|
اقتباس:
اذا تبحث فقط عن التجربة خذ رحلة قصيرة مثل من جاكرتا الى بوقور اما جزيرة بالي ما فيها قطارات |
تجــربة حلوة بسبب المناظر التي تشاهـدها في رحلة القـطار ومرورها بين القـرى اكثـر ما اتعــبني في اندونيسيا الجلوس كثيراً بالسيارة بالرحلات وهذا سيئ فيها لكن نتفق انها بلـد جميل وشعبها طيب . شكراُ لك |
اقتباس:
حياك ويا هلا وغلا وصحن حلا بالردادي واكرر شكري لك على ترتيبك واقتراحاتك وابشرك حجزت اليوم الاول في باندونق في فندق سينسا غرفة جونيور للامانه شكلها بالصور خيال واطلالتها رهيبه وخصوصا ان الفندق على شارع او بجانب شارع الحينز المعروف وبجانبه برضوا مول او ملاصق له السوال يالردادي وللجميع السوال س/ وش اهم معالم باندونق واجملها اذا بزورها بالترتيب وخصوصا اني بجلس فيها 4 ايام ؟ |
ابو كيان من كثر التقسيمات ضيعت الجدول اللي اخترت ذكرني به عليك امر 5 ايام بونشاك 3 ايام باندونق 2 جاكرتا هل هذا هو الجدول اللي اخترت ؟ يوم الوصول ٢٠ حجزت له والا لسه ؟ |
ياحبيبي والله اي هذا الجدول 5 بونشاك 3 باندونق واللاقي جاكرتا واذا لزم الامر و 3 اياك ماتكفي باندوق من ضمن ترتيبك خله 5 ايام بونشاك 4 باندونق واخر يوم ونص او يومين لجاكرتا والحجز نعم حجزت اول يوم لسيروني 3 وبسجل دخول له بالليل واريح به يوم 20 يناير |
ابشر يابو كيان راح ارتب لك الجدول اليوم كامل بأذن الله ابو كيان سيروني ما له حجز من النت وما تقدر تحجز إلا عن طريق مكتب او سماسرة الانترنت انا خايف انك حجز فندق اخر ما هو في بونشاك لان فيه فندق يحمل نفس الاسم بس ما هو في بونشاك في مكان آخر |
بسم الله نبدا نقسم على هذا الجدول 5 بونشاك 4 باندونق 1 يوم جاكرتا بونشاك يوم الوصول (20) : تنتقل من المطار الى بونشاك بس لازم تنسق مع السواق من بدري يستقبلك في المطار كذلك تنبه على الفندق ان وصولك متأخر اليوم الاول (21 ) : حديقة تامان سفاري يوم كامل ولا يفوتك عرض الكابوي كامل اليوم ( حديقة حيوانات وعروض وشلال و وتلفريك ممتعه جداً ) (تسوى تسجيل خروج من فندق سيروني وتروح السفاري وبعد ما تخلص من السفاري تروح تسجل دخولك في بسيونا علم هذا اليوم وضعت لك جدول يجنبك الدخول في الزحام هذا اليوم بالذات لازم تلتزم به ) اليوم الثاني (22) : تروح منطقة قريبة من الجبل اسمها بوقور فيها ملاهي مائية The Jungle و الحديقة النباتية كذلك يمكن زيارة شلال بيداداري وفي طريق الرجعة من بوقور الى بونشاك تزوري و مزرعة ومطعم شيموري اليوم الثالث (23) : مزارع الشاي وبحيرة الألوان ومسجد التعاون ومطل الباراشوت و مطل ومطعم رندو علم مصنع الشاي وحديقة الزهور اليوم الرابع (24): حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها وفي المساء و اوت لت براسكو ومقهى راجا اليوم الخامس (25): مغادرة الى باندونج بالسيارة ( سعر السيارة 650 - 700الف ربية) المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها المواصلات في بونشاك التنقل في الجبل سيارة خاصة اسعار السائقين للسيارة المخصصة الى اربع اشخاص هي 500 الف ربية لمدة 12 ساعة في اليوم تقريباً باندونج يوم الوصول (25) : بعد استلام الفندق تروح ممشي قريب من الفندق اسمه Cihampelas Walk تخرج من فندق سنسا خذي يسار تحصل جسر معلق الممشى فوقه واذا عندك وقت تسوق المول جنبك وله مدخل خاص من الفندق مباشرة اليوم الاول(26): مزارع الشاي وبركان كواه بوتيه بحيرة سيتو باتنجن و بحيرة الضباب الكثيف بادنقان (هذا اليوم لازم تلتزم بالجدول لان باقي الايام راح يكون الطريق زحمة الى هذا المكان ) اليوم الثاني (27) : منطقة منتزه تمان جواندا و الكهوف اليابانيه والهولندية و شلالات ماربيا اذا عندك وقت روح السوق العائم اليوم الثالث (28) : ملاهي ترانس ستديو و متحف العالم المقلوب upside down world اليوم الرابع(29) : مغادرة الى جاكرتا بالسيارة (650 - 700 الف ربية ) او قطار سعر تذكرة القطار اعتقد 28 ريال ان لم تخونني الذاكرة اهم شي تحجز الدرجة الاولى (EXECUTIF) الموصلات في باندونق الفعاليات السياحة لازم تروح بسيارة خاصة مع سائق اليومية 500 الف ربية تقريباً اما داخل باندونق التكسي متوفر والافضل من التكسي هو تطبيق اوبر او قراب المطاعم افضل مطعم عربي في باندونق هو مطعم الجزيرة في شارع Jl. Ternate No.2 كذلك يوجد مطعم اخر اسمه قهوة بس اقل مستوى من الجزيرة جاكرتا يوم الوصول (29): ممكن تقضي بقية اليوم في التسوق اليوم الاول (30): ملاهي انشول يوجد بها الكثير من الفعليات تلفريك وعالم تحت الماء والعاب مائية واشياء اخرى تقضي فيها يوم كامل الخيار الاخر انك تقضية تسوق اليوم الثاني (31) : مغادرة الى ارض الوطن الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التكسي متوفر في كل مكان وانصحك بتكسي لونه ازرق اسمة بلو بيرد ولو تستخدم تطبيق اوبر او قراب راح يكون السعر افضل هذا ما يحضرني الان اي سؤال او اي استفسار انا حاضر اتمنى لك التوفيق |
اقتباس:
وصدقت انا تواصلت مع السواق وشيك عليه وتاكد ان وضعه تمام ويقول ان الحجز متاح وماتشيل وتسجيل الدخول مساء وتسجيل الخروج صباح والمقصد المبيت والراحه فقط وباذن الله الامور زينه من ناحيه اول يوم |
اقتباس:
رايتك بيضاء والله يرحم لي والديك وعزالله ماقصرت والله لايحرمك الاجر انت ومن يسمع ويقراظ عندي سوالين خفيفات ع الطاير - مكتب كاها اللي بالجبل اذا جيته شخصياً وسالته عن الفنادق يحجز وسعره ارخص من بوكيمق واقوداء وانا يوم اسال لاني اشوف سنسنا بجلس 4 ايام وكن سعره غالي واقترح علي واحد يقول احجز من المكتب بالجبل فوشرايك تنصحني احجز باقي الايام بباندوق من الحين والا اكتفي بحجز اليوم الاول بوكينق والباقي وقت الوصول امدد واكاسر بالسعر على كيفي ؟ السوال الثاني : اخر يومين في جاكرتا اتمنى ترشح لي فندقين او ثلاثه مكانهم حلو وقريب من اهم المعالم وموقعهم يخدم السائح من اغلب النواحي ؟ |
الله يجزاك خير يابو كيان بالنسبة لمكتب كاها وبقية المكاتب انت وحضك احيانا اقل من بوكنق ويعطيك سعر حلو واحيانا يكون اغلى من بشي بسيط واحيانا يكون اغلى من بوكنق بكثير ومن الاخر ما تعرف لهم السعر انت وحظك بالنسبة لفندق سنسا ممكن تأخذ يومين غرفه عادية ويومين تأخذ جناح كذا يطلع عليك السعر معقول فنادق جاكرتا كثير والمعالم السياحية في جاكرتا متباعدة وليست في اتجاه واحد لذلك لا يمكن تحديد فندق معين يخدم جميع الاماكن السياحية في وقت واحد حتى في التسوق فيه فنادق قريبه من فخمة لكن بعض النزلاء يرغب في فنادق بجانب اسواق رخصية او شعبيه لذلك حددي المكان الذي ترغب في زيارته او تتوقع انك تحتاج له اكثر من غير بأذن راح اعطيك الفندق المناسب له اذا كنت تبحث عن مول للتسوق الفخم هذا الفندق رائع ملاصق لمولين من اكبر مولات اندونيسيا Pullman Jakarta Central Park اذا كنت تبغى فندق متوسط وسعر اقتصادي وملاصق لمول اسعارة من متوسطة فندق شيبوترا جاكارتا فندق شيبوترا جاكارتا |
| الساعة الآن 09:21 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO