|
الله يعطيك العافيه يابو مشاري .. انا موعدي بكره باذن الله الصباح للفيزا ورحلتي يوم ١٤ سبتمبر ومتخوف تتاخر الفيزا .. عندي استفسار بخصوص الفنادق اللي فهمته ان المهم اول فندق انزل فيه في النمسا وبيكون في فينا لمدة ٤ ليالي بعدها زي لام سي ان شاء الله .. هل يكفي حجز فيينا او لازم ارفق حجز زي لام سي ايضا ؟! وبالنسبة لحجز فيينا سويته عن طريق اكسبيديا وخليت الدفع وقت الوصول من الخيارات .. هل فيه اشكال او الامور طيبه بهذه الطريقة والله يعطيكم العافيه |
اقتباس:
تاريخ السفر قريب حوالي بعد اسبوعين. وبالعادة تأخذ السفارة اسبوعين حتى ترد. بس الآن خفت الزحمة بالسفارة فنقول ان شاء الله تطلع التأشيرة قبل سفرتك. مكتب التأشيرات راح يطلب منك حجوزات كل الفنادق اثناء اقامتك في اوروبا سواءا في النمسا او غيرها. بالنسبة لحجز اكسبيديا فأمورك طيبة والحجز مقبول وطريقة الدفع وقت الوصول التي اخترتها مشابه لموقع بوكنج . تبقى عليك حجوزات بقية الفنادق. |
السلام عليكم اتمنى من أهل الخبرة يفدونني عن تجاربهم مع توصيل ارامكس للجوازات من المكتب الموحد بجدة الى المنطقة الشرقية لأننا قدمنا على طلب التأشيرات بمكتب جدة واليوم الحمدلله وصلتني رسالة عن صدور التأشيرات ولكن متخوفه من بطء خدمات توصيل ارامكس حيث ان موعد سفري بعد غد (الأربعاء) ولما تتبعت الشحنه بأرامكس اتضح أنها في مرحلة (تنفيذ عمليات الشحن) من جدة , للمعلومية تواصلت مع السفارة على رقمهم 920001635 وأخذت رقم الشحنه من الموظفه . |
اقتباس:
وعليكم السلام اختي اتصلي على ارامكس واشرحي لهم وضعك ان سفرك بعد يومين وضروري تستلمين الجواز بكره بالكثير. |
الله يعافيك ويجزاك الجنه حاولت الأتصال مراراً على رقم ارامكس 920027447 لكن للأسف يقطع الخط ولا يدق وبعد ماانتهى وقت عمل خدمة العملاء الساعة 7 م شبك الخط والخدمه انتهى عملهم . |
اقتباس:
حصلت رقم آخر للدعم من أرامكس ولكن دولي (الاردن) وهو 0096265358855 |
اقتباس:
للأسف اتصلت على خدمة العملاء الدولي منتهي دوامهم ع الساعه 7 ونص م .على العموم بارك الله فيك و بجهودك والله يجعلها في موازين حسناتك |
اقتباس:
حاولي مرة ثانية بكره الصباح وشدي عليهم على استلامها نفس اليوم أو صباح الاربعاء اذا كانت رحلتك بالمساء. اذا ما ردوا عليك روحي لاقرب فرع رئيسي بالشرقية وكرري موضوعك واطلبي مقابلة المدير او المشرف او تزويدك برقم مباشر وليس المجاني. اذا ما فيه امكانية توصل الجوازات قبل الرحلةـ اجل الله المستعان اجلي الرحلة يوم واحد اذا تقدرين. ربي يوفقك. |
السلام عليكم لدى استفسارات كثيرة بخصوص تاشيرة النمسا بخصوص الابلكيشن سوال 33 ايش المقصود بتكاليف الرحلة ؟ وانا موظف بشركة هل يتوجب تصديق تعريف الراتب من اللغرفة التجارية ؟ وانا مسافر مع قروب هل يدققو على الحجوزات ؟ و بخصوص التنقلات بين المدن راح تكون بالباص مع القروب لان راح نلف في كذا مدينة بدايتها من فيينا ثم بودابيست ثم براغ ثم فرانكفورت ثم امستردام ثم باريس هل يدققو على وسيلة المواصلات ؟ و حجوزات القروب من موقع europamund للفنادق ؟ هل يدققو وكيف طريقة المقابلة و التبصيم بالسفارة ؟ و ما المقصود بصفحة توقبع الجواز التي هيا الصفحة الثالثة من الجواز جوازي لايوجد به توقيع ؟ |
وعليكم السلام بعد أذن حبينا ابوغسان والفارس برد على استفسار الاخ السؤال 33 المقصود هل انت متكفل بالرحلة او احد غيرك بيدفع المصاريف لابد من تصديق الخطاب مشددين على حجوزات السفر فلابد ان تكون مؤكدة وقابلة للاسترداد في حال لاقدر الله رفضت الفيزا التنقلات على وسيلة المواصلات مافي مشكلة مارح يدققون بس تبصيم وإذا في شي من الاجوبة غير صحيح ممكن ابوغسان او الفارس يصححون المعلومات والله يسهل امورك |
اقتباس:
بالنسبة للتوقيع. نعم التوقيع اللي في الصفحة الثالثة. اذا ما فيه توقيع فوقع. اهم شي يكون نفس التوقيع في النماذج. •••[emoji336]••• |
الف شكر على تجاوبكم |
يعطيك العافيه ماقصرت |
عندي استفسار يااخوان هل في احد كان عنده موعد يوم الاحد اول مافتحو بعد العيد اتوقع يوم 26 اوغست في جده .. حابب اعرف ايش صار والاستلام متى لاني خايف تتاخر جوازاتي عندهم والله يعطيكم العافيه وييسر امورنا جميعا |
بخصوص السوال رقم 33 السلام عليكم بالنسبة لسوال 33 ماني فاهم ايش يعني التكفل بالمصاريف و ايش معنى الخيارات اللي بالسوال لاني انا معاي فيزا مسبقة الدفع وراح اخذ فلوس كاش و مطلع كشف حساب لمدة 6 اشهر مع العلم باني مسافر لحالي ايش اختار ؟ |
اقتباس:
وعليكم السلام اخوي يعني مين وكيف راح تسدد مصاريف الرحلة. اعمل علامة "صح" ثلاث مرات نفس النموذج بالضبط الصح الأول - معناه انت راح تتحمل مصاريف السفر بنفسك الصح الثاني - معناه احد طرق الصرف عن طريق الكاش الصح الثالث - معناه احد طرق الصرف عن طريق البطاقة الائتمانية |
شكرا اخوي الفارس و لا يهنون الجميع |
اقتباس:
|
اقتباس:
|
كم يبيلها وتطلع ؟؟ |
اقتباس:
من 10 أيام الى أسبوعين |
فيزا الشنغن تم تقديم طلب الفيزا بتاريخ 6/9/2018 يوم الخميس من جدة وتم ارسال رسالة بتحويل الطلب الى السفارة بنفس اليوم و بانتظار الرد و الله يسهلها و الف شكر للجميع على الشرح المميز اللي استفدنا منه الجميع و لكم جزيل الشكر |
اقتباس:
ما شاء الله التقديم صار سلس خاصة أن الصيف انتهى و خفت الزحمة وان شاء الله نبارك لكم بالفيزا شكراً على ذوقك |
قدمت عبر المكتب الموحد في الرياض بتاريخ 4/9 لكن ما وصلني أي رسالة جوال !! ما اعرف وش السبب؟ يمكن الموظفة حطت رقمي غلط :21: دخلت على حالة التتبع في الموقع وتطلع لي الرسالة Your Visa application ref no RIYA/****/****/01 is under process. الله يسهل |
اقتباس:
تصير كثير استرجع منهم رسوم الرسايل اذا رحت تستلم الجواز والطلب تحت المراجعة |
الاخوة الاعزاء ابو غسان وابو مشاري الله يعطيكم العافيه على جهودكم وتفاعلكم السريع انا قدمت عن طريق مركز التاشيرات في جده على فيزا شنجن النمسا يوم 28 اوقست وسفري يوم الجمعة 14 سبتمبر الفجر وللان الطلب تحت التنفيذ لمن اشيك عليه في الموقع . كلمت المركز قالو لي تحت التنفيذ وشرحتلهم الوضع قالو لي ارسل ايميل اشرح فيه وضعك ونحنا نرد عليك في اقرب فرصه انا باعرف هل التاشيرات تصير من جده اة ترسل للرياض وهل فيه رقم تلفون للقنصليه او السفاره اقدر اتابع معاهم فيه ايش حصل على طلبي الله يسعدكم ويجزاكم خير وايش تنصحوني اعمل |
اقتباس:
السلام عليكم اخوي كل التأشيرات تصدر من الرياض وترسل لمدينتي الخبر وجدة. بحثت في النت ووجدت رقم للسفارة النمساوية بالرياض. ادخل الموقع أدناه وتصفح لاخر الصفحة تجد رقم الاتصال. قد لا يتجابون معك ويطلبون انك تكلم المركز الموحد لكن انت حاول معهم بما انه السفر قريب. في نفس الموقع تجد هناك مربع اذا كان عندك أي استفسار للسفارة. اكتب استفسارك وارسله لهم بعد. ربي يسهلها وتصدر وتستلم التأشيرة قبل تاريخ سفرك. |
اللهم امين الله يجزاك بالخير يابو مشاري وييسر امورنا واموركم |
اقتباس:
الله يعين ويسهل امورك |
السلام عليكم ،، ياشباب كان عندي موعد في السفاره الالمانيه والغيته لما سمعت عن الرفض اللي صار بسبب الحجوزات الوهميه ولاني من اول مخطط لزيارة النمسا فقلت امشي في السليم وحجزت موعد في النمساوية يوم 28 اوقست وقدمت كل اوراقي كامله وحجوزات طيران مؤكدة وحجوزات فنادق مؤكدة دافع فيها فوق 1000 يورو ولا فندق الغاء مجاني وتاريخ السفر يوم 9/17 وللحين لازالت المعامله تحت الاجراء !!!!! |
اقتباس:
لا زال لديك وقت اتوقع تستلمها قبل وقت السفر بيوم واحد |
للعلم السفارة النمساوية تصدر التاشيرات من الرياض فقط ان كنت بالرياض تقدر تروح السفارة وتحاول معهم يساعدونكم بتعجيل الطلب ان كنت خارج الرياض ما لك الا الصبر نامل من جميع المتقدمين اعطاء فترة 3 اسابيع من يوم التقديم لبطء الاجراءات لدى القنصلية النمساوية يعني اذا قدمت يوم 1 اكتوبر + 21 يوم = 22 اكتوبر الاستلام المتوقع لو 27 سبتمبر + 21 يوم = 48 المتوقع استلم 18 اكتوبر وهكذا |
السلام عليكم يا اخوان عندي استفسار انا ابي اطلع لاختي تاشيرة الشنغن النمساوية ايش الشروط بالنسبة لها مع العلم انها غير موظفة و غير متزوجة و ساكنة معانا بنفس المنزل بخصوص الابلكيشن كيف طريقة التعبئة ؟ وبالنسبة للمصاريف هيا ما عندها فيزا ايش الطريقة ؟ هل يكفى كشف حساب بنكي ؟ اما ماذا وايش اخذ معانا يوم موعد البصمة ارجو التوضيح ز شكرا :e032: |
اقتباس:
اذن يجب ان تكون انت المتعهد بالمصاريف. تعبى كل الخانات كانها احد افراد العائلة وفي خانة المصاريف تذكر ان المتعهد هو اخوها. ترفق صورة من دفتر العائلة/بطاقتها لاثبات صلة القرابة ترفق خطاب التعهد بالمصاريف مع نموذجها. اذا كانت اقل من 18 سنة يجب ان ترفق موافقة الوالدين (ولي الامر). المستندات التي يجب ان تكون معك موضحة في قائمة المراجعة ( Check List) •••[emoji336]••• |
طيب في خانة الوظيفة و عنوانها ايش اكتب ولا اخليها فاضية |
اقتباس:
في الوظيفة اكتب "None" وعنوان العمل يترك فاضي |
يا اخواني هل يهتمون السفارة بتاريخ الرحلة ؟ انا قدمت في مكتب التاشيرات بالرياض بيوم ١٠ سبتمبر وارسلوا لي انه اخذوها للسفارة ومن يومها وهي تحت الاجراء ورحلتي ٢٤ سبتمبر الحل ؟! هل اقدر نراجعهم بالسفارة نفسها ؟! او هل ممكن نرسل لهم فاكس ولا ايميل ؟! واذا ايه ليت احد يحط لي نموذج خطاب لهم بالانجليزي اتصلت عليهم رد علي الالي بس بلغتهم مافهمت شيء |
اقتباس:
السفارة لا تأبه بتاريخ سفرك. اذا انت تأخرت بالتقديم فهو مسئوليتك. السفارة اعلنت بشكل رسمي للمتقدمين انك يمكنهم التقديم على التأشيرة قبل 3 شهور من تاريخ السفر. كان من المفترض عليك انك تقدم قبل شهر واحد من السفر كحد أدني حتى لا تقع بالحرج الحالي. هناك احتمال كبير ان لا تصدر التأشيرة قبل موعد سفرك. عليك المتابعة مع الموقع/المركز/السفارة بشكل يومي لمعرفة حال الطلب. واذا قرب تاريخ سفرك ولم تصدر التأشيرة فلا يوجد حيلة الا تأجيل السفر. |
مشكووور |
كلمت المكتب الموحد للتأشيرات اليوم على الرقم 920001635 واستفسرت عن تأخر اصدار الشنغن ذكرت لي الموظفة أن هناك ايميل وصلهم من السفارة بخصوص مشكلة في اصدار التأشيرات حالياً وقالت لي الحل أنك تنتظر .. او تسحب جوازك !! سألتها اذا المشكلة جديدة أو من فترة؟ قالت أن هناك جوازات من شهر 8 حتى الان لم يصدر لها تأشيرات حتى الان !! والله يا أخوان مشكلة عويصة .. وش الحل برأيكم؟ انا سفري بتاريخ 2 أكتوبر .. ما اعرف وش السواة ! :27: |
| الساعة الآن 03:05 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO