|
لكل منا نظرته فيما يراه ولكل منا احساس متفرد وقراءه ذاتيه للمكان من حوله :e32e: تجربة روعه ونقل اروع للمكان قد نختلف في حب الامكنة هذي والسفرلها احيك على المغامرة واكتشاف شي جديد بالنسبة لنا ك عرب :e32e::e32e: تحياتي لك |
عاشت فارستنا ام ريمه الله يعين على فراق العيال وخاصه اذا وراهم امتحانات بس زين جهزتي الولد للامتحان ان شاءالله ماعليهم شر عند الوالده والا عند عمتهم كلهم أهل المنطقه حلوه واحس الهوا نقي ولطيف الجمل الصخري شفناه والباجي ما عرفناهم مثلج خلينا على الجمل بس الفندق عجبني والله خوش شي مطورينه وخاصه الحمام شي مرتب متابعينج يا عسل |
ما شاء الله المنطقه جميله حقيقه صحيح فيه أشياء ما تستهوينا لكن الأخذ بالعلم وزيارتها يشبعك ثقافيا البرد أعتقد عائق للمنطقه من الاستمتاع فيها شكرا لك |
اهلا بك اختي ام ريمه .. وجهة نظرك وتخطيطكم منطقي وسليم في الوصول لكبادوكيا في نفس يوم المغادرة من البحرين لأنه فعلاً تحتاجوا تستثمروا صباح كل يوم من أجل المنطاد بالنسبة للرحلة الحمراء اشوفها جيدة وخصوصاً للي تهمهم الاثار والجوانب التاريخية ولكن هل يمكن القيام بها بشكل شخصي بدون الارتباط بشركة ؟ اتذكر أحد السياح راح لكهوف أو بيوت للسكان القدامى عبارة عن ادوار تحت الارض فهل هذي في الرحلة الحمراء أو رحلة ثانية ؟ بشكل عام وبمقياس من 10 كم تعطي الرحلة الحمراء من بدايتها حتى النهاية ومنتظرين الاجزاء القادمة بفارغ الصبر |
واضح ان الرحلة كانت جميلة وترتيبهم منظم والسعر مناسب وتشبه كثير رحلات ميدان طرابزون الى صوميلا وغيرها ونفس حالتكم المرشد يشرح للاتراك 5 دقايق مثلا وبعدها بالانكليزي كلمتين ويكتفي بانتظار الجزء الجديد |
اقتباس:
المكان معروف للعرب لكن استغرب ان قليل اللي يروحون له بالنسبة لعدد السياح في باقي مناطق تركيا يمكن الاغلب ما تستهويه مثل هالاماكن عني احب المغامرة و الاشياء الجديدة شكرا لك |
اقتباس:
المنطقة جميلة في كل وقت بس اتوقع اذا بزورها مرة ثانية ما بيكون في الشتاء و البرد مثل هالمرة |
اقتباس:
صادق البرد شوي قلل من الاستمتاع بالمكان لكنه ما كان عائق احب اسكتشف الاماكن الجديدة و الغريبة و تلقاني قبل لا اروح و حتى بعد ما ارجع احب اقرا عن المكان شكرا لك |
اقتباس:
الهدف الاساسي من زيارة كبادوكيا كان المنطاد و كنا ننتظر كل صبح يتحسن الجو عشان نركبه الرحلة الحمراء حلوة .. الخط لها واضح و المناطق قريبة من بعض اتوقع الافضل للي يحب او عنده سيارةو اجار يروح لها بروحه صادفنا في ثاني يوم زوجين هنود قالوا لنا كانو المفروض يروحون مع الشركة و ناموا عن الباص و لما راحو لمقر الشركة عطوهم التعليمات و قالوا لهم حاولو تمشون للمتحف المفتوح و لكنهم في الطريق شافو شركة تأجير سيارات و أجروا منها و خلصوا الرحلة بروحهم ف اتوقع الموضوع سهل خصوصا هو كان اول مرة يسوق في تركيا و لا تنسى الشوارع الغريبة في المنطقة الجبلية تقييمي للرحلة الحمراء 7/10 و السبب المطلات ما تستهويني و احسها تضييع وقت |
اقتباس:
متشابه و الاسعار رخيصة جداً خصوصا انها في الغالب تشمل غدا شاكرة لك مرورك |
انا لا انصح احد يروح من نفسه للرحلات وخصوصا الرحلة الخضراء لانه اغلب الاماكن فيها رسوم دخول تكون مشمولة مع سعر الرحلة لكن اذا من تفسك راح تدفع اكثر من القروب وما راح تفهم شي عن تاريخ المنطقة الافضل مع قروب سياحي الصراحة يكون ممتع ورائع خصوصا اذا تعرف انجليزي لانه الشرح يكون بالانجليزي والتركي |
اقتباس:
كلامك صحيح بالنسبة للرحلة الخضراء لان المسافات بعيدة و المناطق مختلفة عن بعض و اغلب الاماكن تحتاج شرح اما الرحلة الحمراء اشوف ممكن احد يروح لها بروحه خصوصا اهم ما فيها المتحف المفتوح و الوصول له سهل و ما يحتاج شرح وايد شكرا لك |
اليوم الثالث (يوم تغطية السناب للي تابعها) نسيت أقول إن ليلة ثاني يوم بعد ما رجعنا من المطعم سألنا كاان عن رحلة المنطاد لبكرة و بعد قال إنها تكنسلت للظروف الجوية صحينا على الساعة 8 تقريباً و انا ما نمت زين طول الليل اتقلب و قلبي ناغزني على العيال تجهزنا و تريقنا و قعدنا ننتظر الباص اللي بيودينا رحلتنا رحلتنا اليوم الرحلة الخضراء تكلفتها 120 ليرة للشخصين شاملة الغداء و تذاكر الدخول مثل أمس الباص كان عندنا بالضبط 9.45 مرينا على جم فندق ناخذ اللي ويانا على مقر الشركة و انا متضايقة من مرشد أمس و قلت اذا اللي ويانا راح يكونون أتراك مثل قبل باقول ل زوجي يكلمهم بس هالمرة ما كان معانا إلا 4 أتراك و الباقي كنا مجموعة من دول مختلفة الاغلب مثلنا أزواج بدينا رحلتنا و المرشد في الباص الحمدلله هالمرة أغلب شرحه بالانجليزي الطريق ممل و طويل و المناظر ما لها لون كلها مزارع (بطاطس - يقطين - مشمش) و المرشد يقول من شهر خلص الحصاد ف خلاص مافيه شي ينشاف مثال للمناظر من الباص https://www.arabtrvl.com/up/uploads/...2451870123.png و المنطقة حسب كلامه معتمدة على الزراعة كمصدر دخل أول و البطاطس تتصدر من عندهم لكل مناطق تركيا طول الطريق المرشد يعطي معلومات عامة للمنطقة و كان متفاعل ويانا و مع الاتراك اكثر من مرشد امس بمراحل الوجهة الاولى كانت كنيسة أو معبد ساليميه https://www.arabtrvl.com/up/uploads/...1245114811.jpg الكنيسة ٨ طوابق حوالينها غرف سكنو فيها الكهان و التجار اللي يمرون على المنطقة https://www.arabtrvl.com/up/uploads/...2451148142.png https://www.arabtrvl.com/up/uploads/...1245114833.jpg https://www.arabtrvl.com/up/uploads/...2451148334.jpg https://www.arabtrvl.com/up/uploads/...2451148365.jpg الصعود متعب نوعاً ما لان المرشد راح بسرعة و لازم نلحقه لانه قال الرحلة طويلة و نبي نستغل النهار قبل لا تظلم الشمس https://www.arabtrvl.com/up/uploads/...1245114846.jpg شرح لنا شلون ننزل و عطانا وقت نصور و نتسكشف المكان براحتنا و قال بينتظرنا تحت الكنيسة حلوة بس للاسف اغلب الرسومات اللي فيها انمسحت من الاهمال و لان حسب كلام المرشد كانو المشردين و رعاة الاغنام يستخدمون اي كهف كملجأ بالذات وقت الشتاء و ويولعون نار يتدفون فيها ف أغلب الغرف السقف صاير أسود و هالشي لاحظته أمس في الكهوف في المتحف المفتوح https://www.arabtrvl.com/up/uploads/...2451148468.jpg https://www.arabtrvl.com/up/uploads/...2451482661.jpg https://www.arabtrvl.com/up/uploads/...2451482692.jpg https://www.arabtrvl.com/up/uploads/...2451482713.jpg https://www.arabtrvl.com/up/uploads/...2451482744.jpg شكل وحدة من الغرف اللي ملحقة في الكنيسة يستخدمونها الكهنة و التجار اللي يمرون بالمنطقة https://www.arabtrvl.com/up/uploads/...2451482775.jpg بقية الغرف و مناظر من فوق https://www.arabtrvl.com/up/uploads/...2451482796.jpg https://www.arabtrvl.com/up/uploads/...2451482827.jpg https://www.arabtrvl.com/up/uploads/...2451482848.jpg https://www.arabtrvl.com/up/uploads/...2451698741.jpg https://www.arabtrvl.com/up/uploads/...2451698762.jpg https://www.arabtrvl.com/up/uploads/...2451698793.jpg خلاص نازلين و النزول اسهل بس الارض تزلق شوي ف احسن شي تلبسون احذية التسلق اكرمكم الله https://www.arabtrvl.com/up/uploads/...2451698824.jpg https://www.arabtrvl.com/up/uploads/...2451698845.jpg https://www.arabtrvl.com/up/uploads/...2451698886.jpg المكان يستاهل العنوة لكني أشوف إنه ما يناسب اللي معاه أطفال مع إن كان في تركي وقت زيارتنا و معاه 3 أطفال و هم يمشون و أنا يدي على قلبي الممرات بعض الاماكن ضيقة و تزلق و في بعض الغرف فتحات في الارضية مافي تحتها حاجز واللي شاف تغطية السناب يتذكر اني بغيت اطيح من ارتفاع و السبب اني كنت واقفة فريب الحافة و كنت باصور الكنيسة من برا و رجعت خطوة و حسيت ما وراي شي و التفت الا اشوف شكل المنحدر الصورة اللي كادت تودي بحياتي هههههههههه https://www.arabtrvl.com/up/uploads/...2451148437.jpg و انا هناك أحس للحين قلبي ناغزني على عيالي ف كنت اكتب لعمتهم في الواتساب اسأل عنهم و في نفس الوقت سبحان الله ياني اتصال من مدرستهم و على طول رديت و للاسف الشبكة ما كانت قوية ف انقطع الاتصال قلت لعمتهم شفتي احساسي في محله تكفين كلمي المدرسة و سألي عنهم ثلاثتهم لما نزلنا أشوف حول الكنيسة آثار قديمة ثانية و إشارة لكنيسة السيدة مريم لكن ما كان لي مزاج خلاص أشوف شي ابي بس اتطمن على العيال بس صورتهم من بعيد https://www.arabtrvl.com/up/uploads/...2451698917.jpg https://www.arabtrvl.com/up/uploads/...2451698938.jpg https://www.arabtrvl.com/up/uploads/...2451870071.jpg الاثار ممتدة لحد مواقف الباصات https://www.arabtrvl.com/up/uploads/...2451870092.jpg الوجهة الثانية كانت وادي إهلارا تذكرة الدخول https://www.arabtrvl.com/up/uploads/...2459801071.png الوادي فيه فوق ال ١٠ آلاف كهف سكنو فيها الكهان و المسيحين حتى القرن ١٢ وصلو السلجوقيين و بعدين الأتراك و اليونانيين و خلاص انهجرت الكهوف و توزعو على القرى اللي حوالين الوادي بنمشي أو مثل ما يقولون Hiking ٤ كيلو من بداية الوادي لنهايته ننزل من درج فيه ٣٥٠ درجة عشان نوصل لبداية الوادي و بعدين نمشي بمحاذاة النهر على يمينه https://www.arabtrvl.com/up/uploads/...2459801192.jpg https://www.arabtrvl.com/up/uploads/...2459801223.jpg https://www.arabtrvl.com/up/uploads/...2459801254.jpg https://www.arabtrvl.com/up/uploads/...2459801325.jpg قال المرشد انا بامشي معاكم بس اللي يتعب يقدر يرتاح شوي و يلحقنا و محد بيضيع ان شاء الله لان الدرب واحد دام النهر على يساركم بتوصلون النهاية بعد الدرج على طول في كنيسة صغيرة https://www.arabtrvl.com/up/uploads/...2459801356.png https://www.arabtrvl.com/up/uploads/...2459801497.png و بعدين توصلون للنهر و أنا من شفت النهر إشتطيت أحب المناظر الطبيعية خصوصاً الغريبة https://www.arabtrvl.com/up/uploads/...2459801688.jpg https://www.arabtrvl.com/up/uploads/...2460214041.jpg لكن الاتصالات ما وقفت و أنا انتظر الرد من عمة العيال و طلع ولدي الكبير حرارته شوي مرتفعة و راح عيادة المدرسة و عطوه بندول و وقتها قالت لي ان حتى ريمه كانت شوي تكح ف قلت لها تسأل الشغالة عن الادوية لاني مجهزتهم لهم قبل لا اسافر تحسباً للحالات اللي مثل ذي بدينا نمشي و شوي شوي بدت نفسيتي تصير أحسن و أنا أفكر إنها إن شاء الله بسيطة https://www.arabtrvl.com/up/uploads/...2460214113.jpg https://www.arabtrvl.com/up/uploads/...2460214144.jpg https://www.arabtrvl.com/up/uploads/...2460214175.jpg https://www.arabtrvl.com/up/uploads/...1246021426.jpg https://www.arabtrvl.com/up/uploads/...2460214227.jpg https://www.arabtrvl.com/up/uploads/...2460214258.jpg https://www.arabtrvl.com/up/uploads/...2460464351.jpg https://www.arabtrvl.com/up/uploads/...2460464382.jpg https://www.arabtrvl.com/up/uploads/...2460464413.jpg https://www.arabtrvl.com/up/uploads/...2460464444.jpg https://www.arabtrvl.com/up/uploads/...2460464475.jpg كهوف حوالين الوادي https://www.arabtrvl.com/up/uploads/...2460214082.jpg و إحنا نمشي بديت أسمع صوت ماي النهر يصير أقوى كل شوي و تفاجأنا كلنا من وجود شلال لو كان صغير في نهاية الوادي إلا إنه كان جميل و حبيت إن المرشد ما قال لنا عنه و خلانا كلنا نتفاجأ فيه و نتسكشفه على راحتنا و عطانا وقت أطول نوقف عنده و نصور https://www.arabtrvl.com/up/uploads/...2460631021.jpg https://www.arabtrvl.com/up/uploads/...2460631042.jpg https://www.arabtrvl.com/up/uploads/...2460631073.jpg https://www.arabtrvl.com/up/uploads/...1246063114.jpg https://www.arabtrvl.com/up/uploads/...2460631135.jpg https://www.arabtrvl.com/up/uploads/...2460631156.jpg الطريق اغلبه مستوى و مريح لكن فيه بعض الاماكن شوي ضيقة و بين صخور وفيها سلالم في نظري تزيد من جمال الطريق لكنها ممكن تكون متعبة للبعض https://www.arabtrvl.com/up/uploads/...2460765171.png https://www.arabtrvl.com/up/uploads/...2460765272.jpg https://www.arabtrvl.com/up/uploads/...1246076533.jpg خلاص صعدنا آخر درج طالعين من الوادي و الباص ينتظرنا لوجهتنا اللي وراها https://www.arabtrvl.com/up/uploads/...2460765334.jpg صور للوادي من فوق قبل لا نمشي https://www.arabtrvl.com/up/uploads/...2460765386.jpg https://www.arabtrvl.com/up/uploads/...2460765437.jpg تقييمي للوادي 10/10 الطريق حلو ومع ان الوقت يعتبر خريف بس المناظر اتينن و كفاية المشي حول النهر و ينتهي الجزء مع إنه اليوم الثالث ما خلص لأنه شوي طويل و للحين في مغامرات المدينة تحت الارض و ما حبيت أتأخر أكثر في الملتقى القريب إن شاء الله |
تقرير حلو لوجهة مختلفة حبيبتي ام ريمه ، الام الا تحاتي عيالها حتى و هي مسافرة، عن نفسي لا يمكن اسويها ، فرحتي ما تكتمل الا اشوف الفرحة بعيونهم الفندق روعة و مختلف و احس ان المدينة بكبرها و كانها متحف مفتوح و فيها الكثير من المعلومات المفيدة للكبار و الصغار وايد عجبني منظر النهر وسط الصخور ، سبحان الخالق جزاج الله خير ،،، |
رحلة جميلة لمكان مميز و كسر روتين و حلوة الشردة من اليهال بس هذي المحاتاه تعكر صفو الرحلة حطي في بالج دايماً ان قلقج عليهم مب مغير شي قاعد يصيرلهم و ادعي الله يحفظهم و استمتعوا بوقتكم .. رحلة موفقة شكراً على نقل التجربة , نترقب التكملة =) |
ما شاء الله اختي تصوير ومعلومات روعة ذكرتني رحلتي سنة 2016 شهر 5 كان الجو حار وبالليل بارد والغروب الساعة 8 |
الله يعيينك لازم تحاتين عليهم استغربت عدد الكهوف اللي حول الوادي المشي متعه هنا المرشد لازم يعطي كل شخص حقه من المعلومات ما قصرتي متابعين |
اقتباس:
أنا مثلج ما أحب أهد العيال و بالعادة اذا صار اخليهم عند امي لكن هالمرة و هالسفرة الظروف تغيرت شوي و اساسا ظروف شغل زوجي تخليه أغلب الوقت مسافر ف أنا الام و الابو و السايق و المربية و الشغالة و بتاع كلو فتشوفيني احتاج مرات بريك بدونهم الله يحفظهم عشان استرجع طاقتي عشانهم و حتى في هالبريك اكون مشغولة فيهم هههههههه الممنطقة جميلة و حبيت الطبيعة فيها توقعتها بس صخور ... مو قلنا بداية حب !! |
اقتباس:
لو كنت مخليتهم عند امي عسى عمرها طويل ما كنت قلقت عليهم لهالدرجة تجربة ما اظن راح اعيدها مع ان عمتهم للامانة ما قصرت ان شاء الله اكمل قريب شاكرة لك |
اقتباس:
في أيام رحلتنا الجو كان في الغالب بارد جداً و يدفى شوي الظهر تسلم على مرورك |
اقتباس:
خلصنا ساعة مشي و ما حسيت فيها من زود ما المكان جميل و المرشد في الرحلة الثانية كان يعطي معلومات وافية في كل وقت سواء في الباص او عند المكان ان شاء الله قريب انزل الجزء الجاي |
ما شاء الله تقرير مميز جداً وزين اني لحقت على بداياته منقطه مختلفه ( كابدوكيا ) وقليل من التقارير والصور المفصله عنها كما شاهدت في هذا التقرير الصور مميزه جداً والشرح وافي لكل شي من بداية السفر والتخطيط والأسعار وهذا ما يبحث عنه السائح التفاصيل الصغيره مهمه لأ شخص يرغب بالسفر ويعمل حسابة عليها متابع معكـ هذه الرحلة الممتعة |
اقتباس:
و ان شاء الله الباقي يعجبك بعد شكرا لك |
السلام عليكم و رحمة الله و بركاته أول شي إعذروني على التأخير في الجزء الجديد و إن شاء الله باقي الأجزاء ما تتأخر نكمل مع بعض اليوم الثالث بعد المشي في الوادي الجميل أخذ منا التعب مأخذه و المرشد قال الحين رايحين على أحلى و أهم وجهة في رحلتنا وين تتوقعون ولأني متحمسة للمدينة تحت الأرض قلت له رايحين عليها ضحك و قال لا .. الوجهة الثالثة القرية عشان الغدا هههههههههههههههههههه اسم القرية كيلارا (بمعنى الينبوع الساخن) لكن إسمها حالياً إهلارا على حسب اسم الوادي و في الطريق (تقريباً 10 دقايق) المرشد قال المطعم يقدم وجبات مختلفة و لازم من الحين نختار عشان يكلمهم يجهزون وجباتنا عندهم كفتة لحم شيش طاووق سمك مشوي مشروم مع جبن (وجبة تنفع للنباتيين) https://www.arabtrvl.com/up/uploads/...3751379581.png وصلنا المطعم و كنت متحمسة للاكل أول شي لأني يوعانة من بعد التعب في الوادي وثاني شي من بعد مطعم أمس عرفت إنهم يختارون مطاعم لو كانت متواضعة إلا إنه أكلها لذيذ و الحمدلله ما خاب ظني المطعم في له إطلالة على النهر (نفسه اللي في الوادي) لكن جلسات المطعم الخارجية مغطية (أتوقع عشان البرد أو المطر) و في جلسات داخلية بس ما إستخدمناها المطعم قديم و مثل ما قلت متواضع كان واحد من الصحون مكسور طرفه وما حبيت هالشي بس الاكل لذيذ الكل على تنوع اختياراتنا اجمعوا على لذة الاكل و قبل الوجبة الرئيسية يقدمون سلطة و شوربة عدس لذيذة https://www.arabtrvl.com/up/uploads/...3751379712.png طبقي https://www.arabtrvl.com/up/uploads/...3751379853.jpg وبعدها يقدمون بقلاوة (و كانت عادية) https://www.arabtrvl.com/up/uploads/...3751379894.png والخدمة سريعة جداً و كان فيه قروبات ثانية ويانا و المطعم مليان على الآخر بس ما حسينا بهالشي الاكل لذيذ و سواليف مع القروب هالمرة توفقنا بقروب ممتع الحمدلله تقييمي للمطعم 7/10 و السبب الصحون و الجلسات مو وايد مريحة و لا مستغلين الاطلالة الجميلة على النهر الوجهة الرابعة المدينة تحت الارض الطريق من القرية للمدينة تحت الارض ٤٥ دقيقة و الكل نايم في الباص الا انا صار وقت رجعة العيال من المدرسة و اتصلت لهم اتطمن عليهم وبعدين اتصلت في امي و قلت لها خلاص اقدم استسلامي روحي اخذيهم مو لازم المدرسة خل يغيبون بس يبرد قلبي لكن للاسف طلعت بنت اختي مريضة منومة بالمستشفى و امي ما قدرت تروح لهم في نفس اليوم ف قلت اصبر ل بكرة ان شاء الله وصلنا و شرح لنا المرشد شوي عن المدينة فيها 8 طوابق و ما عندهم معلومات كافية عن طريقة حفرها أو إستخدامها و السبب من حفرها في الاساس كلها توقعات و السبب ان المدينة لحد مؤخراً محد كان يدري أصلا بوجودها لولا تعديلات كانت تتم في أحد البيوت ما كانوا راح يعرفون إن تحتهم أكبر مدينة تحت الأرض في العالم و بعد مؤخراً تم إكتشاف أنفاق بين المدن الثلاث اللي تحت الأرض في كبادوكيا (الانفاق حالياً مسكرة) عموماً الغالب إن المدينة كانت تستخدم وقت الهجمات (هالتخمين سببه التحصينات على الانفاق اللي تربط بين الطوابق) و كانت تكفي حوالي 5000 شخص في الوقت الواحد المدينة انحفرت على مدى قرون ف نشوف عدم تناسق في ارتفاعات الطوابق و الحرارة فيها على طول السنة ثابنة تقريباً في حدود 14 ................................................. و معلومات عن مدينة ديرينكيو من النت تجدر الإشارة إلى أنّ كلمة ديرينكيو تعني البئر العميق حيث تمت تسمية هذه المدينة بهذا الاسم؛ لأنّها كبيرة الحجم وعميقة تحت الأرض، كما أنّها تُعرف أيضاً باسم مدينة الجن، وتضم هذه المدينة بين جنباتها مساكن للعيش، ومطابخ، وكذلك ممرات، كما أنّها تحتوي أيضاً على غرف خاصة لعصر النبيذ، وكذلك إسطبلات، وغرف دينية، وحتى مقابر كبيرة، ويُعتقد بأنّ الهدف من بناء هذه المدينة هو الاحتماء والتخفي من أي خطر، وقد كانت مداخل هذه المدينة مجهزة بمجموعة من الصخور الكبيرة التي تتدحرج بهدف سدّ المنافد ومنع دخول أيّ غريب. تبلغ مساحة هذه المدينة ما يقارب من 445كم2، وتبلغ معدلات درجات الحرارة في هذه المدينة ما يقارب من 14°م، ويكون اتجاه الرياح شمالياً وغربياً بحيث تبلغ سرعته ما يقارب من 8كم في الساعة، أما بالنسبة لمعدل الرطوبة فيصل إلى حوالي 49%. تعتبر هندسة هذه المدينة هندسة دقيقة وكذلك صعبة ومدهشة؛ حيث إنّها مبنية داخل مجموعة من الصخورالبركانية اللينة، والتي تتطلب بناء أعمدة أساسات بحيث تتحمل طبقات الأرض، الأمر الذي يعني أنّها بُنيت من مواد بناء دقيقة جداً، حيث كان يتم التعامل مع هذه الصخور بعناية فائقة، ويعتقد المهندسون أنّ بناء هذه المدينة يعتبر تحدياً كبيراً لأية حضارة، كما أنّهم يعتقدون أنّ إعادة بناء مثل هذه المدينة يعتبر مهمة شبة مستحيلة حتى لو تم استخدام آلات ومعدات من العصر الحديث. يبلغ عمق هذه المدينة أكثر من 85م تحت سطح الأرض، وهي مجهزة بشكلٍ كامل بحيث تستطيع استيعاب ما يقارب من عشرين ألف شخص من كلٍ من الرجال، والنساء، والأطفال، وكذلك الماشية، كما أنّ فيها العديد من وسائل الراحة، وتجدر الإشارة إلى أنه تم اكتشاف حوالي ثلاثة عشر طبقة تحت سطح الأرض، كما تحتوي هذه المدينة على فتحات تهوية؛ بهدف تسهيل دخول وتوفير الهواء النقيّ إلى أدنى الطوابق في المدينة، وتجدر الإشارة إلى أنّ أوزان أبواب المدينة تتراوح بين 200 و500 كغم، حيث يمكن فتحها وتحريكها من الداخل فقط. .................................................. .... https://www.arabtrvl.com/up/uploads/...3750798711.png https://www.arabtrvl.com/up/uploads/...3750798852.png قبل لا أدخل سألت المرشد عن ضيق المدينة لان عندي خوف من الاماكن الضيقة جداً أو المزدحمة (سابقاً جربت إني انزل منجم الملح في بولندا مع مرشد وعدني يكون معاي طول الوقت و قال لي إن أغلب الاماكن في المنجم السقف فيها يساوي ارتفاع طابقين او اكثر) ف قال لي المرشد إن داخل المدينة الانفاق ضيقة و سقفها نازل وايد بس قصيرة و نفس الشي وعدني إن يكون معاي و إن فيه نفق واحد طويل و صعب شوي و إني إذا ما حبيت أنزل فيه بيعلمني شلون أقدر أرجع بروحي أو أقدر أنتظرهم يرجعون منه (هالنفق هو الوحيد اللي يعتبر دخول و خروج في نفس الوقت و هو الي ينزل على الطابق السابع) تشجعت و نزلت و الانفاق مثل ما قال ضيقة و سقفها نازل فأغلب الوقت كنا محنيين ظهورنا إلا إذا وصلنا غرفة https://www.arabtrvl.com/up/uploads/...3750798953.jpg https://www.arabtrvl.com/up/uploads/...3750798974.jpg https://www.arabtrvl.com/up/uploads/...3750799026.jpg أول ما نزلنا كنا القروب الوحيد و ورانا ب دقايق إبتدو يوصلون شباب أتراك و قروب صيني أو شرق أسيوي و كلهم بدون مرشد إنتشروا في كل مكان بدون ترتيب و صار صعب علينا نسمع المرشد سواء الشرح أو حتى التوجيهات و التصوير صار وايد صعب معاهم فكنا ننزل قبلهم طابق ويلحقونا بإزعاجهم و فوضتهم https://www.arabtrvl.com/up/uploads/...3751011781.png https://www.arabtrvl.com/up/uploads/...3751011882.png https://www.arabtrvl.com/up/uploads/...3751011993.png https://www.arabtrvl.com/up/uploads/...3751012094.jpg https://www.arabtrvl.com/up/uploads/...3751012125.jpg https://www.arabtrvl.com/up/uploads/...3751012146.jpg لحد ما وصلنا النفق الضيق اللي يودينا على الطابق السابع و هو أكبر و أهم طابق نزلنا بسرعة و المرشد عطانا وقت شوي نلف و نصور براحة https://www.arabtrvl.com/up/uploads/...3751012177.jpg https://www.arabtrvl.com/up/uploads/...1375101228.jpg https://www.arabtrvl.com/up/uploads/...3751249841.jpg https://www.arabtrvl.com/up/uploads/...3751249872.jpg https://www.arabtrvl.com/up/uploads/...1375124993.jpg فيه نفق يدخلنا غرفة القبر و ما كانت قبر فعلي لكن كانوا يخلون فيها موتاهم وقت اللي كانو تحت الارض لحد ما يطلعون من المدينة و يدفنون موتاهم في مقابر عادية https://www.arabtrvl.com/up/uploads/...3751249924.png وفيه كنيسة (بدون ملامح لكن عرفوا إنها كنيسة من شكل الكهف أو الحفرة على شكل صليب) و فيه نفق يدخل على الطابق الثامن اللي عبارة عن غرفة ضيقة تشيل من 10 ل 15 شخص فقط و النفق شوي ضيق ف ما حبيت أنزل لكن زوجي نزل و صور هالصورة اللي عبارة عن فتحة التهوية توصل لخارج المدينة و السماء واضحة منها https://www.arabtrvl.com/up/uploads/...3751250065.jpg و زاد عدد الناس في المكان و بديت اتوتر سألت المرشد نرجع قال يالله نجمع القروب وقفنا عند بداية النفق بنركب و كل ما نبي نركب ينزلون 2 او 3 مرات 5 ورا بعض المرشد كان يصفر ينادي الحارس اللي يرتب الصاعدين و النازلين من النفق بس ما كان يرد علينا و فجأة شفنا الاتراك اللي كانو في قروبنا اختفوا و في نفس الوقت زوجين هنود بعد ما كانو موجودين ف المرشد بدا يتوتر و انا توترت معاه اكثر توقع انه مع لوية الناس صعدوا من غير ما ننتبه لهم خصوصا الاتراك كانوا عند بداية النفق ف قال بصعد و بوقف النازلين لكم عشان تصعدون و قال خلج إنتي أول وحدة وراي إنتظرت دقيقة تقريباً و لما ما شفت أحد نزل تطمنت و صعدت و باقي القروب وراي فجأة بنص النفق أشوف ناس نازلة إلتفت وراي إلا القروب وراي و وراهم بعد ناس ثانية و إحنا في نفق سقفه نازل جداً أنا القصيرة حانية ظهري و مو عريض يمكن أقل من متر كنت أكلمهم رجعوا فوق إنتو بس 3 أو 4 و إحنا اللي صاعدين أكثر منكم لكنهم ما كانو يتعاونون و بدا الخوف يسيطر علي و بدون شعور بديت أصرخ Go up Go up i cannot breath i will die و فعلاً بدا يضيق عندي النفس (و أنا أكتب الموقف الحين والله رجع لي نفس الشعور و نفس الخوف و قلبي يطق بالقوة) زوجي يحاول يهدأني ويقول لا تصارخين وأقول له والله بموت و اللي واقفين لا حياة لمن تنادي واقفين يطالعون فينا لحد ما صارخت مرة ثانية Go up Go up i cannot breath i will die و الحمدلله قرروا يتحركون و يلفون يصعدون و قدرنا نصعد باقي النفق و وصلنا مكان وسيع شوي كان شعور مخيف جداً قعدت خمس دقايق أرجف و حاولت إني ما أصيح و إلا أنا فعلياً كنت منهارة داخلياً شفنا الاتراك اللي ويانا في القروب ينتظرونا بس الزوجين الهنود ما كانوا موجودين قرر المرشد يطلعنا من المدينة يمكن ينتظرونا برا وعند الباب طلع الحارس رايح يدخن و تارك النفق اللي المفروض يرتبه !!!!! و ما كانو الزوجين هناك فإحنا قعدنا ب إستراحة بسيطة شريت ماي أبرد على قلبي اللي بغى يوقف و أهو رجع تحت يدورهم و بعد 5 دقايق رجع وياهم و كانو في الطابق السابع و من فوضى الزوار ما قدروا يلحقونا في نفس الوقت سبب كل هالربكة أول شي إهمال الحارس بلا شك ثاني شي السماح للناس تدخل بدون مرشد و بدون تنظيم ( في منجم الملح في بولندا اللي ذكرته غير مسموح تدخل من غير مرشد تابع للمنجم و ممرات الدخول غير عن ممرات الخروج و الحراس و المنظمين موجودين في كل مكان داخل) إسترحنا كلنا في الاستراحة قبل لا نكمل مشوارنا بس سألنا المرشد إذا عنده خبر عن رحلة المنطاد عشان بكرة آخر يوم لنا و للاسف أكد توقعاتنا إنها ملغية لان من طلعنا من المدينة تحت الارض كانت السماء مغيمة و الهوا بدا يقوى عن بداية اليوم تقييمي للمدينة 5/10 سوء التنظيم فيها مأساة و يقول المرشد الوضع يصير أسوأ لو زرناها قبل الغدا لأن اغلب القروبات تروح في هالوقت هي بصراحة تسوى الزيارة بس التنظيم مشكلتها الوجهة الخامسة وداي الحمام و المسافة من مدينة تحت الارض ل وادي الحمام ٤٠ دقيقة تقريبا و هو مطل على وادي فيه كهوف بعد و ما شفنا و لا حمامة على الرغم من وجود بيع لأكل الحمام صورنا شوي و مشينا https://www.arabtrvl.com/up/uploads/...3751625421.jpg https://www.arabtrvl.com/up/uploads/...3751625462.jpg https://www.arabtrvl.com/up/uploads/...3751625493.jpg https://www.arabtrvl.com/up/uploads/...3751625524.jpg في نظري ما يسوى الزيارة لولا إنه على طريق الرجعة للوجهة السادسة اللي تبعد ٥ دقايق وهي بانوراما غوريميه مكان حلو للتصوير https://www.arabtrvl.com/up/uploads/...5137517291.png https://www.arabtrvl.com/up/uploads/...3751729112.jpg https://www.arabtrvl.com/up/uploads/...3751729143.jpg https://www.arabtrvl.com/up/uploads/...3751729174.jpg https://www.arabtrvl.com/up/uploads/...1375172925.jpg صورنا صورة جماعية لكل القروب و مشينا https://www.arabtrvl.com/up/uploads/...3751729236.jpg و نفس الشي لو المكان مو في طريق الرجعة ما احس يسوى العنوة عندي إطلالة الغروب اللي عند فندقنا أحلى وصلنا الفندق تقريبا الساعة ٥.٥٠ المغرب و قلنا بعد تعب اليوم ب نريح و ما بننزل الستي سنتر و بنتعشى في مطعم الفندق Nostalji Restaurant و منها نجربه لان عليه مدح و تقييمه عالي في قوقل ريحنا شوي في الغرفة لحد وقت العشى المطعم هو نفسه مطعم الريوق وهذا المنيو https://www.arabtrvl.com/up/uploads/...3751917731.jpg https://www.arabtrvl.com/up/uploads/...3751917762.jpg https://www.arabtrvl.com/up/uploads/...3751917783.jpg https://www.arabtrvl.com/up/uploads/...3751917814.jpg https://www.arabtrvl.com/up/uploads/...3751917845.jpg لما رحنا ما كان فيه إلا أحنا و طاولة ثانية و اللي خذت طلباتنا زوجة ولد صاحب الفندق ما كانت بشوشة أبداً و ما تفهم ولا كلمة انجليزي طلبنا بالاشارة روب و ورق عنب https://www.arabtrvl.com/up/uploads/...3751917877.jpg كفتة بصلصة الطماطم مع اضافة صحن رز الكفة بدون طعم أبداً مو حلوة https://www.arabtrvl.com/up/uploads/...3751917918.jpg جرة اللحم ل زوجي و طلع معاها رز (لو درينا ما طلبنا الصحن الثاني) لذيذة جداً و للاسف كسرت الجرة بعيد عن طاولتنا و حتى ما عطتنا مجال نصور مع إنها ودت الجرة للطاولة الثانية و خلتهم يكسرونها بنفسهم و يصورون لكن للامانة الطبق لذيذ https://www.arabtrvl.com/up/uploads/...3751917939.jpg ما عندي للاسف صورة اوضح و كاسة شاي السعر ١٠٠ ليرة أنا ما كملت الكفتة و أكلت شوي من صحن زوجي وهي قعدت على وحدة من الطاولات مكشرة و تطقطق بالتلفون و بعدين عشان بالي مشغول مع العيال و عشان التعب و عشان موقف مدينة تحت الارض ما قدرت اتحمل ويهها المكشر لبست جاكيتي و قلت لزوجي بنتظرك برا خلص عشاك و رحت قعدت في الجلسات الخارجية تقييمي للمطعم 6/10 ما حبيت الاجواء فيه بالليل صاير ظلام و كئيب عكس الصبح وقت الفطور يشرح طبقي غير مقبول كطعم نهائياً و الخدمة المأساوية ما شفع له الا طبق زوجي خلصنا العشى و رحنا رتبنا الشناط لان طيارتنا بكرة و نمنا الساعة 3 الفجر إتصلت فيني شغالتي تقول ولدي الصغير حرارته وايد مرتفعة و إنه إبتدا يرجع و تقول إستحت تطق الباب على العمة تصحيها إتصلت على العمة و قلت لها و قالت بتروح له و كل شوي أرجع أتصل أو اكلمهم بالواتساب و قالت لي ان حرارته نزلت شوي و انه نام الحين و الصبح بتوديهم المستشفى لان حتى ولدي الكبير للحين حرارته ما نزلت وايد وقضيت باقي الليلة أصيح و أقول لزوجي كنت حاسة هاليوم ما راح ينتهي على خير و إني غلطانة اصلاً خليت اليهال بروحهم و المفروض لو أبي أخليهم عالاقل عند أمي و في اللقاء مع اليوم الرابع يوم السفر لإسطنبول و تقييمي لكبادوكيا والفندق و الرحلات |
جولة جميلة بالرغم من انها متعبة حسيت كل الاماكن في كابدوكيا نفس الشي يعني تكفي رحلة المنطاد ووحدة من هالرحلات و خلاص كهف ووديان و تسوق بسيط ومطاعم , احس انها مكرره .. مسكين ريلج نكدتي عليه وايد تحاتين هههه و هذا قلب الام خلاص من عقب العيال ماتقدر تستانس عقب العيال خلاص وناستنا هي وناستهم احنا مالنا شي هههه الله يحفظ العيال و يخليج لهم |
حبيت التقرير يعطيك العافيه استفدت من نقاط كثير |
ما قصرتي حقيقه مدري وش يخليها مكشره راعيه المطعم ما ادري كيف الطويل كيف ينزل للمدينه الجولات اليوم مميزه حقيقه وتاريخ حبيتها الحارس المفروض يتعاقب حقيقه وش الاهمال |
اهلا بك اختي ام ريمه ... جميل جداً انكم تطلعوا يومياً وما ارتبطوا فقط بالمنطاد .. وشايف ان رحلاتكم اليومية لمناطق سياحية مهمة في كبادوكيا ... اتوقع المنطقة تاريخيه بحته وشايف وضع الطبيعة مختلفة تماماً عن باقي مناطق تركيا ... اتوقع حنا كسياح خليجيين أو سكان الجزيرة العربية ننبهر أكثر باللون الأخضر بحكم تشبعنا من اللون البني .. وهذا الشيء اللي يخلينا إلى الآن ما نستوعب طبيعة كبادوكيا رغم انها تحمل رؤية مختلفة مازلنا متابعين ومستمتعين |
جميلة رحلة هذا اليوم المدينة تحت الارض جميلة بس يعيبها الاهمال بالتنظيم وغريب ان باب الدخول والخروج واحدة والمفروض الحارس يتعاقب مثلما ذكر المدير فيصل وادي الحمام سمعنا من اكثر من مصدر انه لا يوجد فيه حمام غريبة صراحة. يمكن له اوقات معينة للتواجد. مستمتعين بالتقرير الجميل عن وجهة غير مألوفة وبانتظار يوم العودة. |
اقتباس:
هاليومين بس كانو ترفيه و الا الباقي مثل ما بتشوف بعدين الاغلب زوجي بيكون مشغول فيها اما بالنسبة للرحلات صحيح تختار رحلة وحدة تعجبك و خلاص تكفي شكرا لك |
اقتباس:
|
اقتباس:
صادق التكشير ضايقني في يوم انا اساسا ما كنت ناقصة فيه حد يضايقني اما الطويل في المدينة والله بيتعب لكنها تجربة حلوة و الممرات اغلبها مو طويلة يعني بس دقيقة بخطوات سريعة و يوصل لمكان السقف فيه عالي احب الجولات الغير مألوفة و فيها تاريخ و احب اني اقرا عنها اكثر مو بس اشوفها اما الحارس ... لا تلعيق :59: شكرا لك مديرنا ما قصرت على المتابعة |
اقتباس:
احنا اساسا رايحين و في بالنا ان احتمال كبير رحلة المنطاد ما تضبط و حتى لو ضبطت بتكون من الصبح بدري و يمدينا نخلصها و نرتاح و نبتدي الرحلة الثانية المنطقة مثل ما قلت تاريخية بحتة و اشوف انها للحين تحتاج وقت عشان تكون مهيئة سياحياً تماماً لكن هذا ما يعتي انها مو مميزة بالعكس مبهرة و تستحق الزيارة للي يحب هالنوع من الرحلات و المغامرات كفاية مغامرة السكن في كهف لان المنطقة فيها امكانيات كبيرة و للحين فيها اماكن غير مكتشفة او مكتشفة حديثاً و بس في 1987 انظمت تحت مظلة اليونكسو للاثار ف ان شاء الله تتطور اكثر مع الوقت شكرا لك على المتابعة |
اقتباس:
و للاسف ما شفت فيها اي نوع من انواع التنظيم لا عند الباب الاساسي و لا داخل المدينة نفسها طول زيارتنا لها ما شفنا الا هالحارس اللي كان يدخن فقط وادي الحمام ما ادري شقصته و ما حسيت الزيارة له تسوى اصلا شكرا لك على المتابعة |
السلام عليكم من جديد الله يعطيك العافية ، أستمتعنا كثير بالتقرير عن كباوديكا واستفندنا منه طمنينا ع الأطفال ، إن شاء الله بسيطة ؟؟ ننتظر رحلة اسطنبول وباقي التقارير وبارك الله فيك |
سلامة العيال مايشوفون شر رحلة الوادي صارت حلوة عند النهر والجسر الصغير شكله روعه الكهف مادري احس نفسي بنقمت ما اقدر اتنفس والا اشرايج ؟ شنو حسيتو |
ويي ويي سلامات على قلبج وعلى العيال ربي يبلغج فيهم اما المكشره يمكن تقول مزوجيني ولدهم والا اشتغل جرسونه عندهم خخخخخخ لحمدلله ان طلع في شي حلو ينوكل ومتابعين للاخر ومنتظرين اسطنبول |
سلامات . فالكم العافية |
اقتباس:
الحمدلله بسيطة .. انفلونزا بسبب تغيير الجو و كل واحد يعدي الثاني .. الحمدلله على الصحة |
اقتباس:
الوادي اينن اعتبره احلى شي في الرحلة كلها اما الكهف ... اللي يخاف من الاماكن الضيقة ما انصحه يجرب هالمدينة يجرب مناجم تحت الارض في بولندا خطيرررة شكرا لج على المتابعة حبيبتي ام حسين و الشر ما يجيج |
| الساعة الآن 05:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO