|
يسعد لي صباحك ثلج في ثلج والله تخاف تزحف فيك السياره عاد وش يردها السلاسل مهمه جدا في مثل هالمشاوير منظر الثلج علي الأشجار يعطيك حماس واضح كثرت الناس عند التزلج أسعارهم جدا مناسبه لا تقول مشيت بدري لأنسبروك ورجعت ولحقت علي الكرنفال |
رحنا ميونخ قبل سنتين مع نهاية ديسمبر و القصد نقضي فيها راس السنة و من يوم الوصول كان الثلج ينزل و درجة الحرارة ما تزيد عن -12 ... المشكلة مو بالبرد المشكلة كانت بما ان الثلج ينزل ما كنا نقدر نمشي وايد بصراحة اخر شي تمللنا و حجزنا طيران داخلي على باريس و قضينا راس السنة هناك ومرينا ديزني بعد ههههههه و رجعنا قبل رحلة العودة ب يوم في المطار قبل لا تطير الطيارة يرشون عليها مادة لزجة لونها اخضر من شاحنات و سألنا المضيفة و تقول انها تمنع تكون الجليد على الطيارة و بالذات الجناح و منها سميت ميونخ The White Lands ههههههههه مستمتعين و بإنتظار باقي المغامرات |
الله جميلة الغابة السوداء في الثلج سيكست شركة محترمة تعاملاتي معها كلها جيدة حلوة ساحات التزلج متابعة معاك تقريرك الشيق |
مدري ويني عن التقرير ما انتبهت له عذراً شغلك كله مغامرات يابو عبدالله هههههه من اختيار هذا التوقيت للرحلة الى الحادث البسيط ثم التزلج على الجليد مناظر الاشجار رائعة والثلج عليها فعلاً يعطي لون فضي خرافي المشكلة لما ترجعون لابد يكون البيت دافي ولا مافيه نوم بالليل صحيح الخبز الالماني مميز ويسوونه عندنا بجدة كمان المخبوزات الفرنسية متميزة ولعل اهمها الكروسان انسبروك صعبة بالشتاء خاصة أن طرقها ملتوية والطريق الى سيفلد جداً صعب وقت نزول الجليد متابعين معاك يا عسل |
اي والله نسكر الدفايات 11 بالليل وانا كيف انام يا حبيبي :32: سكروها بالنهار حنا طالعين مانهجد الا بالليل :32: |
اقتباس:
اقتباس:
اقتباس:
اقتباس:
هلا ابو غسان ... الله يعظم اجركم والله وماتقصرون ابدا والله في الدعم مهما كان مستوى التقرير خصوصا انك مايحتاج كاتب فوق مستوى الاحتراف :18: ... والتغيير بعض المرات زين حتى لو كان لمستوى اقل مثل ايام ماكنا نطلع للنفود او البر في الصيف !! درجة الحرارة 50 ونشرب شاهي تحت شجرة !! بس تظل حلوه :24: ... والاكل هناك اجمالا لذيذ خصوصا الخبز ونقانق لحم البقر ... .... شكرا لك ابو غسان على دعمك وحياك الله .. اقتباس:
شكرا لكم جميعا على متابعتكم والجزء القادم تقريبا جاهز ... بس عاد هاليومين زحمة اشغال شوي والجو عندنا سيء شوي وثلوج وامس غرزت سيارتي واحاول ساعتين اطلعها واخر شي خليتها لليوم والحمد لله قدرت اطلعها ... رحنا ندور الثلج بالمانيا وجانا لعند البيت الحين :18: ... شكرا لكم على اضافاتكم مرة ثانية والليلة احط جزء جديد ان شاء الله |
كالعادة ننام بدري ونصحى بدري ومثل ماقلت انه اليوم بداية الكرنفال واللي يستمر مدة 3 ايام في المدن والقرى الكبيرة شوي ... القرية اللي كنا ساكنين فيها عبارة عن شارعين ومحطه فما راح يكون فيها شي ... افطرنا في البيت شي سريع وتكلنا على الله الى انسبروك النمساوية ... خطة الزيارة كان من ضمنها توقف في زحليقة ايمست Winter - Imster Bergbahnen & Alpine Coaster Imst والزحلقة هذي طول مسارها 3.5 كيلو والصعود لنقطة البداية يكون بالكرسي المعلق ثم نكمل منها لانسبروك بس شيكت بالليل عشان اشوف اوقات دوامهم وطلع معي انهم بالشتاء الزحليقة تشتغل بالويكند بس وحسب الطقس بعد اذا كان ثلج قوي ماتشتغل ( ثلج قوي يقصدون يندفن مسار الزحليقة ) فصار الحين وقتها مو مناسب لنا لان ماراح نكون بقارمش !! الحقيقه كان احباط شوي لان في البداية كنت متوقع ان الزحاليق ماتفتح بالشتاء وانها فقط صيفية ..بس يوم عرفنا انها تشتعل بالشتاء تحمسنا ويوم صار الوقت مايناسبنا انقهرنا !! بس انا ماكنا نعلم الصغار بأي شي لان كنا متوقعين كل شي قابل انه يتغير لاخر لحظه ....الحمد لله عوضناها في بادن بادن بوحده مقاربة لها بالطول وبذكرها بوقتها ان شاء الله ... توكلنا على الله لانسبروك والطريق بحد ذاته كافي للاستمتاع بقدر كبير ... يكفي انه كان افضل بمراحل من اللي كنا متوقعينه وجربنا السياحة الشتوية في الارياف والجبال وكانت بالنسبة لي تستحق التجربة وما امانع من تكرارها ... https://www.arabtrvl.com/vb/picture....ictureid=63793 https://www.arabtrvl.com/vb/picture....ictureid=63795 https://www.arabtrvl.com/vb/picture....ictureid=63796 https://www.arabtrvl.com/vb/picture....ictureid=63797 الطريق جدا ممتع وملتوي لانه صاعد في الجبال وفيه لفات خطيرة للي يسرعون بس انا كنت ماخذ وضع الشايب .. مو مستعجل على شي ... https://www.arabtrvl.com/vb/picture....ictureid=63794 https://www.arabtrvl.com/vb/picture....ictureid=63792 الطريق مخدوم لانه يمر على عدد كبير من القرى والاماكن السياحية بس ماجربت اطلع لان كنا بدري شوي وجرافات الثلج توها مابعد غطت كثير من المناطق باستثناء الطريق الرئيسي اللي ماواجهت في مشكلة الحمد لله ... وماكنت ابي يضيع يومي وانا متعلق بشارع جانبي !! لان مااخذت سلسلة معي للسيارة ..والسلسلة احس انها مفيدة وتركيبها سهل في اعتقادي ... هي تركب على الكفر الرئيسي اللي يحرك السيارة وشفتهم يفرشونها بالارض ويمشي فوقها ثم يقفلها ... ماتاخذ وقت وسهل تركيبها وفكها .... وتساعد على المشي بالثلج .. واللي يركبها لازم يفكها واعتقد مو مسموح يمشي بها في الشوارع اللي مافيها ثلج .... وصلنا انسبروك الحمد لله وكانت الشمس طالعة والجو كان برد بس يظل حلو ... وقاعدتي ان البرد حلو بس انت البس واستمتع ... فكنا قبل السفر شارين بعض الاشياء من حقين مستلزمات التزلج مثل القفازات مثلا عشان اللعب بالثلج ..... وماخذين جزم وابوات المطر اكرمكم الله وكانت جدا مناسبة في الثلج بدل الجزم او الكاوتش العادي وتاركينها بالسيارة ونستعملها وقت الحاجة ..اشياء صغيرة بس تحدث فرق كبير في الرحله ... وكانت الخطه جولة في انسبروك ونطلع بالتلفريك لقمة النورد بارك ... وقفنا السيارة في مواقف سبار هنا ( تاخذ الكرت حق الموقف واانت داخل وتخليه معك مو بالسياره عشان وانت راجع تسدد داخل السوبر ماركت من المكينة اللي جنب المصاعد ) https://www.google.com.sa/maps/place...6!4d11.3981371 دايم كل موقف لازم اصور السيارة عشان مااضيعها ولو ضيعتها ممكن احد يساعدني اذا كان فيه رقم او لوحه او مدخل شي معين وهنا مدخل السوبر ماركت .... https://www.arabtrvl.com/vb/picture....ictureid=63799 طلعنا برا وكانت محطة القطار اللي يطلع للجبل قدام المواقف واسم المحطه Hungerburgbahn والمحطة هذي هي تعتبر اول توقف في الصعود اذا كنت طالع من البداية من محطة Nordkette Cable Car ... طبعا كالعادة عند اول مكان اجديد افهي شوي واجلس اشوف الناس وش تسوي !! جاء قروب كبار سن وطلبوا المصعد وطلعوا فوق لرصيف المحطة .. رحنا للمكينة نشتري التذاكر وبما انه نبغى القمة فما لقينا خيار الصعود لها !! ومااعرفنا وش نسوي !! هو نقدر نشتريها من فوق مو من هنا بس ماكنا نعرف الشي هذا .. قررنا نصعد لاخر نقطة اللي هي Hungerburgstation Hungerburg ... وقبلها محطتين وحده فيها حديقة حيوان اسمها Alpine zoo station ومحطة ثانية ... شرينا التذاكر بس ماقدرت استعمل فيزا التسوق هنا لان طلب رقم سري وانا ماكنت حاط لها رقم ( تقدر تسوي لها رقم سري من المباشر ) وحاسبت ببطاقة صراف عادي ومشى الحال .... اعتقد اذا كان المبلغ اكثر من 50 يورو فبيطلب منك رقم سري لها .... https://www.arabtrvl.com/vb/picture....ictureid=63806 https://www.arabtrvl.com/vb/picture....ictureid=63800 هنا تستعمل التذاكر وهنا حصل معنا مشكلة !!! https://www.arabtrvl.com/vb/picture....ictureid=63801 الى الان انا ماادري المشكلة وين .... عشان نطلب المصعد لازم نسوي سكان للتذاكر والا مايشتغل زر المصعد ... سويت سكان وطلبت المصعد وما جاء .. جربت بتذكرة ثانية ونفس الشي .... وكل التذاكر !! جيت اجرب ثانية رفض وطلع احمر يعني التذكرة مستعمله خلاص !! وش نسوي !! انتظرنا واللي يمر نساله كان يتكلم انقليزي ... الين لقينا وحدة تتكلم ... وكانت جدا متعاونه واخذنا من وقتها يمكن 10 دقايق .....جربت معنا المصعد ونفس الشي وجربنا مع المدخل الدرج ونفس الشي !! فيه تلفون جربت معه ومحد رد !! هنا خلاص قلت خلاص روحي شوفي شغلك وشكرا لك ... قالت بقي حل اخير اللي هو روحوا للمحطه الاولى وتبعد عن هنا 500 قدم يمكن وهناك فيه مكتب اشرحوا لهم ... علمتنا عن المحطة اللي هي Nordkette Cable Car وشكرناها ورحنا على وصفها ... نهر اين ( طوله 500 كيلو يمر سويسر والنمسا والمانيا ومنبعه جبال الالب ومصبه في الدانوب وهنا اعتقد نصف طوله ... https://www.arabtrvl.com/vb/picture....ictureid=63802 https://www.arabtrvl.com/vb/picture....ictureid=63836 الدنيا مثلجه والناس وحركة المرور قليلة https://www.arabtrvl.com/vb/picture....ictureid=63805 https://www.arabtrvl.com/vb/picture....ictureid=63804 https://www.arabtrvl.com/vb/picture....ictureid=63803 لقينا المحطه وكانت جنب مبنى كبير ...وشرحنا للموظفة سالفتنا وشيكت تذاكرنا وقالت خلاص مو مشكلة اطلعوا من هنا وفتحت الحاجز لنا وركبنا بالقطار ... القطار ثلاث عربات اعتقد والافضل اعتقد الاولى والاخيرة لانك تقدر تشوف المسار قدامك بعكس العربة الوسطى اللي رؤيتك بتكون محصورة بالجوانب فقط ... واعتقد ان محطات القطار من تصميم المهندسة العراقية زها حديد والمكان مليان بصورها وطبعا لها انجازات كثيرة مثلا مبنى شركة بي ام دبليو ومركز الملك عبد الله للدراسات والبحوث البترولية واوبرا دبي والمبنى العائم في دبي ومسجد الافنيوز في الكويت واماكن اخرى كثيرة ... https://www.arabtrvl.com/vb/picture....ictureid=63809 https://www.arabtrvl.com/vb/picture....ictureid=63808 https://www.arabtrvl.com/vb/picture....ictureid=63810 https://www.arabtrvl.com/vb/picture....ictureid=63811 الناس اللي طالعين مررره قليلين ... وبعضهم معهم معدات تزلج ... فكنت مستغرب !! لان كيف بيصعدون .. بس قلت انتظر واشوف ... https://www.arabtrvl.com/vb/picture....ictureid=63812 https://www.arabtrvl.com/vb/picture....ictureid=63813 صورة القطار بعد ماوصلنا فوق https://www.arabtrvl.com/vb/picture....ictureid=63814 صورة المحطة من برا https://www.arabtrvl.com/vb/picture....ictureid=63818 الاطلالة كانت قطعة من الجمال والروعة ( لاأكثر ) https://www.arabtrvl.com/vb/picture....ictureid=63815 اتوقع حسب مشاهداتي ان الاماكن اللي تتغطى بالثلوج في الشتاء تكون زاهيه الخضرة اكثر من الاماكن الممطورة فقط ... https://www.arabtrvl.com/vb/picture....ictureid=63816 https://www.arabtrvl.com/vb/picture....ictureid=63823 https://www.arabtrvl.com/vb/picture....ictureid=63817 https://www.arabtrvl.com/vb/picture....ictureid=63819 هنا في الاعلى لقينا محطة التلفريك اللي تاخذك للقمة وتاخذ تذكرة التلفريك منها هنا ... بس الغريب انه ماكان موضح تحت كذا الا كاني ماانتبهت ... فاللي يبي القمة لازم يصعد بالقطار الى هنا ثم يحجز التلفريك من المكتب خارج محطة الوصول ...ومكتب التذاكر منفصل عن مبنى التلفريك للمعلومية ....هنا في الاعلى موجود دورات مياه عامة ... ومطعم وكوفي وقرية صغيرة ...احس مع كثرة الصور عندي وكثرة الجوالات كاني فقدت شي من الصور او تجاوزته وقت الفرز فالعذر اني ما ارفقت صور لبعض الاماكن والا فالحق لكم اني اوثق كل شي .... المطعم يطل على انسبروك من اعلى بس كان وقت زيارتنا مقفل ... نقطة البداية للصعود والنهاية للنزول من القمه هنا https://www.arabtrvl.com/vb/picture....ictureid=63820 اعتقد الكبينة تشيل حتى 40 شخص في كل مره ... ومدري هل فيه كبينه ثانيه فوق او لا واعتقد تتحرك كل 30 دقيقه ووقت الرحلة 10 دقايق ... والصعود يكون على مرحلتين ( فيه محطة نزول ) https://www.arabtrvl.com/vb/picture....ictureid=63821 https://www.arabtrvl.com/vb/picture....ictureid=63822 بالبداية قلنا ناخذ جولة بالمكان ... https://www.arabtrvl.com/vb/picture....ictureid=63846 https://www.arabtrvl.com/vb/picture....ictureid=63843 https://www.arabtrvl.com/vb/picture....ictureid=63842 https://www.arabtrvl.com/vb/picture....ictureid=63837 https://www.arabtrvl.com/vb/picture....ictureid=63838 اللي ع اليسار مدخل مبنى التلفريك https://www.arabtrvl.com/vb/picture....ictureid=63839 https://www.arabtrvl.com/vb/picture....ictureid=63825 https://www.arabtrvl.com/vb/picture....ictureid=63847 https://www.arabtrvl.com/vb/picture....ictureid=63824 طبعا برد ومع البرد الواحد يجوع شوي مثل ماانتم عارفين والاكل يدفي ايضا.... فقلنا نجدد النشاط شوي في الكوفي الموجود ... https://www.arabtrvl.com/vb/picture....ictureid=63840 https://www.arabtrvl.com/vb/picture....ictureid=63841 الفلافل كانت حلوه https://www.arabtrvl.com/vb/picture....ictureid=63844 https://www.arabtrvl.com/vb/picture....ictureid=63827 https://www.arabtrvl.com/vb/picture....ictureid=63829 شاهي اخضر مالقينا غيره https://www.arabtrvl.com/vb/picture....ictureid=63828 طبعا كنسلنا فكرة الصعود للقمة لان كان فيه رحلة مدرسية وكان زحمه والانتظار بيطول شوي ومافيه شي مغري للصعود .... اخذنا جولة صغيرة ونزلنا ... https://www.arabtrvl.com/vb/picture....ictureid=63830 https://www.arabtrvl.com/vb/picture....ictureid=63832 https://www.arabtrvl.com/vb/picture....ictureid=63833 رجعنا واخذنا سيارتنا واخذنا لفة بالسيارة في المنطقة ورجعنا لقارمش ... مرينا القرية اللي قال لنا صاحب البيت انه بيحتفلون وكانت بطريق الرجعه وكان مرورنا لانه معنا وقت ساعة قبل المغرب بس كانو مخلصين احتفال وشفناهم بالشوارع لابسين ملابس تنكرية ... الحمد لله اليوم كان حلو وممتع والطريق رغم انه متعرجع صعود ثم هبوط بس كان جميل ومخدوم وسيارات الثلج كانت قايمه بشغلها تمام .... الجزء القادم ان شاء الله بيكون ميونخ ولقطات سريعه من اماكن محدوده منها مثل مركز فونف هوف وفكتولين ماركت وغيرها ....سامحونا ع القصور ... |
رائع يابو عبدالله ما شاء الله جمال المنطقة وسط الثلوج واضح معلومة حلوة واتوقع المنطقة اللي يجيها ثلج دايم ممطوره لذا خضارها يكون ازهى مادام وصلتوا المفروض استمتعتوا بالتلفريك بانتظار جزء ميونخ ولا تنسى تصور الثلج اللي جاكم قريب رحتوا له بالمانيا وجاء عندكم |
أثلجت صدورنا بهذا التقرير يا ابو عبدالله فعلا معظم التقارير صيفية وتندر التقارير الشتوية هذا لا يعني أنه لا يوجد من يسافر في الشتاء للتمتع بالثلج ، لاكن للأسف أغلبهم لا يكتب تقارير بذلك قرارك ممتاز وخطوة جريئة ونتمنى أن نقوم بمثلها لذلك كتبت تقرير عن منطقة وينتربيرج في ألمانيا ، المناسبة للسياحة الشتوية والثلجية والعائلية بحكم طبيعة المنطقة وتعدد الفعاليات حيث تعتبر طبيعتها أسهل وجبالها أصغر وأسهل للتزلج وهي مناسبة للمبتدئين بالرغم من اني لم أزرها بتقريرك هذا نقلت لنا صورة رائعة ومناظر جميلة ، تبين مدى جمال السياحة الشتوية وكذلك معلومات مفيدة ، تزيل بعض اللبس أو التخوف من السياحة الشتوية شكرا جزيلا ، ومتابعين معك |
ما شاء الله عليك يعجبني تدون أي شيء تحسه بيفيد المسافر الثلج جميل الرحلات الشتويه أعتقد لها محبين كثر التلفريك اذا انتظار بيكون ممل للأسف لكن خيره تحياتي |
| الساعة الآن 07:53 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO