. وحولت ثلاث مية دولار لعملتهم .. طلعت حوالي ٣٤٨٠٠٠٠ ومشينا بعد ماشريت اكل خفيف ..ووصلنا جنب الفندق فيه مغسله.. قلت له بكم تغسل الثياب؟؟ قالي الفندق ارخص لك منا.. قلت سلام ..وعطيت الفندق الثياب يغسلهم ...وحاولت اراسل غواصة بالي عن طريق الايميل.. ورسلت لهم رساله بالايميل ..وردوا علي بس كان ماعندي نت.. وكنت ابي اروح بركان باتور بس قطع النت عندي.. وكنت ابي شريحه ولا حصلت.. يبغى لها تدوير اكثر ...ورجعت نمت بعد ماسبحت بنتي فالمسبح

وبكذا انتهى اليوم الاول في اندونيسيا ويعتبر اليوم الرابع عشر في الرحله

هنا رابط الموضوع للبرنامج المستخدم للتصوير بتقنية 360 درجة
http://www.arabtrvl.com/vb/t2576.html#post46340

المهم مشينا ورحنا معمل الفضه والذهب
http://www.arabtrvl.com/vb/picture.p...pictureid=5972

http://www.arabtrvl.com/vb/picture.p...pictureid=5971

http://www.arabtrvl.com/vb/picture.p...pictureid=5984
طبعا فيه مرشده معنا .. تمشي وتشرح لنا عن المصنع واقسامه
http://www.arabtrvl.com/vb/picture.p...pictureid=5944

وشفنا كيف عملهم
http://www.arabtrvl.com/vb/picture.p...pictureid=5980

http://www.arabtrvl.com/vb/picture.p...pictureid=5981

http://www.arabtrvl.com/vb/picture.p...pictureid=5982

http://www.arabtrvl.com/vb/picture.p...pictureid=5983
طبعا ماكان شي جديد علينا .. تقريبا اشكال عاديه .. بس دخلنا بعدها المعرض وشفنا اشكال حلوه من الفضه
http://www.arabtrvl.com/vb/picture.p...pictureid=5968
وكان فالدور الثاني معرض الالماس والذهب
http://www.arabtrvl.com/vb/picture.p...pictureid=5985
وكان عندهم اشكال رهيبه واحجار حلوه مره بس ممنوع التصوير..

ومشينا بعدها ورحنا الى حديقة الطيور دخول ٢ بالغين وطفل ب٨٠٠ الف تقريبا
http://www.arabtrvl.com/vb/picture.p...pictureid=5946

هذه الشجره عن المدخل .. عجبتني
http://www.arabtrvl.com/vb/picture.p...pictureid=5945
حديقة الطيور حلوه وان كانت غاليه بعض الشي .. وهنا بعض من صور الطيور
http://www.arabtrvl.com/vb/picture.p...pictureid=5950

http://www.arabtrvl.com/vb/picture.p...pictureid=6058

هذا يخوف .. تحس انه شرير
http://www.arabtrvl.com/vb/picture.p...pictureid=6057

سبحان الله .. جمال الالوان (ودي في سوبر بان امريكي نفس اللون)
http://www.arabtrvl.com/vb/picture.p...pictureid=5987

هذا تحس انه لابس بدله وكرفته
http://www.arabtrvl.com/vb/picture.p...pictureid=5986

http://www.arabtrvl.com/vb/picture.p...pictureid=5947

http://www.arabtrvl.com/vb/picture.p...pictureid=5948

http://www.arabtrvl.com/vb/picture.p...pictureid=6068

http://www.arabtrvl.com/vb/picture.p...pictureid=6061

http://www.arabtrvl.com/vb/picture.p...pictureid=6062

http://www.arabtrvl.com/vb/picture.p...pictureid=6063

هذا بو كشه .. ماشاء الله حجمه كبير .. اشتهيت اسوي عليه مندي
http://www.arabtrvl.com/vb/picture.p...pictureid=6064

هذا السوبر الامريكي
http://www.arabtrvl.com/vb/picture.p...pictureid=6065

http://www.arabtrvl.com/vb/picture.p...pictureid=6066

وفيه مثل الكوخ فيه بومه
http://www.arabtrvl.com/vb/picture.p...pictureid=6060

http://www.arabtrvl.com/vb/picture.p...pictureid=6059

وشفنا عرض النسور والببغاء
http://www.arabtrvl.com/vb/picture.p...pictureid=6067
وكنا جالسين على مثل المسرح مثل ماهو واضح في الصوره السابقه وكان معنا ناس كثير وكانت تشرح لنا عن بعض الطيور وبعض النسور .. وانا كنت اصور في بالكاميرا .. والا وفجأه اللي كانت تشرح.. قالت نبغى واحد يتبرع ويشارك معنا العرض .. (انا على طول رميت الكاميرا على زوجتي ) قالت من اللي يبغى يتبرع ويشاركنا ..!! ولا واحد رفع يده ... (انا على مافكيت الكاميرا من على رقبتي ورفعت يدي ) وقالت لي على طول تعال .. وش اسمك ؟؟ رائد .. من وين انت ؟؟ من السعوديه .. وشاركت فالعرض.. العرض كان انك تحط فوق راسك صحن وتمسكه بيدك واللي يسوي العرض بيحط قطعة دجاج .. قطعه بسيطه .. تقريبا كبر الاصبع .. ويجي النسر ويخطفها بسرعه لاتصدق .. لدرجة انك ماتحس الا بشي بسيط .. وجاء النسر اكل من فوق الصحن اللي فوق راسي .. المهم وبعدها تحمس الجمهور وطلبت متبرع ثاني وقامت وحده .. اتوقع انها استراليه . . وحطوا الاكل (اللي هو قطعة الدجاج ) حطوها فوق شعرها وجاء النسر واخذ القطعه اللي فوق شعره ولا حرك من شعرها الا شي بسيط .. تقول اللي تشرح لنا ان هذا النسر انتبهوا منه .. اذا كنتوا طلبتوا في مطعم .. وكانت طاولات المطعم خارجيه .. ممكن يجي هذا النسر ويسرق الاكل حقكم من على الطاوله .. المهم مشينا وصورنا مع كم ببغاء ودخلنا حديقة التماسيح والافاعي اللي بجنب حديقة الطيور وبنفس التذكره
http://www.arabtrvl.com/vb/picture.p...pictureid=5951

http://www.arabtrvl.com/vb/picture.p...pictureid=5963

http://www.arabtrvl.com/vb/picture.p...pictureid=5964

http://www.arabtrvl.com/vb/picture.p...pictureid=5965

http://www.arabtrvl.com/vb/picture.p...pictureid=5967

http://www.arabtrvl.com/vb/picture.p...pictureid=5966

ومشينا الى حديقة قهوة اللواك والكاكاو وشفنا نبات القهوه العربيه (للاسف الصور مش واضحه) وهاهو حيوان اللواك
http://www.arabtrvl.com/vb/picture.p...pictureid=6070
حيوان اللواك اللي تستخرج منه احسن واغلى قهوه في العالم وطريقة استخراجها كالتالي .. هذا الحيوان يأكل القهوه العربيه ومعدته تفرز مواد على القهوه وتخرج من فضلات اجواد واغلى انواع القهوه ..
http://www.arabtrvl.com/vb/picture.p...pictureid=6073
وتغسل وتحمس هذه القهوه وتطحن ثم تباع .. قالوا لنا تبون تشترون ؟؟ قلنا لهم لا ..
وكانت فيه نباتات ثانيه غير القهوه ومن الاشياء الثانيه الموجوده .. الفانيلا
http://www.arabtrvl.com/vb/picture.p...pictureid=6071
وغيرها من النباتات التي للاسف لاتوجد لدي صور واضحه لها
وكان هناك مشروبات تستطيع ان تتذوقها مثل الليمون والكاكاو وعشبة الليمون والزنجبيل وغيرها وتستطيع ان تشتري اللي يعجبك من هذه المشروبات
http://www.arabtrvl.com/vb/picture.p...pictureid=6074
سألتهم قهوة اللواك هل استطيع ان اتذوقها ؟؟ قالت لي لا .. تبغى تشتري .. موجوده .. اتوقع ان الكيلو ب 60 دولا اذا ماكنت غلطان .. المهم تركناهم ماشرينا قهوة اللواك وشرينا بعض المشروبات منهم.. لانه فيه بعضهم لذيذ جدا.. ورحنا بعدها صلينا..

وبعدها رحنا مطعم الشيشه
http://www.arabtrvl.com/vb/picture.p...pictureid=6076
غالي والطعم مش ذاك الزود بس جلساته حلوه
http://www.arabtrvl.com/vb/picture.p...pictureid=6075

http://www.arabtrvl.com/vb/picture.p...pictureid=6077

http://www.arabtrvl.com/vb/picture.p...pictureid=6078

http://www.arabtrvl.com/vb/picture.p...pictureid=6079

http://www.arabtrvl.com/vb/picture.p...pictureid=6080

وبعدها رحنا لمحل للتسوق
http://www.arabtrvl.com/vb/picture.p...pictureid=6081

http://www.arabtrvl.com/vb/picture.p...pictureid=6082

وبعدين رحنا محل ثاني اسمه بالي باراسكو
http://www.arabtrvl.com/vb/picture.p...pictureid=6083
الظاهر معناها اوتليت وتفرجنا ورجعنا للفندق

وبكذا انتهى اليوم الخامس عشر في الرحله والذي يعتبر اليوم الاول في بالي
طبعا قلنا للسواق تعال لنا بكره

يتبع بإذن الله تعالى...

اليوم السادس عشر في بالي
بعد الفطور المبكر في الفندق
http://www.arabtrvl.com/vb/picture.p...pictureid=7490

http://www.arabtrvl.com/vb/picture.p...pictureid=7493
طلعت سحبت من الصراف اللي جنب الفندق ببطاقة الراجحي ٢ مليون روبيه وشفت السواق ينتظرني بره الفندق.. واخذت اغراضي ومشينا متجهينا الى الغواصه (قالي السواق انت حجزت ؟؟ قلت له ايه بالتلفون .. قالي دفعت لهم شي ؟؟ قلت له لا .. قال اجل لاتقول لهم انك حاجز بالتلفون .. انا بكلمهم وبحاول ارخصهم .. كان حجزي بالتلفون ب 82 دولا وخلاه لي ب80 دولار ) واخذنا فالطريق من الفندق الى مقر انطلاق الغواصه ساعه وربع ..
http://www.arabtrvl.com/vb/picture.p...pictureid=7509
ووصلنا ..وقصينا التذاكر.. واخذوا وزنا
http://www.arabtrvl.com/vb/picture.p...pictureid=7494
والتذكره ب٨٠ دولار للواحد ..وجلسنا ننتظر لين يتجمعون الركاب اللي حاجزين ..عشان نروح نركب وقدموا لنا عصير
http://www.arabtrvl.com/vb/picture.p...pictureid=7495
قمنا نصور الشاطى الخيالي
http://www.arabtrvl.com/vb/picture.p...pictureid=7497

http://www.arabtrvl.com/vb/picture.p...pictureid=7496
طبعا انا اول ماوصلت بالي كنت ناوي اروح ثاني يوم للغواصه بس يوم كلمتهم قالوا لي مافيه حجز .. الكراسي كلها محجوزه .. قلت طيب اليوم اللي بعده شلون؟؟ قالوا لي اوكيه تقدر تحجز .. قلت طيب حجزوا لي .. وهذا جاء اليوم اللي بعده ورحنا وجاء الوقت وتجمعوا الركاب وركبنا قارب اللي يوصلنا الى الغواصه
http://www.arabtrvl.com/vb/picture.p...pictureid=7409

http://www.arabtrvl.com/vb/picture.p...pictureid=7410

http://www.arabtrvl.com/vb/picture.p...pictureid=7450
وصلنا للغواصه ونزلنا داخل من هذه الفتحه
http://www.arabtrvl.com/vb/picture.p...pictureid=7413

وجلسنا ننتظر ينزل
http://www.arabtrvl.com/vb/picture.p...pictureid=7418

طبعا مثل ماانتوا شايفين طريقة الكراسي .. كل واحد معطي ظهره للثاني وكل واحد قدامه فتحه يقدر يشوف منها
http://www.arabtrvl.com/vb/picture.p...pictureid=7429

وهذا صوره من الفتحه
http://www.arabtrvl.com/vb/picture.p...pictureid=7498

جلسوا يشرحون لنا .. في الاول بننزل تقريبا 25 متر تحت سطح الماء .. وبعدين بنمشي الى الامام مسافة .. نسيت كم متر .. وبعدين بنرجع على نفس الطريق .. وبنطلع بعدها .. في وقت الذهاب اللي جالسين على اليمين بيشوفون ارضية البحر وبعض الاسماك واللي على اليسار ماراح يقدرون يشوفون شي لانه ظلام .. وفي طريق العوده بيكون دور اللي على اليسار يشوفون اللي شافوه اللي على اليمين وراح يكون اللي جالسين على اليمين مايقدرون يشوفون شي بسبب الظلام وهذا كابتن الرحله يحييكم
http://www.arabtrvl.com/vb/picture.p...pictureid=7417

ونزلنا وهنا بعض الصور من الجهتين
http://www.arabtrvl.com/vb/picture.p...pictureid=7420

http://www.arabtrvl.com/vb/picture.p...pictureid=7421

http://www.arabtrvl.com/vb/picture.p...pictureid=7423

http://www.arabtrvl.com/vb/picture.p...pictureid=7426

الغواصين حول الغواصه
http://www.arabtrvl.com/vb/picture.p...pictureid=7500

http://www.arabtrvl.com/vb/picture.p...pictureid=7501

http://www.arabtrvl.com/vb/picture.p...pictureid=7428

يطعمون السمك لكي يتجمعون حولهم
http://www.arabtrvl.com/vb/picture.p...pictureid=7425

وطلعنا بعد ما اخذنا تقريبا فوق النص ساعه
http://www.arabtrvl.com/vb/picture.p...pictureid=7431
ورجعنا بالقارب اللي جابنا (هذه دفعه ثانيه بعدنا )
http://www.arabtrvl.com/vb/picture.p...pictureid=7446

http://www.arabtrvl.com/vb/picture.p...pictureid=7448

http://www.arabtrvl.com/vb/picture.p...pictureid=7447

http://www.arabtrvl.com/vb/picture.p...pictureid=7449

رجعنا الى الشاطى وبنتي تقول ماتبي ترجع .. تبي تروح السفينه .. وتبي تسبح (مالك الا تشيلها وتنهي الموضوع) الله يحفظها
http://www.arabtrvl.com/vb/picture.p...pictureid=7451

وتغدينا على حسابهم ..غداهم حلو .. بوفيه مفتوح وفيه مشويات
http://www.arabtrvl.com/vb/picture.p...pictureid=7408

http://www.arabtrvl.com/vb/picture.p...pictureid=7407

http://www.arabtrvl.com/vb/picture.p...pictureid=7406

http://www.arabtrvl.com/vb/picture.p...pictureid=7452

http://www.arabtrvl.com/vb/picture.p...pictureid=7453

وبعدها مشينا الى رحلة التجديف النهرية...

بعد رحلة الغواصه اتجهنا الى رحلة التجديف النهرية اللي اخذت منا وقت فالطريق حول الساعه ..ووصلنا .. قالت له بنتي ثلاث سنوات ونص تركب مومشكله؟؟ قال لنا مافيه مشكله .. قلنا حلو ..بكم؟؟ قال الواحد بمليون والصغيره بنص مليون.. المجموع مليونين ونص.. قلت غالي .. اصلا ماعندي مليونين ونص كاش .. قال فيه شبكة تقدر تدفع بالبطاقه.. قلت حلو بس اخر شي بكم؟؟ قال هذا اخر شي.. قلت للسواق قالي حاول فيه ممكن ينزل لك السعر ومنا ومناك نزلته خمس مية الف وصار المجموع مليونين.. ومترددين هل نركب او لا بسبب السعر..(اللي خلاني اتردد .. انه ماقالي عن تفاصيل الرحله .. انا ماادري ان الرحله بتأخذ ساعتين في النهر .. وانه فيه غداء في الاخير) المهم قلنا توكل على الله موافقين وبدفع بالبطاقه.. قال باخذ زياده للبنك.. قلت اخذهم كاش المليونين متوفره اما مليونين وخمس مية الف ماعندي كاش المهم دفعتهم وبدلنا الملابس وجهز العدة
http://www.arabtrvl.com/vb/picture.p...pictureid=7455
ونفخ القارب
http://www.arabtrvl.com/vb/picture.p...pictureid=7503
ودف القارب من فوق ونزلنا تحت عشان نركب
http://www.arabtrvl.com/vb/picture.p...pictureid=7458

http://www.arabtrvl.com/vb/picture.p...pictureid=7466
واحلى مغامره بس للاسف خذ الجوالات عشان لاتطيح علينا في النهر وحطهم في شنطة عنده مايدخلها ماي وقال لنا اذا صرخت وقلت لكم تمسكوا .. معناها تمسكوا في الحبال اللي جنب القارب لاننا بنصدم في شي .. واذا قلت لكم نزلوا او ناموا .. معناها حاولوا تنزلون روؤسكم لانه فيه شجر نازل علينا .. واذا قلت لكم رقصوا او قفزوا .. حاولوا تقفزون لان القارب ممكن يكون عالق في بعض الحصى .. قلنا له طيب .. حلو .. ومشينا ووقفنا في ربع الطريق وقال لنا نزلوا .. فيه درج على الجنب بننزل منه وانا معكم .. ودف القارب .. والقارب ماعليه احد .. وطاح القارب من شلال قصير تقريبا .. تقريبا خمس امتار الى عشر امتار ..
http://www.arabtrvl.com/vb/picture.p...pictureid=7472
بس اسفل الشلال كله حصى .. فالقارب اول مايطيح يوقف ... وحنا معه نزلنا من درج جنب الشلال واخذنا القارب اللي ينتظرنا بفعل الحصى اللي ماسكته وكملنا .. ووقفنا في نص الطريق .. قال هنا استراحه شوي .. اذا تبون تصورون .. وعطانا الكاميرا والجوالات .. وهاتك ياتصوير
http://www.arabtrvl.com/vb/picture.p...pictureid=7506

http://www.arabtrvl.com/vb/picture.p...pictureid=7505

http://www.arabtrvl.com/vb/picture.p...pictureid=7504

وكملنا الطريق بعدما اخذنا تقريبا ربع ساعه استراحه .. وانا اقول هذه المناظر وهذه الذكرى مستحيل تمر بدون تصوير .. وركبنا وكملنا وقلت له وقف وجيب الكاميرا قالي ممنوع .. قلت له على مسوؤليتي قال طيب بس بعد شوي ومشينا شوي ووقفنا واخذنا الكاميرا واحلى تصوير
http://www.arabtrvl.com/vb/picture.p...pictureid=7467

http://www.arabtrvl.com/vb/picture.p...pictureid=7468

http://www.arabtrvl.com/vb/picture.p...pictureid=7469

http://www.arabtrvl.com/vb/picture.p...pictureid=7471

وبعد ما شبعنا تصوير قلت له خلاص اخذ الكاميرا والجوالات .. وحطهم في الشنطة وكملنا الطريق وقبل النهايه ب 100 متر تقريبا او اكثر وقف على جنب .. وقال لنا مددوا جسمكم وخلكم في وضعية النوم على ظهركم وتمسكوا كويس وحطوا رجولك على القارب وشد نفسك .. قلنا طيب وقفز بالقارب من الشلال ..الشلال يشبه الاولي وتقريبا نفس الارتفاع بس انه في الاسفل مافيه حصى .. فيه ماي بس كانت قفزه رهيبه .. والحمدلله ماصار فينا شي ولا طحنا ولا انقلبنا ووصلنا الى النهايه .. بعدما اخذنا ساعتين في هذه الرحله الاكثر من رائعه ..وفالنهاية رقينا درج طويل ومتعب.. ومرينا على مزارع ارز وحنا نرقى هذا الدرج الطويل
http://www.arabtrvl.com/vb/picture.p...pictureid=7474

http://www.arabtrvl.com/vb/picture.p...pictureid=7473
ولنا غدا مجانا ..مااكلنا منه شي... شبعانين
http://www.arabtrvl.com/vb/picture.p...pictureid=7508
وبدلنا ملابسنا ورحنا لاعلى الجبل ..ومنظر على البركان وتصوير سريع
http://www.arabtrvl.com/vb/picture.p...pictureid=7512

http://www.arabtrvl.com/vb/picture.p...pictureid=7489

http://www.arabtrvl.com/vb/picture.p...pictureid=7476

http://www.arabtrvl.com/vb/picture.p...pictureid=7511

ومشينا مع مرور سريع على حدايق البرتقال اللي عالطريق
http://www.arabtrvl.com/vb/picture.p...pictureid=7516

http://www.arabtrvl.com/vb/picture.p...pictureid=7513

http://www.arabtrvl.com/vb/picture.p...pictureid=7515

ومشروع الارز بس ماوقفنا نصور كملنا الطريق وحنا راجعين طلبنا لنا بيتزا دومينوز من الفرع اللي في الديسكفري مول
http://www.arabtrvl.com/vb/picture.p...pictureid=7517
ورجعنا الفندق وجهزنا الشنط للمغادرة ثاني يوم والتوجه الى الجبل بونشاك ... وكانت راسلت من قبل اجي بشهرين مكتب سعد عشان يجهز لي سواق في الجبل وقالي ارسل لي طلبك على الواتسب وشفت مكتب سعد رد علي على الواتسب وقلت له كنسل لاني اتفقت مع واحد من طرف سواقنا الرائع باندي

يتبع باذن الله ...

فيه موقف نسيت اذكره بالنسبه للقارب وبالاخص القفزه بالقارب من الشلال عند نهاية الرحله .. بعدما وقفنا وانتهت الرحله .. صعدنا الدرج الطويل المتعب .. وكان فيه وجبة غداء مجانيه .. حنا ما اكلنا بس رحنا نبدل ثيابنا .. قابلت شباب خليجيين .. شافوني مع بنتي .. وسألوني ما شاء الله قفزتوا من الشلال ؟؟!! :yolks00700:ومعك بنتك ؟؟!!:yolks00700: وان شاء الله ماجاكم شي؟؟!! :yolks00700:قلت لهم لا ..الحمدلله الامور طيبه وبالعكس بنتي جلست تضحك بعد القفزه ..!!:(127): ليه تسألون ؟؟!! انتوا صار معكم شي ؟؟!! قالوا ايه .. حنا انقلب فينا القارب:yolks0080: :yolks00700: اوووه ان شاء الله ماجاكم شي ؟؟!! قالوا لا .. الحمدلله جات سليمه...:yolks0080:

هذا الموقف اللي حبيت اذكره لكم..

اليوم السابع عشر التوجه للجبل
صحينا الصباح بدري ..فطرنا فالفندق
http://www.arabtrvl.com/vb/picture.p...pictureid=7488

وتصوير سريع للمسبح قبل الرحيل
http://www.arabtrvl.com/vb/picture.p...pictureid=7485
والساعه ٧:٣٠ مشينا من الفندق ودخلنا المطار قبل الرحله بنص ساعه تقريبا.. السواق باندي وصلنا المطار ببلاش.. (يقول السواق باندي انه هذا طريقته مع اللي يتعامل معهم .. توصيل المطار مجانا .. انا قلت له بحط رقمك على النت .. قالي اوكيه ماعندك مشكله .. قلت له انت اسعارك وحده ماتتغير ؟؟!! والا في المواسم ترفع السعر ..؟؟ عشان اعرف وش اكتب عنك في النت ..!! قالي السعر مايتغير 400الف لليوم وتوصيل المطار مجانا..!! وبعد رحلتي تقريبا بست شهور واحد من اخوياي راح واخذ مني رقمه وتعامل معه وامدح ويقول انه كويس ) هذا رقمه
اسمه باندي
جواله 081999365544
المهم في المطار اخذوا منا على الشخص ٧٥٠ الف ماادري وش هي له بس الظاهر تذكرة خروج او ضريبة خروج لان معها فاتوره يعني اتوقع انه مش نصبه .. وركبنا الطياره اول ناس ( وش سالفة اول ناس ذي؟؟!! " جيت قصيت البوردينق ومشينا الى البوابه ومثل ما انتوا عارفين في بعض الاحيان البوابه تطلع منها الى رحلتين او اكثر المهم انه باقي على رحلتنا نص ساعه تقريبا وانا شفت ناس يدخلون من البوابه .. سألت الموظف هذه الطياره رايح الى جاكرتا؟؟ قالي ايه ؟؟ ودخلت ووصلت الى الطياره واشوف مكتوب عليها تايلند ..!! شالسالفه ؟؟ الا وفيه واحد جاينا يركض ويقول لنا انت مش هذه طيارتك ..!! انت وين بتروح ؟؟ قلت له جاكرتا ..!! قالي معليش الموظف غلطان هذه بتروح تايلند .. وحنا نقول في نفسنا ماعليه خلنا نروح تايلند .. المهم رجعنا الى البوابه وانتظرنا دقيقتين خارج البوابه وقالوا يلا بوابة الطياره اللي رايحه الى جاكرتا فتحوها وبكذا دخلنا اول ناس )
وها نحن نغادر بالي
http://www.arabtrvl.com/vb/picture.p...pictureid=7436

الى الوداع
http://www.arabtrvl.com/vb/picture.p...pictureid=7437

الى الوداع يارحله لن تعود
http://www.arabtrvl.com/vb/picture.p...pictureid=7438

الى الوداع ياجزيرة الاحلام
http://www.arabtrvl.com/vb/picture.p...pictureid=7439

الى الوداع ياخيالي
http://www.arabtrvl.com/vb/picture.p...pictureid=7440

اقول الى الوداع وانا اتمنى الرجوع الى تلك الجزيرة
http://www.arabtrvl.com/vb/picture.p...pictureid=7441
ونزلنا في جاكرتا
http://www.arabtrvl.com/vb/picture.p...pictureid=7442
واتصلت على السواق (هذا السواق كان صديق باندي وهو اللي اعطاني رقمه )وكان فالمطار ينتظرنا واخذنا اغراضنا وطلعنا بسرعه لانها كانت رحلة داخليه ما قابلنا زحمه او مضايقات من موظفين الجوازات او غيرهم ومشينا مع السواق اسمه (يادي) وقلت لها ابغى فيلا بمسبح خاص (وهذه غلطه .. طلب الفيلا بمسبح خاص غلط .. لان السعر غالي وانت مارح تسبح بسبب برودة الجو ) المهم اتصل السواق وحاول يشوف لي فيلا .. وحصل بمليون وخمس ميه وقلت له غالي ..وقلنا بنروح وبنشوف... والطريق زحمه بسبب انه كان نهاية الاسبوع
http://www.arabtrvl.com/vb/picture.p...pictureid=7456
في الطريق
http://www.arabtrvl.com/vb/picture.p...pictureid=7463
صراف بافقيه (اشهر من نار على علم)
http://www.arabtrvl.com/vb/picture.p...pictureid=7457

http://www.arabtrvl.com/vb/picture.p...pictureid=7459

http://www.arabtrvl.com/vb/picture.p...pictureid=7460
مطعم ماما نوره
http://www.arabtrvl.com/vb/picture.p...pictureid=7461

معطم الخليج
http://www.arabtrvl.com/vb/picture.p...pictureid=7462

(مع اني حاولت اتجنب اني اروح نهاية الاسبوع الجبل .. لاني عارف ان الطريق زحمه من توصياتكم في هذا المنتدى ولكن بعض الاحيان تعديل الجدول يجري معه اشياء ثانيه ماتقدر تغيرها ) ووصلنا الجبل .. اول شي وصلنا عند فيلا شيكرو .. ولاعجبتنا ..وفل ..وادري انها حقت شباب.. وطلعنا منها الى منتجع الفا ..عوايل بس فل ...ومنها الى جياكرتا ..والفلل.. فل .. ما فيه الا غرف ..ولا عجبتنا .. وادري انها حقت شباب ...والى الفندق سيروني رقم واحد وشفناه فل وقلت له خلنا نروح فندق سيروني 2 او 3 .. قالي والا نروح على الفيلا اللي عند صاحبي ؟؟!! فيها مسبح خاص ..!! شفها اذا عجبتك والا نغيرها ..!! قلت طيب .. وعلى الفيلا حقت صاحب السواق اللي جنب كوتا بونجا .. هذا مدخلها
http://www.arabtrvl.com/vb/picture.p...pictureid=7464
وكنت اظن انها من تبع كوتا بونقا المهم جلست اتفاهم مع المسوؤله عن الفيلا وبالموت اقنعناها بالمليون وست ميه من مليون وسبع ... والمدام مش مقتنعه اصلا بالمكان ولا بالسعر .. كانت ثلاث غرف ومسبح خاص .. خطيره بصراحه بس المدام مش مقتنعه ومش مرتاح في المكان والمستوى حق الاثاث مش ولا بد .. انا تضايقت شوي وتعبت نفسيا من تدوير الفلل وتعبي كله نفسيا فقط .. لاني احس اني دوخت السواق وحنا ندور على فيلا بمسبح خاص .. ف جلست اضغط على المدام عشان تقتنع بهذه الفيلا وانه مافيه غيرها .. وخاصه اذا كنتي تبين مسبح خاص مافيه الا ذي .. ووافقت بالضغط وبالاجبار وتحت التهديد .. دفعنا الفلوس ورحنا شرينا عشاء ماادري غداء لان الساعه كانت تقريبا 4 العصر ورجعنا الفيلا اكلنا هناك .. وهنا صور للفيلا
http://www.arabtrvl.com/vb/picture.p...pictureid=7443

نفس الزاويه بدون بنتي
http://www.arabtrvl.com/vb/picture.p...pictureid=7479
المسبح الخاص
http://www.arabtrvl.com/vb/picture.p...pictureid=7475

المسبح من جهه اخرى وامامه طاولة طعام صغيره
http://www.arabtrvl.com/vb/picture.p...pictureid=7477

طاولة الطعام الصغيره وعليها غدائنا
http://www.arabtrvl.com/vb/picture.p...pictureid=7478

بعض السمك في بركه صغيره بجانب المسبح
http://www.arabtrvl.com/vb/picture.p...pictureid=7445

المسبح من جهه اخرى
http://www.arabtrvl.com/vb/picture.p...pictureid=7454

المسبح وبركة الاسماك الصغيره
http://www.arabtrvl.com/vb/picture.p...pictureid=7444

والمدام تقول لو ..ولو ...وياليت ...وياليت ....المهم سبحت البنت والمدام شوي والماي بارد وطلعوا وحتى ما اخذوا خمس دقايق وهم يسبحون واصلا من الاول المدام مش عاجبها الوضع وقالت لي ترى انا مش مطمنه ...شلون؟؟ وليه؟؟ خايفه ..!! الوضع مايطمن ..!! ليه ؟؟!! ماادري .. بس الوضع مش عاجبني .. طيب تبين نروح جاكرتا ؟؟ نرجع العاصمه؟؟؟ قالت انا مش مرتاحه اذا انت مرتاح عادي بنجلس .. قلت انا متضايق بسبب انك مش مرتاحه.. (ولاننا شباب ماتفرق معنا .. وقلوبنا اقوى من البنات) قلت طيب خلنا نرجع جاكرتا لان وضع الجبل بالكامل مش مريح.. والكل عارف ان الجبل موحش .. المهم قالت بيرجعون لك الفلوس قلت ماادري بس مالنا حق فيهم .. واتصلت على السواق وقلت له تعال ..وجاء وقلت له بمشي جاكرتا ..ليه؟؟!! وليش؟؟ قلت له المدام خايفه ومش مرتاح .. قالي ليه خايفه ؟؟ ( قوست ) يعني شيطان ؟؟!! قلت له لا لا .. مش المشكله في هذه الفيلا .. المشكله في كل الفلل اللي شفناهم .. كلهم مش مرتاحه فيهم .. وضعهم موحش .. طبعا هذا الخوف بسبب دخلت الفلل .. لو ان حنا ساكنين على الشارع الرئيسي في اي فندق كان مافيه مشكله بس المشكله في الفلل لازم تدخل لهم في ممرات .. الممرات هذه تخوف شوي وبالنسبه للنساء تخوف كثير .. لان الممرات ضيقه ولاتمر فيها الا سياره وحده .. تبدوا مرعبه بعض الشي .. المهم وانا اتفاهم مع السواق اني ابغى ارجع جاكرتا الا بجيت صاحبت الفيلا وقلنا لها وقالت برجع لك نص المبلغ.. قلت حلو ...شكرا ...ومشينا وقلت لها حقيقة الجبل .. وان الجبل مليان جن وان الكل يقول ان الجبل موحش ... قالت لي ليه ماقلت لي ..؟؟ قلت ان قلت لك بتقولين لانروح وبتخافين قبل نجي وانا ابغى اجي اشوف ذا الفلل وذا الجبل اللي الكل يتكلم عنه .. المهم وحنا ماشينا الى جاكرتا قلت للسواق تعرف ذا الفندق؟؟ اللي انا حاجز فيه عن طريق النت قال لا.. قلت طيب تعرف المنطقه اللي فيها الفندق؟؟ قال ايه مش كويسه زحمه وضيق.. قال بوديك فندق اربع نجوم وكبير بست مية الف تقريبا ..قلت له اوكيه ووداني قبل الفندق مكتب كاها في محطة القطار وقالي احجز من هنا ارخص لك ..قلت حلو وحجزت منه ليله بدون مااشوف الفندق ورحنا وطلع الفندق رائع جدا وشغل عدل ومرتب وقريب من مانقادوا.. عشر دقايق مشي الى مانقا دوا انا حطيت عنه تقرير هنا
http://www.arabtrvl.com/vb/t2183.html
ودخلنا الغرفه ونوم على طول
http://www.arabtrvl.com/vb/picture.p...pictureid=7480
وبكذا انتهى اليوم السابع عشر

بالنسبة للسواق (هل هو كويس او لا .. ؟؟ انا ماادري كيف اقيمه .. حسيت انه كان يبغى يوديني الى الفيلا حقت خويه وحسيت انه مانصحني .. وانه ماوداني الى فندق سيروني 2 او 3 وانه قالي هذه الفيلا عند كوتا بونقا بس وحنا طالعين انا شفت مدخل كوتا بونقا وعرفت انها مش من تبع كوتا بونقا ويوم رجعنا الى جاكرتا وصلني لهذا الفندق الرخيص والرائع وفوق كذا وصلني الى مكتب كاها بدون مااقوله وطبعا اخذ مني قيمة التوصيل من المطار الى الجبل 600 الف ومن الجبل الى جاكرتا 600 الف) ف احس انه كويس وطيب بس يبغى له واحد عارف المنطقة شوي وعنده شوي خبره وبالطبع كانت تعامله ودود وطيب جدا ...

اليوم الثامن عشر
نزلنا فطرنا في الفندق
http://www.arabtrvl.com/vb/picture.p...pictureid=7530
..الفطور الرائع منوع
http://www.arabtrvl.com/vb/picture.p...pictureid=7534

http://www.arabtrvl.com/vb/picture.p...pictureid=7532

ورجعنا الغرفه ودخلت على اجودا وحجزت ليله ثانيه مع ان كاها ارخص بس قلت المشوار مايسوى ومع تخفيض الراجحي صار الفرق تقريبا ٢٥ ريال بين اجودا وبين مكتب كاها وطلعنا رحنا مانقادوا سكوير .. قلنا نروح مشي او بالتوك توك
http://www.arabtrvl.com/vb/picture.p...pictureid=7535
كالعاده مبالغين في السعر حتى بالتوك توك
قلنا المشي كويس
ومن على الجسر الموصل للشارع المقابل
http://www.arabtrvl.com/vb/picture.p...pictureid=7536

زحمة دبابات
http://www.arabtrvl.com/vb/picture.p...pictureid=7537

وصلنا
http://www.arabtrvl.com/vb/picture.p...pictureid=7538
وكان اغلب المحلات داخل المول مسكره ؟؟!! ليه ماادري !!!! ورحنا مانقادوا اللي جنبه ونفس الوضع
طلعنا ورحنا شمباكاماس
http://www.arabtrvl.com/vb/picture.p...pictureid=7544
وطلع كبير ورخيص بس كبير جدا يبغى له وقت وجهد ونشاط وغير كذا زحمه مو طبيعيه وتعبنا على نهاية العصر ورجعنا الفندق

وبكذا انتهى اليوم الثامن عشر

اليوم التاسع عشر
بعد الفطور في الفندق
http://www.arabtrvl.com/vb/picture.p...pictureid=7519

http://www.arabtrvl.com/vb/picture.p...pictureid=7520

بغينا نمدد ليلتين في الفندق وشيكت على اجودا وطلع السعر ارخص من كاها بس مش مكتوب انه شامل الفطور فقلت بكلم مكتب كاها وقالي بيجي لك واحد في الفندق وعطيته رقم الغرفه وسوا لي حجز وجاني للفندق واخذ الفلوس بس قالي السعر اغلى.. لانه خلال ايام الاسبوع يكون اغلى اما خلال عطلة الاسبوع ارخص ..!!استغربت !! قلت على اجودا العكس المهم الفرق كان تقريبا ثلاثين ريال لليوم الواحد واللي خلاني مااحجز على اجودا البطاقه فاضيه ومافيه فطور .. المهم دفعت له وبصراحة اعجبتني الخدمه انه يجيك للفندق.. المهم رحت عطيت الفندق القسيمه وعطاني بطاقه جديده (مفتاح الباب) لمدة اليومين ..وطلعت رحت مجمع بازار تاباه ابانغ وطلع اغلبه للجمله
http://www.arabtrvl.com/vb/picture.p...pictureid=7523
لازم تشتري بالثلاث قطع وبعضهم لازم ست قطع والبعض اربع قطع المهم تركناه وطلعنا رحنا تامير سيتي وطلع متنوع.. رخيص وغالي وعنده اشياء حلوه.. المهم قابلنا واحد وسمعني وانا اسأل عن الحمام وقالي تبغى شي؟؟ اقدر اساعدك؟؟ سالته عن الحمام قالي كذا كذا وقلت طيب وين اروح غير ذا المجمع؟؟ قالي رح كذا وكذا ورح كذا ..قالي تدري تعال فيه وحده تعرف تتكلم عربي ...وودني لوحده ماادري مصريه ماادري وش جنسيتها .. وقلت لها انا رحت ذا وذاك قالت طيب كذا انت لفيت كل شي رخيص تقريبا ويصلح للتسوق في جاكرتا .. بس شوف انت تبي تتسوق والا تتمشى؟؟ (يعجبني الفاهم) قلت لها كله واحد واكتبت لي في ورقه للتمشي مول تامان انقريك وسينيان سيتي وكازابلانكا وللتسوق شمباكا ماس وامباسادور واي تي سي .. قلت حلو .. مشكوره ... وطلعت ورحت امباسدور وطلع تقريبا فاضي .. بس تقهوينا فيه مع دونات
http://www.arabtrvl.com/vb/picture.p...pictureid=7524
وطلعنا ورحنا كوتا كازا بلانكا طلع فخم
http://www.arabtrvl.com/vb/picture.p...pictureid=7528

اخذنا فشار اللي يحطونه في المايكرويف
http://www.arabtrvl.com/vb/picture.p...pictureid=7526

http://www.arabtrvl.com/vb/picture.p...pictureid=7527

وتمشينا شوي فيه ولعبنا فالالعاب ورجعنا للفندق
http://www.arabtrvl.com/vb/picture.p...pictureid=7522

وبكذا انتهى اليوم التاسع عشر