|
تقريري عن رحلة ماليزيا من 17- 28 نوفمبر 2018 السلام عليكم ورحمة الله وبركاته بعد طول انتظار وجهد جهيد , الحمد لله سافرت الى ماليزيا معشوقة العرب الاولى في اسيا ,,, الرحلة هذه كانت غير عن الرحلة السابقة قبل 5 اعوام لعدة اسباب سوف آتي في سردها تباعا ,,, اول شي قررنا انا وام نونتي فين نسافر ,, من تركيا الى بلاد البافانا بافانا واستقرينا اخيرا على ماليزيا :18: المدن اللي كانت مخططا لزيارتها هي , كوالا , كاميرون وبينانغ وبورت ديكسون مرورا بسلانجور ,, تمت الحجوزات قبل شهر ونيف من الرحلة على الخطوط العمانية لسعرها المناسب والترانزيت حقهم فقط ساعتين وياليتني ماخترتها :33: ,, وتم حجز كلا من التريدزر لمدة 4 ايام , وهوليدي ان بينانغ 3 ايام , وشقق m home في كوالا لمدة 4 ايام , ويومين في البورت ديكسون ليكسيس ,,,, تكلفة الحجوزات بالتذاكر تقريبا 12500 ريال , غير الأكل والشرب والتسوق والفعاليات طبعا ,,, نبدء اولا من الخطوط العمانية عندما اقلعنا من جدة على مسقط الامور كانت تماما ومطار مسقط ماشاء الله جديد ووسيع , ولكن عندما انطلقنا من مسقط الى كوالا بدأت المشاكل :73: , طبعا تعرفون البزارين وخصوصا الصغار يتعبون في الرحلات القصيرة من مدينة الى اخرى فما بالكم برحلة مدتها 7 ساعات جدا ارهاق خصوصا من هم مادون 5 سنوات ,, وعندي بنتي الله يحفظها يادوب نامت بعد عناء , الا ان بعض المحسوبين على دولة خليجية هم معانا في الرحلة من الشباب والبنات قامو بإصدار الاصوات والقهقهات والتصفيق وكأن الطائرة ملكهم , في البداية سبتهم وماكلمتهم الى ان اتت اللحظة اللي فعلا خرجت عن طوري وبديت مخاصمتهم لانهم فعلا مراهقين وكملنا الرحلة بسلام الى كوالا ,,, وصلنا كوالا تقريبا على 12 ليل بتوقيتهم وقد راحت علينا نص ليلة كاملة في التريدرز ,,,, حقيقة استقبلونا احسن استقبال ولم ياخذو مننا اي مبلغ تأمين غير التاكس حق البلد تقريبا 40 رينجت للاربع ليال يتبع مع الصور في الرد القادم |
بدايه قويه لتقرير مفيد ان شاء الله لكن عطنا تقييمك للخطوط العمانيه |
ونرجع لكم ,, بخلي الصور في النهاية واكمل تقريري ,, اليوم الاول " وصلنا لفندق تريدرز حقيقة كان الفندق غير ماكنت متخليه يعني جدا فخم وموقعه جدا ممتاز ومطل على البرجين وقريب من البافليون ومحطة القطار والخ , وصلنا الليل كما ذكرت انفا , طبعا اعطيناها نومه لانه سفرة لمدة 12 ساعه كانت متعبة .. اليوم الثاني : هو اليوم المميز , فطرنا في مكان مقابل البافليون لان حجزنا في التريدرز كان بدون افطار ,,,,, ومن ثم رجعنا للفندق استعدادا لزيارة المنارة :62: على الساعة 6 مساء ذهبنا للمنارة , حقيقة وانت فوق المنظر خيالي ومع غروب الشمس تناظر كل كوالا من فوق 300م تقريبا ,,, زرنا المنارة واتعشينا فيها لحد الساعه 8 ونص , وسوينا عيلاد ميلاد صغير لبنتي وكنت متوقع انها حتكون كيكه كبيرة من قبل المطعم وفي النهاية طلعت ربع كيكه :1: وبكذا خلص يومنا الثاني ورجعنا الفندق نمنا عشان نستعد لليوم الكبير في الصن واااي لاغون :e11d: اليوم الثالث : فطرنا من الفندق قلنا خلينا نجربه , الحقيقة الفطور منوع وكثير بس مافي شي يناسب العرب حسب وجهة نظري يعني كله سوشي ومكرونات وناسي لماك حق الماليزيين والصينيين واليابانيين ,,,, بعدها طلبنا جراب عشان نروح للحدث الكبير ملاهي الصن وااااي لاغون ,, وصلنا وقطعنا التذاكر , كانت جدا مزدحمة لانو كان يوم اجازة عندهم اللي هو يوم الاحد ,,, ولعبنا ورحنا السكريم بارك وحديقة الحيوان , خلصنا تقريبا على 5 م ,, كنا نبغى نروح لمول البرامييد ولكن كانت سلاينجور جدا مزدحمة فرجعنا على فندقنا عشان اليوم التالي ورانا سفرة لبينانغ وتجهيز للامتعة والخ ... اليوم الرابع : فطرنا من الفندق وعبينا الامتعة وجهزناها ,, وسويت الشيك اوت على 12 ظ وطلبنا جراب وذهبنا لبينانغ .. ملاحظات على فندق التريدرز : 1- الفندق فخم لاغبار على ذلك بس عدم وجود الشطاف في الحمام اكرمكم الله هو اكبر عيب فيه 2- اللي في الاستقبال للاسف يحبو الصنييين على اي جنس اخر خصوصا في التعامل معاهم من كل النواحي اعطي الفندق تقييم 9 من 10 والى لقاء لرحلة بينانغ :63: |
نكمل معاكم رحلة بينانغ ذهبنا في اليوم الرابع بجراب لبينانغ بدل طيران إير أسيا بسبب الوزن وصراحة خفنا بسبب الاجواء واللي صار للخطوط الاندوسية ليون لاين , صحيح كل شي قضاء وقدر لكن الواحد ياخذ بالاسباب ,, بس كانت رحلة بينانغ لمدة 5 ساعات بجراب مرة جميلة وكل شي أخضر على مد البصر ماشاء الله ماحسينا بطولة المشوار ,,, وصلنا لفندق هوليدي ان المبنى اللي مطل على الشاطئ حقيقة الاجواء كانت خيال وامطار ليل نهار طول فترة اقامتنا في بينانغ , بس بيني وبينكم لنكاوي احلى وانظف بكثير من بينانغ اللي مسيطر عليها الصنيين خصوصا في جورج تاون ,,, بعد ماوصلنا اتعشينا في مطعم السفينة اللي كان اكله 10 من 10 بصراحة واكله يناسب العرب يعني مشويات واسماك وجمبري وبطاطس الخ بعدها مرينا على ستار بكس اللي ملاصق للفندق ايش اقول وايش اخلي ياهوو كبير ووسيع وشرح وبرح الصراحة كل شي متوفر جنبنا من مطاعم وبقالات والخ ... اليوم الثاني : فطرنا في الفندق الاكل كان متنتوع بس بارد جدا صراحه ماعجبنا ,, بعدها انطلقنا الى جولة تشمل الهضبة ومزرعة الشاي والقهوة والعسل والشوكلاته كلفتنا تقريبا 100 رنجت لمدة اربع ساعات ,, رحنا الهضبة اول شي وطلعنا بالقطار حقيقة الجو فوق خيال وبااااارد جدا والمنظر فوق شي تااااني ,, بعدها كملنا الجولة في محلات الشوكلاته والعسل والقهوه والشاي ,,, شي مرتب وباسعار مناسبة , اخذنا اللي نبغاه ورجعنا للفندق ومنها للشاطئ واستكشاف الفندق ومنها اتعشينا في مطعم الفندق والهواء شي ومطر ولله الحمد والمنة اليوم الثالث : رحنا الى جزيرة القرود اللي كانت تبعد عن الفندق قرابة النص ساعه وشربنا فيها عصير جوز الهند :e419::62: مع كمية الامطار اللي حطت الى الظهر ورجعنا للفندق واتعشينا من ماك ... اليوم الرابع والاخير : الاستعداد الى مغادرة بينانج وعمل الشيك اوت على الساعه 12 ظ للعودة الى كوالا عن طريق جراب . ملاحظاتي على الفندق : 1- ريحته سيئة في الممرات ,,,, والاكل كان بارد في الفطور وخدمة الغرف جدا سيئة ولافي اهتمام بنظافة الغرف 2- النت كان زفت بصراحه تقيمي للفندق 5 من 10 والى لقاء للحديث عن العودة لكوالا :e32d: |
يبدو تقرير رائع.. الحمد لله على سلامتكم |
سؤال لو سمحت أخوي الكريم.. كم تكلفة السيارة من كوالا لبينانغ؟ شو نوع السيارة وكم شخص؟ كل التحية والشكر.. ودمتم بعز |
اقتباس:
500 رنجت ل 3 اشخاص عائلة ونوع السيارة حسب ماتختار في جراب تبغاها صغيرة او كبيرة من صناعة بلدهم |
اقتباس:
ألف شكر ياصديقي |
اقتباس:
|
تقرير شامل يعطيكم العافيه |
| الساعة الآن 11:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO