|
اقتباس:
اهلا وسهلا نورت برجوعك الكريم :e305: يعطيك العافيه على تشريفك لموضوعي ولك كل الشكر على ملاحظااااتك الدقيقه �� ولا شكر على واجب هذا قليل من رد الجميل لهذا المنتدى الضخم وتقريري ماهوا الا مكمل لبعض التقارير العملاقه اذا ملاحظ انا حبيت افيد هالمنتدى على مستوايا ونظرتي وخبرتي البسيطه اما الامور الماليه والتحويلات والبنوك فلها ناسها واهلها لك تحياتي �� |
الهارد روك روووعه كوالا من آججمممممل المدن اللي زرتها واسبوع يااادووب تلحقي على كل الاماكن وتتسوقي واااصلي ابدااعك بسالك الاسكويزات تبعت رشودي من فين <<< حريم :32: |
اقتباس:
انا عجبني جوو الجزر اكثر شيء يعني كوالا زحمممه وزحمممممه واحنا ف جده نفس الشيء قرررررف وززحمه :28: وتعبنا واحنا نوقف سيارتنا ف مواقف ونمشي مشي للاسواق مدري اش المميز فيها ؟!!! قوليلي اش عجبك فيها اكثر شيء !! ولو عادي ي قلبي انا ما حطيته الا عشان تستفيدوا الاسكويزات من امازون طلبتها دورتها في كل جده مالقيتها مدري اذا مذركير عندهم كم وحده سمعتها تقول عندهم بس ترا غالي سعرها ف مذركير امازون ارخص صعب وجودها بس امازون تلاقيها عندهم :6: |
ستاربكس مابعمري دخلته ولا حادخله اخذ موقف ضده من زمان عرض الطيور حضرته السفرة الاخيرة لاول مرة لاباس به يكسر روتين الملل ضمن الحديقة وانصح به اعجبني صراحتك وذكرك للامور السلبية ليس كل مايلمع ذهب شكرا لك |
افا ليش مازرتي لنكاوي هي الاجمل في ماليزيا معاكي كوالا فقط للتسوق وبعض الزيارات السريعة هنا وهناك لاول الرحلة واخرها |
انا كنت ساكنه فالتايم سكوير وطبعا كان كل تسوقي منه وكل ماطفشنا رحنا تمشينا بشارع العرب واخذنا جوله بباص الهوب هوب مممتع حتى لو مانزلتي منه انا رحت حديقة الطيور والمناره والاكواريوم والمناره يعني مو اماكن كثيره يمكن لان كان معاكم سياره خاصه مااستمتعتم انا لو حرجعلها حجلس اسبوع ابالنسبه للصور كل اللي صادفونا يصوروا وبعد خروجنا من المكان يخيرونا اذا نبغى الصور او لا وكيف نبغاها اما اجباري لا الحمدلله ماصادفونا |
جزء المطاعم جزء المطــــــــاعم : قبل ماتبدأوا معايا ، حابه اقولكم لمن كتبت المطاعم و المولات اتضح انهم حيكونوا جزء جدا كبير ومرهق ليا في اضافة الصور للقسمين ... فرأيت انه عشان اعطي كل جزء حقه اني افصلهم عن بعض وحنزله في اقرب فرصه لانه تقريبا جاهز المطاعم اللتي تمت زيارتها : 1- الطربوش مو البيراميد في سيلانجور 2- بيتزاهت في مول البيراميد 3- صاقر الهندي في الصنواي لاجون 4- مطعم بيتزا ( CUBES PIZZA ) في الصنواي لاجون بسيلانجور 5- ناندوز في التايمز سكوير في كوالا 6- مطعم 69 و 60 في برج كومتارو في بينانغ 7- Fuel shaek برجر 8- كافيه هارد روك 9- ماكدونالدز 10- كنتاكي 11- مطعم ( PIZZERIA ) فندق الهارد روك 12- كافيه ديب اند ديب Dip N dip في البيراميد في سيلانجور 13- ستار بكس 14- برجر كنج بسم الله نبدأ : - مطعم الطربوش في مول البيراميد في سيلانجور الدور : ( LG2 ) : نبذه بسيطه عنه : يعد مطعم عربي ، يقدم المشويات بكل انواعها . سبب اختياري له : المدح الكثير عنه في المنتدى هذا .. الاسعار : متوسطه الى رخيصه .. الطلب ورأي فيه : طلبنا شيش طااووق ليا ، وحمص وبرياني دجاج وبطاطس وسفن . صراحة انصدمت من الطعم ، الله يكرم النعمه ،، الشيش طاووق ماقدرت اكله فيله طعم زناخه ومافيله ريحه الشوي ، تعرفوا المشويات يكون لها طعم الشوي مبخره تجيكم ، هذا لا يمت باي صله للشوي .. واما البرياني فصارحه كان عباره عن كبسه يضحكوا علينا اذا هذا برياني .. اكلناه من الجوع بس .. ولا انه مو قد كذا .. الحمص ممتاز الظاهر انه انخفض مستواه جدا ، لانه كل اللي مدحوه كانوا يقولوا انه جدا لزيز .. فاكيد تدنى مستواه .. وللعلم روحنا له في الساعه 2 ظهرا للغداء ، وكان المطعم فاضي ، وجلسنا في المنطقة المكشوفة ،، نبغا ناكل ونستمتع بالاطلاله على مسابح الصنواي لاجون .. كان يوجد ثلاث طاولات جالسين فيها ناس يعسلوا .. واثناء قدوم الاكل الا تمطر هذيك المطره القويه الشديده ،، صراحه الحمد لله جمال هذا الجو شفعلهم وماخلانا نقوم من المطعم ندور مطعم تاني ناكل فيه .. التقييم : 2/5 الصور : الشيش طاووق حقي http://www.arabtrvl.com/up/uploads/a...1374660584.jpg برياني دجاج لابو جاسم http://www.arabtrvl.com/up/uploads/a...1374660615.jpg http://www.arabtrvl.com/up/uploads/a...1374660646.jpg موقع المطعم : Tarbbush Restaurant - بيتزا هت في مول البيراميد في سيلانجور : الدور LG2 نبذه بسيطه عنه : مايحتاج اقول شيء عنه معروف للجميع ، مطعم بيتزا سبب اختياري له : قلنا يلا نجربه ، طفشنا من ماكدونالدز . الاسعار : بيتزا كبيره بـ 50 رنجت تقريبا الطلب ورأي فيه : طلبنا بيتزا خضار ( للمعلومية اغلب البيتزاالخضار ف ماليزيا يحطوا اناناس مع الخضار ) طعمها ابدا مو زي حق جده ،، جدا سيئة مالها طعم تحس انك تاكل بيتزا مسلوقه ههههه مافي بهارات او أي طعم جميل او ناطع .. والعجينه امممم مو مرا وااو التقييم : 2/5 منيو المطعم : http://pizzahut.com.my/dining/menu-pizza-supremes.html - مطعم صاقر الهندي في الصنواي لاجون في بداية الحديقة بعد السوق : نبذه بسيطه عنه : مطعم هندي يقدم الاكل الهندي بانواعه ، ونظامه على بوفيه ، انت تختار اللي تبغاه والرجال يغرف لك في صحنك . سبب اختياري له : المدح له في هذا المنتدى الاسعار : متوسطه الى رخيصه ، ممتازة الطلب ورأي فيه : طبعا بعد ماخلص ابو جاسم وجسومي سباحه ، رحنا لصاقر نتغداء .. طلبنا : برياني رز مع دجاج ، ايدام ، 2 سمبوسه ، بتر شيكن ، نان ، سفن حتى البرياني حقهم كانه كبسه ، اش السالفه في ماليزيا كلها عندهم مشكله في البرياني محد يعرف يسويه شكله !!! مو مرا لزيز البتر شيكن الز حاجه مرا طعم ولذيذ مع العيش النان .. التقييم : 3/5 الصور : http://www.arabtrvl.com/up/uploads/a...1375030991.jpg - مطعم البيتزا ( CUBES PIZZA ) في الصنواي لاجون امام مطعم صاقر الهندي هذا المطعم رهييييييب انصحكم بيه بشده ، الحين ابو جسومي وجسومي جالسين يسبحوا وانا انتمشى في المكان استكشفه ، الا واشوف قدامي ثلاث كشكات : واحد يبيع بطاطس مقليه وسندوتشات برجر ، وواحد بيتزا ، والثالث ايسكريم وفشار .. المهم عيني طاحت على البيتزا قلت يلا خليني اشتري بيتزا عشان اول مايطلعوا من المسبح حيكونوا مرا جيعانين فقلت اسويلهم هيا مفاجأه .. ههههه المهم فيه مقاسين كبيره وصغيرة البيتزا حقتهم على شكل مربع وليست دائريه الصغيرة بسعر 14 رنجت والكبيره ب 40 رنجت اممممم ياربي ايش اخذ ....!! قلت يلا اعطيني الصغيره نجربها اخاف اطلب كبيره وتطلع مو لزيزه وخسرت 40 رنجت ع الفاضي .. فخلينا ع المضمون .. ووبس طلبتها بالخضار .. واول ماخرجوا من المسبح هجوووم ع البيتزاا وطلعت مرا لزيزه والله ندمت وقلت ياريتني طلبت الكبيره .. هههههه طبعا الحجم الصغير ي دوب تكفي نفر واحد يعني مرا صغيره .. المهم هذا المطعم لاتنسووه اشتروا منه اذا قرصكم الجوع وانتوا في الالعاب المائية الصنواي .. وله اكثر من فرع في الملاهي انا شوفت فرعين له في الالعاب مدري اذا فيه ثالث او لا .. الفرع الثاني قريب من منطقه الـ نيكولودين .. التقييم : 4/5 منيو المطعم : Cubes Pizza الصور : http://www.arabtrvl.com/up/uploads/a...1375579229.png http://www.arabtrvl.com/up/uploads/a...1375578578.png فرع صنواي لاجون بجانب نيكولودين http://www.arabtrvl.com/up/uploads/a...1375031022.jpg - ناندوز في التايمز سكوير في كوالا في ايامنا الاخيره في كوالا ، كنا نتجول في التايمز سكوير .. وبالصدفه لقينا هالمطعم في وجهنا وقلنا يلا نجربه .. وفعلا طلبنا 4 اطباق برجر دجاج – الشيش طاووق – ورز مع دجاج وخضار مشويه – سلطه سيزر البرجر اسوء من السيء العيش قاسي وناشف و الدجاج فيله ريحه سيئة زناخه – الرز والدجاج مايتاكل استغفر الله الله يكرم النعمه بس – اما الشيش طاووق كان جيد نوعا ما مبخر له رائحه الشواء الممتازه بس الطعم في بعض القطع ايضا فيه زناخه طعم سيء .. السيزر جيدا جدا طبعا يقدمو لك كل انواع الصوصات المشكله في الـ الحار – والحار الوسط – الشديد الحراره – صوص الثوم – صوص الزنجبيل – صوص بالليمون واشياء كثيره .. المهم الصوصات الحاره ( الاكسترا هوت والميديم هوت ) والله بس ذقت شي خفيف جدا جدا ، على طول جاني ضغط شديد في اذني من الحراره انتبهوا اذا كنت مو من محبين الاشياء الحاره جدا فانتبه تنسى نفسك مع الاكسترا هوت ، يجيب بلاوي ومشاكل ف الجهاز الهضمي .. هههههه في البدايه حتقول مو مرا حار عادي ومفعوله يبدا بعد ثالث او رابع لقمه منه جدا خطيير انتبهوا منه هههههه التقيم : 1/5 الصور : برجر الدجاج http://www.arabtrvl.com/up/uploads/a...1374887524.jpg شيش طاووق لابو جاسم http://www.arabtrvl.com/up/uploads/a...1374887555.jpg سيزر سلاد http://www.arabtrvl.com/up/uploads/a...1374887576.jpg رز بالدجاج http://www.arabtrvl.com/up/uploads/a...8137488767.jpg منيو المطعم : Our Menu | Nando's Malaysia - مطعم 59 و 60 في برج كومتارو في بينانغ : سبب اختياري له : تعرفت عليه من هذا المنتدى واكثر مطعم كنت متحمسه له خصوصا انه يقع في برج عالي في الدور 59 الطلب ورأي فيه : طبعا احنا رحنا له في فترة الظهيرة ، يعني غداء ، ففي فترة الغداء منيو محدد ، وفترة العشاء منيو مختلف عن الغداء وهكذا فترة الصباح .. وفي كل منيو سواء صباح او غداء او عشاء لديهم منيو للاطفال . . اوك هذا المطعم قصته شويه سيئه معانا من بدايته .. وهوا في احد الايام لنا في بينانغ قررنا اننا نروح نتغدا فيه ، المطعم موجود في العاصمه لبينانغ وهي ( جورج تاون ) ، يبعد من فندق قولدن الشانغريلا حوالي 35 دقيقه .. فتوكلنا على الله وذهبنا له .. لقينا باركينغ قريب من المدخل رحنا وقفنا سيارتنا ودوخنا سبع دوخات لين عرفنا كيف نخرج من برج المواقف ونبغا نتوجه لبرج كومتارو اللي فيه المطعم .... طبعا كنا نسال الامن واللي يقابلنا عن الطريق ويوصفوا لنا هوا ونمشي ونضيع .. آآآه والله تعبنا هذا اليوم طالعين نازلين نمشي ونرجع للمكان اللي كنا فيه تقريبا اتوقع الناس اصحاب المحلات حفظونا واحنا كل شوي نرجع لهم ... المهم هذا عشان بس وقفنا سيارتنا ف الباركينق .. اما اللي حيجي بتاكسي .. على طول التاكسي يوقفكم عند باب البرج ... ماعليكم بالطويله المهم .. واخيرا وصلنا لعند باب البرج .. اول ماتدخل حتلاقي كورنر صغير مكتوب فوقه اسم المطعم ، هما يستقبلوك ويطلعوك الين فوق الى المطعم .... المهم وصلنا عندهم وكانت الساعه 1 ونصف ظهرا .. قالت الموظفه : خلاص باقي نص ساعه وتنتهي فترة الغداء والعشاء تبدا من 4 او 5 عصر اذا ماني غلطانه .. تعرفوا كيف وجوهنا صارت واحنا نطالع ف الموظفه ...!!! << لاتعليق من جد .... ولا حق التعب اللي تعبناه لين ماوصلنالكم .. تباااا ... المهم رجعنا وانا اقول مالت على مطعكم هههههه << معصبه تعبنا وف النهايه كذا انتوا تدروا انه هذا اليوم كان يوم المقالب لنا من بدايته والله .. في الصباح : كنا رايحين لحديقه الفواكه واتفاجأنا انه مقفل .. ودخلنا حديقة التوابل وجلسنا انتظار نص ساعه وخرجنا من دون ماندخل الحديقه وتوجهنا الى برج كومتارو وضيعنا السبع ضيعات ورجعونا من المطعم ورجعنا الفندق اكلنا ماك .. والعصر روحنا السوق الليلي ورجعنا من نص الخط تعبنا من المشي في الشارع وسط الزحام واتعشينا ماك برضو يعني من جد كان يوم معاكس لنا من كل شيء سبحان الله فجأه كذا ،، يوم كامل راح علينا ع الفاضي ... والحمد لله جات على كذا واننا بخير الحمدلله << يمكن تصادفوا ايام كذا لا تنكدوا على نفسكم ولا شيء وخير اذا راح يوم عليكم من دون شيء ..!! انبسطوا وعيشواا الجمال اللي حولكم .. المهم اكمل لكم عن المطعم .... المطعم رحنا له اليوم الثاني من بدري الساعه 10 ص توجهنا له .. والحمد لله وقفنا سيارتنا وعرفنا نوصل له بسرعه البرق هذا اليوم هههههه ،،، واستقبلونا وطلعونا الى المطعم .. اول مادخلنا المطعم حسينا بكتمة وحر شديد ، التكيف جدا سيء .. الاطلاله راائعه تجنن ..<< هذا اكثر مايميز هذا المطعم المطعم مستواه عالي جدا جدا .. حتى في تقديم الاطباق فن وتناسق وابداع ف التقديم .. بس مو هذا المهم ،، المهم كيف الطعم .. طبعا اعطونا المنيو ونختار صنف من المقبلات وصنف من الطبق الرئيس وصنف من الحلا .. وبعدين بالتدريج يجيبوا لنا الاطباق .. << مدري ليش حسيتهم زي برنامج ماستر شيف اللي يجي ف التلفزيون .. المهم جابوا المقبلات ،،، ابو جاسم طلب سيزر سلاد ، وطلب لي شوربه طماطم ومعاها دجاجه صدور .. السيزر سلاد : لايسمن ولايغني من جوع كان عباره عن ورقتين خس وربع صدر دجاجه يمكن اقل من الربع كمان ، المهم ملعقتين الا وخلص طبق ابو جاسم ويطالع في صحني جالس ... انا طبعا كنت ف الحمام مع راشد وابو جاسم طلب طلباتي .. المهم طبقي شوربه طماطم < عفوا قصدي شوربه كشنه طماطم .. اقول لابو جاسم انا آخرتي اكل كشنة المكرونه اللي اسويها ف غمضة عين .. يضحكوا علينا جالسين هذولا ... والله صراحه سدت نفسي الشوربه اصلا جالسا اتغصبها مافدرت اكملها .. وجسومي جابوا له توست وكب كيك و2 كوكيز ناديناهم يشيلوا صحونهم هذي ويجيبوا الرئيسي .. وجا الطبق الرئيسي .. لقلة الخيارات ف المنيو اختار ابو جاسم ليا وله نفس الطبق دجاجه مشويه مع بطاطس مقليه وخضار مسلوقه ع البخار .. المهم ماهذا ياهذا .. انا الدمعه في عيني خلااص .. نص دجاجه صغيرونه مشويه مافيها لحم حتى اش تشبع هذي .. المهم جالسين ناكل ونبغا نبكي من الصدممه .. الا واقول لابو جاسم اقولك كلهم يجيبوا الحساب ونبغا نخرج وخلي الحلا لهم ياكلوا .. اذا هذا اكلهم من البدايه كذا كيف اجل حلاهم ... انسدت نفسنا وخرجنا والله .. ولا حق اللفلفه والتعب حق امس عشان خاطر هالمطعم السيء ..... بخصوص الجرسونات اللي هناك جدا سيئين ، ولا احد حولك تقول كانهم مشغولين بس والله المطعم كان فاضي .. التقيم : 0/5 الصور : جلسات المطعم http://www.arabtrvl.com/up/uploads/a...1375825131.png سيزر سلاد لابو جاسم http://www.arabtrvl.com/up/uploads/a...1374660563.jpg كشنه الطماطم هههه http://www.arabtrvl.com/up/uploads/a...1374660532.jpg وجبه جاسم للاطفال http://www.arabtrvl.com/up/uploads/a...1374660511.jpg معليش الوجبه الرئيسية من هول الصدمة ماصورناها صراحة ... :10::31: منيو ومواعيد واسعار المطعم TOP View Restaurant & Lounge - THE TOP Komtar Penang: Top Penang Attractions & Restaurants - مطعم Fuel shaek برجر ( الحب ) هذا المطعم طحنا عليه فجأه ، غريبه محد اتكلم عنه في هالمنتدى ،، كنا يوم في سوريا مول في كوالا .. وشفت اغلب الناس في منطقه المطاعم ياكلوا من هذا المطعم .. قلت لابو جاسم يلا نجربه .. وطلبنا : وجبه برجر دجاج ليا – وبرجر لحم لابو جاسم .. ياربااااااه على هذا الطعم واخيرا اخيرا لقينا شيء لزيز احلى من ماك ،، البرجر اعطيه 10/10 ، طعمه كانه برجر على الفحم ، لزيز وناطع وفيله طعم ذات نكهة لزيزه ... المهم اعتمدوه وان شاء الله مايخيب ظنكم فيه .. هوا مطعم يبيع عنده باستا وبيتزا وبرجر .. مره من المرات طلبنا بيتزا لجسومي وانا ماذوقتها بس ابو جاسم ذاقها ويقول لزيزه .. التقيم : 5/5 الصور : http://www.arabtrvl.com/up/uploads/a...1374887472.jpg برجر الدجاج من الداخل يمي يمي http://www.arabtrvl.com/up/uploads/a...1374887493.jpg منيو المطعم : Your Source Of Western Food In KL | Menu | Fuel Shack - مطعم كافيه هارد روك : ياااااااااااااااااارباااااااااااااااااااااه على هذا المطعم الخورافي اللزيز ، نعمه من نعم الله في ماليزيا هذا المطعم الامريكي اللي اعجز عن وصفه ،، وربي وانا اكتب لكم جوعت اشتهيته ... المطعم هذا اكلنا منه خلال اقامتنا في بينانغ في فندق الهارد روك ،، واكتشفنا انه له فرع تاني في كوالا لمبور .. قريب من البافليون .. بالتاكسي تروح له مو مشي .. موقعه في بينانغ ، المدخل حق الكافيه بجانب مدخل الفندق من الخارج تدخلوا له ، يعني ماتقدر تدخله وانت داخل الفندق .. البوابه للكافيه من الشارع .. المهم طلبنا باستا بالكريمه لجسومي مع الدجاج < يعني فوتشيني ... وانا برجر دجاج وابو جاسم برجر لحم ... اقولكم قليله في حقه هذا المطعم المديح والمديح ... اسعاره مرتفعه قليلا بس والله يستتتتااااهل .. انتوا لمن تروحوا حتحسوا بالتعب في الاكل .. ولهذا المطعم حتتمنوا كل يوم تاكلوا فيه ... ترى والله ما ابالغ ، يعني اكلهم زي مطاعمنا الامريكيه اللي في جده .. التقييم : 10/10 الصور : هذا طبق جسومي الخطيييييييييير http://www.arabtrvl.com/up/uploads/a...1376015152.png سامحوني مالقيت صور لبرقراتنا ابو جاسم ... منيو المطعم : http://d11kdcggr4h8di.cloudfront.net...ile_7003_1.pdf - مطعم ( PIZZERIA ) فندق الهارد روك اثناء اقامتنا في فندق الهار روك ، نزلنا ندور الكافيه حق الهارد روك ، بس لقينا نفسنا في هذا المطعم اللي وسط المسابح ، وقلنا يلا توكلنا ع الله ونطلب .. طلبنا بيتزا خضار – فوتوتشيني – مكرونه مكشنه بالطماطم - وصدر دجاج مشوي .. – سيزر سلاد البيتزا العجينه رفيعه مابقينا ولا وصله الحمد لله << على فكره كان هذا اول اكل زي الناس بعد الوجبات السريعه ... الفوتشيني خلصناها من الجووع وكانت مقبوله .. وكل شي خلصناه الحمد لله على النعمه ... التقييم : 3/5 بس من الجوع خلصنا كل شيء هوا مو مررا وااااااااو بس يلا مقبول احسن من الطربوش وغيره .. الصور : http://www.arabtrvl.com/up/uploads/a...1376015081.jpg معليش مالقيت صورة اوضح من هذي .. منيو المطعم : http://d11kdcggr4h8di.cloudfront.net...a-Menu-NEW.pdf - ماك : غني عن التعريف يمكن اكلناه قرابة العشرين مرة << لا تعليق - كنتاكي : اسوء اسوء اسوء شيء على وجه الارض << الله يكرم النعمه شيء مقرف ولا تمشي من جنبه كمان ... لو مافي غير كنتاكي في ماليزيا كلها مادخلته .. حتى لو مجانا ... ي لطيف - كافيه ديب اند ديب : طبعا هذا الكافيه غني عن التعريف جدا جدا .. بس احتياطا للي مايعرفه ، هوا كافيه يبيع الكريب والبانكيك والوافل .. وعندهم شوكولاته لزيزه قليله فيها اذا ذقتها تدوخ من طعمها الجنااااان ... للمعلوميه : ترا طعمه في ماليزيا احلى واحلى من اللي في جده ... اللي في جده يجيبوا لنا محروق ومايزينوا الصحن زي الناس << يمكن من الزحمممه الشديده اللي عليه عندنا بس في ماليزيا فاضي جدا محد حوله ... عشان كدا الطلبات يسووها لنا على روقان .. هذا الكافيه موجود في قسم مراكش في مول البيراميد مول .. طلبنا فوتشيني كريب وبانكيك ووافل .. وكابتشينو وموكا التقيم : 5/5 الصور : http://www.arabtrvl.com/up/uploads/a...1375031053.jpg http://www.arabtrvl.com/up/uploads/a...1375031074.jpg - ستار بكس : سيء جدا جدا واذا شوفته قدامك غير طريقك عنه مايستاهل تدخله .. فيه غيره كافيهات احلى والز منه التقيم : 0/5 - برجر كنج : افضل شيء ، جدا ممتاز ولزيز ،، زي ماك ويمكن افضل من ماك التقيم : 5/5 الجزء القادم : - المولات اللي زرناها كلها - اش استفدت من هذي الرحله ..!! |
اقتباس:
اهم شي استمتعتوا انتوا وانبسطوا .. واختلاف الرأي لايفسد للود قضية .. :13: يب مو اجباري ،، بس مرة وحده صادفونا انهم طبعوها وجهزوها واعطونا هيا .. اما الباقيين لا ،، يقولوا لنا اذا تبغاها نطبعها لك .. :e445: |
جزء جميل جدا بخصوص المطاعم في ماليزيا الفاست فود و السي فود الاجمل والألذ في زيزا ... المطاعم العربية مستحيل ادخلها في شرق اسيا عموما المطعم الامريكي في كافيه الهارد روك .. :e023::e023::e023::e023: متابعين معاك لحظة بلحظة أبداع :e32e: |
يا سلام عليك يا ام جسووووووومي تقريرك ابداع تفاصيل وملاحظات وتقييم للمطاعم انتي فنانة ما شاء الله ودارسة عدل ومخططة على اكمل وجه اما ديب اند ديب شفناه بالصدفة لو تشوفين وجوهنا ساعتها :58::48: دلخنا على طول لأنه عندنا بالكويت مقرر كل خميس ناكله وغصنا غوووووووووص فيه وطعمه بالصبط نفس فرع الكويت ونفس الطعم مطعم صقر الهندي فرع لنكاوي احلى بكثير والبرياني غيييييييييير تدوخين من حلاته ولذاذته بس فرعهم اللي بالصن واي لما شفت الأكل ما تشجعت اشتري شي بس شوقتني هندية وهي تاكل البوري عجييييييييب ومع هذا ما اشتريت حظكم في المطاعم مو شي :15: بس الحمد لله لقيتوا شي يعجبكم تحياتي لك ويعطيك العافية مستمتعين جداً بتقريرك |
ما شاء الله تقريررررر جمييييييل ملاحظات وتفاصيل كثيرة إبدااااااع وصور راااااائعة متابعين حتى النهاية |
جزء جميل أم جسومي يختصر تجاربكم في مطاعم ماليزيا عن نفسي أتلذذ في الطربوش وأستغرب من اللي يذمونه مادري يمكن ضرب حظي معاه يوم أكلنا منه أكثر من مرة صقر الهندي مادري إذا هو اللي في ملاهي الصنواي ماجربته من شكله مادخل قلبي البرغر نادر ماتلقين مطاعم تضبطه وتعطيج نكهة الشواي فيه لكنه غرام اليهال الله يحفظهم بس إنتي شكلج صعبة في الأكل مب أي شي يعجبج وتدققين عشان جذي قليل اللي تقبلتيه ديب أند ديب من البحرين وخاطري فيه بس خواتي يقولون عادي سيني كافيه حلوياته أحلى أنا أتكلم عن البحرين بس إن شاء الله أجربه في ماليزيا من خاطري برغر كنغ أتفق معاج لذيذ جداً خصوصاً الجكن رويال مكدونالدز مقبول بالنسبة لي أما كنتاكي عندهم فعلاً الله يديم النعمة :26: ستار بكس عشق خاص حتى اليهال يكيفون عليه مادري يمكن في ماليزيا غير ماجربته عندهم لايوقف أختي مستمتعين ومندمجين والله يعطيج الصحة والعافية |
اقتباس:
متابعتك لتقريري هيا الأجمل ،،، شكرا لك لإسعادك لقلبي بتواجدك حبيبتي :e328: تسلميلي ي عسسل :e303: |
جزء المولات :: جزء المولات التي تمت زيارتها :: في سيلانجور : 1- مول البيراميد 2- مول ioi city في بينانغ : 1- جيرني بلازا في كوالا : 1- سوريا مول 2- التايمز سكوير 3- البافليون التفاصيل : ١- مول البيراميد : http://www.arabtrvl.com/up/uploads/a...1751783172.png مكان رائع للتسوق ، تصميمه شويه يلخبط ، بس رائع اكثر مول حبيته ف ماليزيا ،، يمكن عشان خمس ايام متتاليه نروح له واخر يوم كمان روحنا له ❤ المحلات متنوعه فيه ( الغاليه والرخيصه والوسط ) مجموعه كبيره من المطاعم خدمه استئجار عربيه اطفال stroller ( امام بوابه الدخول مباشره ، بجانب ستار بكس ) به صاله تزلج كبيره في الدور LG1 http://www.arabtrvl.com/up/uploads/a...1751783041.jpg اكثر قسمين رائعين بهالمول : ١- asian avenu - الدور F ٢- مراكش - الدور LG2 ( القسم الاسيوي ) في اعلى دور ( رهيب ويجنن اشتريت منه اشياء كثيره ، زي ارواب للبيت اللي تجيكي فيري سايز مررا كيوت واشكال تجننن كثيره لازم تدوروا عليها ، سامحوني ما اعرف اش اسم المحل بس هوا محل يبيع ملابس داخليه وبيجامات للبيت ، كان عرض تشتري روبين ب ٤٩ رنجت ، المهم انا قضيت المحل كله من عنده ليا ولاخواتي هههه ) ترى القسم الاسيوي مو مرا كبير يعني حتخلصوه بسرعه .. وكمان عندهم محل يبيع نظارات تقليد بس والله جودتها مررا ممتازه ب ١٥ رنجت ي بلاش الكواليتي جدا ممتاز .. اقلكم القسم الاسيوي كله ادخلوا محل محل وفتشوا في كل شي حتلاقوا اشياء مررا حلوووا كثييييييييييير فيه محل يبيع كفرات لجوالات الايفون جدا جميله الكفر الواحد ب 25 وتشتري اثنين 45 نسيت اصور المحل بس معروف اول ماتدخلوا القسم الاسيوي على يدك اليمين كل المحل كفرات للايفون فقط .. فيه محل يصمم لكم اسمكم او اي شي تبغوا تكتبوا على لوحات السياره بالشكل واللون اللي تحبوا وكدا هذا كل شيء لفت نظري عن القسم الاسيوي .. ( قسم مراكش ) الدور : LG2 اول شيء في قسم مراكش ، لازم لكل سيدة او رجل تروحوا هذا المكان الخطيييييير الرهيب .. هو عباره عن تنظيف القدم زي البديكير والمانيكير ، بس ينظفوا لك رجلك من الجلد الميت .. << والله شوفوا عن تجربه ليا الحين شهرين من يوم ماسويته ولسا رجولي ناعمه نعومه ماعمري حسيت بهالنعومه المستمرة كذا .. يعني محلات البدي كير اللي في الصوالين يقعدوا يسولك رجلك قرابه العشر دقايق بالكثير .. هذا المحل عندهم ادويه وكريمات عجيبه جلست تخرج جلد ميت من رجلي نص ساعه .. لاتنفجعوا ترى رجلي جدا جدا نظيفه ومهتمه فيها اكثر شيء ،، انا جالسا مصدوووومه طول الوقت من اللي يخرج من رجلي ... المهم وصف المحل : حتلاقوا محل ينظفوا الاقدام بالسمك ، هوا هذا ادخلوا عندهم وقولوا لهم ابغى علاج للقدم .. معليش ما اني عارفه اسم المحل بس على طول حتعرفوا لانه عندهم حق السمك .. مايضيع المكان ... السعر : 370 رنجت بعد الخصم عندهم عرض وقتها ، تقول لي كان ب 600 رنجت .. المهم جربوه وماحتندموا ان شاء الله .. حتى يسولك وجهك وركبك ويداتك أي منطقه تبغي تفتحيها قوليلهم يسولك علاج لها .. الزبده ( هذا المحل اذا رجعت ماليزيا ان شاء الله حزوره باذن الله ) بس افضل انهم يسوولكم العلاج في الايام الاخيره لكم في السفر .. انا غلطتي سويته في ايامنا الاولى بحكم وجودنا في سيلانجور ف اول الايام .. وباقي الايام كلها مشي وتعب فتعبت رجلي من المشي .. بس لمن رجعت من السفر سويت لرجولي صنفره بسيطه واعتنيت بيها بالكريمات اترطبت وفي الحين مرا تمام ،، بس من جد رجولي فرق كبير للان اشعر به .. << لاتنسوني من دعواتكم الطيبه .. بالذات الرجال اكيد رجولكم منتهيه ههههه لازم تجربوا هذا العلاج .. صورت لكم صور الكريمات http://www.arabtrvl.com/up/uploads/a...1751988051.jpg http://www.arabtrvl.com/up/uploads/a...1751988072.jpg - ثاني شيء محل المساج المعروف ( arokaya huose ) الدور : LG2 انا وابو جاسم سوينا فيه مساج للاقدام فقط ممتاز جدا ، لنصف ساعه فقط بـ 80 رنجت انا وابو جاسم سعر واحد يعني هوا بـ 40 وانا بـ 40 رنجت .. طبعا اتمنيت اني اسوي كل يوم مساج ،، بس للاسف ماكل مايتمناه المرء يدركه خصوصا ومعاك بزرانك ... << طبعا ماححكيكم كيف تجربة المساج كانت :yolks00350: والاثنين حقوني ماشاء الله تبارك الله عليهم كانوا جدا هاديين . :yolks00150: اصلا كويس ماطردونا من المكان ... المهم : الخطه للامهات والاباء عند المساج ، كالتالي : واحد يمسك العيال والثاني يدخل . وهكذا بالتناوب .. << مدري اش اللي خلاني انا وابو جاسم ندخل مع بعض .. هههههههه:yolks00730::yolks00640: طبعا نصف ساعه اقل شيء ،، وترا نصف ساعه ماهم كاتبينها في قائمه الاسعار ، عندهم الاسعار تبدا من ساعه الى ساعتين وهكذا ... وعندهم غرف مقفله للنساء المتحجبات ،، يعني مجهزين لكم الجو بس تعالوا لهم .. مستنينكم .... اما في محل اخير موجود في المول وانتوا تمشوا حتلاقوه مدري وين مكانه بالضبط غالي على قلبي جدا جدا ههههه اسمه miss t حتلاقوه فيه شنط كيوت وشنط مدرسيه وكل انواع الشنط حتى شنط سفر لاغراض الحمام تلاقوها عنده ، وفيله كمان حافظات مويه حار على اشكال كيوت وتجنن تنفع للي عندها بيبي ، اقلكم هذا المحل روحوا عنده وسلمولي عليه ، دخلته ست سبع مرات اصلا اول ماحتشوفوا حيأسركم من اول نظرة << كلامي للحريم طبعا والبنات .. حتفهومني اذا شوفتوه كويس اني صورت كم صوره لاخواتي عشان يختاروا لهم كم شنطه هديه .. حوريكم هيا http://www.arabtrvl.com/up/uploads/a...8175198813.jpg http://www.arabtrvl.com/up/uploads/a...1751988184.jpg http://www.arabtrvl.com/up/uploads/a...1751988265.jpg سامحوني اطلت عليكم ،، بس هذا اكثر شيء مميز وعجبني في هالمول .. ايوا لحظه افتكرت محل مميز كمان ،، ابو جاسم طاح عنده ، هوا محل سوبر هيرو ،، هذا المحل موجود في البافليون ،، وموجود في البيرامييد .. ابو جاسم اشتراله بلوزه سوده فيها علامه سوبر مان في الوسط بس لون العلامه ازرق مموج بالاسود وميزتها مضيئة في الظلام ، يعني لو كنت في مكان مظلم تنور العلامه باللون الازرق جمييييييله مرا حبيتها .. بسعر 150 رنجت او بـ 190 رنجت اتوقع كدا رهيييييييييييبه البلوزه صراحه .. انا ف البدايه ماكنت متحمسه اننا نشتري من هناك ،، بس عاد اتوفق في الاختيار الجميل ،، مستحيل تلاقي تقليد من هالبلوزه .. سوبر ماركت كبيره جدا فيها كل شيء تبغوه في الدور LG1 هذي صورتها اتسوقنا منها مرتين تعتبر نوعا ما غاليه http://www.arabtrvl.com/up/uploads/a...1752357614.jpg انصحكم ببقاله ( سفن الفن ) ارخص شيء وحلوا متوفر فيها كل شيء .. ويوجد في المول محلات كثيره خاصه بكراسي المساج ومحلات كثيره خاصه لاغراض الرحلات وتسلق الجبال والسباحه اما اللي ماعجبني في هالمول : - ماعندهم محلات للاطفال كثيره 2- مول ioi city http://www.arabtrvl.com/up/uploads/a...8175178363.pnghttp://www.arabtrvl.com/up/uploads/a...8175178455.png http://www.arabtrvl.com/up/uploads/a...1751783964.png هذا المول توجهنا اليه بعد الانتهاء من جوله مسجد بوتراجيا ،، وذلك لقربه من منطقه بوتراجيا .. المول رائع جدا ومرتب ومنظم ويشرح الصدر كبييير جدا وهاديء ومافيله سياح او عرب ، ومليااااان محلات اطفال زي مذركير والتعليم المبكر وكثييره محلات للاطفال ( بالنسبة لمذركير عندهم جدا غالي أغلى من اللي في السعوديه ) وعندهم دايسو كمان << ماعجبني دايسو حقهم ابدا .. < احنا ف السعوديه الاسعار موحده عندنا كل شيء ب 7 ريال او اقل ، هما الاسعار متفاوته بس طبعا رخيصه تعتبر هذي العاب مرا رهيبه للاطفال http://www.arabtrvl.com/up/uploads/a...7520788610.jpg http://www.arabtrvl.com/up/uploads/a...1752078835.jpg في بينانغ : جيرني بلازا : http://www.arabtrvl.com/up/uploads/a...1752190761.png http://www.arabtrvl.com/up/uploads/a...1752191362.png مول جميل ومرتب ووسيع ويفتح النفس صراحه ، يوجد به جميع الماركات الرياضيه والنسائية والاطفال والماركات العالمية الفخمه الغالية .. احنا دخلنا هذه المحلات اللي افتكرها ( تويز ار اص << ارخص من اللي ف السعوديه اشتريت هدايا منه .. ودخلنا كروكس حق الجزم رهييييبه عروضهم ، تشتري قطعه والثانيه مجانا .. ودخلنا محلات الرياضة ، ومحل سكيتشرز غالي جدا جدا جدا عن اللي ف السعودية . ومحل كاث كاديتسون << جميل هالمحل جمال اكيد غني عن التعريف المهم كانوا مسوين تخفيضات 60 % وقتها << وجلس ابو جاسم وجسومي عند باب المحل يستنوني اخرج ماني قادره اخرج منه ههههه .. ( الكشكات اللي وسط المول جميلة بضاعتهم ) ايواا ومليان عندهم محلات نظيفه ومرتبه حق المساج والصحة ... محل جزم جميل جدا ( وانتم بكرامه ) http://www.arabtrvl.com/up/uploads/a...1752357583.jpg http://www.arabtrvl.com/up/uploads/a...1752357552.jpg http://www.arabtrvl.com/up/uploads/a...1752357531.jpg بامكانكم تتفرجوا على جميع المحلات من رابط الموقع .. قبل ماتروحوا المكان هذا ... موقع المول : Kids | Fashion | Gurney Plaza الصراحه جدا اتمنيت اني ازور مول الكوينسيبي بس ماكان عندنا فرصه اننا نزوره .. في كوالا : - سوريا مول : http://www.arabtrvl.com/up/uploads/a...1753786469.png مول زي أي مول تاني فيله جميع الماركات العالمية .. اتعجبت جدا انه في احد هنا ف المنتدى كان كاتب انه مول رخيص اسعاره .. بس العكس والله كل المول به كل الماركات العالمية واسعارهم مرتفعه .. يعني احنا صراحه ما اشترينا شيء منهم غير محل لاكوست كان مسوي تخفيضات على الشنط .. يعني اذا منت ناوي تشتري من الماركات وكذا لا تتعب نفسك تزور هالمول .. انا يعجبني المول اللي يكون متنوع في اسعاره .. رأي في هالمول : ماحبيته وحتى تصميمه مو مريح للتسوق .. في هذاك اليوم اللي زرنا فيه هالمول في الساعة 1 ظهرا .. نلاحظ انا وابو جاسم شيء غريب ف الناس .. كلهم لابسين تيشيرتات صفراء اللون .. اش السالفة ي ابو جاسم ؟؟!! وكل مالهم بيزيدوا وبيزيدوا اكثر واكثر .. ماعلينا فيهم جلسنا اكلنا وشبعنا الحمد لله وجينا نبغا نخرج .. يا الله اش هذا المنظر حشووود من الناس شيء مو طبيعي اول مره في حياتي اشوف الكم الهايل من البشر كذا ... الا والله زي كانكم في الحج .. في هذيك اللحظه انا وابو جاسم رجولنا تتصافق في بعض ،، هههههه صراحه اترعبنا محنا عارفين كيف نرجع لموقف سيارتنا .. وقوقل ماب حضرته يعلق في هذيك اللحظة ويا الله كيف نسوي .. احنا خايفين على اولادنا اكثر شيء .. يعني تخيلوا أمم وشعوب وقبائل بتدخل المول واحنا نمشي عكس الاتجاه لهم عشان نبغا نخرج ولمن خرجنا انصدمنا من المنظر :yolks00420: وعلى طول وقفنا على جنب نسال الامن كيف نروح الاكواريوم << لانه سيارتنا جنب الاكواريوم واقفه .. فعلى طول وصفوا لنا على نفق من داخل مول سوريا متصل بالاكواريوم .. << يالله على الجمال وربي اهنيهم من كل قلبي على انفاقهم الخطيره هذي ..:(141)::(141): << اول مره ادخل نفق لهم في ماليزيا وعن جد شيء جميل ورائع .. كان النفق فاضي وفي غضون خمس دقايق الا ونحنا في الاكواريوم والحمد لله ع السلامه ياااارب .. والله كان شيء مرعب الله لايوريه لاحد .. :yolks0080::yolks00510: وطلع التجمع هذا مظاهرة ضد رئيس ماليزيا .. وهذا رابط الخبر https://arabic.sputniknews.com/world...7%D8%B2%D9%82/ 2- التايمز سكوير : http://www.arabtrvl.com/up/uploads/a...1753786428.jpg مول كبير جدا احنا رحنا اليه عشان الاوت لت ،، المهم بعد مالفينا السوق كله اكتشفت انه مايسوى صراحة .. احنا اصلا كنا متوجهين الى الاوت لت اللي بجانب المطار ( ميتسيو اوت لت ) وكان يبعد عن فندقنا 45 دقيقه والله مدري من الارهاق والمشاوير الطويله اتكاسلنا اننا نروح له ،، فقلنا يلا نروح اوت لت التايمز سكوير ... وياريتنا رحنا اللى بجانب المطار يمكن يطلع احسن من هذا .. تقريبا كله محلات عاديه تقليد ومحلات شعبيه فاتحين في المول .. يعني البضاعه جدا رخيصه ،، لقينا جزم رياضيه تقليد اديداس ونايك ب 20 رنجت وهكذا .. انا على بالي محلات ماركات فخمه مسوين تخفيضات .. بس خاب ظني وما عجبنا شيء وراح علينا هذا اليوم ع الفاضي ... 3- البافليون : http://www.arabtrvl.com/up/uploads/a...7537870110.jpg مول كبير جدا فخم فخامه ترتاح نفسيا فيه .. بس كله ماركات غاليه جدا .. ( طبعا الماركات تلاقوها هناك اغلى من اللي ف الخليج ) وفعلا فما اشتريت شيء من هناك واتمشينا ف البافليون وراح وقتنا ع الفاضي كمان .. كنت اتمنيت اننا ندخل احد الكافيهات او المطاعم ،، بس وقتها كنا متغدين وشبعانين .. بس ابو جاسم دخل محل السوبر هيرو اللي ف البافليون ... الظاهر ما اتوفقنا في الاسواق بس ان شاء الله السفره الجايه حخطط للمولات بشكل دقيق عشان لا يروح وقتنا على الفاضي ....:yolks00470: ملاحظه مهمه : :yolks00220: أثناء تخطيط للسفر .. قبل ماتقرر انك تضيف هذا المول في قائمه المولات لديك .. !! فكر هل انت مسافر للتسوق ولا للسياحه ؟!! اكيد الاثنين بس ايش الاغلب .. ايش اللي حاط عليه ميزانيه اكثر .. !! تيب هل تبغى المحلات الغاليه جدا ولا الرخيصه جدا ..؟؟؟؟؟ هل تبغى تشتري فقط من الاوت لت .. !! او عادي من أي مكان مايفرق معاك ..!! اذا جاوبت على كل هذي الاسئله حتتضح معاك الرؤيه وتوضح الخيارات امامك ..!! وبعدها تقرر هل هذا المول يستاهل اروح له واضيع وقتي فيه ولا لا .. مثال على نفسي : لانه انا اتضح لي انه انا مطلبي من التسوق فقط ( ابغى اشتري من الماركات اللي مسوين تخفيضات تستاهل يعني اوت لت محترم ( زي اللي تشتري جزمه اديداس اصليه والثانيه مجانا زي كذا حلو ) يعني الهدف من زياره المولات : هو التسوق الذكي :24: يعني ما ابغا اضيع فلوسي في شيء الاقيه في بلدي ارخص من عندهم ولا ابغى اضيع فلوسي على اشياء رخيصه جدا و مالها داعي وماحتعيش اصلا .. فالمولات اللي ححطها لكم تحت كانت معاكسه لرغبتي في التسوق وبالتالي ضاع الوقت ع الفاضي ... البافليون : فقط ماركات غاليه وفخمه مرتفع الاسعار .. فقط الكافيهات عليها مدح كبير في المنتدى .. التايمز سكوير : محلات جدا رخيصه وتقليد في تقليد .. وشوفت كمان محلات للماركات الغاليه ايضا .. سوريا مول : ماركات في ماركات الاسعار مرتفعه جدا ،، ممكن تروح له عشان المطاعم .. مجموعه كبيره من المطاعم السريعه والامريكيه .. شوفت مطعم ( تشيلز ) عندهم كمان .. جيرني بلازا : توجد رخيصه و ماركات اسعار مرتفعه حتى قوتشي والشله المصونه موجود ومحلات للذهب والمجوهرات .. يشبه البيراميد قليلا .. زرناه 3 مرات البيراميد : منوع فيه الرخيص جدا والغالي اكثر مول ممتع صراحه .. الزبده اغلب المولات ما حققت لي رغبتي في التسوق .. فبالتالي تخطيطي للتسوق كان تجربه سيئه نوعا ما .. مو عشان كدا رجعنا للسعوديه ومعانا 3 الاف من الميزانيه يمدحوا كثير اوت لت الموجود في جوهر بهارو .. ان شاء الله الفرصه القادمه حيكون هوا وجهتي الاولى للتسوق ... واتمنى ما اتقلسفت كثير على راسكم ،، بس من جد اعيدوا النظر في تخطيطك لاماكن التسوق .. لاستغلال الوقت والاستمتاع بالرحله .. :e305::e305::e305: :: يتبــــع :: |
جزء اهم الملاحظات ( الاخير ) [COLOR="DarkOrchid"] هذا الجزء تقريبا تجميع لاغلب الملاحظات التي ذكرتها في التقرير .. ولكن بشيء من التفصيل ::: اش استفدت من هدي الرحله ١- الشنط ثم الشنط ثم الشنط ، كل ماكنت خفيف ف السفر كل ما ارتحت اكثر واكثر واكثثثثر .. << روح خفيف وارجع ثقيل افضل من انك تروح ثقيل وترجع اثقل �� شنط الطياره : ي اما شنطه للظهر او الشنطه السبورت ابو عجلات + شنطه كروس للاوراق المهمه الصور للتوضيح : شنطه العجلات الحجم الصغير ( لعائله صغيره او وسط ) http://www.arabtrvl.com/up/uploads/a...1762729631.jpg شنطه الظهر واحده ( لعدد شخصين الى ثلاثه ) http://www.arabtrvl.com/up/uploads/a...1759116091.jpg ٢- فايده واهميه العلب الميني للاغراض الشخصيه ( لاتستهونوا فيها ) << زي الشامبو ولوشن الجسم او كريم اليد اواي شي يمكن ان تضعه في علب صغيره مخصصه للسفر مع مراعاه الكميه مع عدد الايام ،، انا كل العلب الكبيره اللي معايا رميتها في الفندق في رحله العوده ، حتحتاج لاصغر مكان في الشنط عشان تحط فيهاغراض .. الصور للتوضيح : http://www.arabtrvl.com/up/uploads/a...8175947221.jpg ٣- عربيه اليويو للاطفال ( yoyozen ) او تقليدها اهم شيء تؤدي نفس الغرض خفيفه وتتطبق وتستطيع حملها فيالطائره الصوره للتوضيح : http://www.arabtrvl.com/up/uploads/a...1759554991.png http://www.arabtrvl.com/up/uploads/a...1759555452.jpg ٤- مخده الرقبه للطائره فيه انواع كثيره خفيفه وتتطبق وتصير مرا صغيره وتدخل الشنطه في امازون ابحثوا عنها ومخده الرقبه اللي تتنفخ بالهواء موجوده في دكان افكاري ابحثوا في قوقل عن موقعهم ،، << فكرتها تنفخها هواء عندالحاجه وتفرغ منها الهواء عند عدم الحاجه لها ،، الصور للتوضيح : المخده الهوائية : http://www.arabtrvl.com/up/uploads/a...1759791221.jpg http://www.arabtrvl.com/up/uploads/a...1759791272.jpg مخده نوع ثاني http://www.arabtrvl.com/up/uploads/a...1759791293.jpg ٥- تجنب الاماكن البارده والسباحه في الالعاب المائيه المفتوحه في اول ايام الرحله للوقايه من الامراض المفاجئه ٦- الحذر كل الحذر من النوم في مكيفات الفنادق البارده للوقايه من الامراض ، واللي بدورها حتسبب في تعكير مسارالرحله لجميع الافراد ٧- شراء المظلات في اول الايام في ماليزيا ، واحرص على المظلات الصغيره الحجم اللي تدخل في شنطه اليد لتجنبحمل المظلات الكبيره والمرهقه لك اثناء تنقلاتك ف الاسواق او في السياره او في الملاهي و و و ... الصور للتوضيح : http://www.arabtrvl.com/up/uploads/a...1759940861.jpg http://www.arabtrvl.com/up/uploads/a...1759985521.jpg ٨- عند زياره الحدايق يجب مراعاه لبس القبعات للوقايه من اشعه الشمس ولبس الاكمام الطويله والاحذيه المغلقةوالسراويل الطويله وذلك تجنبا للسع الباعوض او النمل او الحشرات الموجود بكثره في الحدايق ،،، ٩- الادويه : شراء بخاخ طارد الناموس من اي صيدليه في مدينتك ، ومرهم او كريم لعلاج لسعات الباعوض مهم جداللاطفال اكثر من الكبار .. ادويه خافضه للحراره مهمه للكبار والصغار ( فيفادول - ادول - بنادول ) لصقات جروح - مسحات طبيه - دواء استيربسون لعلاج التهاب الحلق - مضاد حيوي لالتهابات الحلق والتنفسيه ) << يفضل التطعيم للاطفال والكبار قبل الرحله بكم يوم ضد الانفلونزا ( الدكتور نصحني بهذي الحركه ) ١٠- شنطه ادوات المطبخ مستقبلا : حاخذ معايا فقط : ( غلايه ماء - سخان التوست - غلايه الحليب - كاسات الورق واكياس القمامه - اسفنجه لغسل الغلايه - جونتيات ) ولاداعي لاكثر من ذلك جميع التموينات متوفره هناك في كل مكان من اجبان وحليب وتوست وكل شيء الصور للاجهزه الخاصه فيني للتوضيح : ( غلايه ماء صغيره - سخان للتوست - غلايه الحليب ) http://www.arabtrvl.com/up/uploads/a...1760209621.jpg ١١- واجهتني اكبر عائق : وهو غسيل الملابس .. الفنادق كلها بدون غسالات وفرحت انه القولدن شانغريلا في بينانغ لديهم غساله ونشافه ،، لانه انا غسلت ملابسنا كلها ف الغرفه وفقط استعملت نشافه الفندق .. ويا فرحه ماتمت جلست الملابس ف النشافه ٤٠ دقيقه وخرجت مبلوله بالماء مانشفت الملابس تمام .. :30: فانصح وبشده الشقق الفندقيه التي تحتوي على غساله ملابس ،، وذلك اولا لضمان نظافة الغسيل < يعني انتي تغسلي ملابسك بنفسك ،، في المغاسل الخارجية ماتدري المويه نظيفه ولا وسخه وتختلط مع ملابس الناس .. :yolks00720: ١٢- شراء حقيبه اضافيه لمشترواتك : تتطبق وتصير بحجم صغير تحطها في شنط السفر وذلك للاحتياط في حال احتجت شنطه زياده تحط فيها مشترواتك ١٣- شنطه صغيره خاصه لحفظ الاسلاك والشواحن والشاحن المتنقل واي جهاز اليكتروني او يو اس بي ... لانه عند الانتقال من فندق الى اخر ،، تحتاس وتدور على الاسلاك والشواحن اين وضعتها ،، << هذا اللي صار معانا،، فاذا كل شي له مكان مخصص ومنظم ومرتب حتسهل على نفسك سفرتك .. http://www.arabtrvl.com/up/uploads/a...1761379651.jpg ١٤- ( لا ريجيم مع السفر ولا سفر مع الريجيم ) اكثر قاعده انحفرت في دماغي واستسلمت لها .. ١٥- خيار استئجار السياره اريح وافضل خيار اذا اتاحت لك الفرصه لا تفوتها ،، حتى اذا رجعت ماليزيا ان شاء الله تاني بدون اولادي ربي يحفظهم حنستأجر سياره ان شاء الله وين ما نكون .. حتى لو عندنا تنقلات كثيره بين المدن ،، في كل مكان نروح له نقدر نستاجر سياره في هالمكان .. على فكره : ي العرسان تقدروا تستأجروا دباب ابو عجلتين وتعيشووا الجوو ع الاخر بدل السياره �� جميله التجربه جربوها ، اعرف كثير من اللي راحوا ماليزيا سووها ،، خصوصا انه ماليزيا كلهاا دبابات ،، يعني جداالوضع عادي �� بس طبعا اذا كنت تعرف تسوق استاجر ،، مو بعدين يصير فيكم شيء وتدعوا عليا �� اذا ماتعرف تسوق مررا ، في الدبابات السهله واللي تجيك سرعتها وسط امنه جدا ... ١٥- احذر احذر من النصب ، خاصه اذا شافوك انك خليجي يتربصوا بك ، لاتغتر بمساعده اي احد لك ، مافي شي ببلاش هناك ، بيساعدك وبعدين بيقول لك ادفع فلوس مساعدتي لك وبعدين اتورطت ي تدفع ي الله يستر عليك لايحقدواعليك ،، موقف حصل لنا في مول البيراميد : جاء رجل الينا ومعاه ورقه عاديه جدا بحجم جواز السفر فيها صور اطفال يبكوا وكاتب بخط اليد عليها ( تبرع لاطفال فقراء ماليزيا ) ولمن يفتح الورقه لنا موجود جدول تكتب اسمك ومبلغ التبرع اللي تبغا تتبرع بيه ، المهم يقول يلا اتبرعوا ،، قلت يلاي ابو جاسم اعطيه ١٠ رنجت قال لا لازم ١٠٠ رنجت وفوق ،، << والله استغربت ليش يتشرط في المبلغ !!! ،، عاد هنا وقتها شكيت ف الموضوع وقلت خلاص ي ابو جاسم امشي وسيبك منه ينصب علينا جالس .. ومكتوب ف الجدول انه واحد اتبرع بمبلغ ١٠٠٠٠ عشره الاف رنجت << الله اعلم بس الوضع يدعوا للريبه والشك .. المهم باين انهم عصابه متسولين يركزوا على العرب ،، لانه والله لو تشوفوا الورقه كيف حالتها حاله ومكتوبه بخط اليد بالعربي يعني افهموا مستهدفين العرب فقط ،، فانتبه كل الانتباه وكن حذر من كل شخص يكلمك ،، حتى لو شخص قالك تعال ساعديني ،، ولا قال لك وين هذا المكان ما اعرفه او اي شيء ،، مالك شغل في احد خليك مع نفسك ووبس والله خير حاافظا ان شاء الله ،،، ١٦- الساعه ٨ المفروض تكونوا ف الفندق نايمين ، لانه لو صارت الساعه ١١ الليل هذا الوقت جدا خطر التجول فيه يعني السكارى اعوذ بالله يتمشوا ومناظر تشوفها لاحول ولا قوه الا بالله ،، احنا والله يوم لنا في كوالا في الساعه ٧ المغرب شوفناا رجال مسوي نفسه حرمه << اول مره اشوفهم ع الطبيعه :yolks00590: وربي جسمي قشعرني يتمشوا في البارات يالطيف رحمتكي رب ،، ومره في السوق الصيني ف العصر برضوا يتمشوا قدامنا زي كذا تشوفوا مناظر انتوا في غنى انكم تلوثوا بصركم بهالمناظر ،، انا في كوالا شوفتهم اكثر شيء .. وهذا سبب من الاسباب اني ماحبيت كوالا كثير ،، وما نقول غير الحمد لله الذي عافانا مما ابتلى به كثير من خلقه وفضلنا عليهم تفضيلا << لاتنسوا هاالدعاء اذا شوفت احد هذه الاشكال .. :15: بخصوص وجبات الاطفال مع السفر : لاتشيلوا هم اكل الاطفال ، ماليزيا بلد الفواكه ، في كل كل كل كل مكان تلاقوا كشكات فواكه مقطعه مجهزة للاكل وبارخص شيء .. محلات العصيرات الطبيعيه في كل مول تلاقوهم حتى في المطار موجود .. فاللي صار مع رشودي ، كل يوم واحنا في نتمشى في كل مكان وجبات رشودي تكون فواكه وعصيرات طبيعيه ،، كنت اخذ له مانجا مقطعه وبابايا و حبحب احمر واحيانا اصفر ، وتوت اسود .. وموزه << خصوصا في عمر طفلي مريحين في الاكل ، مستعدين ياكلوا أي شيء .. ماشاء الله تبارك الله ، بعكس جاسم 4 سنين صعب ارضاءهم في الاكل .. ي امهاتي عزيزاتي : لاتفكري تشيلي سيرلاك ومدري ايش ..!! عودي اطفالك على فواكه الطبيعه الاكل الصحي .. انا صراحه اكثر شيء كنت شايله همه في السفر ( كيف حسوي مع راشد في أكله ..!!؟؟ ) بس من جد كنت مبسووطه هناك اكثر شيء الحمد لله من ناحيه اكل راشد .. طبعا هذا من جانب الاكل .. اما من جانب رضاعه الحليب .. فانصح كل ام تاخذ معاها الحليب الصناعي المخصص لطفلها .. يعني انا رحت هناك 15 يوم فالكميه كانت علبتين ابو ( 800 قرام ) .. كفتنا وزادت كمان .. والحفايض كنت شايله كيس كامل الحجم العائلي لبيبي جوي .. المهم كفتني في كل الايام الا اليومين الاخيره خلصت عليا واشتريت من بقاله سفن الفن .. بخصوص نوع الحليب الساده اللي كنت اشتري منه : هذي صورته http://www.arabtrvl.com/up/uploads/a...1802730121.jpg صراحه انا يمكن فراسه مني هههههه ويمكن حظي حلو .. طاحت عيني عليه عجبني شكله وحسيته لزيز من غير ما اذوقه .. وفعلا اتوفقت في هالنوع من الحليب .. رائع جدا طعمه قريب من حليب السعوديه بس احلى شوي . وجسوومي عاد طاح في حليب الشوكولاته برضوا من هذا النوع .. :: اما بخصوص تقيمي للرحلة :: ( اشكر اختي بيبي فيس انها سالتني عن تقيم الرحله .. واتعجبت من نفسي اني نسيت اكتب تقيم رحلتي ..!! ) تحت هكتب لكم الاماكن الي كنت مخططه نروح اليها .. الأماكان المخطط لها للزيارة : سيلانجور ( 5 أيام ) : 1-منتزه الما ينز وندرلاند :e333: السبب : ( ارتفاع حراره الاولاد في اول يوم فلم نرهقهم ) 2- الاي ستي 3- مسجد بتروجايا 4- ملاهي ديسا ووتر بارك :e333: السبب : ( تم الغاءها بسبب الخوف على الاولاد من المرض واكتفينا فقط بالصنواي لاجون ) 5- كيدزانيا الاطفال :e333: السبب : ( مرض الاولاد ايضا جعلنا ايامنا الاولى راحه للاولاد) 6- حديقة الحيوانات زوو نيقارا 7- صنواي لاجون 8- مطعم الطربوش في البيراميد 9- مطعم صاقر الهندي في صنواي لاجون 10- سينما في مول البيراميد :e333: السبب : ( نفسي والله في حياتي ادخل سينما لانه ف السعوديه ماعندنا .. فاللي معاه اطفال اقل من 3 سنين ينسى شيء اسمه سينما .. ) بينانغ ( 6 ايام ) : 1- بيت القهوه ( coffe tree ) 2- هضبة بينانغ :e333: ( لم يسعفنا الوقت ) 3- الحدايق ( الفراشات والفواكه) والتوابل والطيور والشلالات :e333: السبب ( لم يسعفنا الوقت لتكملة هذه الحدايق بسبب اغلاق الطريق .. ويجب علينا العوده للفندق قبل حلول الظلام ) 4- ملاهي ايكو سكيب :e333: السبب( هذا المكان اكثر مكان كنت متحمسه له في بينانغ ، لم نستطع زيارته لسسب اغلاق الطريق ولانه يحتاج تخصيص نصف يوم له ، ولم يسعفنا الوقت لضروره العوده للفندق قبل الظلام ) 5- مطعم منارة كومتارو في جورج تاون 6- مول جيرني بلازا 7- مول كوينسبي :e333: السبب ( لبعده عن الفندق تقريبا 45 دقيقه عن شاطيء الباتو فرينجي ) 8- تناول العشاء على مطعم ع البحر :e333: ( uncle zack ) السبب ( لم يسعفنا الوقت لزيارته ) 9- الانشطة البحرية 10 - متحف الالعاب 11- السوق الليلي 12- رحلة بالقارب للشواء والصيد الى جزيره القرود :e333: .( قلت لكم يكفيني ركوب الجت سكي ههههه ) 13- كافيه هارد روك كوالا ( 4 ايام ) : 1- زيارة البرجين :e333: .( اكتفينا بزياره المنارة والاستمتاع بالاطلاه الاعلى والافضل من برج التوامين ) 2- زيارة المنارة برج الاتصالات . 3- الاكواريوم . 4- مجمع سوريا والبافليون 5- الاوت لت التايمز سكوير . 6- مطعم ناندوز 7- اوت لت ميتسيو بجانب المطار :e333: ( ذكرت السبب وهو من الارهاق لبعد المسافة عن الفندق . ) 8- جنتنغ وركوب التلفريك .:e333: ( الوقت لم يسمح لنا . ضيعنا يومين في التسوق .. لو اننا رحنا التفلريك كان احسن ) 9- السوق الصيني .:e333: ( السبب من بعد ما شفت السوق الليلي في بينانغ اترددت اني اروح للسوق الصيني في كوالا .. ) التقييم العام لنجاح الرحله بالنسبه لنا : 7/10 التقييم بالنسبه لاتمام زيارة الاماكن المخطط لها : 5/10 هل حرجع ازور ماليزيا مره اخرى : نعم ولكن لن اذهب لنفس المدن اللي سبق وزرتها حتى لو ما خلصت كل الاماكن اللي فيها .. انطباعي عن الرحله : الحمد لله انه انعم علينا بهذه النعمه اننا سافرنا لهذا المكان .. اللي اعتبره جنه من جنان الله ف الارض .. بما انها اول مره ليا اسافر .. حابه اقولكم عن سر خطير اكتشفته هناك ... وهوا اني عرفت سبب عشق النااااس كلهم لماليزيا .. دايما كنت اقول للي يروحها كل مرة خلاص يكفي ماليزيا ما تطفشوا منها ..!!! والله اذا روحتوا هناك حتعرفوا ليش الناس مايطفش منها .. !! بس طبعا في كل مره اكتشفوا الاماكن الثانيه .. مو تروحوا لنفس الاماكن كل مره .. ماليزيا جدا كبيره فما تقدر تخلصها من مره او اثنين .. انا لا اخفيكم اني والله وانا لسا ف المطار اقول لابو جاسم " يلاا ان شاء الله نهايه السنه الجايه تاخذ اجازه من شغلك ونسافر تاني لماليزيا .. " انا عن نفسي ما انبسط كثييير بسبب الاولاد .. السفر مع الاولاد ثقيل نوعا ما .. المهم انا تصدقوا اني من الان استعد لسفرتي القادمه .. واكيد شوفتوا اني طلبت سخان الحليب من امازون ووصلني وجدا رائع وممتاز .. من الان استعد اجهز اغراضي واكسسوارت السفر . . عشان لمن يقرب وقت الرحله ما اكون مضغوطه في التفكير في اشياء كثيرة .. وما تطير فلوسي كلها قبل شهر من الرحله في اكسسوارت السفر .. عندي سنه كامله استعد ماليا لاجل الرحله القادمه ان شاء الله .. وبهكذا اكون مستعده ميه في الميه لسفره رائعه وخفيفه وممتعه وسهله باذن الله .... ::: اخر ما احب ان اقوله لكم ::: عيش رحلتك بكل لحظاتها الجميله والمفاجئة وخيبات املها ،، لاتجعل اي شيء يعكر عليك صفو رحلتك الجميله ،، تذكر دايما وابدا انك مسافر لاجل الاستمتاع والاستجمام والاسترخاء ،، وليس للمشاجرات وحرق الاعصاب والاكتئاب والزعل .. << لاتجعل لاي شيء من هذه المشاعر مكان في رحلتك ... لانها لو حصلت حترتبط بذكرى هذا المكان الجميل .. فلاتعكر صفو ذكراك بشيء لايستحق كل هذا .. <<< اقلكم انا شكلي كاتبه وانا مدري عن نفسي بسم الله ،،، هههههه الكلام يخرج درر من فمي ماشاء الله عليا احم :(141)::(141): ولاتنسى اهم شيء ان تكون سفير اخلاق عاليه لبلدك اشكركم الشكر الجزيل لمتابعتكم الكريمه معي في هذا التقرير واللي كان تشجيعكم ليا هوا الحافز الكبير اني اواصل كتابه هالتقرير واشكر كل من تعنى وكتب لي تعليق ادخل لقلبي السرور .. واخيرا لاتنسوني من خالص دعائكم لي .. لكم خالص تحياتي ،، واراكم في تقرير قادم ان شاء الله افضل واكثر ابداعا :e437::e437::e437: |
اسمحي لي ارفعلك القبعه تقرير من الطراز الفخخخخخم نصايحك في محلها:72: ابدعتي وسلمت أناملك :18::e032: |
لااااااااااااااا خلص التقرير يام جسومي والله إنه من أخف وأمتع التقارير اللي مرت علي كمية نصايح عن نفسي إستفدت منها جداً تشكرين عليها كنت أتمنى لو زرتي الكوينسبي عشان أعرف أيهم الأفضل هو أو الغيرني أنا كلها 4 ليالي باقعدهم في بينانغ فأبي أروح الأفضل عشان مايضيع وقتي عالفاضي الله يسعدج أختي العزيزة وتتكرر زياراتج لهالبلد الجميل عشان تتحفينا بتقارير مثل هالتقرير الرائع أعتقد هذي أول زيارة لج إلى ماليزيا شنو تقييمج لها وهل تستحق التكرار مستقبلاً وإذا نعم وين بتسكنين؟؟؟ |
اقتباس:
ارفعلك كل قبعاتي لأشكرك على اطراءك وذوقك .. :e306::e306: |
اقتباس:
ياربي يسعدلي قلبببك حبيبتي .. شكرا لك من كل ااعماق قلبي على اخلاقك وذوقك توصلي وترجعي بالسلامه ان شاء الله ... والله اتمنيت اني اروح للكوينسيبي بس عشانه بعيد عن الفندق اتكاسلنا نضرب مشوار له .. ومول الجيرني بلازا عنهدم شيء حلو هيا ( حرب الليزر ) يعطوكي مسدس ليزر وتدخلي تحاربي جوا هههههههه وعندهم سينما كمان وماك في الدور الارضي .. اكيد ان شاء الله برجع تاني لماليزيا .. اما وين حسكن لسا ما قررت لاني الان جالسا اخطط اني ازور اماكن تانيه زي صباح - جوهر بهارو - جزيره كاباس عشان الغوص ابغى اغوص ان شاء الله السفره الجايه .. يعني تقريبا هذي لسا شيء مبدأي ما قررت .. واما بينانغ اكيد برجع ازورها عشان القهوه البيضاء .. ووين حسكن في بينانغ .. اذا رحت بدون اولادي حسكن في الهارد روك ان شاء الله .. لانه فندق جميل وهاديء ورومنسي اعتبره اكثر من قولدن اللي اشوفه عائلي اكثر شيء .. ولا يهمك اذا احتجتي اي شيء انا حاضره لايردك الا لسانك :(141): وعلى فكره تراني ااضفت تقيمي للرحله في اخر جزء .. روحي اقرايه :(89): |
الله يعطيكي الف عافيه والحمد لله ع السلامه والله يسهل رحلتكم القادمه وتنبسطي اكثر واكثر وانا معك السفر مع الاولاد متعب ولكن هاي الدنيا وكل مرحله تختلف عن اللي قبلها لما الواحد يكون لحاله وثم مع زوج وثم اولاد وهكذا فلازم نستمتع بكل مرحله عمريه بس عندي ملاحظه مابعرف اذا بس عندي في جزء من التقرير مو مبين عندي وهو بعد وصولكم بينانغ يعني اول الرحله مابين عندي في صفحه 4 مو عارفه شو السبب مشكوووووووره حبيبتي والله يهنيكم دائما وجميع المسلمين والمسلمات |
اقتباس:
اعتذر ع الخطأ الغير مقصود اثناء تعديلي لهذاك الجزء انحذف بالغلط .. تم تعديله الان :e030::e030: .. |
يعجز اللسان عن عبارات الثناء من الاعماااق شكررررااا شكرااااا تقرير لا يوصفة الكلام الحمد لله انتهيت منه بكل صفحاته تقرير راااائع تم تسجيل الملاحظات المهمة وأتمنئ مايكون أخر تقاريرك:e032: |
عجيب عجيب عجيب والله انك برفيسووووووووورة بامتياز مع مرتبة الشرف:e04a::6: اشهالتقرير الجميل تبارك الله دررر ام جسسسسسسومي ربي يبارك لك في عايلتك ويخليهم لك تقريرك خورافي طريقة سردك حلوة :(127)::(127)::(127)::(127)::(127)::(127): وتفصيلاتك وملاحظاتك وطريقة الترتيب شدتي حيل :201::201::201::201: الله يعطيك العافية وعليكم بالف عافية السفرة الحلوة ملاحظة : السوق الصيني ( السوق الليلي في بينانغ ) غير عن اللي بكوالا كوالا انا خميت منه هدايا وشغلات لي ولأسرتي بالهبل بضاعتهم حلوة بس لازم تكاسرين بس نصيحة تروحين بدون صغار عشان تاخذين راحتك ولا تحاتين الصغار معك لأنه مفتوح وفيه تدخلين باللفات ( متفرع ) ولاااااااااااازم تنتبهين لشنطتك عدل تحياتي لك وتستاهلين النجووووووووووووووووووووووووووووووم ،،،، |
تسلمين علي جزء المطاعم والمولات الملاحظات شيء مهم جزاك الله خير تكلمتي عنه علب الميني طيبع صراحه أول مره أسمع عنها أو مسافر يقلها لنا ما شاء الله عليك حقيقه أعجبني تفصيلك للرحله ربي يسعدكم |
اقتباس:
الله يسعدلي قلبك :e32d: ويحفظلك كل غالي عليكي :e022: احرجتيــــــــــني والله ماني عارفا اش ارد عليكي :3::3::3::3::3::3: << ضاعت الكلمات مني شكرا شكرا شكرا لك من اعمااااااااااااااااااااااااااق قلبي :e022: والله كان حسبالي انه زي السوق الليلي ف بينانغ مايسوى العنوه له .... شوقتيني الصراحه ازور الصيني ف كوالا ان شاء الله السفره القاددمه :e327: :e022::e022::e022::e022::e022::e022::e022: |
اقتباس:
الله يسلمك اخي الكريم ،، واياك يارب :e304: االحمممد لله كله بفضل وتوفيق ربي لي اني اتوفقت في ابداع واخراج هالتقرير على اكمل وجه لك تحيــــآآتي لمرورك الجميل .. :e305: |
الف مبروك النجوم تستاهلين ابدعتي و اجدتي :e437: |
اختي الكريمه شكرا على التقرير الرائع عندي بعض الاسئله 1- هل ابو جاسم استخدم رخصة القياده السعوديه ؟؟ 2- هل القياده في كوالالمبور كانت سهله ؟ |
اقتباس:
العفوو :e305: 1- نعم الرخصه السعوديه .. واصلا احنا اخذنا السياره من احد معارفنا الطلاب هناك .. وفقط اوراق السياره كامله معانا .. يعني الحمد لله ما اتعرضنا لاي نقطة تفتيش .. من قراءتي لتقارير سابقه للاعضاء هنا .. بخصوص الرخصه ايضا قالوا تحتاج فقط رخصتك السعوديه .. 2- الحمد لله سهله في كل مكان .. فقط اوقات الذروه تكون شوي زحمه يعني اكثر وقت شهدنا ازدحام فيه من الساعه 4 العصر الى 6 المغرب .. تفضل موضوع احد الاخوه ممن جرب التاجير من مكاتب عن طريق موقعهم ع النت http://www.arabtrvl.com/vb/t22013-3.html وعلى فكره مكاتب ( herts ) منتشره في كل كوالا ... |
ماشاءالله |
اهلا يا جميله مبروك إنهاء تقريرك وتستاهلي النجوم ياعسل ماشاءالله عليك عرفتي تجميع كل المعلومات وتختصريها بشكل مفيد ليت عندي موهبتك في الاختصار و اصابه الهدف عاد عيني عليك بارده فين الدايت والاكل الصحي كلتي فاست فود كثير طبعا ديب ان ديب عشق عندنا انا ما صدقت اشوفه في المول شبه جري رحناله شوفي الكريب افضل عندهم من جده ويجي حار وجديد عكس هنا بارد والتشوكليت نفسه بس الايسكريم اللي في الفوتوتشيني ماعجبني طبعا ناندوز اوافقك فيه ماحبيته ابدا لاحظت انك جربتي بيتزاهت هناك بس ليه ما جربتي دومينوز طعم جدا طبعا برجر كينج افضل بكثير من ماك دونالدز كومب بيتزا اللي في سن وي جدا طعم انا جربت المكرونه حقهم وريحه البيتزا دوختني بس ما طلبتها لاني كنت مشتهيه المكرونه صحيح كلامك ممكن يمر يوم مافيها اي نشاط بسبب اشياء غير متوقعه خصوصا مع الامطار في بينانق قال احد يستمتع باللي حوله ويحمدالله احيانا الاسترخاء لحاله متعه صحيح كلامك في التسوق بس برجايا تايمز سكوير اسعاره كانت رخيصه وحاليا الكل بيشتري من موقع شي ان في السعوديه ونفس بضايعهم والاسعار ارخص في ماليزيا ممكن ميدفالي كان بيعجبك لانه على كلام صحبتي فيه شنط ماركات مخفضه سوريا مول انا زرته اكثر من مره بسبب السينما ومحل باتا ومره كنت ابغى تشيلز بس لما وصلت اتسدت نفسي وقررت اطلب بس حلى وما كان طعم المول عادي طبعا البافيليون اجمل منه بس شكلك ما شفتي عرض النافوره الراقصه في الليل جميله صراحه بس انت بتقولي في دايسو في السعوديه فين هذا عمري ما شفته انا تقريبا ولا سبعه او عشره مرات رحت لدايسو اللي في للبافيليون خطير محل السوبر هيروز بس ماركزت في بضاعتهم لاني كنت احسبها طفوليه وفي بوترا مول محل سوبر هيروز للاكل اتوقع كان بيعجب الصغار الماركات في ماليزيا غاليه صحيح باستثناء ماك حق المكياج هناك ارخص بكثير من عندنا وممكن تتأكدي من موقعهم على الاون لاين بالنسبه لكوالالمبور صحيح في أشكال تجيب الهم الله لا يبلانا بس نحن اتجاهلنا الموضوع تماما بس صحيح المشي بعد ١٠ الليل خطير جدا خصوصا ناحيه كي ال سي سي وعن تجربه بس السينما افضل وقت لها الليل في مره طلبنا اوبر للبافيليون ورجعنا باوبر على الساعه ٢ الليل اهم شي ما تمشي تسلمي ياعسل على المجهود اللي سويتيه وفيه معلومات كثيره للامهات |
اقتباس:
ربي يسعدلي قلبك والعفوو :e022::e303: |
تبغي نصيحتي لا تروحي ديب ان ديب الا فتره الظهر فاضي انا لسى الجمعه زرته بعد الساعه ٢ في الاندلس مول فاضي المكان وروقان والأكل اتأخر لانهم قعدوا يجهزوه وجانا وهو حار حق عزيز مول دايما بارد وزحمه |
اقتباس:
|
اقتباس:
تمام قصة 👍🏻👍🏻 |
اخيراا خلصت تقريرج ما شاءالله ابدعتي بالنصايح وذكر الايجابيات والسلبيات نتمنى لك رحله اخرى احلى واجمل ربي يحفظ الصغار لكم ويخليكم لهم شكراا على التقرير |
اقتباس:
شكرا لك عزيزتي على مرورك اللطيف وكرمك في اللايكات :e022: ان شاء الله يارب الله يسمع منك ابغى اسااافر تاني وتاني وتاني :e327: اللهم امين ويحفظلك كل غالي على قلبك تحياتي :e32d: |
فالك الفوز ام جسووووووووووومي خوش تقرير يعطيك العافية :e329: |
بحرت في بحر الكلامِ لأقتفـــي أحلى كلماتٍ وأحلى الأحــرفِ لكنما الأمواج أردت قاربــــــــي فتحطمت خجلا جميع مجادفـــي لو أنني أنشدت ألف قصــــــــيدة لوجدتها في حقكم لا لن تفــي ماشاء الله لا قوة إلا بالله .... تقرير رائع بكل تفاصيله ومميز بكل حرف جميل بكل صورة كل الشكر والتقدير على هذا الطرح المميز |
اقتباس:
😭😭😭😭😭❤ شكرا لك بحجم السمااااااااااء ، الله يسعدك يارب وجزاك الله كل خير ❤❤ ولافض فوك 🌷:58: |
| الساعة الآن 10:31 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO