أهلاً بو مريم ...

الحمد لله ع السلامة ...

شكراً لك ع طرح تجربة السفر ... كيف تجربة السيارات الكبيرة ؟؟

إن شاء الله قيادتها سهلة ؟؟؟

سعر التذكرة بصراحة مميز ،، وتقييمك لبيجاسوس إيجابي ..

بانتظار بقية الأجزاء .. ومستمتعين برفقتك ..

تقرير جميل وجا بوقته لاتتاخر علينا متابعين بقوة:7:

نكمل ماتوقفنا عنده ...


بعد الاسترخاء والراحه والنوم بعد عناء السفر ... صحينا ثاني يوم وسلمنا الكوخ وتوجهنا الى انطاليا


مسافة الطريق سبع ساعات.. بس فيها توقفات والسبع ساعات صارت احدى عشر ساعه..


اول مانزلنا من الجبل وفي بورصه تقريبا وفي مزارع بورصه تحديد توجهنا الى مزرعه لبيع العسل..


https://www.arabtrvl.com/vb/picture....ictureid=65615



المزرعه بدائيه وليست مجهزه للبيع ولكن...
تعرفنا على هذه المزرعه من احد مشاهير السناب .. وعلى حسب مايقوله انه اخذ العسل من هذه المزرعه وذهب به الى احد المختبرات في دولة الكويت وقالوا له ان هذا العسل من اجواد انواع العسل... تحمسنا وقلنا يبي لنا ..

عنده اربع انواع من العسل ..
كستناء ب 100 ليره للعلبه اللي تشوفونها في الصوره وزهور سوداء ب80 ليره وهذا النوعين يقول انهم علاج تشربهم على بطن فاضي يعني تشربهم على الريج من الصبح ...


وفيه نوعين ثانين نسيت اساميهم بس اذكر اسعارهم ... فيه نوع ب50 ليره وفيه نوع ب30 ليره ويقول هذا النوعين للاكل .... شرينا منه تقريبا ثمان علب من كذا نوع ... وفيه عنده بيض للبيع وعشان حنا اخذنا منه كميه من العسل عطانا بيض مجانا ( اكرام ) وبعدها توكلنا على الله ومشينا ..الى انطاليا ...

https://www.arabtrvl.com/vb/picture....ictureid=65616


وفي الطريق ... توقفنا عند اوزدليك اوت ليت.. قريب من مدينة اسكي شيهر ...


https://www.arabtrvl.com/vb/picture....ictureid=65655


مكان جيد للتسوق خصوصا للي بيكون قريب من ذيك المنطقة ...تقريبا اخذنا ثلاث ساعات في ذاك المول... وبعدها واصلنا الطريق الى انطاليا...


https://www.arabtrvl.com/vb/picture....ictureid=65614




يتبع ...

جميلة فكرة القيادة من يورصة لأنطاليا
اتمنى انكم اخذتم طريق كوتاهيا لتعطينا انطباعك عنها.

الحمدلله على السلامه
صح الاسعار في رمضان وايد رخيصه للسفر
حلو الكوخ في بورصه
وعليكم بالعافيه العسل
متابعه معاك

متابعين معاك اخوي رائد

اعتقد ان القيادة في تركيا رائعة جدا لكثرة الاماكن الموجودة على الطريق

اشكركم جميعا على الرد ... ونكمل ماتوقفنا عنده ...


وصلنا على انطاليا تقريبا 11 فالليل .. وعلى الفندق الرائع قصر ميلدا



https://www.arabtrvl.com/vb/picture....ictureid=65656


https://www.arabtrvl.com/vb/picture....ictureid=65657


الفندق رائع ورخيص والغرف واسعه جدا... يعني تخيل شقة لاربع اشخاص تتكون من غرفة نوم ودورة مياه وصاله (مساحة الصاله 5*7 متر او اكبر) ب 180 ريال سعودي ... المهم بما ان اغلب المحلات مغلقه بسبب وصولنا المتاخر كان النوم هو المكان الوحيد اللي نروح له ... بس طلعنا خذنا لنا عشاء خفيف ورجعنا ننام للاستعداد لثاني يوم ...يتبع

السلام عليكم و رحمة الله و بركاته ...

ما شاء الله تبارك الرحمن .. أخوي رائد .. تقرير جميل و تفاصيل جذابة
و توقيت السفر في رمضان مميو ..بلإضافة إلى خيارات جميلة كانت حتى الآن مثل الكوج في بورصة ...

واصل أخوي رائد .. معاك متابعين و مستمتعين

👍

السلام عليكم الحجز في بورصه الاكواخ مباشر ..ولاعن طريق موقع
وكم تنصح من يوم لها