|
بداية حب !! تقريري لكباودكيا و إسطنبول بسم الله الرحمن الرحيم صباح/ مساء الخير هذا أول تقرير لي في عالم منتديات السفر دايما قبل لا أسافر أقرا في المنتدى لحد ما أشبع و أحط لي قوائم بالمطاعم و أحسن الأماكن و كل شي بالتفصيل و إستفدت منكم كلكم بلا حد هالتقرير تقديراً لمعروفكم معانا و مع كل المسافرين و لأنه مثل ما قلت أول تقرير فإعذروني على أي تقصير اضرب في أرجاء الدنيا سافر حيث شئت.. سترى أشياء كثيرةٌ في العالم تغنيك.. تفتح أمامك آفاقًا لم تكن تخطر لك على بال كل هذا يجددك نحتاج للتجديد في حياتنا يبعدنا عن ضغوط العمل و مسؤوليات البيت و العيال و أنا ما أشوف هالتجديد إلا في السفر :50: من رجعنا من إجازة الصيف مع العيال و أنا أقول ل زوجي في كل مرة بيسافر فيها لشغل خذني معاك تكفى .. و تكفى تهز رجال لكنه للاسف ما اهتز الا الحين هههههههههههههه :200: لا ... للامانة ما ناسبني إني أروح معاه في كل مرة يا يكون عندي شي أو هو يكون معاه واحد من أصحابه وتتعدد الأسباب و الرفض واحد و قلت يالله أصبر ل ديسمبر مع إجازة العيال .. و مثل كل سنة نسافر من آخر ديسمبر ل راس السنة لكن ... تجري الرياج بما لا تشتهي السفن (كأني كثرت حكم ... معليه تحملوني أحب أهذر) صارت لخبطة في دوامي و ما راح أقدر آخذ إجازة مثل كل سنة في ديسمبر و لا حتى نص يوم شالحل يا زوجي العزيز ... أبد ما باليد حيلة نصبر ل يناير :yolks00480: لكنه بعد كم يوم قال لي .. عندي سفرة لتركيا .. يومين مع الويكند يصيرون 4 أيام حلوين كتغيير شرايج ؟ أنا مو من محبي تركيا (سامحوني) بس الموضوع فيه طيارة و سفر و إجازة شوي من العيال أوكي يالله :(60): حجزنا الأول كان من الثلاثاء 14 نوفمبر للسبت 18 نوفمبر فقط اسطنبول و التذاكر على طيران الخليج و الفندق بيرا بالاس جميرا بعد أسبوع من حجزنا أختي قالت لي إنها بتسوي عملية تاريخ 15 نوفمبر ف على طول قلت لزوجي و كنسلنا الحجز و قلت عساها خيرة :yolks0090: بعدها بإسبوع ثاني أختي رجعت و قالت إن عمليتها تأجلت ل ديسمبر قلت لزوجي يالله نحجز مرة ثانية :(34): قال لي تعبان من زود ضغط الدوام و سفرة بس شغل بتعب فيها أكثر شرايج نمدد و نخلي السفرة أسبوع .. و نشوف مكان غير إسطنبول تغيير قلت له تم و قعدت أحوس بالنت و طبعاً بالمنتدى هني :yolks00220: و أشوف شنو أنسب منطقة في تركيا في هالوقت من السنة الشمال وايد برد سبانجا الجو غير مناسب أنطاليا و ما جاورها ... ما راح نستفيد من كل الفعاليات وين .. وين .. وين ؟ طحت على كبادوكيا .. جذبني السكن في الكهوف :yolks00310: والتجارب الجديدة اللي فيها في السفر أحب أكون غير تقليدية من حيث السكن و من حيث الاماكن و الانشطة فحبيت كبادوكيا من أول نظرة و اللي فهمته إنها تحتاج بين 3 ل 4 أيام عشان تغطي كل الانشطة فيها و بحثت في احسن منطقة للسكن فيها وإخترت غوريمه مدينة صغيرة و الفنادق اللي فيها اغلبها بوتيك هوتيلز و هي الأقرب للانشطة اللي أبي أسويها هناك من التجارب اللي قريتها قليل يشجعون على تأجير سيارة هناك و يقولون الافضل تأجر سيارة ب سايق يوديكم على أهم الاماكن فإستقرينا على غوريميه و بديت أبحث عن فنادق فيها بصراحة أسعار الفنادق هناك خيالية أسعار الليلة ما تتعدا 40 دينار :(89): فكانت معاييري القرب من سنتر المدينة نظافة الغرف تقييم بوكينغ ما يقل عن 9 وجود بانيو أو جاكوزي السعر من 17 ل 20 نوفمبر ما يزيد عن 100 دينار و قلصت اللستة ل 10 فنادق و قلت لزوجي خلاص تعبت انت اختار و اختار الفندق اللي توقعته (عشان اسمه بس هههههههههه) ِAmber Cave Suites السعر ل 4 ليالي 87 دينار شامل الفطور تقييم الفندق في بوكينغ 9.5 تقييمي أنا 8 ... لكن ما أظن راح أسكن فيه مرة ثانية لأسباب راح اذكرها بعدين في التقرير وبعد الحجز عن طريق بوكينغ الفندق طرشو لنا ايميل بالانشطة اللي ينظمونها (يتعاملون مع شركة سياحية) و أغلب اللي كنت أبي أسويه مشمول فقررنا نستغني عن فكرة السايق الخاص و نعتمد على الفندق و رديت عليهم بإيميل باللي أبي احجزه ( بنتكلم عن الرحلات بالتفصيل في وقتها) في اسطنبول (هالكلام من اول التخطيط اللي تكنسل) كنت ابي احجز شي على البحر الفورسيزون او الكمبنسكي (آخر مرة كنا في اسطنبول حجزنا الشانغريلا و كان جميل جداً) بس الاسعار لليلة مبالغ فيها ف قلت ادور شي على الاقل فيه اطلالة على البحر معاييري وقت البحث اطلالة على البحر حجم الغرفة ما يقل عن 30 متر مربع 5 نجوم تقييم بوكينغ ما يقل عن 9 سعر الليلة ما يزيد عن 100 دينار وانا ابحث تذكرت اني من فترة شفت تقرير عن احسن 10 فنادق في اسطنبول ف شفتهم و اللي ناسبني منهم (هو اللي اخترته اول مرة) Pera Palace Jumairah السعر من 20 ل 24 نوفمبر 280 دينار بدون فطور تقييم بوكينغ 9.2 تقييمي 9 و أنصح فيه في النهاية مع الترتيبات صارت الرحلة من 17 نوفمبر ل 24 نوفمبر 8 أيام ل شخصين أنا و زوجي الطيران كان طيران الخليج حجزنا من الاميال السعر لشخصين إضافة 180 دينار الطيران الداخلي كنت أبي شي من مطار أتاتورك عشان أستغل أول يوم بدل ما نبات ليلة في إسطنبول يعني الطيران المفروض يسمح بوزن الشناط اللي ويانا كلها ف إخترت الطيران التركي وفي مطارين في كباودكيا Nevsehir و المسافة 40 دقيقة ل غوريميه بس وقت الذهاب قريب من وقت وصولنا في إسطنبول ف خفت يصير تأخير و نتوهق و وقت العودة وايد من الصبح و تم إستبعاد المطار Kayseri و المسافة ساعة و 5 دقايق ل غوريميه و الرحلات متعددة على طول اليوم و السعر مناسب 79 دينار لشخصين هذا كان جزء التخطيط أتمنى إنه يكون وافي و أتمنى ما أكون غلطت في أي معلومة (اللي يعرف شي يصحح لي) :fish: و الأهم أتمنى إني ما أكون ثقلت عليكم بكثر الهذرة :yolks00780: |
اهلا بك اختي ام ريمه .. يشرفني أكون أول الحاضرين في التقرير وبلاشك ان بدايتك في مرحلة التخطيط كان مدخل رائع وياليت كلنا نكون بنفس هذا المستوى من التخطيط ... بإذن الله متابعك وبعناية فائقة لاحتياجي الدائم لمثل هذه المعلومات |
انا سكنت في( غورميه ان ) الغرف داخل مافيها اي منظر او تهوية و الفطور متوسط او عادي وفيه اي شي ثاني مثلا بتتغدا او عشا او كوفي كله من خارج الفندق بنسبه الى مطار كيسري Kayseri يعتبر خارج كابيدوكيا و التابع لمدينة هوNevsehir بالعموم انا كنا طلعنا من انقره اقرب مطار دولي وفيه طيران مباشر من الدوحة مدينة جميله جدا ممكن الفندق يرتب مع الشركة لرحلة المناطيد |
هلا بك ام ريمه ... تخطيط رائع متابع معك |
ماشاء الله يا أم ريمه مثل ما وعدتينا في السناب بانك تكتبي تقرير عن رحلتك تخطيط مرتب وحلو وكثري من السوالف ومتابعين |
اقتباس:
أنا اللي يشرفني وجودك في التقرير التخطيط عندي متعته ما تقل عن متعة السفر حتى لو ما سويت الا نص اللي خططت له شكراً لك |
اقتباس:
الفنادق هناك حبيتها من الصور و التعليقات في بوكينغ و باقي المواقع لكن الواقع شوي مختلف .. راح أفصل بعدين في جزء كبادوكيا شفت تقريرك قبل لا اسافر و تعليقاتك عن المنطقة و للامانة استفدت منه وايد شاكرة لك مرورك و تعليقك و تصحيحك :e437: |
اقتباس:
هلا بك أخوي التخطيط مثل ما قلت متعته عندي مقل متعة السفر نفسها |
اقتباس:
التخطيط سر نحاج الرحلة و المتعة الاولى زين اني سواليفي ما يابت لكم النوم ههههههه :24: |
ويا حلوو هالسواليف شفت شوية من السناب مع اني ما احب برنامج السناب بس عجبتني سناباتج وتخطيطج حلوو ومرتب وباين الفنادق راقية اللي اخترتيها بس بعرف اشمعنى عجبكم على الاسم بس فندق كبادوكيا منتظرين التقرير والصور الجميلة وبالاخير نتمنى السلامة لاختج وربي يقومها بالسلامة ان شاءالله |
اقتباس:
كنت أنتظر تعليقج حبيبتي أم حسين شكرا لج والله يسلمج أنا بصراحة وايد كنت متخوفة من السناب لان المكان اول مرة اروحه ف خفت ما اعطيه حقه وثاني شي لاني استحي اتكلم بالصوت ف كنت قليل اشرح ان شاء الله تكون عجبتكم التغطية بالنسبة للاسم Amber يعني كهرم و زوجي يموت على الكهرم و المسابيح واصلا شغله في تركيا خاص بشغله في المسابيح :25: |
اقتباس:
لا كان صوتج والشرح واضح جدا كهرم = عنبر يعني حلوو معلومة حلوة ربي يوفق زوجج برزقه الحلال ويسعدكم ويهنيكم يارب متابعين معاج |
اقتباس:
و يوفقج و يوفق غاليج |
الحمدالله على السلامة اختي مثل ما وعدتي وفيتي بكتابة تقرير وافضل ما سويتوا اخذتوا رحلات الفندق الحمراء والخضراء وان شاء الله تكونون استفدتوا من موضوعي عن كبادوكيا منتظرين باقي التفاصيل ولا تنسين حملي الصور على سيرفر المنتدى https://www.arabtrvl.com/up |
اقتباس:
اقل شي ممكن اسويه اني اكتب تقرير بسيط و أكيد إستفدت منك و من تقريرك قاعدة احاول احمل الصور على مركز التحميل ان شاء الله اقدر اجهز الجزء الثاني اليوم شكرا لك اخوي الفاضل |
اهلا بك اختي العزيزة ام ريمه بصراحة سرد قصة مشوقة فيها الشي الكثير من نظام حياتنا الغير معروف دايما الظروف هي من تحكمنا شف كانت 4 ايام ثم تكنسلت ثم رجعت اسبوع ثم 8 ايام من الصعب جدا في محيطنا عمل تخطيط لرحلة 100% :21: سبحان الله من كثر التقارير في المنتدي لتركيا حسيت اني سافرت لها عشتها وعاشت في ف الشكر لك من كتب تقرير عن سفرتة وهذي من حسنات المنتدي :e32f::e32f::e32f::e32f::e32f: متابعين لك والله يحفظ لك زوجك |
الجزء الثاني كل مرة أسافر أخلي عيالي عند أمي (عشان جذي لغيت السفر أول مرة على اساس امي بتكون مشغولة مع اختي و عمليتها) ولدي العود الله يحفظه صار في الصف الثالث و هالفترة مدارس و عندهم اختبارات نهاية الفصل ف ما حبيت انه يغيب ف قلت لعمته راح اخليه عندها على اساس توديه المدرسة لان بنتها وياه (أنا كلمت معلماته و جهزته للاختبارات و في نفس الوقت رتبت مع مدرسة خصوصية تمر عليه البيت كل يوم) قالت لي خلي ريمه بعد .. قلت لها راح يبقى الثالث بروحه عند أمي قالت خليهم كلهم عندي .. ترددت و هي ألحت و ما حبيت أردها وقلت لأمي اذا صار شي بتصل لج و روحي لهم (قلت هالمختصر عشان اوضح شي راح يصير بعدين) جهزت شناطهم و أغراضهم و بعدين ييت أجهز شنطتي قاومت الرغبة الشديدة في التسوق قبل السفر و اشتريت جاكيت واحد ثقيل و ينفع للمطر و الباقي قلت اشتريه من هناك و خذت معاي اشياء بسيطة تكفيني اول يومين (تقكير موفق لكل اللي بيسافر في بداية الشتى .. الاسعار خيالية هناك و الكواليتي ممتاز) يوم السفر طلعنا من البيت الساعة 7.40 الصبح و وصلنا المطار بالضبط الساعة 8 https://www.arabtrvl.com/up/uploads/...1766048551.jpg كنا بنصرف مبلغ ليرات و وقف يمنا واحد بحريني قال ما انصحكم تصرفون من البحرين لانه اغلى صرفو دولارات احسن و هناك صرفوهم ليرات و اصلا ما لقينا الا 300 ليرة صرفنا بس 1000 دولار و رحنا نسوي اجراءات الشيك ان و الجوازات و خلصنا على الساعة 8.25 https://www.arabtrvl.com/up/uploads/...1766049242.jpg https://www.arabtrvl.com/up/uploads/...1772449161.jpg مرينا حبيب القلب (ستاربكس) و رحنا قعدنا في اللاونج الخاص بطيران الخليج https://www.arabtrvl.com/up/uploads/...1765976261.jpg توجهنا للبوابة على الساعة 9.50 و ركبنا الباص و بعدين الطيارة https://www.arabtrvl.com/up/uploads/...1766872281.jpg و الطيارة تمشي للمدرج نشوف الشغل في توسعة المطار على قدم و ساق https://www.arabtrvl.com/up/uploads/...1766993761.jpg و طرنا دقايق قبل الوقت https://www.arabtrvl.com/up/uploads/...1766994492.jpg https://www.arabtrvl.com/up/uploads/...1176699523.jpg https://www.arabtrvl.com/up/uploads/...1767250911.jpg الرحلة فل ... ما شاء الله من كل الجنسيات الطيارة جيدة و الخدمة بعد جيدة بعد 45 دقيقة من الاقلاع عطونا مشروبات و بسكوت لذيذ https://www.arabtrvl.com/up/uploads/...1767414311.jpg و قعدت اتابع افلام لحد وقت الوجبة .. اخترت لحم و زوجي اختار دجاج وجبتي كانت الذ https://www.arabtrvl.com/up/uploads/...1769186241.jpg صور من الرحلة https://www.arabtrvl.com/up/uploads/...1767631421.jpg https://www.arabtrvl.com/up/uploads/...1768313581.jpg https://www.arabtrvl.com/up/uploads/...1768360871.jpg https://www.arabtrvl.com/up/uploads/...1768449291.jpg https://www.arabtrvl.com/up/uploads/...1768528021.jpg و خلاص قربنا نهبط بالسلامة https://www.arabtrvl.com/up/uploads/...1768575681.jpg https://www.arabtrvl.com/up/uploads/...1768625271.jpg لما وصلنا و كان المطار زحمة على حسب كلام الطيار ف خذت الطيارة حول ١٠ دقايق لحد ما وقفت مكانها نزلنا و شفنا الإعداد الكبيرة و خفت عشان ورآنا رحلة داخلية لكن خذنا بس ثلث ساعة عشان نخلص الجوازات و عشر دقايق عشان ناخذ الشناط أول شي سويناه إتجهنا لمحل تركسل Turkcel عشان آخذ لي شريحة و زوجي نسى تلفونه الثاني ف قال ما راح ياخذ شريحة و راح يفعل التجوال لانه ما يقدر يسكر خطه في تركسل كان عندهم عرض شريحة نت و اتصال ما اتذكر تفاصيلها للامانة و كان زحممممة فما صورت وهذا كان العرض اللي يسوقون له لكل اللي يسأل قلت لهم عندكم عرض نت فقط لاني ما راح احتاج الاتصال يكفيني الاتصال عن طريق الواتساب او الفيس تايم فقال عندهم عرض نت فقط ب 185 ليرة ل 15 قيقا و كنت راح اخذه كشريحة لتلفوني لكني تذكرت اني لما كنت اقرا لقيت محل يأجر مودم و يوصولونه اي مكان و انا ما اتفقت وياهم لان خفت يتأخرون علينا و إحنا ورانا رحلة ثانية فسألته اذا عندهم مودم قال عندهم لكنه للبيع مو للاجار ب ٢٥٠ ليرة قلت لزوجي ناخذ المودم و نحط فيه شريحة النت و خلاص و انا وانت نستحدمه و نعبيه وقت ما نبي احسن من انت تشغل التجوال لان راح يكون مكلف عليك كان فيه عرض من زين 1 قيقا ب 20 دينار !!!! خذناه و قال يتفعل بعد 20 دقيقة حركنا على مطار الرحلات الداخلية مشي ١٠ دقايق و كان زحمة و اصغر من المطار الدولي طبعا طبعنا البوردنغ من الجهاز و دخلنا الشناط و قعدنا في كوفي شوب نسيت اسمه ما كنا نبي شي شبعانين بس خذنا عصير عشان نقدر نقعد العصير ب ١٧ ليرة تقريبا و كيك ب ١٣ ليرة https://www.arabtrvl.com/up/uploads/...1768659811.jpg فتحو البوابة بعد تأخير و صعدنا الطيارة على الساعة 5.55 https://www.arabtrvl.com/up/uploads/...1768690411.jpg الطيارة جديدة و كل شي متوفر فيها بس ما عطونا سماعات و لا احتجناها https://www.arabtrvl.com/up/uploads/...1768720621.jpg رحلتنا المفروض 6.10 المغرب لكنا طرنا بعد متأخرين تقريباً ١٠ دقايق https://www.arabtrvl.com/up/uploads/...1768773941.jpg الرحلة مدتها ساعة و 5 دقايق تقريباً وصلنا مطار كيساري الساعة ٧.٢٥ و سبع ونص بالضبط احنا مخلصين صالة المطار صغيرة مافيها الا سيرين للشنط و بعدين باب و خلاص عالشارع https://www.arabtrvl.com/up/uploads/...1769222221.jpg مثل ما قلت إنا تخلينا عن فكرة السايق و رتبت كل شي مع الفندق ف كان السايق ينتظرنا برا ب ورقة فيها اسمنا و اسم واحد ثاني وصلناه اول فندقه تقريباُ 3 دقايق من فندقنا لما وصلنا فندقنا كانت الساعة 9 تقريباً أو قبلها بشوي ما أتذكر بالضبط فندقنا يعتبر بوتيك هوتيل مثل ما قلت من الاول تملكه أسرة من زمان و كان بيتهم لفترة السبيعنات وقت ما الحكومة طلبت من أصحاب الكهوف إنهم يتركونها و عطتهم تسهيلات للسكن في مكان ثاني ومع الطفرة السياحية في كبادوكيا أصحاب الكهوف إستغلوا كهوفهم كفنادق الاسرة رممت البيت من 7 سنوات و الفندق فيه فقط 10 غرف اللي يشتغلون فيه أصحاب البيت المالك و عياله و زوجته و زوجات عياله و عندهم في حديقة الفندق كلب و دجاج شافنا ولد صاحب الفندق اللي أهوه المدير https://www.arabtrvl.com/up/uploads/...1771787761.jpg (صورة من ثالث يوم لنا في كبادوكيا) و أهوه نفسه اللي تواصلت معاه بالايميل عطانا مفتاح غرفتنا و شرح لنا شرح مبسط عن الفندق و سألناه عن العشى في مطعم الفندق ف قال راح يسكرون بعد شوي و إعتذر و قال مطاعم السنتر تظل مفتوحة لل 11 و المسافة قصيرة و قال عن اللحم بالجرة أشهر وجبة عندهم في المنطقة صور متفرقة للفندق و المنطقة المحيطة فيه في أوقات مختلفة https://www.arabtrvl.com/up/uploads/...1771011861.jpg https://www.arabtrvl.com/up/uploads/...1771787792.jpg https://www.arabtrvl.com/up/uploads/...1771913981.jpg https://www.arabtrvl.com/up/uploads/...1771682232.png https://www.arabtrvl.com/up/uploads/...1771711111.jpg https://www.arabtrvl.com/up/uploads/...5117719142.jpg https://www.arabtrvl.com/up/uploads/...1771914033.jpg نزلنا الشنط في الغرفة حجزنا غرفة الغروب مع بلكونة و جكوزي https://www.arabtrvl.com/up/uploads/...1177125051.jpg https://www.arabtrvl.com/up/uploads/...1771011924.jpg https://www.arabtrvl.com/up/uploads/...1771332061.jpg https://www.arabtrvl.com/up/uploads/...1771454311.jpg و معدات الشاي و القهوة و الماي مجاناً https://www.arabtrvl.com/up/uploads/...1177143831.jpg و الحمام تكرمون https://www.arabtrvl.com/up/uploads/...1771486771.jpg https://www.arabtrvl.com/up/uploads/...1771524321.jpg https://www.arabtrvl.com/up/uploads/...1771557841.jpg تقييمي للفندق و الغرفة و الخدمة فيه راح يكون في نهاية جزء كبادوكيا و رحنا نشوف مكان نتعشى فيه المكان ظلاااااااام بس ماعرف ليش ما كنت خايفة الا متحمسة للاسف كل الصور عن هاليوم مادري وين اختفت يمكن صورتها في السناب و نسيت أحفظها عموماً وصلنا الستي سنتر على ال 9 ونص و المسافى خذت منا تقريباً 10 دقايق و الطريق منحدر نازل أقول لزوجي النزول سهل الحين بس بعد العشى الله يعين السنتر هادئ أكثر من اللازم و ظلام شوي مرينا على صراف و حاول زوجي يسحب كاش بس الجهاز ما يشتغل و ما لفينا وايد و دخلنا اول مطعم جدامنا إسم المطعم Cappadocia Pide House Restaurant https://www.arabtrvl.com/up/uploads/...1771585961.jpg طلبنا شوربة عدس روب بالخيار https://www.arabtrvl.com/up/uploads/...1771633831.jpg و طبق واحد لحم بالجرة (مادري وين راحت صورته) الشوربة ما حبيتها و الروب أو الزبادي لذيذ أما اللحم أقل من عادي و التكلفة ٥٤ ليرة و تقييم المطعم 5/10 .. ما أنصح فيه و صح طريق الرجعة كان متعب لانه منحدر وايد و أسولف لزوجي شكل المدينة وايد صغيرة دام هذا سنترهم نص شارع و مافيه الا كم مطعم و صراف واحد لما رجعنا (كاان) خبرنا ان المنطاد تكنسل بكرة عشان الجو مو مستقر و راح يشوف لنا إمكانية بعد بكرة و سألناه شنو ممكن نسوي بعد لأن حسب الايميلات بيني وبينه قال يفضل نحجز في نفس الوقت بدل من قبلها عطانا بروشور عن الرحلة الحمراء و الرحلة الخضراء المشهورين و قال احسن بكرة نبتدي بالرحلة الحمراء لانها اقصر و بعد بكرة الرحلة الخضراء سألته عن رحلة الدبابات ف قال اطول رحلة تكون ل 4 ساعات و انتو وقتكم قصير استغلوه بالرحلات الشاملة احسن فتوكلنا على الله و حجزنا الرحلة الحمراء سعر الرحلة 100 ليرة للشخص شاملة الغداء و تذاكر الدخول و قال الباص بياخذنا 9.45 سألناه وين ممكن نصرف فلوس أو نسحب كاش قال من السنتر قلنا له الصراف مو شغال قال يمكن فيه 50 صراف بالسنتر و نقدر نستخدم أي واحد ضحكت و قلت لزوجي الظاهر من التعب و الظلام ما شفنا شي ههههههههههه و خلاص رجعنا غرفتنا بعد يوم متعب و نمنا على طول عشان ورانا يوم حافل بكرة ألقاكم في جزء جديد ... الرحلة الحمراء في كبادوكيا |
اقتباس:
اي والله وايد دول نتعلم عنها و نوصل و احنا عارفين كل شي من خلال تعب الاعضاء ويانا سواء من التقارير او من ردودهم في الاستفسارات اما التخطيط و الترتيب للسفر صعب يكون أكيد في ظروف الحياة المتغيرة عشان جذي نادراً ناخذ حجوزات غير مستردة تحسباُ لمثل هالظروف الله يحفظك و حفظ غاليك ... شكرا على مرورك |
اهلا بك اختي ام ريمه ... دايما زيارة كبادوكيا تكون متركزة على المنطاد وللأسف ممكن تتلغي الرحلة بسبب الأجواء فلهذا الأفضل إن الواحد يحجز على الاقل ليلتين فيها لأن ليلة واحدة يعتبر مغامرة .. الأمر الآخر الكثير يحجز رحلة داخلية مواصلة من اسطنبول للمدن الداخلية ولكن ما تشوفي إن اليوم الاول بيكون ضايع بهذي الطريقة مع إن وصولكم كان مبكر لاسطنبول وكان ممكن تستغلوا هذا اليوم في اسطنبول ثم تاخذوا رحلة اليوم الثاني مبكرة لقيصيري لان لو تلاحظي طلعتوا من البحرين الصباح ووصلتوا لوجهتكم الاخيرة بالليل وبكذا ضاع اليوم الاول في مطارات وسفر .. طبعاً الاحظ الكثير يقول إن هذي الطريقة ( المواصلة ) تقلل من ضياع أيام الرحلة ولكن فعلياً لازلت أشوف إنها بتركيا بالعكس تقدر تستفيد من يوم الوصول باسطنبول وخصوصاً لو النهار طويل وتبدأ رحلتك اليوم الثاني برحلة مبكرة لأي وجهة داخلية ثانية في انتظار الاجزاء القادمة وفعلاً واضح إن التقرير ثري جداً بالفائدة |
ماشاء الله ، حلوة الأقامة في هالمدينة الباين ! متاااااااااااابع |
ماشاء الله ، حلوة الأقامة في هالمدينة الباين ! متاااااااااااابع |
متابعين المغامرات |
جميل جدا التقرير خاصة انه يتضمن زيارة كابادوكيا عجبتني فكرة الطيران الى قيصري وكما ذكرتي اغلب رحلات نيفشيهير صباحا والعودة ايضا قد تكون اوقاتها غير مناسبة هل تم دفع اجرة للتكسي من المطار للفندق على اعتبار ان قيصري ابعد من نيفشيهير !! |
ماشاء الله بداية قوية لتقرير رائع عن كبادوكيا ... المكان بالفعل مدهش وجميل للاستكشاف والزيارة والاقامة لاكثر من يوم .. اختيار سليم وتخطيط ممتاز ومع الاسف فاتني سناباتك ياريت تنزلي صورة لسنابك حتى نضيفك .. صور حلوة وشرح جميل .. تسلم الايادي واكيد متابعين:e32d: |
اقتباس:
صح كلامك من اشهر الانشطة في كبادوكيا رحلة المنطاد و اصلا كانت سبب من اسباب اختيار الفندق ان حتى لو ما ركبناه من بلكونة الغرفة نقدر نشوفهم عشان اطلالة الفندق و بعد هذا هو السبب اللي خلانا نروح مباشرة لكبادوكيا و ما نبات او ليلة في اسنطبول عشان نستغل الصباح في رحلة المنطاد اللي للاسف عشان ظروف الجو كانت ملغية شاكرة لك متابعتك |
اقتباس:
حياك الله |
اقتباس:
اي الرحلات لمطار نيفشهير ما ناسبت اللي كنا نبيه ف دورت على اقرب مطار ثاني و رتبت مع الفندق التوصيل و السعر مشمول في التكلفة اللي ذكرتها في اول التقرير شكرا لك |
اقتباس:
حياج الله |
اقتباس:
صحيح المكان كل شي فيه مدهش طول ما انتي تستكشفين المكان تظلين تفكرين شلون عاشو في هالمدينة بحاول انزل اغلب الصور اللي صورتها في السناب هني في التقرير و سنابي شخصي لكن اتشرف فيكم اذا حبيتي اعطيج اياه على الخاص و ان شاء الله تعجبكم باقي الاجزاء |
ما شاء الله تبارك الرحمن الحمد لله ع السلامة تابعت اجزاء جميلة ع سناب المنتدى من تغطيتك ونقدر المجهود في النقل والتعب بارك الله فيك متابعين التقرير علشان التفاصيل مدينة جديدة بالنسبة لي وتجربة غيييير في انتظارك للاستمتاع والفائدة وتقبلي تحيتي وتقديري .. |
اقتباس:
الله يسلمك و يبارك فيك ان شاء الله انزل الجزء الجديد هاليومين شكرا لك |
ماشاء الله بداية تقرير جميل عن كباودكيا زين تمت الرحلة ع اسبوع والتخطيط لـ هالمدينة يعتبر خيار مميز مشوار من الصبح الى الساعه 9 بالليل حتى وصلتو الفندق وزي ماقال نواف لو اخذتي اليوم الاول في اسطنبول يكون افضل وخاصة ان وصولكم بدري كانت تغطيتك من السناب جميلة ام ريمه يعطيك العافية متابعين ومستمتعين بهذره وبدون هذره بس كثري صور نبي نشوف هالمدينة وانشطها السياحية الف شكر |
أسعد الله صباحك حقيقه لنا الشرف بأن أول تقرير تكتبينه عن السفر في المنتدي تخطيطك جميل هم وقلق البعد عن الأطفال حتي وهم عند أعز الناس متعه السكن في الكهف تذكرت تغطيتك ما شاء الله عليك متابعين |
اقتباس:
والله كل يوم كان يمر لي في المدينة احبها اكثر و لو حصل لي اسافر لها مرة ثانية ما امانع لكن المشوار كنت متعمدته مثل ما قلت ل نواف عشان رحلة المنطاد تكون مع شروق الشمس و كنت ابي استغل كل صبح ممكن يمر علي و انا هناك لاني اعرف احتمالية ان تنلغي الرحلة لظروف الجو واردة بحاول انزل كل الصور اللي عندي ان شاء الله حياك الله |
اقتباس:
والله انا اللي لي الشرف اني اكتب وياكم و اني اتعلم منكم كل شي في هالمدينة خارج عن المألوف و ممتع ان شاء الله يعجبك باقي التقرير |
ما شاء الله تقرير ممتع مميز جميل متابعيين |
ذكرتيني بايام كبادوكيا الجميلة وان شاء الله تكونون توفقتوا شركة رحلات زينه متابعني معاك ومنتظرين |
قبل لا أبتدي في اليوم الثاني حبيت أتكلم عن شيئين نسيت أذكرهم في الجزء الاول أول شي الفيزا إحنا كبحرينين ما نحتاج فيزا لدخول تركيا و لكن نحتاج نعبي الاستمارة أون لاين و نطبعها ونسلمها مع الجواز الشي الثاني أنا ذكرت إن تكلفة الفندق كانت 87 دينار و حبيت أذكر إن هالتكلفة شاملة التوصيل من و إلى المطار نبدأ اليوم الثاني صحينا ٧ ونص و تجهزنا و رحنا للفطور للاسف وايد صور صورتهم راحت مع التغطية في السناب و الظاهر اني نسيت احملهم و منهم صور الفطور بس عموما الفطور تركي تقليدي تماماً لكنه بالنسبة لي كافي أنواع أجبان .. نوع خبز .. طماطم و خيار و زيتون .. مربي و عسل .. كيك و أنواع بسكوت عصير و شاي https://www.arabtrvl.com/up/uploads/...1932841021.jpg خلصنا الفطور و قعدنا ننتظر باص رحلتنا للرحلة الحمراء من ورد حديقة الفندق https://www.arabtrvl.com/up/uploads/...1932841063.jpg درجة الحرارة كانت تقريباً 6 ... بررررد الساعة ٩.٤٥ بالضبط الباص كان عندنا باص مرسيدس جديد نوعاً ما و مريح مرينا على 3 أو 4 فنادق تقريباً كل الفنادق قريبة من بعض بس الشوارع منحدرة و ضيقة وايد ف ما طولنا يمكن خذنا 10 دقايق أو ربع ساعة و رحنا مكتب الشركة في سنتر المدينة و كل واحد من اللي في الباص توجه للباص الخاص في رحلته بعد دفع الرسوم الشركة إسمها Gorgeous Tours Gorgeous Turkey Tours Travel Agency | Mainpage رسوم الرحلة الحمراء 100 ليرة للشخص شاملة الغداء .. و تذاكر الدخول (ان وجدت) تبدأ من 9.45 و تنتهي 4.30 في أكثر من شركة تسوي نفس الرحلة و سمعت ان بعض الشركات تمر على مزارع عنب و مصانع خمور لكن هالشركة ما تمر عليهم في الباص مرشد و المجموعة كان أغلبها أتراك و شوي كبار في العمر تقريباً في الخمسين كنا 18 شخص اول شي وقفنا عند كهف كبير و عالي و يقال انه المكان اللي كان يلجأ له سكان غوريميه وقت هجمات الأعداء https://www.arabtrvl.com/up/uploads/...1932841042.jpg وقف المرشد يشرح بالتركي أول و بعدين التفت علينا إحنا اللي نتكلم إنجليزي 5 أشخاص شرح بس جملة او جملتين و مشينا و بعدين اتجهنا لمتحف غوريميه في الهواء الطلق (كنائس و معابد قديمه من العصر البيزنطي) تجمعنا عند بوابة المتحف و قال المرشد راح أوديكم أول كنيسة لان الدخول لها لازم مع مرشد و بعدين بعطيكم وقت تلفون على باقي المتحف و الكنايس و التجمع مرة ثانية عند البوابة وقال أنا أكثر شرحي راح يكون بالتركي لان الاتراك جاهلين بتاريخ دولتهم و اصلا ما يعرفون انه كان فيه مسيح بتركيا و هالشي وايد ضايقني منه احنا دافعين مثلهم و ماله حق يركز عليهم اكثر طبعاً البوابة عبارة عن حاجز يفتح ببطاقة الدخول دخلنا البوابة و اول شي في محل المتحف يبيع تذكارات بسيطة و عند الباب وحدة تبيع عصير رمان و برتقال خذت واحد مشكل و كان ب 18 ليرة وايد أغى من برا بس كان خاطري فيه شكل الرمان أغراني https://www.arabtrvl.com/up/uploads/...1932933821.jpg https://www.arabtrvl.com/up/uploads/...1932933842.jpg هذي مدخل الكنيسة https://www.arabtrvl.com/up/uploads/...1932933883.png https://www.arabtrvl.com/up/uploads/...1193293424.jpg https://www.arabtrvl.com/up/uploads/...1932934276.jpg https://www.arabtrvl.com/up/uploads/...1932934337.jpg https://www.arabtrvl.com/up/uploads/...1932934245.jpg و المدخل و المخرج واحد أغلب الكنايس في كهوف و مخفية عن الأنظار و السبب إن كانوا يستخدمونها المسيح في عصر الدولة الرومانية لانهم كانوا ممنوعين من ممارسة الدين المسيحي لان الرومانيين في ذاك الوقت كانوا وثنيين و طلعنا نكمل بروحنا في كنايس و كهوف مفتوحة و في بعضها مسكرة و أشوف عليها صيانة و التصوير ممنوع في اغلب الكنايس لكني خطفت بعض الصور https://www.arabtrvl.com/up/uploads/...1932934358.jpg قبر اتوقع لواحد من الرهبان https://www.arabtrvl.com/up/uploads/...1933199851.jpg https://www.arabtrvl.com/up/uploads/...1933199922.jpg https://www.arabtrvl.com/up/uploads/...1933199964.jpg https://www.arabtrvl.com/up/uploads/...5119332005.jpg https://www.arabtrvl.com/up/uploads/...1933200036.jpg https://www.arabtrvl.com/up/uploads/...1933200077.jpg https://www.arabtrvl.com/up/uploads/...1193320018.jpg https://www.arabtrvl.com/up/uploads/...1933279291.jpg https://www.arabtrvl.com/up/uploads/...1933279322.jpg https://www.arabtrvl.com/up/uploads/...1933279373.jpg https://www.arabtrvl.com/up/uploads/...1933279414.jpg https://www.arabtrvl.com/up/uploads/...1933279455.jpg https://www.arabtrvl.com/up/uploads/...1933279588.jpg خلصنا قبل القروب و دخلنا محل المتحف نشتري كان زحمة من الجالية الصينية او الشرق آسيوية عموماً ف ما صورت و أغلب البضاعة شفت نفسها برا و السعر مبالغ فيه بس عجبني سكارف حرير مرسوم عليه معالم كبادوكيا و المناطيد ب 180 ليرة و خذته صور من معروضات عجبتني https://www.arabtrvl.com/up/uploads/...1193327956.jpg https://www.arabtrvl.com/up/uploads/...1933279547.jpg المتحف حلو و يسوى تروحون له .. و ما احس انه يحتاج مرشد للي ما يفضل يروح مع قروبات رجعنا الباص ورحنا منطقة أفانوس و مرينا على النهر الأحمر اللي منه يستخرجون الطين الاحمر و عليه تسمى بهالاسم و المنطقة مشهورة بصناعة الفخار المستخرج من هالنهر و قال المرشد بنروح نتغدا و بعدين بنمر على مصنع فخار و سيراميك الغدا في مطعم هان على نظام البوفيه المطعم شكله أبداً ما يشجع و زحمة من السياح لكن الصدمة ان الاكل لذيذ .. كل شي ذقته كان حلو و حتى زوجي عجبه الاكل ما صورت و هذي صور من النت https://www.arabtrvl.com/up/uploads/...1943520611.jpg https://www.arabtrvl.com/up/uploads/...1943520642.jpg https://www.arabtrvl.com/up/uploads/...1943520683.jpg https://www.arabtrvl.com/up/uploads/...1943520764.jpg بعدين رحنا مصنع السيراميك عرض و المحل في أشياء حلوة بس الاسعار غالية و اصلا هالأشياء ما تستهويني ولد صاحب المصنع يشرح لنا خطوات صناعة السيراميك https://www.arabtrvl.com/up/uploads/...1933691071.jpg و عرضوا لنا الخطوة الاولى وهي تشكيل الطين الخام و خلوا وحدة من المشاركات في القروب تجرب و ما شاء الله عليها عرفت تسوي شي مرتب https://www.arabtrvl.com/up/uploads/...1933691132.jpg اليمين اللي سواها المعلم و اليسار المشاركة https://www.arabtrvl.com/up/uploads/...1933691173.jpg زيارة المصنع بالنسبة لي شي مكرر و ما تستاهل بعدين إتجهنا ل Imagination valley أو وادي التخيل صخور على شكل حيوانات و ناس و انا ما شفت منهم إلا الجمل https://www.arabtrvl.com/up/uploads/...1193344172.jpg https://www.arabtrvl.com/up/uploads/...1933441773.jpg https://www.arabtrvl.com/up/uploads/...1933441844.jpg https://www.arabtrvl.com/up/uploads/...1933441671.jpg https://www.arabtrvl.com/up/uploads/...1193344195.jpg ما أدري يمكن خيالي مو واسع بالنسبة لي المكان ما يسوى الزيارة إلا اللي وده يشوف هالجمل لان جد باقي الاشكال اللي شرحوها لي ما شفتها او ما كانت واضحة بعدين إتجهنا ل Mushroom Valley أو وادي المشروم وفيه تشكيلات صخرية على شكل مشروم و فيه كنيسة و محلات صغيرة هني شرح لنا المرشد شوي أكثر عن طريقة تشكل منطقة كبادوكيا و التشكلات الصخرية فيها المنطقة في العصور القديمة كانت عبارة عن بحيرة عودة و حوالينها في براكين اثنين أول بركان ثار شوي بعيد عن البحيرة ف على ما بدا ينزل الرماد و يتجمع كان خلاص برد ثاني بركان ثار شوي أقرب و الرماد ما كان كله بارد و منطفي ف لما تجمع في قاع البحيرة صار أصلب من الرماد اللي تحته لما البحيرة مع مرور الزمن نشفت و مع تعرض المنطقة للزلازل و عوامل التعرية من رياح و امطار الرماد اللي ما كان تصلب تماماً بدا يتحلل و بقى هالتشكيلات واللي شكلها مثل المشروم أو القطعة الغامقة من فوق هي من بقايا البركان الثاني حتى الجبال اللي حول المنطقة أغلبها مكونة من نوعية الصخور و لو تكرزون في أطراف الجبال ف هي بدت تتحلل و تتشكل على شكل التشكيلات الصخرية الغريبة المشهورة في كبادوكيا (أتمنى شرحي يكون واضح) https://www.arabtrvl.com/up/uploads/...1933535561.jpg https://www.arabtrvl.com/up/uploads/...1933535622.jpg تمشينا شوي و شفت الخيل و قلت بركب لفة ب 20 ليرة https://www.arabtrvl.com/up/uploads/...1933535653.jpg الفارسة المغوارة أم ريمه https://www.arabtrvl.com/up/uploads/...1933535715.jpg و إحنا راجعين شفت هالعروسين مثل عادة الاتراك يحبون يصورون في الاماكن المشهورة https://www.arabtrvl.com/up/uploads/...1933535684.jpg آخر شي خذت ذرة في كوب ب 5 ليرات و رجعنا الباص في رايي المكان حلو و يسوى الزيارة لان التشكيلات الصخرية اللي فيه شوي مختلفة عن باقي الاماكن بعدين رحنا بانوراما غوريميه .. تطل على كامل غوريميه و المنظر جميل صورنا شوي و مشينا https://www.arabtrvl.com/up/uploads/...1933580471.jpg https://www.arabtrvl.com/up/uploads/...1933580532.jpg https://www.arabtrvl.com/up/uploads/...1933580593.jpg https://www.arabtrvl.com/up/uploads/...1933580664.jpg و خلصنا ٤.٣٠ تقريبا و وصلوا كل واحد لفندقه قبل لا ندخل الفندق تذكرنا اول ليلة وصلنا قال لنا (كاان) ان منصة غروب الشمس تبعد ١٥٠ متر من الفندق قلنا دامه وقت غروب خلنا نستغل الوقت و نروح المكان مرتفع و منحدر جداً و متعب بس يستاهل العنوة فيه كوفي شوب و منصة خشبية و الإطلالة على كامل غوريميه و غروب الشمس جميل جداً https://www.arabtrvl.com/up/uploads/...1193369124.jpg https://www.arabtrvl.com/up/uploads/...1933691275.jpg https://www.arabtrvl.com/up/uploads/...1933691336.jpg https://www.arabtrvl.com/up/uploads/...1933786071.jpg https://www.arabtrvl.com/up/uploads/...1933786132.jpg https://www.arabtrvl.com/up/uploads/...1933786183.jpg https://www.arabtrvl.com/up/uploads/...1933786224.jpg رجعنا الفندق و رجعنا غرفتنا نرتاح عشان ننزل من وقت للعشى ما نتأخر مثل اول يوم الساعة ٧ ونص تقريبا طلعنا و ما حطينا في بالنا مطعم مع انه بحثت عن أحسن المطاعم أون لاين و إحترت فإتفقنا أنا و زوجي آخر شي نختار على النظر و قبل لا ندخل المطعم نشوف تقييمه تمشينا شوي في السنتر و مرينا سوبرماركت خذينا أشياء بسيطة محتاجينها السنتر هالمرة كان مليان ناس و أغلب المحلات و المطاعم مفتوحة جذبنا هالمطعم و دفاية الخَشب داخله https://www.arabtrvl.com/up/uploads/...1933852962.jpg https://www.arabtrvl.com/up/uploads/...1933852921.jpg https://www.arabtrvl.com/up/uploads/...1933786568.jpg https://www.arabtrvl.com/up/uploads/...1933786275.jpg طلبنا ريش و كفتة بصلصة الطماط و روب و عيران و ماي اما الخبر إكرامية مِن المطعم https://www.arabtrvl.com/up/uploads/...1933786316.png https://www.arabtrvl.com/up/uploads/...1933853146.png و الاكل لذيذ و الخدمة سريعة و السعر 92 ليرة https://www.arabtrvl.com/up/uploads/...1933786527.jpg في طريقنا امس شفنا كوفي شوب حبينا جلسته اسمه باشا كافيه و الدفايات اللي في الجلسات الخارجية كلها على خشب و قلنا بنشرب عندهم قهوة بس للاسف لما وصلنا الكافيه كان متحول لشي يشبه البار شرب و أغاني و الجو ما يناسبنا ف غيرنا راينا و شفنا كافيه ثاني بسيط خذنا قهوه تركية و كنافة بالجبن لذيييييييييذة ما اتذكر اسمه و ما صورت لان قعدنا بره وكان برررررد رجعنا الفندق و نمنا نومة جميلة بعد التعب و نلقاكم في جزء اليوم الثالث |
اقتباس:
|
اقتباس:
|
| الساعة الآن 07:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO