|
مسافر الى الشمال التركي لأول مرة مساعدتكم لاهنتم السلام عليكم ورحمة الله وبركاته مساكم الله بالخير جميعا انا ان شاء الله مسافر الشمال التركي فقط لمدة ١٠ ايام و بغيت اقتراحاتكم انا و زوجتي شخصين فقط طرابزون و ازنجول و ايدر و همسيكوي و اوردو و حيدر نبي اولا : ابي اسوي الفيزا بالمطار و كثير نصحوني اسويها بالمطار لان افضل لي عشان ما ادخل في خطأ البيانات والاسماء والخخخ ثانيا : ايجار السيارة وش تنصحوني اخذ ومن وين وكيف و الافضل لطرق الشمال التركي وش اخذ سيارة فيه ناس نصحوني اخذ من المطار افضل وقلت اسأل اهل الخبرة اللي هو انتم ثالثا : ابي فنادق حلوة و اشياء ريفية مثلا اكواخ يعني رحلتي بتكون كل يومين في فندق و احسن لي اتنقل عشان كذا قلت مره اخذ اكواخ و مره فنادق حلوة رابعا : ابي اسكن اخر يوم في فندق قريب من المطار و كويس عشان اذا رجعت السيارة يكون قريب لي و اسهل لرحلتي اسف على التأخير و كثرة الاسئلة اعذروني بما اني اول مرة مسافر الى هالدولة طبعا سفرتي بتكون في شهر ٩/٩ ميلادي كيف الاجواء هناك تحياتي لكم |
ابي افضل مكان للسكن في طرابزون و ازنجول اشياء تكون امنة وفخمه و اطلاله اذا حصل و غالبيه الاماكن اللي كتبتها فوق اقصد المناطق وانا يبي يكون معي مودم هواوي بركب فيه شريحة نت وش افضل شركة تركب على هالمودم و سرعتها كويسة ومغطيه بالكامل و الله يجزاكم خير |
اهلين وسهلين فيك وحياك الله السكن يفضل في طرابزون واوزنجول في الغالب 6 طرابزون و 3 اوزنجول و 1 ايدر وكل منطقه منها تزور المناطق القريبه منها اما سالفة كل يومين في فندق اشوفها غير مناسبة والرأي الأخير لك طبعاً بالنسبة لأستأجار السيارة احرص على الشركات العالمية المعروفه واحذر من هذه الشركه https://www.arabtrvl.com/vb/t42537.html و الأسعار ادخل رنت كار وشوف الأسعار وشيك بالنسبة للفيزا شوف اللي يريحك من المطار او اون لاين كلها نفس الشي اما النت الأفضل شركة ترك سل اكيد بعموم تركيا يفضل منك تطلع على التقارير الموجوده وتاخذ فكره اكبر وراح تستفيد على شان تقدر تحط الخطوط العريضه لك بالنسبة لللسكن في اوزنجول وايدر لا تحجز الأ بعد ما توصل تشوف المكان اللي تبي تسكن فيه وتحصل اسعار اقل بكثير من بوكنق بالنسبة لطرابزون ادخل بوكنق وشوف اسعار الفنادق وبنرشح لك الأفضل |
اخوي كيفك ليش معور راسك خد العلم مني والجدول الزين وماعليك من هرج او كلام اي احد بحكم خبرتي في تركيا لاني كل عيد فيها اول شي اختيار موثق جدا بحيث الفتره الي بتروحها الجو خيالي جدا جدا يلغالي بنسبه للسياره احتياطا عشان ماتتورط وانت واهلك في المطار احجز اون لاين وخل الدفع عند الاسستلام عندك يورب كار وعندك شركة المو المو رخيصه اهم شي تاخد ديزل لان المسافات بين المدن حول 100 كيلو اقل شي تعبي ديزل تقريبا 250 ريال بس يمشيك والله فترة طويلة اخوي لو سكنت في كوخ في ازنجول او ايدر او حيدر نبي او الخ من بعد الساعه 8 المغرب بتكون في حالة هلع ومكان موحش وقلق وفاضي ومافي اي حركه يعني بيكون جوك بس نهار وهدا غلط كبير وانا اخوك ماحد يروح الشمال وينوع في السكن مثلا حيدر نبي او ايدر او ازنجول خصوصا جميع الاماكن الي دكرتها منطقه او قرى كما تمسمى بحيث لاتوجد مجمعات او اسواق او مراكز شرطة بستثناء الكشتات والمطاعم الصغيره اسكن في قلب طرابزون بحيث من الصبح تروح للمكان الساحي وترجع المغرب وتجلس في ميدان طرابزون وتتسوق وتتسلى في مجمع كبير وفي سوق وفيه مطاهم ومقاهي يعني بختصار في حياه ليلليه لاتقولي باجرب كوخ ووو انت رايح هناك تتمتع في الاماكن السياحيه والشقق في طرابزون رخيصه جدا علما بان الاكواخ الي تتكلم عنها موجوده في الطريق في ازنجول تقدر تستاجرها بس ماضمن لك سعر كويس حط ببالك بيصلخونك واياني واياك تركب تكسي في ازنجول ومعلومة مهممة جدا ضروري يكون معاك الجواز في السياره لان لو صار لك حادث وماعندك جوازك يعتبر انت غلطان |
اقتباس:
عندكـ تقدر تساعد بس بدون ما تتعرض للأخرين |
الله يعطيكم العافية جميعا و ماقصرتوا بالنسبة لتوزيع الايام اشوف الاغلب خل سكنك في طرابزون كم يوم و ثم تنقل و قلت ابي اخذ رأيكم في افضل اماكن سكن في طرابزون و ازنجول و ايدر عشان لو رتبت الايام وكذا و الشي الثاني فيه ناس قالوا لي موقع بوكينق مو شغال في الشمال التركي و اللي عنده اسماء فنادق او شقق فخمه في طرابزون و ازنجول و ايدر يفيدنا لاهنتم |
انا الان في طربزون الجو ليس بارد اوزنجول احلى انت وزوجتك اجلسوا اطول فتره واسكن في النص بعد البحيرة بحيث تتمشي ع رجليك الفيزا انا اخذتها اون لاين 85 دولار المعلومات الان لديك حدد سؤالك وخذ الاراء بختصار لاتعب نفسك بالقيادة انزل اوزنجول واستمتع فيها 6 ايام |
نصيحة من اخ مجرب في الشمال التركي وكل سنة انزل مرتين او ثلاث وقدر الله علينا هذي السنة مانزلنا الله يشفي ام عبدالله المراد والأهم انك انت وزوجتك فقط وهذا فيه كثير من السهولة في التنقل وفي الحجز وفي السيارة اتوقع رغم الزحمة الموسمية الا انك راح تحصل سيارة بسهولة سيارة صغيره واحتياطا تحجزها مم النت لضمان السيارة لان غالبية الضغط على السيارات الكبيرة العائلية كذلك السكن وانصح في حالتك هذه السكن في اوزنجول وقبل سفرك بيومين او ثلاثة تسكن في رمادا قريب المطار اوزنجول ليل نهار انعاش كن كثرة السياح كما انصحك بالتمتعرفي اوزنجول كم يوم بدون جدول ثم الى ايدر حيث هذه السنة فيها فعاليات كثيرة وجميله كذلك سلطان مراد وبعدها طربزون للتسوق وهومسكوي تم الإرسال من SM-N950F باستخدام Tapatalk |
اقتباس:
اذا جوازك مش معاك لايعني انك غلطان لكن عليك بتقرير الشرطة للحادث لضمان التأمين بدون تقرير الشرطة للحادث تصلح السيارة على حسابك تم الإرسال من SM-N950F باستخدام Tapatalk |
اقتباس:
هذا موقع وسيط واخذ عمولة عليك وفيه بعضهم يطلع له السعر 120 دولار وما يوصلك على الأيميل شي فوق انه مدبل السعر عليك راحت كل فلوسك الواحد يتأكد من الموقع الرسمي والسعر 60 دولار فقط |
| الساعة الآن 07:35 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO