|
ونعود لكم في رحلة العودة كوالا قادمين من بينانغ اليوم الاول : اخذنا جراب ليوصلنا الى كوالا ب 500 رنجت لمدة 5 ساعات وكان المشوار حلو خصوصا امام المناظر والخضار يعني افضل من الطيارة بكل تاكيد , وصلنا الى شقق m home فضلنا اختيار شقة للجلوس فيها عشان نغير وعشان نقدر نغسل الملابس قبل الخروج الى البورت ديكسون لانو في التريدرز وهوليدي ان ماكان فيها غسالة ملابس ,,,الشقة هذه كانت مطلة على البرجين وعلى المنارة في شارع جالان قريبة من شارع البوكيت وشارع العرب كلها كم دقيقة للوصول لبالفليون ومجمع سوريا ,, بعد ماوصلنا ريحنا واتعشينا من كنتاكي وعينا من الله خير ... اليوم الثاني : فطرنا من مول البافليون مع وجود كثير من المطاعم هناك والجلسات والكافيهات ,, وبعدها قررنا يكون هذا اليوم للشوبنق اي التسوق , واتسوقنا من مول اتوقع غير معروف للبعض وهو سوجو مول , مول للمنتجات الكورية يمكن من الصبح لحد الساعه 6 م ماشاء الله تقريبا اشيائهم رخيصة ومناسبة لجميع العيلة بعدها اتعشينا من نفس المول ورجعنا للاوتيل .. اليوم الثالث : كان مخصص للسينما :e312::e503: ,, فطرنا من دكتر كيف ,,, ولفينا سوق العرب لحد الظهر بعدها رجعنا للاوتيل عشان اللي نروح للسينما في مجمع سوريا المعروف بملاصقته للبرجين ,, وبالفعل رحنا لسوريا مول وحجزنا التذاكر لفيلم جوني ديب الاخير Fantastic Beasts The Crimes of Grindelwald 2018 الفيلم هذا جدا روووعة واجدد شي في الشباك الامرريكي كانت مدة الفيلم قرابة 3 ساعات وجلسنا لحد الساعه 1 ليل ومن بعدها رجعنا للشقة . اليوم الرابع : يوم الشيك اوت من الشقة والذهاب الى الاسترخاء في البورت ديكسون مشينا على 12 ظ عن طريق جراب قرابة 300 رنجت والى لقاء مع اخر رحلة في ماليزيا الى البورت ديكسون |
نسيت اعطي تقييمي لشقق ام هوم ١٠ من ١٠ كل شي متوفر في هذه الشقق المفروشة |
نرجع لكم في اخر يومين في ماليزيا وخصوصا في بورت ديكسون طبعا غادرنا كوالا على الساعة 12 ض عن طريق جراب ووصلنا لبورت ديسكون على الساعه 4 عصرا موعد دخول الفندق واخذ مننا الجراب حوالي 150 رنجت ,,, الحقيقة اللي فاجأني في فندق ليكسيز هيبيسكوس بورت ديكسون هو قيمة التامين العالي 600 رنجت ليومين وهذا الشي ماكان مكتوب في البوكينغ في التفاصيل بس الحمد لله كنت عامل حسابي واخذت هذا المبلغ قلت اخليه اختياط الواحد لايتزنق بعدين ,, بس كان دخولنا للفيلا اللي اخترناها سريع ومطل على البحر والجو اول ماوصلنا ماشاء الله امطار والهواء جميل ,,,, بعد ماوصلنا ريحنا ونزلنا اللوبي لنستكشف الفندق ,, الصراحه شي فخم يعني الليلة كانت ب 1200 ريال بس عيبه انو في منطقة قطعه مافي لابقالات ولا مطاعم ولاشي غير انو يفضل السكن في لمدة يومين للاستجمام فقط والراحه بعد عناء التنقلات ,,, اتعشينا في مطعهم وبعدها نزلت المسبح اللي في فلتنا الى 10 ليل وبرضو الامطار مستمرة . اليوم الثاني : فطرنا من الفندق بما انو الحجز يشمل الافطار , الحقيقة افطارهم برضو ماعجبني بوفيه اقل ما يقال عنه انو صغير والاكل بارد بس الحمد لله , الجود من الموجود ,, في منطقة العاب للاطفال وديت بنتي فيه لمدة ساعه ب 20 رنجت فقط , وعندهم رحلة الكروز ورحلة الهليكوبتر ب 599 رنجت بس ماخذناها لانها جدا غالية ومبالغ فيها اليوم الثالث : يوم الشيك اوت على الساعه 12 ظ وطلبنا جراب للمطار ب 260 رنجت المسافة بين بورت ديسكون والمطار قرابة ساعه ونصف الساعه وبكذا انتهت زيارتنا لماليزيا ولله الحمد |
ماشاءالله جدول مرتب و منظم تقيمك للسكن ممتاز الله يعطيك العافيه متابعه معاك |
تقرير ولا احلى عطنا تقييمك للخطوط العمانيه |
اقتباس:
|
[QUOTE=q8ya metnaqla;446714]ماشاءالله جدول مرتب و منظم تقيمك للسكن ممتاز الله يعطيك العافيه متابعه معاك[/QUOTE اسف على القصور باقي بس الصور بحول الله |
رحلة كوالا اول شي |
|
ماشاء الله على التقرير الجميل انا رحلتي مع العائله ان شاء الله نص ديسمبر كيف كان انطباعك بشكل عام مع التعامل مع الزوار. والوضع في كوالمبور خاصة في شارع العرب. شكرا |
| الساعة الآن 10:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO