|
ياربااااااه شنو هذا تقرير امريكي و لابرار ياسلالالالالام بداية صعبة وتحز بالنفس لما اللي معاك يكنسلون بس زين شجعوك الاهل و ماترددت والسعر صيدة وبزنس كمان يعني راحة ماكو مثلها هل سالوك الجوازات اي سؤال عند دخولك ؟ كالعادة تقاريرك تحمس للمتابعة وفيها الكثير من التفاصيل المهمة الحمد لله على السلامة و متابعين معاك :e032::e032::e032: |
اقتباس:
الحمدلله ممتعه واايد الظاهر سان فرانسيسكو ما تبينه نزورها :) اتشرفني |
اقتباس:
اي والله يا بوغسان زعلت حيل بس بعدين الحمدلله تيسرت الامور واستانست .. اووووف اقوى صيده والله اصبر لاحق على رزقك بنروح المطار وتشوف الاسئلة .. تسلم بوغسان والله يسلمك وتنور |
عقب ما حجزت اهم الاشياء قلت اكمل الباجي بالطريج وانا رايحه للقارة وبصراحة مشيت من غير جدول على كيفي دام اني بروحي ومحد معاي قلت وين ما اروح اروح .. وصل يوم 30/11/2017 لازم اكون في المطار ليلة الخميس الفير لان طيارتي الفير يعني في المطار اكون يوم الاربعا الساعه تقريبا 12:30 باليل .. تم التوجه الى مطار الكويت وكلي نشاط وحيويه وقبل ما اوصل المطار سويت الجيك ان اونلاين عن طابور الزحمه والحمدلله المطار هالحزه فاضي ما في زحمه ولا موسم سفر .. وانا واقفه بطابور الاونلاين تذكرت اتي نسيت بطارية الكاميرا :( هذي اولها ليش يا ابرار ؟؟ قلت خلاص اشوف لا وصلت امريكا ان شاءالله .. التصوير 90% من تلفوني iPhone 6 plus ويوصل دوري للكاونتر عند الاماراتيه وهذيل جناطي وحده بالشحن ووحده معاي داخل الطياره شنو فيها اللي داخل الطيارة : كتاب "تسكع على الخريطة" - كاكاو وبفك - بيجامه - بطارية - لحاف " ثرو" https://www.arabtrvl.com/up/uploads/...6358800041.jpg https://www.arabtrvl.com/up/uploads/...6358800052.jpg تفتيش مطار الكويت تقريبا صاير مثل هيثرو لان الشركة اللي ماسكة هيثرو امسكت مطار الكويت " يعني خلكم خفاف ولا تاخذون معاكم سوائل واشياء ممنوعه " الجمــــارك لختم الجواز :) احلى لحظة https://www.arabtrvl.com/up/uploads/...6358800073.jpg سوق الحره الصغير مطار الكويت وحزتها محتفلين بالعيد الوطني للامارات الحبيبه .. https://www.arabtrvl.com/up/uploads/...6358800094.jpg وطرت من الكويت الى الامارات وصلت مطار دبي ورحت على البوابة على طول ترانزيت عندي ساعتين وهذي البوابة الى نيويورك https://www.arabtrvl.com/up/uploads/...6358800125.jpg https://www.arabtrvl.com/up/uploads/...6358800156.jpg ونتوكل على الله من دبي الى نيويورك 14 ساعه و 25 دقيقه وبعد تفتيش دقيق مرتين في دبي https://www.arabtrvl.com/up/uploads/...6360000261.jpg https://www.arabtrvl.com/up/uploads/...6360000282.jpg وابتدي اضيع وقت اشوف مسلسل بو الملاين و واقرا اشوي من الكتاب و انام والخ .. الخدمه على الاماراتية ممتازه البزنس ولا احلى بصراحه التسليه بالتلفزيون القطرية فيها منوعات اكثر بس تظل بعد ممتازه الاماراتية .. وبنص الدرب تم توزيع استمارة الجمارك للدخول الى امريكا للغير امريكي .. البيانات المطلوبة : اسم العايلة - الاسم الاول - اسم الاب - تاريخ الميلاد - عدد المسافرين - السكن في امريكا - الولاية - اصدار الجواز و رقمه - موطنك الاصلي - الدوله المسافر لها - رقم الرحلة .. بعدين في اسئلة اذا معاي اكل او عندي مزرعه والخ كله حطيت لا لا لا لا ... ومكان المبالغ صفر وبالاخير توقيع وهذا شكل الاستمارة https://www.arabtrvl.com/up/uploads/...1636056231.jpg يتبــــــــــع |
كنت انتظر تجربتج في الرود تريب بالكرفان بس ان شاء الله خيره تخوينه الكل في اخر لحظه :59: متابعه ومستمتعه |
خلصت من الاستمارة و رديت نمت لما قالوا بعد ساعه ونوصل مطار مطار جون كنيدي - نيويورك Jhon F Kennedy airport - new york https://www.arabtrvl.com/up/uploads/...6387122891.jpg وصلت بالسلامة على تيرمنال 4 كل الطيران الخليجي يطب تيرمنال 4 https://www.arabtrvl.com/up/uploads/...6387123052.png وعلى طول لكاونترات الكنترول بس قبلها لازم كل شخص يسجل بياناته على الجهاز ويصور وياخذ الوصل وبعدها نوقف بالدور للكنترول .. و انا راح اقتبس هالموضوع من تقرير اخوي ماجد الفهد .. هذا الجهاز شكله https://www.arabtrvl.com/up/uploads/...6387123133.jpg وبصراحه سهل وواضح ( تسجل البيانات اللي في الجواز وتبصم وياخذ صوره لك وللجواز وبعدها يعطيكم الوصل ) وتوقفون بالدور .. وهذا الوصل تقريبا https://www.arabtrvl.com/up/uploads/...6387123174.jpg تمت الاعادة للافادة واقتباسها من تقرير اخوي ماجد الفهد .. وبعدين رحت للكاونتر وتم سؤالي 3 اسئلة فقط لا غير .. 1- ليش زايرة امريكا ؟ للسياحة 2- وين بتسكنين ؟ hampton inn harriman woodbury 3- جم معاج ؟ 3000 دولار جك جك تم الختم ( have a nice trip ) thank you طلعت على طول على سير الجناط وطلعت جنطتي بسرعه الحمدلله واطلع ولا جدامي شركة https://www.arabtrvl.com/up/uploads/...6388433071.jpg وخذيت لي خط انترنت مفتوح لمدة شهر مع الضريبة 100 دولار ومن بعدها خذيت القطار من تيرمنال 4 الى منطقة تأجير السيارات .. تم الاستعانة بالصور من تقرير اخوي ماجد الفهد https://www.arabtrvl.com/up/uploads/...6388433112.jpg https://www.arabtrvl.com/up/uploads/...6387123185.png وصلت نيويورك الساعه 2 الظهر على ما طلعت و رحت محطة تأجير السيارات تقريبا 2:45 ولما وصلت قالوا مكتب اللي حاجزه منه في باص كل تقريبا 10 دقايق او اقل واركب الباص اللي تابع لشركة بريس لاين لما وصلت قالوا لا انتي شركة اكونومي بس حجزج من موقعنا .. وانا الحين شلون وين اروح ما لقيت اوكونومي جان تقول اكونومي راحوا برا المطار وباصهم كل نص ساعه رديت محطة التأجير مره ثانية ونطرت نص ساعه والجوووووووووووو مووووووووووت بررررررررررددددد ومحد وصل وين الشركة واتصل عليهم بعدين قالوا الحين نطرش لج السيارة ياسلام اخرتوني وانا ناطرة بالبرد .. وصلت اكونومي https://www.arabtrvl.com/up/uploads/...6388433143.jpg وكملت البيانات وعطيتهم الليسن الكويتي ياخذون منه صوره خلاص ما نحتاج نطلع ليسن دولي يا مسافرين دولة الكويت .. والسيارة فيها جهاز ضرايب الطرق السريعه وهذا شكلة https://www.arabtrvl.com/up/uploads/...6388433174.jpg بدال ما نوقف وندفع خلاص هذا وانت ماشي express pass يسمونهم يحسب بروحه .. ذكرت اول التقرير جم طلعت علي السيارة .. طبعا تأخرت المفروض اكون ماشيه منهم من زمان بس اهما تأخروا علي .. وهذا الجيب اللي خذيته ما احب الصالونات متعوده على الجيبات https://www.arabtrvl.com/up/uploads/...6388433215.jpg وطبعا اصور السياره من كل الجهات عشان لا صار شي لا سمح الله اتأكد من تصويري .. https://www.arabtrvl.com/up/uploads/...6388433236.jpg طلعت منهم على الساعه تقريبا 5:30 - 5:45 وايد تأخرت .. وهذي جم صوره من جسر نيويورك https://www.arabtrvl.com/up/uploads/...6388433298.jpg حاشتني زحمه نيويورك وانا ما فيني حيل ابي اوصل الفندق https://www.arabtrvl.com/up/uploads/...6388433329.jpg https://www.arabtrvl.com/up/uploads/...3884333310.jpg زحمه يا دنيا زحمه https://www.arabtrvl.com/up/uploads/...6389818921.jpg اكره شي صار معاي في هالرحلة اسوق في هالظلمة الحمدلله مو خوف بس مشكلة النوووووم اذا الشارع مافي اضاءة بسرعة تيني النومه تعبت مع سياقة الليل عيني تغمض والله الله ستر .. https://www.arabtrvl.com/up/uploads/...6389818942.jpg بالاتجاه الى منطقة سنترال فالي " منطقة الاوت لت " https://www.arabtrvl.com/up/uploads/...6389818963.png والحمدلله واخيرا تم الوصول الى الفندق على الساعه 8:45 تقريبا من بعد الزحمه و وقوف عند الجمعية وهذي غرفتي https://www.arabtrvl.com/up/uploads/...6389819044.jpg https://www.arabtrvl.com/up/uploads/...6389819085.jpg https://www.arabtrvl.com/up/uploads/...6389819116.jpg https://www.arabtrvl.com/up/uploads/...6389819157.jpg الحمام عزكم الله https://www.arabtrvl.com/up/uploads/...6389819188.jpg https://www.arabtrvl.com/up/uploads/...1638981929.jpg https://www.arabtrvl.com/up/uploads/...3898192110.jpg https://www.arabtrvl.com/up/uploads/...6390565381.jpg المنطقة حييل باااااااارده ابرد من نيويورك الفندق ممتاز واعتبره من افضل الفنادق اللي سكنتهم في هالرحلة .. انتهى اليوم الاول والى نوووووم عميق لليوم الثاني .. القاكم ان شاءالله في اليوم الثاني من الرحلة |
اقتباس:
اي والله بوكسات يبيلهم بس الحمدلله استانست وايد فيها رحلتي وانا بروحي اتشرفيني ومنورتني |
الحمدلله على السلامة وسجليني من المتابعين كنا بانتظار رحلة مختلفة من الغرب الأمريكي ولكن التغييرات اللي صارت جعلتنا امام تقرير بدايته جميلة من الشرق الأمريكي |
في سماء الإبداع حلقتي ولأجمل موضوع طرحتي وأضاء بجماله أرجاء المكان :10: سبحان الله كنت مخطط على رحلة الى بلاد العم سام وطلعت الفيزا لكن الظروف والاشغال اقوي من الانسان:31: https://up.3dlat.com/uploads/13612226336.gif اخت ابرار غردي و استرسلي و أسهبي و أكثري ماشئتي بما شئتي كيف شئتي :e317:تحياتي الدائمة لك:e317: |
| الساعة الآن 11:50 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO