|
اقتباس:
ابشر بالتقارير القادمة اخوي ابوفيصل |
منورنا يابوحمد ماشاءالله عليكم بالعافية انا ما بحني الا العيش مال الجبسة احب العيش الأحمر والدسم غرامي خخخخ واما القوزي شي شي ربي يسعدكم ويجمعكم على الخير والكشتات دايما بالانتظار لجديدكم |
عودة مدوية يابو حمد مع الشيف راشد الحقيقة انه مبدع وتسلم يديه و مادام بدا الشتاء يعني ان شاء الله بنستمتع بطبخات مبتكرة اعجبتني طريقته وقلت ما راح يستوي اللحم لان الجمر قليل بس الظاهر الخروف عمره صغير ومن اصعب المهام الشباب اللي حطوا الصحن على الجمر :32: بالعافية عليكم جميع والله يديم هذي الطلعات الحلوة |
عليكم بالعافيه و ما شاء الله بدأ البراد و الطلعات البريه احنا أمس سرنا العوير بس قبلها مرينا دوبايك نعدل الدراجه بعد وقوفها لأشهر و للأسف بقعتنا اللي متعودين عليها من استوينا سووا مكانها بنيان و هي بالضبط على دوار العوير و مكانكم بعد وأيد حلو و بو العيال قال نجرب هالمكان قلت مره ثانيه لانه طلعتنا من غير تخطيط مجرد تغيير جو و قواهم الله الشباب و يسلم أيدهم بانتظار الطلعات الفنانه |
عودة حميدة ابو حمد بل دسمة تملي العيون قبل البطون سلمت ايادي الاخ العزيز راشد على الطبخة :6: والاحسن تمكنة من وزن المقادير بهذي الحرفية حتى الجمر حسبتة شوي لن يوفي بالغرض :e33e::e33e: الرز الاحمر نسمية نثري يشهي خاصة وانا تصفح الموقع في ساعة متاخرة من الليل وليالي الشتاء طويلة ومجوعه بالعافية على الجميع |
ماشاء الله تبارك الله شغل ابداع والصور توجع القلب :31: عليكم بالعافية ومشكور على التغطية الجميلة للرحلة |
ما شاء الله شنو هالإبداع عليكم بمليون مليون عافية شغل مرتب ومتكتك عدل تسلم ايديات الشيف بو عبدالله :58: وحيا الله اخونا الزعابي الحمد لله على السلامة وعودا حميدا ولذيذاً |
اقتباس:
. ولج تقرير خاص عن الجابسة / الكبسة / المجبوس قريباً ان شاء الله . وابشري بالجديد |
اقتباس:
. وفعلاً مثل ماقلت اللي يشوف الجمر بيقول ماراح يستوي ولكن نحن حفرنا واصبحت الرملة اغزر / اعمق ووضعنا الجمر وغير ذلك التيس كان صغير في العمر . وفعلا مثل ما قلت اصعب شي وضع الصحن باليمر |
اقتباس:
فعلاً بدأ البراد والجو يعتدل وراح تبدأ معاه الرحلات البرية . مدام تعرفون دوبايك ودوار العوير فيعني انتوا محترفين بر ورحلات برية . |
| الساعة الآن 02:22 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO