شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة امريكا (https://www.arabtrvl.com/vb/f168.html)
-   -   سـكــة سفــر فيهـا مشـاويـر العمــر ( امـريكــا ديسمبــر 2017 ) (https://www.arabtrvl.com/vb/t31951.html)

q8ya metnaqla 17-01-2018 08:41 PM

سـكــة سفــر فيهـا مشـاويـر العمــر ( امـريكــا ديسمبــر 2017 )
 
سكــة سفــر فيهــا مشـــاويــر العمـــر
سكــة سفــر مجبــور أجـاوزهــا و أمــر


السـلام عليــكم و رحمــــة اللـــه و بــركــاتــه


بعــد فتــرة انقـطـاع عـن كتــابة التــقاريــر الطــويلـة رديـت لكــم فـي تقـريـر طـويل و ان شـاءالله يكـون مفيـد وممتـع ..


https://www.arabtrvl.com/up/uploads/...6210779711.jpg


تقـريـري ما يخفـى عليكـم بيكـون عن طبعـا بـلاد العــم ســام


امــــريكـــا القـــارة
فعلا قـارة تختلفت في تضاريسـها وطقسها وبنيانها و ثقـافتهـا


https://www.arabtrvl.com/up/uploads/...6210779772.jpg


الرحلة كانت اتجاه جدا مختلف عن الاتجاهات السابقة من زياراتي في 2009 و 2012 و خـط سيـر غيـر عن الخطوط المتعودة عليهم .!!!


حطيت استفسار في البوابه عن خط رحلة رود تريب وبالكرفان من سان فرانسيسكو .


ليش تم الاختيار على سان فرانسيسكو لان عندي دوره من قبل دوامي على هالمدينة وطبعا الكل ما قصر معاي في الاقتراحات والاراء واخص بالشكر ل (ابوناصر المسافر - ابوغسان - مقدام )


لكم من كل تحية على ردكم لاستفساراتي وكل من رد علي بأي معلومه شكرا لكم من القلب ..


الحين تمت الترتيبات على فرانسيسكو وما حولها وكان العدد من 3 - 4 اشخاص .. :)


وبقدرة قادر صار العدد 1 شخص واحد اللي اهي محدثتكم ( كويتـية متنقـــلة )


وين الربع وين المجندات اختفوا من الرحلة ؟؟


تابعــوا مــعــاي بعـــد اشوي التكملــة :)

منيرة 18-01-2018 05:37 AM

يه يه يه يه

تقرير امريكي يديد


يلا ناطرينج :e50c:

أسرار 18-01-2018 10:16 AM

يعطيك العافيه
ونحن بالانتظااااااااار

الايمان 18-01-2018 01:20 PM

التقرير من بدايته مشوقه
تصدقين ودي اعرف قصة هالسفره وشلون صرتي بس بروحج كان خذيتيني معاج عندي فيزا 10 سنوات:29:
ناطرينج لاتطولين

q8ya metnaqla 18-01-2018 03:28 PM

وين الربع وينكم يا الاويااود ؟؟
انا الو فلانه عسى ماشر الجدول مو عاجبكم نغير نبدل ؟؟
فلانه لا والله حلو وعاجبني بس مااقدر دوامي عندي شغل و موراضين يعطوني اجازة !!
انا انزين حاولي مني مناك ؟؟
فلانه والله حاولت ما في مجال :(
انا خيره ان شاءالله في امان الله ..
انا : اختي حبيبتي اشفيج انتي بعد عسى ما شر ليش منتي رايحه و ويه معصب ؟؟
اختي ما اقدر اروح دوامي ... خاصمين علي مبلغ وقدرة
انا : عيوني طلعت شنوووو وليييييش ومو على كيفهم !! انتي من صجج ؟؟
اختي : تخيلي يقولون ماعندي بصمه من شهر 1 وتوهم يشوفون بالكشف ..
انا : لا هذيل وينهم طول السنه ؟؟ والحين شنو بتسوين و امريكا ؟
اختي: ما راح اروح وهاللويه عندي لازم اشوف شنو اخرتهم ..
انـــا : ســــــرحــــــــــااااااان الى مـــالــــه نهـــاية شتسوين يا كويتية منو يروح معاج معقولة تروحين بروحج ولا اتكنسلين السفره و تأجلينها ؟
انـــا : لا صبر في شخص 3 يماااا يماااا معاي امــريكـــا هــا :)
امــي : لا وي درب شيوديني شطوله لندن اوك اروح ..
انــا : شنو لا من صجج اشفيكم محد بيروح معاي اروح بروحي امريكا ؟
امــي: اي روحي دورتج و ردي ونروح لندن :)
انــا: لاااااا توديني و ترديني وتوديني يما حرام عليج درب
امي : اي عادي انتي تحبين الطيران
انا : اي صح بس مو جذي عاد .
امي : كيفج هذا رايي وانتي فكري ..
ابوي : خلاص يبا روحي دورتج اسبوع و ردي ..
انـا : لااااااااااااا لاااااااااااا شنو اروح اسبوع و ارد ترا انا مو رايحه كارديف ..
ابـوي : يعني شنو تبين ؟؟ ( وعاقد النونه )
انــا : ما ابي شي ابي احد يروح معاي ويكمل خط الرحلة معاي لاني ما راح اطق درب اسبوع وارجع ..
ابــوي : لا يبا دام محد معاج ما له داعي شهر
انا : لا يا زمن :( ليش يبا بس خلاص ما ابي حتى الدورة ..
ابـوي : يعني شلون بروحج يبا شهر وهذي امريكا والخ من الاسطوانه ..
انــا : اقعد زعلانه وخلاص ما افكر في شي .. فجأه طرا على بالي عمي رفيج ابوي من عمر عايش في امريكا وتزوج امريكية وكل بين فترة يزورونا في الكويت .. جان اقول حق ابوي اني بكون على اتصال معاهم وازورهم وانت وصهم علي ..
ابــوي : يفكر ويفكر واليوم الثاني يفكر ويفكر والثالث يفكر ويفكر
انــا : على نــــــــار خــلاص يبــا كنسلت السفــره ومـاني رايحــة ..
ابــوي : خـلاص يبــا توكلي علـى اللـه وانا كلمت عمج ( اللي اهو رفيج ابوي ) وان شاءالله خير ويسهل دربج ..
انـــا: احلف يبا هيااااااااااااااااا وبوووسه على الراس والايد يستاهل القائد الاعلى :)
وطبعا خط سير الرحلة كله تغير من a-z والسبب الاول من القروب اللي كان معاي وكنسلوا والثاني دوامي غيروا وجهة دورتي ولازم اغير كل حجوزاتي ..
و داخل مخي اقوى
brain storm


https://www.arabtrvl.com/up/uploads/...6278400261.gif

هذي الاحداث كلها صارت قبل السفره تقريبا ب 3 اسابيع ..
حسيت نفسي في دوامه حزتها من سفره من شغلي الخاص لازم اكمله ومن دوامي لازم اكمل اوراقي وحجوزاتي كل هذا في 3 اسابيع ..
اوقف معاكم لي اهني على ما اجهز الصور

q8ya metnaqla 18-01-2018 03:33 PM

اقتباس:

المشاركة الأصلية كتبت بواسطة منيرة (المشاركة 371517)
يه يه يه يه

تقرير امريكي يديد
يلا ناطرينج :e50c:

اقتباس:

المشاركة الأصلية كتبت بواسطة أسرار (المشاركة 371540)
يعطيك العافيه
ونحن بالانتظااااااااار

اقتباس:

المشاركة الأصلية كتبت بواسطة الايمان (المشاركة 371583)
التقرير من بدايته مشوقه
تصدقين ودي اعرف قصة هالسفره وشلون صرتي بس بروحج كان خذيتيني معاج عندي فيزا 10 سنوات:29:
ناطرينج لاتطولين

ما شاءالله الجنس اللطيف اول الحضوور منوريني


يايج التقرير منيره صبري عليه شوي ..


الله يعافيج اسرار ان شاءالله ما اتأخر عليكم ...


تسلمين امون ههههه حطيت جزء من القصه اللي صارت .. ودي اخذج معاي بس اللي اعرفه صاحبنا ما يوافق ولا انا غلطانة ؟؟
ما راح اطول ان شاءالله

توبليرون 18-01-2018 08:51 PM

سكة سفر بنروح احنا معاج فيها ونشوف كل شي شفتيه هناك وسويتيه
اشوة ان ضبطت السفره وتمت بنجاح ان شاءالله
متابعين للآخر

q8ya metnaqla 19-01-2018 12:30 AM

بعد ما خذيت الموافقه من القائد الاعلى


لازم الحين ارتب كل شي من يد ويديد


ليش الله يسلمكم ؟ لان خط السير تغير والاتجاه صار شرق
دورتي راح تكون في نيويورك بدل سان فرانسيسكو تخيلوا ..


كانت النية : فرانسيسكو - هاواي - بعدين رود تريب بالكرفان ..


تحولت الى : نيويورك - المفروض شلالات نياغرا - واشنطن دي سي - نيويورك - اورلاندو - ميامي - ديتونا بيتش - اورلاندو ..


طبعا بديت افكر بالحجز وادور الطيران واسعار زينه وسفرتي ما بقى عليها شي ..


و جان اصيد سعر تذكره عجيب عالاماراتيه A 380 وبـــــــزنــــــــــس


شفت السعر انصدمت قلت معقوله !! و ارد اشوف السعر لا في شي ؟؟
واتصل عليهم جان يقولون مسوين عرض بس اليوم
بس اليوم صيديها يا بنت لا تطير عنج ..


التذكره الدوليه خطها كان : كــويت - نيــويــورك - لنـــدن - كــــويــــت


السعر : 800 دينار كويتي


انا ما صدقت كنت محصلتها فوق ال 1000 على اغلب الطيران ..


والله واحجزها عالاماراتية


https://www.arabtrvl.com/up/uploads/...6308521021.jpg


بعد ما تطمنت على الحجز .. بديت اشوف شلون بيكون خط سيري وبيني وبينكم شوي حسيت بخوف من رحلة امريكا و بروحي يعني صح تعودت على الغربه وجربتها بس كل مره يكون عندي رفيجاتي وزملائي و ما اكون بعيده مثل امريكا ..


قلت يالله هذي تجربة ونتوكل على الله .. وطرت على بالي رفيجتي دكتورة في كندا اتكمل تخصصها واتصل عليها واقولها اشرايج تمرين علي نيويورك جم يوم وترجعين كندا والله جان تقول اوك قلت زين الحمدلله ..


خط الرحله : كويت - نيويورك - سنترال فالي (منطقة الاوت لت ) - شلالات نياغرا ( كنسلتها ) - واشنطن دي سي - نيويورك - اولاندو - ميامي - اورلاندو ..


https://www.arabtrvl.com/up/uploads/...6309414361.jpg


وانتهي من امريكا الى المعشوقة بريطانيا وبعدها الى الام الحبيبه الكويت ..


بديت بحجز الفنادق


https://www.arabtrvl.com/up/uploads/...1630935881.jpg


الطيران بتاريخ


30/11/2017 الى 26/12/2017


27 يوم بالتمام والكمال


تم الحجز في


فندق Hampton inn Harriman woodbury
شوف يا ماجد خط الرحلة والفنادق متقاربه


من 30/11/2017 الى 1/12/2017 ليلة وحده والقصد منها اتسوق واشوف الاوت لت .. و اكمل طريجي ..


السعر : 55 دينار كويتي = 185 دولار شامل كل شي ضرايب ورسوم وريوق ..


بعد حجز الفندق ندور على السيارة اللي بأجرها


وتم الاستعانة في موقع بريس لاين اول مره استخدمة بصراحة ممتاز واسعاره حلووه


موقعهم الالكتروني


https://www.priceline.com/l/rental/cars.htm?rtheme=rc_generic&query=priceline%20renta l%20car&kw=priceline%20rental%20car&match=e&adp=1t 1&refid=PLGOOGLECPC&refclickid=D%3AcIntlBrand10776 764540g43474805532253539492aud-381973834302%3Akwd-431990889%7C9069551&gclid=CjwKCAiAqIHTBRAVEiwA6TgJ w377I2P3zT8dlvAxqqoGMT6aLNnalKx2F61XgsY5gqJKBdXuqm Va7hoCGBUQAvD_BwE&slingshot=1501


https://www.arabtrvl.com/up/uploads/...6310173021.jpg




تم حجز موستنغ كشف بالاول :)


بعدين تم التغير لا اسباب امنية مو مقتنعه فيهم هههه
وتم الاختيار على جيب SUV MID SIZE من شركة اكونومي ECONOMY


استلمها بتاريخ 30/11/2017 من مطار جون كندي و ارجعها تاريخ 3/12/2017 الى جون كندي


السعر : 40 دينار كويتي - 135 دولار لكل الايام ..


زين الامور ماشية تمام الحين ..


جيكنا على الفيزا الحمدلله موجوده ل 10 سنوات


واللي ما عنده يروح يطلع له و يستفيد من هالتقرير ..


من عضونا المبدع ( مسـافر معـاكـم )


https://www.arabtrvl.com/vb/t15702.html


https://www.arabtrvl.com/up/uploads/...6310748211.png




بعد ما خصلت اهم الاشياء بديت عاد بالاستعداد للاقلاع الى القارة الامريكية


اشوفكم باجر ان شاءالله بجزء يديد

q8ya metnaqla 19-01-2018 12:34 AM

اقتباس:

المشاركة الأصلية كتبت بواسطة توبليرون (المشاركة 371642)
سكة سفر بنروح احنا معاج فيها ونشوف كل شي شفتيه هناك وسويتيه
اشوة ان ضبطت السفره وتمت بنجاح ان شاءالله
متابعين للآخر

ههههههههههه حياكم حياكم
اي والله الحمدلله كانت على طرييف
تنورني متابعتج

ابو ناصر المسافر 19-01-2018 12:58 AM

وعليكم السلام ورحمة الله وبركاته
لا لا شكلنا على موعد مع تقرير بيكسر الدنيا للعشق بلاد العم سام

لا شكر على واجب وان شاء الله تكوني قضيتي رحله ممتعه

نفس الم،قف سبحان الله صار لي
كان عندي تدريب في سان فرانسيسكو والمفروض نكون ٣ وانتهت بروحتي لحالي

المفروض نروح ٣ وانتهيت لحالي !!!!:2:

متابع لكل التفاصيل :yolks00310:


الساعة الآن 08:35 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO