بدا العد التنازلي وقرب موعد السفر

وبدينا بتجهيز الشنط وتجهيز شنطه فيها مواد غذائيه وتصوير الاوراق المهمه
طبعا وقت تجهيز الشنط كان عندنا مشكله مع الوزن

انا حاجزه عن طريق مكتب الطيار على الخطوط الماليزيه
ومكتب الطيار كان كلامهم الوزن المسموح ٣٠ كيلو في شنطه وحده
ومكتب الخطوط الماليزيه في جده قالوا ان براحتنا

انا وقتها كنت فاهمه ان الخطوط الماليزيه مشدده في موضوع الوزن
وطلع مطار ماليزيا هو اللي مشدد


مثلا لو حجزك على الخطوط السعوديه
اجباري تكون كل شنطه 16 كيلو فقط والثانيه 16 كيلو

لو فرضنا شنطتك وزنها 17 كيلو ياتدفع حق الكيلو الزايد
او تشيله وتحطه في شي ثاني ويعتبروها قطعتين لك

اما الخطوط الماليزيه 30 كيلو بالطريقه اللي تناسبك

http://www.arabtrvl.com/up/uploads/a...9792561953.jpg

وافتكرت كلام الاخت ام زياد لما خلوها تخفف وزن الشنطه ل ١٥ كيلو
فقررت اتجنب التعطيل ويكون الوزن ١٥ كيلو في كل شنطه
والميزان كان مرافقنا في الشنط

( ام زياد كان حجزها على الخطوط السعوديه
وانا كنت فاهمه غلط وحسب على الماليزيه)



http://www.arabtrvl.com/up/uploads/a...7979270281.jpg

طبعا الميزان مهم جدا اذا كنت بتتنقل داخليا عن طريق الطيران
عشان تتجنب مشاكل الوزن الزايد
وكمان كنا حاطين شنط صغيره داخل شنط السفر
بحيث لو احتجنا نخفف الوزن نستخدمها

https://pbs.twimg.com/profile_images.../udPXCC7R.jpeg

وكان لنا زياره لصيدليه النهدي اشترينا حبوب دوار البحر
بخاخ ضد لسعات الحشرات ادويه الحساسيه الخ

بس نسينا نشتري مضاد حيوي وللاسف كانت غلطه كبيره
مع اجواء نوفمبر المضاد الحيوي مهم جدا

زياره الصيدليه كان بناء على نصيحه صحبتي
وان ماليزيا ادويتها تجاريه ومفعولها بطيىء وقلت اهل مكه ادرى بشعابها

وجربت موضوع الادويه بنفسي في بينانق

http://cf2.souqcdn.com/item/2015/12/...9_11508707.jpg

مخدات الرقبه جدا مهمه في الرحلات الطويله
وكان اغلب الركاب مشتريين منها ومن ضمنهم الاطفال
انا اشتريتها من سيتي ماكس
بس ما افتكر المبلغ بس جدا رخيصه
ارخص من اسعارها في المطار
لقيتها في مطار الملك عبدالعزيز ب ٩٠ ريال

http://www.arabtrvl.com/up/uploads/a...723045431.jpeg

الشاحن المتنقل جدا مهم وانا عندي نفس النوع بس للاسف يشحن ٢٠ بالميه فقط
بس استفدت منه جدا و كنت شايله شاحن متنقل ثاني بس مارضي يشتغل

http://www.arabtrvl.com/up/uploads/a...9897588121.jpg

شطاف السفر من ساسكو استفدنا منه

الاوراق المهمه اللي طبعتها حجوزات التذاكر والسكن
وتأشيره الخروج والعوده من باب الاحتياط واحتجت جميع هذي الاوراق

من المهم يكون عندك صور كل الاوراق والتصاريح
طالما انك مقيم في دوله غير دولتك وكمان بسبب الاوضاع في اليمن

http://1.bp.blogspot.com/-1NXXd-Rs6-...1600/3+Nov.png

جاء يوم السفر وكان في تاريخ ٣ نوفمبر
طبعا طلاب المدارس داوموا الين يوم السفر لان وراهم غياب اسبوع كامل
كان موعد رحلتنا الساعه ٩ الليل بس خرجنا من الساعه ٤ العصر و السبب تحت .












http://www.almowaten.net/wp-content/...3406810929.jpg

نعم البيك يا اعزائي السبب طبعا اغلب سكان جده
لما يكونوا مسافرين للرياض يشتروا من البيك بناء على طلب اقاربهم
وهذا الشي صار معانا بس على نطاق دولي
يا اخوان اللي صارت معاه ياريت يخبرني



http://www11.0zz0.com/2016/11/21/08/792035610.jpg

قريبنا يدرس في جامعه في سيبرجايا وتواصلنا معاه اذا يبغى شي من جده ناقصه
نجيبه معانا كان رافض تماما وبعد عده محاولات
قال يبغى البيك طبعا نحن خفنا يجيه تسمم بسبب طول الرحله
بس قال دايما الطلاب يجيبوا البيك وما يصيرله شي

طبعا البيك ممكن تطلب منه يحط الاكل في كرتون للسفر وهذا اللي سويناه
بس لما وصلنا المطار قالوا احتمال ما يطلع
فطلعنا شنطه من الشنط الاحتياطيه ورتبنا فيها الاكل وطلع معانا الطياره


https://orderonline.albaik.com/order

ف صارت رحلتنا برعايه البيك وهذا اللي خلانا نخرج بدري جدا
والبيك عندهم خدمه جديده ساعدتنا
واللي هيا تطلب الطلب اون لاين وتحدد فرع الاستلام
وتروح تستلم الطلب مباشره

شكرا البيك

http://www11.0zz0.com/2016/11/21/08/435309799.jpg

وصلنا المطار على الساعه خمسه ونص فتحوا كاونتر العفش على الساعه ٦
صفينا في الطابوروقطعنا البوردينق من الكاونتر
وطلع الوزن المسموح فيه ٣٠ كيلو سوا شنطه او شنطتين
وكلام موظف الخطوط الماليزيه هو الصحيح

http://www10.0zz0.com/2016/11/21/09/376386032.jpg


http://www.arabtrvl.com/up/uploads/a...9793524143.jpg

خلصنا من العفش وكان وقت صلاه المغرب صلينا ورحنا نخلص اجراءات الجوازات
طبعا كان في خطين خط لمواطنين دول مجلس التعاون
والخط الثاني لباقي الدول وكان طابور طويل طبعا موظف الجوازات شاف جواز سعودي واحد معانا
خلنا نتوجه لطابور مجلس التعاون وكان جدا سريع لقله المسافرين

بعد ما خلصنا الجوازات دخلنا صاله الانتظار وكان قدامنا














https://pbs.twimg.com/media/CcDjz2AW4AAsM13.jpg



والله لو تشوفوا عيون اختي ولد عمتي كيف صارت قلوب :18: :18:
كانهم من اهل الرياض محرومين من البيك وسووا هجوم بري على المحل
( نمزح معاكم يا اهل العاصمه عقبال ما ينوركم البيك )


ونجي للخطوط الماليزيه وما ادراك ما الخطوط الماليزيه
http://d.top4top.net/p_325ri9cn0.jpg


http://www.arabtrvl.com/up/uploads/a...9793524082.jpg

http://www.arabtrvl.com/up/uploads/a...9793524011.jpg

المفروض الاقلاع الساعه ٩ بس ما فتحوا البوابه الا الساعه ٨ ونص
وطبعا هذا سبب تأخير لساعه ونص تقريبا

بدون مبالغه الخطوط الماليزيه جدا سيئه
طلعنا الطياره وهيا جدا حاره وما شغلوا المكيفات الا بعد ساعه تقريبا

الكابتن اعتذر وقال انه بسبب عطل في قوه الدفع او شي زي كذا

بس نفس الموضوع صار لما رحت بينانق على الخطوط الماليزيه
طوال مده الرحله ما شغلوا المكيف وما كان في اي تفسير من قبل الطاقم

بس الحمدلله كانت رحله هادئه مافيها اي مطبات هوائيه شديده
وانا زي ما ذكرت صحبتي كانت مسافره قبلي باسبوع
كانت رحلتها جدا صعبه وكلها مطبات هوائيه

ماعندي صور من داخل الطياره لان الطياره كلها عوائل فحترمت خصوصيتهم

http://a.top4top.net/p_325ekobe0.jpg

وزعولنا فول سوداني وعصير ك سناك

http://d.top4top.net/p_3251osmc0.jpg

هذي وجبه العشا كان الاكل مقبول
بس الفطور كان بيض بس جدا سيء

http://f.top4top.net/p_325wogn40.jpg


http://e.top4top.net/p_325zjeem0.jpg

وبعد العشا للامانه اخذت قيلوله لانه كان موعد نومي
وعايرت المنبه على الساعه سبعه وربع للاستعداد لاذن الفجر
بس قبلها حولت ساعه جوالي على التوقيت الماليزي
وصحيت على الوقت واتوضينا

وللامانه الكابتن ماقصر اعلن عن وقت دخول صلاه الفجر
قريت معلومه من احد الاخوان ان الواحد يحاول يوقف وقت التكبير
لانه من الاستطاعه بس للاسف طلب الكابتن ربط الاحزمه
لوجود مطبات وصليناها في اماكنا


طبعا لازم في الرحلات الطويله تاخذلك جوله على الافلام
واخترت فيلم الشعوذه ٢ وتابعته

http://f.top4top.net/p_325q85rp0.jpg

هنا بدات معالم زيزا الجميله في الظهور
وبعدها طلبوا اغلاق الاجهزه

وقت الهبوط جذبني منظر اشجار في البدايه حسبتها نخل
بس المعروف ماليزيا ماهي مصدره لتمر
وللان ماعرفت اشجار ايش وماما مصره انها نخل بس ماله ثمر
ياريت احد يفيدني اشجار ايش هذي

http://d.top4top.net/p_325myc380.jpg

تم الهبوط بسلام ولله الحمد


مطار كوالالمبور جميل وكان كل شي زي ما وصفوه الاعضاء في المنتدى
وصلنا للجوازات وكانت الاعداد كبيره بس مشي الطابور سريع

طبعا موظف الجوازات بدا يسأل اش سبب الزياره وكم المده
وهاتوا تذاكر العوده وكلها كنت مجهزتها الحمدلله

بصمنا كلنا بس اختي طلب مطابقه بالوجه لانها تابع في الجواز
والصوره اللي موجوده في الجواز لطفله صغيره

http://a.top4top.net/p_325odfei0.jpg

تحذيرات من فايروس زيكا في كل المطار

طلعنا لصاله العفش لقينا الشنط على جنب وطبعا في موظف ساعدنا في تجميع الشنط وانا مدري اش النظام هناك فاديته ١٠ رينجت

http://b.top4top.net/p_325ajnsb0.jpg

عبدالرحمن زي ما كان الاتفاق لقيته بيستنى وحامل لوحه فيها اسمي بس حاط مستر قبلها شكله حسبني رجال
وكان المسكين قاعد يستنى من ساعتين وقعد يتكلم ويشرح وانا رايحه وفهمت غلط ان الانتظار في المطار الساعه الاولى ٤٠ رينجت وهذا الشي فجعني
وقررت اديه زياده عن المبلغ مع ان الاتفاق ١٢٠ اديته ١٥٠ رينجت

نحن في الطريق قعد يشرح كل شي تقريبا بس اكثر شي جذبني موضوع الحج وان الحكومه تدفع نص التحاليل للمواطن وان عندهم حسابات للادخار
بمجرد ما يوصلوا مبلغ معين يسجلوا في الحج والانتظار تقريبا من ٨ الى ١٠ سنوات وانه ٣٪ كل سنه من سكان ماليزيا يروحوا للحج

http://d.top4top.net/p_325ax5a80.jpg
هذا مبنى للحجاج قرب المطار يجوا قبل الحج بكم يوم لانهاء اجراءات السفر

http://e.top4top.net/p_325qzkfn0.jpg
في الطريق وقفنا عند اكشاك تبيع فواكه بس البائعه
كانت ماتتكلم انجليزي فاخذت فواكه بالشكل
وكان من ضمنها المانجو الماليزي الحامض

الفواكه ب ١٠.٣٠ رينجت

الحمدلله وصلنا مكان السكن وحطينا العفش وشيكنا على البيك وطلع سليم
اتواصلنا مع قريبي على اساس يقابلنا العصر بس اتأخر
https://lh5.ggpht.com/ybomDVOGzBDt2g...8sBSpmA6o=w300
قررنا ننزل نستكشف المكان ولقينا بقاله سفن الفن واخذنا منها ٥ شرائح ب ٤٢ رينج
ت تقريبا كان سعر الشريحه ب ٨ رينجت بس لقيتها في محلات ثانيه بسعر ارخص
وشحنت شريحتي ب ٣٠ رينجت وفعلت ٥ جيجا نت وكان فيها دقائق اتصال لجميع الشبكات
الشبكه حق الاتصال كانت قويه واسعارها جدا رخيصه



اشترينا مواد غذائيه ومويه منها ب ١٥.٦٥

للامانه كان سعر المويه غالي عندهم بس هذا اللي كان موجود

ملاحظه في البقاله العربيه ولما رحت للمسجد الوطني
لقيت سعر المويه ب ١ رينجت وهذا ارخص سعر لقيته


قابلنا قريبي وطلبنا اوبر للبافيليون ب ٦.٦٥

وصلنا للبافيليون على الساعه ٩ ونص واتوجهنا مباشره لمحل دايسو و
كان جدا جميل وصرنا من عشاقه
واشترينا من عنده مظلات شفافه وكم شغله على السريع ب ٤٢.٢ رينجت


لاحظت ان دايسو من فرع لفرع يختلف وافضل شي فرع البافيليون


http://www.arabtrvl.com/up/uploads/a...9796808941.jpg

ورحنا لشارع العرب وبدا التجهيز لاعياد الميلاد
شارع العرب فيه اصلاحات بدات من شهرين تقريبا وصار صعب المشي فيه

للامانه شارع العرب صادفتني مواقف سيئه فيه
وكان اول موقف من اول يوم لقيت كثير من الجاليه العربيه بيشحتوا
واذا ما اديته وجه يبدوا يغلطوا عليك او يتحسبوا عليك او يدعوا على بلدك
مع العلم الحكومه الماليزيه مو مانعتهم من الشغل
بس الشحته دخلها افضل من الشغل وكل مره اروح شارع العرب نفس الوجيه
ونفس الاماكن عموما الله يهديهم ويرزقهم الرزق الحلال


http://elbashayeronline.com/upload/i...1475669062.png



اشترينا ثلاثه وجبات من ماكدونالدز ب ٣٦
بالنسبه لنا اللي في السعوديه كان افضل

ملاحظه اكثر وجبات سريعه عجبتنا هناك برجر كينق جدا لذيذ والدجاج نظيف و دومينوز بيتزا

وطلبنا اوبر ورجعنا لسكن ب ٦.٦٥


ملاحظه مهمه اذا كنت بتستخدم اوبر في بلدك
لازم تغيير الاعدادات وتحط الرقم الماليزي