بالنسبه للاماكن فطرابزون واريافها حقت استجمام ماهي حقت جلسه أبو نص ساعه
يبيلك معك عزبتك وفرشتك وقشك كلها


الأماكن اللي يبيلها يوم كامل


حيدر نبي
سلطان مراد
ايدر وميائها المعدنيه وسفح الجبل والتجديف بالنهر
اوردو
هامسكوي
اوزنقول
طرابزون وميدانها وحدايقها والبحيره
ابحثو في قوقل عن كل منطقه وسجلو
توكلو ع الله والله الله في حيدر نبي حاولو تمسون فيها ليله او ليلتين للاستجمام
وذا علمنا وسلامتكم خخخخ

علمك سالم وغانم يالشقاوي بيض الله وجهك

طيب بما انك ماشاء الله عليك عندك افكار ياليت تقترح لي جدول خفيف لبرنامجي المسكين وتاخذ اجر فيني :20:

1- اسطنبول الوصول الساعة 7 صباحا
2- اوزونقول
3- اوزونقول
4- اوزونقول
5- اوزونقول
6- طرابزون
7- طرابزون
8- اوردو
9- اوردو
10- الى اسطنبول
11- اسطنبول
12- اسطنبول
13- اسطنبول
14- اسطنبول والمغادرة الى جدة الساعة 9 مساء

وجزاك الله خير :e303:

طبارتك الى طرابزون نفس يوم الوصول

الوصول اول يوم اسطنبول الفجر وارتاح يوم فيها وثاني يوم على طرابزون

وعلى طول من طرابزون الى اوزونقول ماراح اجلس في طرابزون في البداية

طيب انا بحاول ارتبها لك كاني انا بروح لكن خذ شوري وتوكل ع الله
انتم كم شخص وكم الميزانيه لانه فيه فندق جبار في إسطنبول لكنه حار شوي
اللي فهمته
اول ليله باسطنبول
8 ليالي الشمال
4 ليالي إسطنبول

صح التقسيمة اللي ذكرتها
طبعا بالنسبة للشمال ممكن تغير الاماكن يعني مثلا خلي اول شي اوردو وبعدين اوزونقول وطرابزون او شوف التقسيمة حسب ماتشوف المناسب
بالنسبة للميزانية غير الطيران كمتوسط 20 الف تزيد او تنقص حسب الاحتياج
طبعا عددنا 4 انا وزوجتي وطفلين 3 سنوات وسنة ونص
بالنسبة للفنادق تقريبا محددها لكن مايمنع نغير لو كان الفندق يستاهل

بالنسبة للفنادق مبدئيا اللي حددتها
اوردوا هامبتون باي هلتون
طرابزون دبل تري باي هلتون
اوزونقول للاسف مافيها فنادق تابعة لهلتون فراح اخلي الاختيار على ارض الواقع
اسطنبول الليلة الاولى هلتون قاردن ان في الجزء الاسيوي او دبل تري باي هلتون مودا في الجزء الاسيوي بحكم اني راح اوصل اسطنبول في مطار صبيحة وحاب انزل في فندق قريب نوعا ما وايضا المغادرة الى طرابزون او اوردوا من نفس المطار
اسطنبول الفترة الاخيرة راح تكون في دبل تري باي هلتون في السلطان احمد

اذا عندك اي اقتراح اسدحه لاخوك حتى نستفيد جميعا
ويعطيك العافية مقدما:e303:

الله يصلحهم ويخليهم لك
بالنسبه لاسطنبول فيها فندق جبار لكن مع العيال بيصير غالي انا اخذته قبل سنتين ب 400 اما الان اشوفه ب 1000 ولكن لا مانع انك تشيك وتشوف
ميزه الفندق انه في نفس المجمع فيه سوق كبير وملاهي فيالاند


إسطنبول هوليداي إن هوم آند سويتس
مساحه الغرفه فيها 60 متر ولك موقف خاص


*** انا داثما استاجر سياره باسطنبول وما شفت أي مشكله


في طرابزون
شقق سنترال في آي بي


سعرها ممتاز وفي طرف الميدان والبنت الاذريه تخدمك خدمه جباره وصاحب الفندق محترم ولكن فيه مشكله وحده
مواقفها سيئه جايه ع ميول


ايدر
فندق آيدر هاشم اوغلو
اختر الغرفه رقم 401 لانها تطل ع الجبل والنهر وادعيلي


حيدر نبي فيها فلل للايجار اليومي ولكن ما لقيت لها موقع اقدر اجحز عليها


الحين نبدا بالخطه




فندق آيدر هاشم اوغلو

قبل ما تسافر لازم تتاكد


بطاقه الفيزا
صوره من الجوازات + الفيزا ( طلع الفيزا من الموقع )


صرف الفلوس 1000 ريال الى ليره والباقي دولاروافضلماوجدت هو في الصرافين المتواجدين في لاليلي واكسراي.

شراء شريحه انترنت تركيا سيل


اول يوم/
الوصول
استخراج شريحه نت من المطار من شركه تركيا سل
احجز سياره من المطار والتوجه الى الفندق

تشيك ان وارتاح شوي وبعدها توجه الحالك الى منطقه لاليلي واكسراي واصرف 70 بالميه من المبلغ لليره لان هذا المنطقه افضل صرفهذا اليوم لك الحريه بالتجول بالمناطق اللي حول الفندق لانك جاي من سفر ولابد ترتاح