|
صحيح المطاعم الصينية عندهم اطباق ما تشجع لكن اتوقع المطاعم اللي هنا عدلت في التركيبة شوي عشان تتناسب معنا ولا اللي في الصين طعمها لا يطاق اتفق معك على السربنق روز والمنتو والفرموزه والنودلز و الرز الصيني اللي يجي مع السي فود برضه فيه طبخة للقمبري عندهم مع الدقيق روووعة الطاولة الدوارة عملية جدا الله يعين رجول بط يا ساتر هههههه حتى البط المعلق بالمطاعم يسد النفس الله يسعدك ام عزيز استمتعنا بهذا الموضوع الشيق |
عندي قناعة ان الاكل الصيني هو الاكل الصحي الاول في العالم |
اقتباس:
مرحباً بكم اخونا القدير ابو غسان الصين مليء بالاساطير , و الأكل عندهم اسطوره بحد ذاته و كان لابد ان نثري بوابتنا الغاليه ببعض المعلومات عن الاطباق الصينية خاصةُ ان المطاعم و الكافيهات و الشاي و القهوه جزء لا يتجزء من اي رحله سواءً رحلة عمل او سياحه اسعدني استمتاعكم بالموضوع و باذن الله القادم أجمل . |
اقتباس:
فعلاً اكلهم صحي الخضار لازم تكون طازجه و ما ان تستوي الطبخه , على طول تتقدم و تتآكل يعني لا يتفرزن و لا يبات اسعدني مروركم . |
السلام عليكم و رحمة الله و بركاته .. ما شاء الله موسوعة رائعة عن الصين و معلومات قيمة جداً عن الأكل و المشروبات و بالفعل أساطير الصين .. تجعلك تقف أعجاباً بكل شئ لديهم ... بالنسبة لموضوع الأكل في الصين .. لي معاه مواقف كثيرة .. لكنها معاناة .. في أحدى زياراتي للصين ذهبنا إلى مدينة أسمها على ما أذكر شانداو ":10:" و بعد الوصول كنا معزومين على العشاء في أشهر مطعم أسماك و مأكولات بحرية بالمدينة .. فرحنا بسبب أنه مطعم بحري "بيتنا النية ندب في النعمة :32: دامه بحري ... ما منه خوف الطلب كان مجهز لنامن قبل المضيف .. و بعد أن بدأت تنزل الطلبات فإذا بأحدى الجرسونات يبادرنا بالسؤال: هل أنتم مسلمون؟:10: الأجابة بالتأكيد كانت نعم .. و لكم تتخيلوا الموقف...!! اللى بنص اللقمة و اللى ما بعد وصلت فمه ..و اللى خلاص بلعها .. صرنا نناظر بعض و ننتظر رده .. قال مع الآسف معظم الأصناف مضاف لها الكحول أثناء الطبخ :10: المهم بالأخير صفينا على شوربة الخضار كانت حلال :31::31::31: و رجعنا للفندق .. و كملنا عشاء عند واحد من الزملاء جايب معه جبنة كرافت :32::32::32: |
. مرحباُ خبيرنا القدير Abu Muataz ما شاء الله واضح انه كان للصين نصيب من رحلاتكم من هنا اتت الخبره في السفر و بروتوكولات السفر . يعني آخر شيء ممكن يخطر على البال ان الأكل البحري ممكن يكون غير حلال الله يستر لا يكون اخذنا شيء و ما ندري عنه عاد ياكثر ما اخذنا من الصين ساندوتشات فش برقر الحمدلله عدت على خير - و تظل الجبنه الكرافت لها الصداره عالمياً المنقذه في اي زمان و مكان اسعدتنا تجربتكم المميزه عن مطاعم الصين و ننتظر منكم - باذن الله - المزيد من المواقف و المعلومات . |
مجهود جبار يام عزيز الاساطير وايد بس حقيقة الصين الاكل لكل شي عجبتني المقوله الاولى اما انا ما احب الاكل الاسيوي كله والسبب اني شفت الصور والفيديوات اللي يستخدمون فيها حشرات وزادهم اخوي قال لي ان شايف مطعم يقتلون القرده الصغيره ويطبخونها بتايلند وانا لايعه جبدي منهم غير هذا ان اغلبهم دياناتهم وثنيه فما احب اجرب حتى اللي عندنا ما احبهم هههه يعطيج العافيه على المجهود بالبوابه الصينيه |
يا هلا و مرحبا بالغلا ام حسين نورتي موضوعي .. و نورتي الصين كلها الاكل ثقافة .. و جزء لا يتجزأ من السياحه و حبيت يكون له من مواضيعنا نصيب اقتباس:
ياويل قلبي :( استغفر الله العظيم بصراحه تشوفيت في الشوارع اصناف اكل عجيبه ما تدرين هو صمغ ولا بلاستيك و لا حيوان غير الروائح عند بعض المطاعم - روائح مخيفه يعني باختصار الحساس لا يروح اقتباس:
هذا اقل واجب اللي نعرفه باذن الله ما نقصر به اسعدني مرورك الكريم :) |
موضوع مفيد جداً فعلاً بهاراتهم قليل واعتمادهم في النكهات على الصوصات اكثر احب السبرنق رول ودجاج سيشوان لذيذ جداً والارز الصيني اكيد بالمطاعم الصينية هنا لاني اتوقع انهم مايقدموا الاكل الصيني التقليدي كما هو يعني يسوونه على مزاجنا اول مره اعرف معلومة سبب اكل الصينيين لكل شي لانهم مروا بمجاعة شكراً لك:5: |
اهلاً و مرحباً بغاليتنا و صاحبة الاسم الرقيق طوق الياسمين :) الصين اساطير و ثقافات .. و عالم مهما نكتب عنه لا يمكن ننقل كل التفاصيل انا شخصياً افضل نفس الاطباق اللي ذكرتيها و المنتو عندهم شيء عجيب , لذيذ جداً جداً صدقاً , اسعدني مرورك الكريم و ان شاء الله نكون نقلنا جزء بسيط عن ثقافة الطعام عندهم |
| الساعة الآن 07:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO