|
البحيرات ما تصلح اذا ما عندك سياره لا تستخدم السياره داخل مانشستر لان المواصلات العامه تكفي استخدمها لخارج مانشستر |
اقتباس:
انا الأكيد راح استأجر سياره من لندن واطلع فيها رحلة مانشستر وماحولها والبحيرات وراح اسلمها بعد ما أرجع لندن طيب انا راح احاول اخذ لي سكن يوفر موقف مجاني في مانشستر وراح اتجول داخل مانشستر باالمواصلات العامه بس وش رايكم لما اطلع من مانشستر إلى ليفربول وإلى بلاكبول هل اطلع لهم باالسياره والا اخلي السياره باالموقف واستخدم القطار ؟؟؟ |
اقتباس:
ليفربول بلاكبول السفاري اللي بين مانشستر وليفربول مزرعة الفراوله كلها بالسياره افضل |
بين لندن ومانشيستر بالسيارة بتكره نفسك ترا ... احيانا يطفون السيارة بالطريق من الزحمات ... مره ماانصحك خصوصا انك بتروح بوسط النهار يعني بعز الزحمات وبيضيع عليك وقت كثير ( يمكن 5 ساعات بالسيارة ) انا قد اكلتها سبع ساعات ...ثم صرت مااروح اماكن بعيده الا بالقطار ... السيارة بتكون توفير اكثر .. بس اذا انت بتاخذ السيارة عشان تستمتع بالطريق بين مانشيستر ولندن فاقول لك تراك بتستمتع بصدام اللي قدامك فقط غير الملل لكم كلكم لانه بعد ساعه بيتعبون مرافقينك .فخل استئجار السيارة من مانشيستر اذا بغيت تروح للبحيرات او برا مانشيستر ... - السواقه في بريطانيا انتبه لـ : - خطوط المشاة ( ممنوع تمشي وفيه مشاة يمشون حتى لو كان باول الخط لان الطريق له 100% وتنتظر الين يوصل الرصيف ) - الاشارة احيان كثيرة تمشي قدام وتلف يمين عادي - يعني تقاطع اللي جايك بالجهة المقابلة - وكلكم تستعملون الطريق بنفس الوقت فانت تمشي وتتعدا الاشارة وتوقف الين يخلصون اللي في الجهة المقابلة لك ثم تلف حتى لو صارت حمرا عادي بس تكون واقف بعد الاشارة ) - حق القسايم للوقوف الخطأ دايم متواجدين فاضبط امورك ووقف صح ولو اخذت مخالفة لاسمح الله ادخل وسددها اون لاين وبلغ شركة التاجير عشان مايخصمون عليك قيمة المخالفة ( التسديد في اول اسبوعين يكون بنصف قيمة المخالفة ) وشركة التاجير طبعا بيدفعونك كامل لو خليتها . - اذا ماتعرف اماكن كاميرات السرعه فالتزم بالسرعه المحدده لان الغرامة ممكن توصل 200 باوند . طبعا داخل المدن والقرى اذا ماشفت لوحة تحديد سرعة فالسرعه هي 30 ميل .. خارج المدن اذا شفت اللوحة هذي https://assets.publishing.service.go...peed-limit.jpg فمسموح القيادة باعلى سرعة مسموح بها (الطرق الزراعية او المزدوجة الى 60 ميل والطرق السريعة الى 70 ميل ) طبعا هم مايحطون لوحة سرعة الا اذا كانت السرعه تخالف المعروف بالنظام مثل داخل المدن والا بالطريق السريعه مستحيل ابدا تلقى لوحة تحديد سرعه الا لوحة اعمال طرق او الالكترونية عشان تخفيض السرعه للزحمة او حادث . - اذا كنت بطريق مزدوج وبلتف يمين ( بتقطع الطريق المقابل لك ) وفي زحمة فمن حقك انك توقف وترص الناس وراك الين تقدر تلف بأمان وايضا لو احد وقف قدامك وعطلك شوي فلا تتضايق لان هذا نظامهم هنا . احس قرقت عليك كثير بموضوع السواقه :22: تقسيمك للايام حلو ... ولندن مررره حلوه واماكنها كثيرة .... لي سنة ونص ومابعد خلصتها ولا مليت منها:1: و 9 ايام لها اشوفها حليوه -- بأي شهر سفركم ؟ |
اقتباس:
يعني احتمال اخذ السياره من مانشستر واروح فيها الى مناطق البحيرات بس ما ادري ارجعها الى مانشستر والا اسلمها في لندن وش رايكم (( يعني كيف راح يكون الطريق من منطقة البحيرات الى لندن هل راح يكون نفس زحمة الذهاب من لندن الى مانشستر )) ؟؟؟ طيب وش رايك في المخطط 4 ليال لندن ــ 4 ليال مانشستر ــ 3 ليال البحيرات ــ 4 ليال لندن ؟؟؟ ورحلتنا بإذن الله راح تكون في julay بعد شهر رمضان إن شاءالله بلغنا الله وأياكم صيامه وقيامه وانتم ومن تحبون في احسن حال يااااااااااااااارب |
مرحبا اخواني واخواتي خبراء :e510: المحترمين ماهي انسب طريقه لي للأنتقال من لندن إلى مانشستر والعكس (( حيث اننا انا وزوجتي وبنتي 10 سنوات وولدي 7 سنوات وطفلتي اقل من سنه + مالا يقل عن 6 إلى 7 حقائب بين كبيره ومتوسطة الحجم )) هل عن طريق الطيران :e01d: او عن طريق القطار :e435: او اي وسيله اخرى :e159: :e432: :e15a: :e431: :e430: :e134: :e136: إذا ما استبعدنا فكرة استئجار سياره من لندن ؟؟؟ |
ودي اقول نقصوا الشناط بس اخاف تهاوشني :32: سبع شناط وطفلين والمدام بتكون مشغولة بالطفل الثالث .. القطار فيه مكان للشناط .. بس هل بتقدر تتعامل مع الموقف ؟! طريق الرجعه الى لندن من ويندرمير بالسيارة هو نفس طريق مانشيستر . اذا طريقك بيكون صبح يوم احد فبيكون مقبول . انا اتكلم لك كاني اتكلم لنفسي الطيارة بتكلفك روحة ورجعة لندن-مانشيستر-لندن حوالي 400 باوند ( معقول) . القطار حلو والمناظر بتكون مره حلوه ومزارع وانهار بالطريق بس ارشح لك الطيارة عشان الشناط اللي معك |
الف شكر لك اخوي بوعبدالله ع التجاوب والرد السريع ولايهونون بقية خبراء وخبيرات :e510: والله إذا ع الحقائب خبرك احنا العرب إذا جينا نسافر ناخذ كل قشنا ويانا :32::29: ومانخلي شيء بما فيهم العزبه (( لزوم المجابيس )) لأننا بصراحه نفضل اكل البيت :e34d::e043::e33f: ع المطاعم :e33b: بس إذا على قولتكم كل شيء متوفر بهاالديره (( يعني هل راح نلقى الرز البنجابي والمكرونه والعدس واللحوم والدجاج الحلال وباقي شغلات المطبخ في مانشستر ومنطقة البحيرات )) ؟؟؟ إذا اوكي ممكن نقلل الحقائب وتكون من 4 إلى 5 حقائب :58: طيب وش رايكم بمخطط الرحله هل يحتاج تعديل او لا ؟؟ شكل الخبراء كلهم :e01d: وماكو إلا بوعبدالله ربي يسعده ويسعد كل من يقرء اتمنى مشاركة باقي الأعضاء فنحن بأمس الحاجه لنصائحهم مع خالص التقدير للجميع اخوكم\ بوعدنان |
أنا اشوف ان الشنط صعبه عليك بالقطار لازم تعرف انك تعتبر بروحك بشيل الشنط وترتيبها القطار بحالتك ماينفعك ,, السياره افضل مع الاخذ بعين الاعتبار طريقة السواقه هناك اما الحلال فتلقاه متوفر بمانشستر ولا تشيل همه .. منطقة البحيرات لقيت فيها مطعم هندي حلال بس اما عن مخططك فهو مناسب |
الله ييسر اموركم ما تفضل به اخي ابو عبدالله مشكوراً هو الأهم و ملاحظات تحتاج الى اهتمام و الحرص عليهــا .... اذا تجاوزت عدد الحقائب أكثر من 4 فأنصحك بالطائرة فالقطـــار متعب بالنسبة لك و خاصة معك أطفـــال فالمتابعة و الحرص عليهم تكون أفضل في الطائرة |
| الساعة الآن 12:34 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO