شبكة و منتديات العرب المسافرون - رحله اقتصاديه لماليزيا (كوالالمبور

الاحد ٦ نوفمبر ٢٠١٦

يومنا كان ممتع وجميل وكان فيه تغيير كبير في الخطه والسبب انه كان اخر يوم لصحبتي في ماليزيا ونحن كان اليوم السابق لسفرنا لبينانق وقررنا نقضي الليله سوا في i city

واتقسم يومنا لثلاثه اقسام

فتره الصباح
زياره المتحف الوطني negara museum
والقبة الفلكيه National Planetarium
و متحف عن الاعراق البشريه في ماليزيا Ethnology Of The Malay World Museum

فتره العصر
مول قريب من السكن اسمه Kenanga Wholesale City
و بافيليون مول

فتره المسا
I city

عندي كم ملاحظه
استمتعت بزياره الاي سيتي بس كان الافضل اخلي زيارتها في نفس اليوم مع سن وي لاقون
لاننا طولنا فيها وتجاهلنا موضوع سفرنا لبينانق في الصباح
فالافضل اليوم السابق لسفرك حاول تكون زياراتك للاماكن النهاريه وفي الليل استخري

ومن اخطائي في السفره بشكل عام
اني اهتميت بالمتاحف وكان بعضها لا يستحق الزياره وكان ممكن استغله في اماكن ثانيه

اكثر متحفين عجبوني
القبه الفلكيه National Planetarium و معرض مدينه كوالالمبورKuala Lumpur City Gallery

واذا كان عندك اهتمام تشوف اثار قديمه ومخطوطات للقران قديمه ممكن انصحكم بمتحفين
المتحف الوطني و المتحف الاسلامي

المتحف الوطني فيه اثار قديمه بعضها يعود قبل الميلاد

المتحف الاسلامي فيه اثار حقيقه ومن ضمنها اثار للدوله العثمانيه و اثار من ايران
ومخطوطات قرانيه قديمه ومجسمات للمساجد المشهوره

وكان نصيحه صحبتي اني ما اروحه واروح ازور الشلالات بس رحته لغايه في نفسي
اني اشوف مجرد مجسم للمسجد الاقصى بس للاسف ما كان موجود غير مجسم مسجد قبه الصخره

واحب اهني اختنا ام زياد للمره الثانيه بزيارتها لفلسطين الحبيبه وزياره المسجد الاقصى وهذا تقريرها عن الزياره
http://www.arabtrvl.com/vb/t552.html

نصيحتي لكم لا تضيعوا اوقاتكم في المتاحف
حتى لو كان قريب جدا من المكان اللي انت فيه وحتى لو كان الدخول مجاني

وقت التخطيط للسفر و وضع الميزانيه كان عندنا اتفاقيتين

الاولى ان الغايه من السفر السياحه فقط والتسوق مو داخل من ضمن الخطه

الثانيه نتجنب المطاعم العربيه ونكتفي بالمطاعم الغربيه زي تشيليز وفرايديز

الاتفاقيه الاولى ابدا ما التزمنا فيها والعكس صار
في اماكن كثيره كنا ما نروحها كلنا وصار في مبالغ زياده ودخل التسوق في الميزانيه

الاتفاقيه الثانيه كانت سهله بحكم نحن مو من عشاق المطاعم العربيه بس الموضوع اتطور وحتى المطاعم الغربيه ما رحناها لان المطاعم في المولات تقفل الساعه ١٠

بعد ما خلصت القرقره نبدا اليوم

صحيت انا وماما وبابا بدري
وبدينا في موال يا فلان ويا فلانه
واتحولت ل يا علان و ياعلانه
ولا حياه لمن تنادي

وبتدا يومنا انا والوالد فقط مع عمنا اوبر

وكان عندي خيار ثاني اني اطلب جراب
بس قررت اطلب اوبر لان كان عندهم عرض ترويجي وهو من الساعه سبعه الصباح لسبعه المسا فيه تخفيض ٤ رينجت لكل مشوار لمده ٧ نوفمبر وكان رمز العرض luckynumber7 العرض وفر عليا مبلغ 24رينجت في اليوم
http://www.arabtrvl.com/up/uploads/a...0253315691.jpg
http://www.arabtrvl.com/up/uploads/a...0253708081.jpg

بمجرد دخولك على العروض الترويجيه بتضغط على العرض وتاخذ الكود وتسوي اضافه للكود وبعدين اضغط تسجيل طلب

طبعا احب اوضح سبب تسميه اوبر بعمنا
لان حقيقي نحن في العيله نقول عمنا اوبر وهذا بسبب ستو الله يحفظها دايما تقلنا عمكم اوبر
وابشركم ستو صارت من مستخدمينه

يعني اوبر عمي اخو ابويا بقرار من ستنا الله يحفظها :1::1::1:
http://www.arabtrvl.com/up/uploads/a...0254217871.jpg
http://www.arabtrvl.com/up/uploads/a...0262503851.jpg
http://www.arabtrvl.com/up/uploads/a...0254218072.jpg
http://www.arabtrvl.com/up/uploads/a...0254218253.jpg
http://www.arabtrvl.com/up/uploads/a...8025421844.jpg
الروز رايز ويا جمال الروز رايز

سياره ملكيه في عام ١٩٩٤ كانت في خدمه السلطان صلاح الدين عبدالعزيز
http://www.arabtrvl.com/up/uploads/a...0254218555.jpg
وهذي الجميله الثانيه كانت تستخدم لنقل المسؤولين الحكوميين
http://www.arabtrvl.com/up/uploads/a...0262847631.jpg
نفس شباك التذاكر للمتحف الوطني و متحف الاعراق البشريه في ماليزيا

الدخول للبالغ ب ٥ رينجت و الطفل ب ٢ رينجت
اوقات العمل : كل يوم من الساعه ٩ صباحا الى ٦ مساء

http://www.arabtrvl.com/up/uploads/a...0263784211.jpg

http://www.arabtrvl.com/up/uploads/a...0514950051.jpg
الدرج فكرني بسرايا عابدين واتخيلت نفسي في قصر ملكي
وطلع المبنى كان قصر قبل لا يتحول لمتحف بس موظفه الاستقبال ما كان عندها خلفيه اذا هو قصر لستقبال الضيوف او مقر سكن سلطان من السلاطين
http://www.arabtrvl.com/up/uploads/a...0267159751.jpg
http://www.arabtrvl.com/up/uploads/a...0267552131.jpg
http://www.arabtrvl.com/up/uploads/a...8026625321.jpg
http://www.arabtrvl.com/up/uploads/a...0268245511.jpg
http://www.arabtrvl.com/up/uploads/a...0268373221.jpg

المبنى مكون من طابقين مقسمه لثلاثه او اربعه اقسام

قسم كان بيتكلم عن العصر الحجري وفيه هياكل عظميه وجماجم واشياء مختلفه

قسم من الاقسام كان فيه اثار من التراث وملابس ملكيه وعرش ملكي واشياء مختلفه

قسم كان بيتكلم عن نهضه وتطور البلد والتعليم

واحد من الاقسام كان بيتكلم عن الدعوه الاسلاميه

يعني متحف شامل لكل شي
وكان فيه زي شاشه تلفزيون جنب بعض اللوح بتديك معلومات متسلسله كانها قصه

http://www.arabtrvl.com/up/uploads/a...0265877031.jpg
http://www.arabtrvl.com/up/uploads/a...0264709821.jpg
جمجه عمرها ٥٠٠ الف سنه
http://www.arabtrvl.com/up/uploads/a...0264709952.jpg
عرش ملكي
http://www.arabtrvl.com/up/uploads/a...0329396911.jpg
http://www.arabtrvl.com/up/uploads/a...0329397092.jpg
وزي اغلب المتاحف والحدائق النهايه تكون في متجر يبيع اشياء تذكاريه
http://www.arabtrvl.com/up/uploads/a...0333567971.jpg
http://www.arabtrvl.com/up/uploads/a...0333568112.jpg
http://www.arabtrvl.com/up/uploads/a...0333568233.jpg
بين المتحفين في منطقه جلوس وفيه جزء من اول قصر في ماليزيا
http://www.arabtrvl.com/up/uploads/a...0333809081.jpg
http://www.arabtrvl.com/up/uploads/a...0333809412.jpg
غرفه نوم ملكيه مقابلها مطبخ في نفس الغرفه
http://www.arabtrvl.com/up/uploads/a...0334541862.jpg
http://www.arabtrvl.com/up/uploads/a...0334542193.jpg
http://www.arabtrvl.com/up/uploads/a...0335428431.jpg
http://www.arabtrvl.com/up/uploads/a...0334541521.jpg

المتحف الثاني عباره عن قسمين جنب بعض
والله ماعجبني فيه غير حزام الذهب كنت احسب بس في الخليج يلبسوه
بس طلعوا الحريم يحبوا الذهبان في جميع الدول :1::55:

اصلا المتحف فاضي ولما يدخل احد يخلوه يسجل اسمه وجنسيته عشان الاحصائات

اوبر الى المتحف الوطني ب ٢.٣٠
دخول المتحف الوطني تذكرتين ب ١٠
متحف الانتروبولجي تذكره ب ٥
مشتريات من المتحف الوطني ب ٢٠.٥٠

http://www.arabtrvl.com/up/uploads/a...0350451361.jpg

القبه الفلكيه او القبه السماويه او البلانتريوم
حتى مدخلها فخم ورهيب

بينها وبين المتحف الوطني جسر ودرج والطريق كان منحدر
وصلنا المكان وانا والوالد بعد ما عكزنا بعض
امزح بس حقيقي مافي اي لياقه يا اخوان

واول ما وصلنا كان في وجهنا المخلوق اللطيف هذا
http://www.arabtrvl.com/up/uploads/a...0350451863.jpg
ايام العمل :
من الثلاثاء الى الاحد من الساعه ٩ الى
الاثنين مغلق
اوقات العرض :
من الثلاثاء الى الاحد يوجد عرض كل ساعه من الساعه ١٠ الى الساعه ٤ مده العرض ٢٥ دقيقه
الجمعه عرض الساعه ١ و الساعه ٢ ملغي
اسعار دخول العرض للبالغين ١٢ رينجت للاطفال ٦ رينجت
http://www.planetariumnegara.gov.my/...rkini/TILT.jpg
https://youtu.be/IYD0T5DyJjA
http://www.planetariumnegara.gov.my/...%20Weather.jpg
https://youtu.be/3CW0Fvmgo5g
http://www.planetariumnegara.gov.my/...ldome_show.jpg
https://youtu.be/1DZC2Y1P1ic
Now Showing in Planetarium Negara | Planetarium Negara
حاليا عندهم ثلاثه انواع عروض بس كل فتره بيتغير وفي الموقع يضيفولك مقطع من كل عرض عشان تاخذ فكره
http://www.arabtrvl.com/up/uploads/a...0350451692.jpg
مجسم للخوارزمي في المعرض ومعلومات عنه
http://www.arabtrvl.com/up/uploads/a...0351236151.jpg
رسمه لمركبه فضائيه
http://www.arabtrvl.com/up/uploads/a...0351236582.jpg
ضغطه زر وتشوف اجزاء المركبه
http://www.arabtrvl.com/up/uploads/a...0351749871.jpg
حمام المركبات الفضائيه وانتوا بكرامه
http://www.arabtrvl.com/up/uploads/a...8035213731.jpg
الكراسي على شكل كواكب
http://www.arabtrvl.com/up/uploads/a...0351750032.jpg
http://www.arabtrvl.com/up/uploads/a...0352137462.jpg
http://www.arabtrvl.com/up/uploads/a...0352626761.jpg
http://www.arabtrvl.com/up/uploads/a...0352626942.jpg
http://www.arabtrvl.com/up/uploads/a...0352627143.jpg

ولاحظت فيه اطفال كثير وجدا مستمتعين بتجربه الاشياء العلميه والتصوير
و هما يخلصوا من الشي وانا مباشره اقلدهم ماشاءالله الاطفال مستكشفين للاشياء
http://www.arabtrvl.com/up/uploads/a...0353079711.jpg
http://www.arabtrvl.com/up/uploads/a...0353080032.jpg

الفكره ان القبه كلها شاشه تنعرض عليها الفيلم وتحس نفسك تتحرك مع كل الاحداث او احيانا تتحرك
كان الفيلم عن الفضاء بس ربطوه بجسم الانسان والفضاء والتكنولوجيا وفجأه تصير في شارع العرب و واشنطن ونيويورك وترجع للفضاء على اني ما افهم المصطلحات العلميه بالانجليزي كثير بس
تحس الفكره وصلتك

وانا مستمتعه ومبحلقه في العرض ( المكان يكون افضل كل مارتفعت للاعلى والحمدلله موقعي كان استراتيجي )
اسمع صوت جميل جنبي اطالع الا الوالد في سابع نومه :1::1::1:
والاضواء الخافته والبرد يساعدك على اجمل نومه عوافي على قلبه

بعد ماخلص العرض طلبت اوبر لبرجايا تايمز سكوير على اساس احجز اسوي حجز الباصات وهنا اكتسفت ان الاحد اجازتهم ومقفلين

اسعار الملابس في برجايا تايمز سكويز جيده جدا وملابسهم مشابهه لموقع شي ان الصيني بس الاسعار ارخص بكثير
بعد مالقيت مكتب الحجز مقفل طلبت اوبر ورجعنا لسكن

تذكرتين لعرض القبه السماويه ب ٢٤ رينجت
مشتريات من القبه السماويه ب ١٣.٥٠
اوبر من القبه الفلكيه لبرجايا تايمز سكوير ب ٥.٨٠
اوبر من برجايا تايمز سكوير الى السكن ب ٠.٧٢ سنت

طبعا نحن بس قال ٧٢ سنت وجيهنا صارت كذا :10::10::10::10:

وهذي من بركات الكود حق الخصم
ضغطه زر ووفرت عليك توفير رهيب لا تنسوا تشيكوا على العروض

عاد الوالد لما دحين مو مصدق كل ما قابل احد يقله تصدق ركبت تاكسي ب اقل من ريال :1::1:

رجعنا السكن على الساعه ١ وريحه الكبسه الجميله جاهزه واتغدينا والشباب صاحيين ومصحصحين ويبغوا يخرجوا قلتلهم مالكم الا مول عشان نلحق نروح الاي سيتي

https://lh3.googleusercontent.com/rF...366-h768-rw-no
قبل لا نروح المول رحت لصرافه maybank جنب السكن تلاقوا محل زي كذا كله صرفات وموجود فرع في شارع العرب

والأفضل تسحب 3000 مره وحده عشان تضمن سعر صرف حلو

وجربت اكثر من صرافه الين رضيت تسحب ٣٠٠٠ رينجت بس مباشره سحبت المبلغ بدون لا يطلع سعر الصرف وجاني مسج على جوالي من بنك الراجحي والمبلغ كان بالرينجت

دخلت على الراجحي مباشر وسويت حسبه بسيطه وطلع سعر الصرف 1.09

انصحكم جدا بالسحب من maybank لو لاحظتوا السعر مقارب لسعر الصرف في شارع العرب

بتكلم عن المبالغ الماليه اللي صرفناها وكيف كان التخطيط

اكتفينا نحول مبلغ بسيط من السعوديه

المبلغ كان مبلغ ١٨٨٥ رينجت ماليزي

قبل سفرنا بشهرين عمي واهله سافروا
ماليزيا ومرته سحبت مبلغ بالماليزي وما استخدمته فاتفقت معاها اخذ المبلغ واديها ١٨٥٠ بدل ما اروح البلد واضرب مشوار ويطلعلي زياده ٤٠ رينجت

قررنا ناخذ بطاقتين
بطاقتي الراجحي و بطاقه الوالد حق الاهلي

بطاقتي كان فيها اغلب المبلغ وبطاقه الوالد حطينا فيها الاحتياطي اللي بنستخدمه في حاله لاسمح الله احد تعب او صار ضرف غير متوقع

ضروري لاي مسافر يخلي معاه مبلغ احتياطي والسبب الثاني لو صار اي عطل في احد البطايق يكون في بديل وممكن احد من اهلنا يحولنا فلوس على البطاقه الثانيه

جميع المبالغ :

1885 رينجت
بطاقه راجحي ٦٤٥٠ ريال
بطاقه اهلي ٢٠٠٠ ريال
٣٠٠ ريال كاش كانت باقيه معانا من مطار السعوديه

صرفيتنا في ماليزيا

فلوس مصروفه ١٨٨٥ رينجت

فلوس مصروفه ٣٣٠ رينجت

سحب مبلغ ٣٠٠٠ رينجت

سحب مبلغ ٣٠٠٠ رينجت

سحب مبلغ من الاحتياطي ١٠٠٠ رينجت

سحب مبلغ ٢٠٠ رينجت

شراء بالبطاقه بمبلغ 800.50

بقي معانا ١٠٦ رينجت رجعنا فيها السعوديه

٦ رينجت كنا نبغاها لكرسي المساج في المطار بس مالحقنا
١٠٠ رينجت كنا ناسينها في شنط العفش ولا كنا صرفناها بدري

صرفيتنا كامله بالرينجت 10004 تقريبا

صرفيتنا بالسعودي(١٨٥٠±٦٤٥٠±٩٠٠±٣٠٠) = ٩٥٠٠

كامل تكاليف الرحلة
١٣٣٩٩ + ٩٥٠٠ = ٢٢٨٩٩ ريال
يعني ٢٣ الف

كنت موفقه في سحب المبالغ والشراء بالبطاقه الائتمانيه

بستثناء سحب مبلغ 200 رينجت كان السحب من صرافه مول حسبولي الرينجت اعلى من الريال

وتقريبا خسرت مبلغ 20 ريال في السحبيه بس فين المشكله ما ادري لاني حاولت اكثر من مره ومره رفض يسحب250 ولما سألت اللي ورايا قالوا بس تحسبي100 وسحبت 200 ومدري اش طلع في الشاشه وضغط موافق

نصيحتي حول مبلغ بسيط عشان المطار و شراء شرائح و دفع تأمين الفندق

واكتفي بباقي الفلوس في البطاقه
لما تجي تشتري بالبطاقه اتأكد ان عمليه الشراء بالرينجت و ما تكون بالدولار

اتأكد انك تعطي البنك خبر قبل السفر يحطوا ملاحظه انك مسافر ماليزيا او اي دوله من دول شرق اسيا

http://www.arabtrvl.com/vb/268697-post3.html

انصحكم بقراءه تقرير الاخ فهد ومعلوماته جدا مفيده

طلبنا اوبر لمول اختصاره KWC ب ٠.٦٠ سنت

عاد انا الوضع صار عندي بس الشباب لما شافوا السنتات
صارت وجيههم كذا :10::10::10::10:

المول جدا عادي اغلبه ملابس تقليديه للماليزيين وبرجايا تايمز سكوير افضل منه
اشترينا كم شغله من المول ب ٦٥ رينجت

قررنا نغير للبافيليون وكان وجهتنا دايسو مو اقلكم صرنا من عشاق المحل
وطلبنا اوبر للبافيليون ب ٣.٣٠ رينجت

http://www.arabtrvl.com/up/uploads/a...8040512872.jpg

بمجرد ما وصلنا ونبغى نروح دايسو الاقي محل باتا bata في وجهي ودخلته وهدفي شي محدد يبغاه عمي

http://www.arabtrvl.com/up/uploads/a...0405128561.jpg
http://www.arabtrvl.com/up/uploads/a...0405129154.jpg

طبعا سألت وما لقيت اللي يبغاه بس كان عندهم عروض رهيبه جزمتين رياضه وانتوا بكرامه ب ٩٩ رينجت يعني يابلاش

اخذنا العرض انا واختي لان الجزم الرياضيه اللي معانا كانت غير مريحه
تقيمي لها جدا مريحه وخفيفه وعاد غسيل ولبس <<< اتمنى نفع الاغراء

باتا محل يرجع اصله تشيكي مقرهم الرئيسي سويسرا
جودتهم عاليه واسعارهم جدا معقوله وعندهم شنط نسائيه وجزم واحذيه رياضيه نسائيه ورجاليه
http://www.arabtrvl.com/up/uploads/a...0405128853.jpg
يعني انت تخيل بس انك تلبس شبشب شرقي اوروبي ب ٤٦ رينجت
لا اوصيكم خذولكم لفه عليه في بافيليون او سوريا كي ال سي سي او سن وي بيراميد

مشتريات من باتا ب ٩٩ رينجت

http://www.arabtrvl.com/up/uploads/a...0406429762.jpg
http://www.arabtrvl.com/up/uploads/a...0406429923.jpg
http://www.arabtrvl.com/up/uploads/a...0406429651.jpg

المحل الثاني في بافيليون تصميمه عجبني كله عن السوبر هيروز وملابسهم كلها تصاميم ابطال
اخذنا لفه في بافيليون وقررنا نطلب اوبر

صحيح اوبر اقتصادي درجه اولى
بس لازم نذكر شي عنه
ممكن تصير زحمه وبعد ما كنت تستنى السائق لمده طويله يكنسل الطلب بسبب الزحمه
وهنا لازم تطلب من جديد وتستنى اللي بعده
وهذا اللي صارلنا

نصيحتي اذا مستعجل حاول توقف تاكسي ويكون بالمتر او لما تطلب اوبر مباشره اتصل عليه واتأكد انه قريب اذا مو قريب كنسله واذا كنت في مول اتاكد من الامن اش رقم البوابه اللي انت عندها

لان عندك خمسه دقايق فتره الغاء وما يكون عليها رسوم

http://www.arabtrvl.com/up/uploads/a...0410772911.jpg

وقت انتظار اوبر شفت اكيت سياره عرسان في حياتي

عاد ياعرسانا العرب الحلوين الله يخليكم انبسطوا وابتسموا في وجه اخوانكم العرب
والله اشوف العرسان لما يشوفوا عرب زيهم يتوتروا ترى نعين ونعاون في الغربه
ترى ماليزيا وجهه سياحيه مرغوبه للجميع
والله يوفقكم ويسعدكم في حياتكم

وجاء عمنا اوبر والحمدلله اول ماليزي اقابله راح الحج ومرشد في الحج ويجي دايما جده

بس صار موقف سخيف معاه وشي يزعل بس حابه اقوله من باب التنبيه

ولد عمتي مراهق طائش ويحسب الماليزيين ما يعرفوا عربي وقاعد يسب الرجال بالعربي وقبلها كم مره سوا الحركه دي وانا اعصب

واقله عيب ترى مو معناته ما يتكلم عربي من حقك تغلط عليه ما اظن يرضيك تنسب بالانجليزي وانت زي الاهبل واقله يوم بتلاقي ماليزي يعرف عربي ويضربك ضرب وانت هنا الاجنبي وهو المواطن وشوف مين يفزعلك

بس ما سمع كلامي وطلع اخونا في الله يفهم عربي بس ما علق وصلنا السكن ناخذ اهلي ونروح محطه كي ال وبابا سلم وقله تعرف عربي قله شويه

هنا جلطه جماعيه جاتنا بس الحمدلله الرجال اخلاق وماعلق على السب

ياريت يا شباب تكونوا سفيرين باخلاقكم
سافروا انبسطوا بس باحترام ولا تسووا سمعه سيئه لشعبكم

اوبر من بافيليون الى السكن الى محطه كي ال ب ٢٣ رينجت

وصلنا المحطه على الساعه ٧ ودورنا المصلى والين خلصنا صلاه صارت ٧ ونص

كان القرار المنطقي نطلب اوبر ونروح اي سيتي عشان نكسب الوقت

بس نبغى نجرب الميترو و ليتنا ما جربناه
يوم الاحد جدا زحمه ومشوارنا كان ساعه تقريبا وبعيدا عن الزحمه والله مناظر مخله ولا كاننا في دوله مسلمه نصيحه اذا انتوا عيله وفيه اطفال حاولوا تتجنبوا الميترو في الويكند لانكم بتقضوا فيه وقت طويل وبعض الناس لا حياء ولا حشمه
http://www.arabtrvl.com/up/uploads/a...8042096661.jpg
صحبتي اشترت تذاكر ktm
واتوقع سعر ٥ تذاكر ب ٢٢ ربنجت ما رضيت تقول كم بس السعر جدا رخيص

وكان في ماكدونالدز الحب في المحطه فاشترينا ايسكريم ب 7 رينجت

اذا انت اول مره تستخدم ميترو او قطار نصيحتين

الاولى احتفظ بالبطاقه او الورقه او القطعه اللي يدوك هيا لانك بتستخدمها وانت داخل ولما توصل محطتك

الثانيه لما جربت قطار بوتراجايا
المحطه فيها جهتين جهه رايحه وجهه جايه لازم تتاكد انك في الجهه الصح بدل ما يروح عليك القطار وانت في الجهه الغلط وترجع تستناه من جديد

اول ما وصلنا المحطه واتفقنا مع تاكسيين ان المشوار بالعداد بس التكاسي ما يبطلوا استغلال السياح وصلنا وكان المبلغ ٧.٢٠ وعلى بال ما طلعت الفلوس وجيت احاسبه كان العداد شغال وصار الحساب ٨ رينجت
طبعا دفعت المبلغ ولا ناقشته بس انتبهوا من هذي الحركه اسلوب جديد منهم

http://www.arabtrvl.com/up/uploads/a...8050260631.jpg
http://www.arabtrvl.com/up/uploads/a...0499099863.jpg
http://www.arabtrvl.com/up/uploads/a...0499099652.jpg
http://www.arabtrvl.com/up/uploads/a...0499099621.jpg

دخلنا الاي سيتي على الساعه ٩ ومن وجه نظري افضل وقت للاي سيتي يبدا الساعه 6 المساء

يعني ساعتين ضاعت بين المحطه والقطار كان افضل لو قضيناها في الاي سيتي
http://www.arabtrvl.com/up/uploads/a...0503564841.jpg

خريطه الاي سيتي زي ما انتوا شايفين اقسامها كثيره بس انا محدده لكم مكان المصلى لان اخذنا نص ساعه الين قدرنا نوصل للمصلى لان الموظفين ما يعرفوا فينه
المصلى في جهه الأشجار المضيئه

موقعهم الرسمي :
https://iticket.i-city.my/icity/prom...0-A3A4F09CEDC1

احداثيات الموقع :

https://goo.gl/maps/ADqCcY75wP82

http://www.arabtrvl.com/up/uploads/a...0505666861.jpg

أوقات العمل لكل قسم :

الألعاب المائيه :
الثلاثاء مغلقه
السبت والأحد من الساعه 10 الصباح الين 7 المساء
الاثنين والأربعاء والجمعه من الساعه 11 الصباح الين 7 المساء

red carpet و smowalk و trick art museum :
الجمعه والسبت من الساعه 11 الصباح الى 1 الصباح
باقي الأيام من الساعه 11 الصباح الى 12 الصباح

الريد كاربت فيه مجسمات مشاهير وموجود نفس الشي في بينانق تايمز سكوير باسم wax museum
كله ثلج ودرجه الحراره تحت الصفر وهما يلبسوك جاكيت وجزم وجونتيات وموجود نفس الفكره في جنتنق باسم snowrld Snowalk
Trick art museum رسمات 3دي وموجود نفس الفكره في بينانق

باقي الألعاب :

الجمعه والسبت من الساعه 5 المسا الين الساعه 1 الصباح
باقي الأيام من الساعه 5 المسا الين 12 الصباح

http://www.arabtrvl.com/up/uploads/a...0506157381.png

أسعار الألعاب و ممشى الثلج سعره يفرق قبل الساعه 6 وبعده

نحن اكتفينا نشتري بطاقه ونشحنها ب 200 ورجعنا شحناها بعدين ب 20 وقت شراء البطاقه يكون الرصيد الفعلي 198 يخصموا 2 رينجت سعر البطاقه

ولازم من حركات والله انا ادفع لا انا ادفع وفي الأخير اتفقنا ندفع النص بالنص وعطلنا الشعب والناس يطالعوا والنهايه مع العرب دولا

واذا شحنت بطاقتك ب 200 يدوك تذكره هديه لدخول مهمه الفضاء

ملاحظه وقت لعب السيارات اللي تمر بالاشجار المضيئه اركبوا كل اثنين في عربه وحده مو شخص واحد وابتسموا لا اوصيكم لان فجأه يصوروكم

والحلو شراء الصور يكون الدفع من نفس البطاقه مو كاش

اخر شي لازم نمر على عصابه تكاسي أي سيتي وكنا نبغى نلحق اخر قطار ورفضوا يودونا ومصرين ان القطار راح وعرضوا علينا سيارتين وكل سياره ب 60 رينجت

صحبتي وافقت وانا اصريت عليها ان الموضوع نصب في نصب وقررنا نخلص شحن البطاقه وطلبنا اوبر لفندقها ومن هناك لسكنا وكانت التكلفه ب 45.30 رينجت

فانتبهوا من التكاسي النصابين في الاي سيتي

http://www.arabtrvl.com/up/uploads/a...0502606442.jpg

ورجعنا البيت علىالساعه 1 ونص وعشانا كان برعايه 7 ايلفين نواشف واندومي بعد ما كانت الخطه نتعشى في أي سيتي بس الوقت كان مو في صالحنا

شحن بطاقه الاي سيتي ب 100 رينجت
كاندي كوتن ب 7 رينجت
7 ايلفين ب 30 رينجت

مصروفات اليوم :
المواصلات 85.72 رينجت
تذاكر الدخول 139 رينجت
مشتريات 234 رينجت
المجموع : 458.72