|
مستمتعه جدا بقراءة التقرير عجبتني بورتلاند حيييل بالمناظر الطبيعيه والشلالات متابعه |
يعطيك العافية أخ علي جزءين جميليين جدا .. بالنسبة لجزء بورتلاند جزء رااائع جدا لمنطقة لم يتناولها ولم تكتب فيها تقارير إلا من قبل عدد قليييل جدااا من الأعضاء .. لذلك لدي بعض التساؤلات إذا سمحت لي: كم كان سعر إيجار السيارة ونوعها ولمدة كم يوم ومن أي شركة؟ كم تبعد مسافة كل مطل عن الآخر ؟ هل الطريق لكل مطل أو شلال ضيق ومرتفع وطريق مسار واحد أم مسارين؟ هل الوصول لشلال ملتوما صعب ومرهق لمن لديهم ظروف صحية أم يمكن الوصول له بسهولة والصعود له ليس بشاق؟ هل فعلا بورتلاند ولاية خالية من الضرائب؟ يسعدنا متابعة تقريرك أخي الكريم ونرجو أن لا تطول علينا في تكملته :24::63: بوركت جهودك:e303: |
اقتباس:
اهلا فيج اختي الغالية للأسف انه تأخرت في كتابة التقرير و ناسي تفاصيل من الرحلة عادتا اسعار الفنادق والسياره و هالأمور اسجلهم عندي في Excel وراح ان شاءالله اشوف كم كان سعرها السياره استأجرتها من موقع https://www.rentalcars.com/ وكان نوعها هيونداي الينترا المسافة بين الفندق و الشلال 35 دقيقه اذا بدون زحمه وبين الشلالات و اماكن الإطلالات مسافة بسيطة الوصول للشلال غير مرهق بتاتا، فيه كشك يبيع حلويات و كووفي جنب مواقف السيارات ومشي دقيقه و تشوفين منظر الشلال الي يرد الروح, كنت اشوف صور للشلال وايد بس اذا تشوفينه على الطبيعه غير الطريق مرتفع شوي ولكن غير ضيق مسار واحد رايح ومسار واحد جاي هل فعلا اوريغون بدون ضرايب؟؟ والله دخلنا اوريغون وطلعنا وما انتبهت بتاتا :24::32::32::32::32: و اسأل المدام وتقول انه بعد ما انتبهت :59::59: المشتريات كانت جدا قليلة وحته الأكل وجبه وحده وتثقل علينا لي الليل اذكر اول يوم اول ماوصلنا وقت تجهيز الغرفه اكلنا بيتزا من محل قريب من الفندق اسمه Sizzle Pie:72: تشرفني متابعتج |
يعطيك العافية أخوي ماقصرت على التجاوب.. معاك حق الواحد إذا مب مسجل الأسعار لايمكن يتذكرهم بعد يوم حتى :e301: مو مشكلة ما انتبهتوا للضرايب لأن المشتريات بسيطة يمكن وفترة الإقامة إذا يوم أو يومين مايمديه الواحد يركز؟؟ بالنسبة لنهر كولومبيا نسيت أسألك من الصور مبين أنه طريقه على منحدر وضيق:21: هل زيارته آمنة مثل الشلال والطريق له سهل ؟ هل هو كفاصل بين واشنطن واوريغون لابد من المرور عليه عند العبور للولاية الأخرى أم ان طريقه مختلف؟ الله يطمنك بالنسبة للشلال مبين إنه رائع بس خفت يكون مثل مرتفعات سويسرا وشلالاتها الكريهة المتعبة.. أنا عن نفسي ما احب زيارة الكهوف والشلالات وهالأماكن وأسرتي كذلك بس دام هذا مطله حلو ومش متعب ومناظره نصحتنا فيها الله يكتب لنا زيارة لأمريكا يارب ونزور أوريغون ونتعرف عليها ..والله يزول ها الغمة ويكشف هالمرض عن جميع دول العالم يارب.. |
اهلا فيج اختي لا اقصد الحدود بين أوريغون و كولومبيا الحدود الجغرافيه و ليس احد الشوارع الي تدخل في واشنطن الكهوف احيانا تسبب شعور غير حق بعض الأشخاص بس هذي الشلال بالذات منظره عجيب |
اقتباس:
نعم صحيح الكهوف للبعض وأنا منهم تسبب شعور بالضيق.. خلاص وثقنا.. الشلالات على مدحك أكيد حلووة وتستاهل :e130: يعطيك العافية أخوي وبانتظار الجزء الجديد.. |
https://www.arabtrvl.com/up/uploads/...6778911316.jpg https://www.arabtrvl.com/up/uploads/...6778671511.jpg الله الله الله رحلة رائعة ايها المبدع احسنت في صورك واحسنت في وصفك فشكرا لجميل ما قرات هنا اخترت هذي اللوحتين لجمالها |
|
وايد حلووه الشلالات وخاصه اذا كانت بدون طريق متعب عجييبه صور الشلال والجسر الي يطل عليه والصور اللي اختارهم بن قوت روعه صح متابعين بدون ملل |
كلك ذوق با بن قوت مشكووه يا توبليرون |
حديقة بلباو حلوه والمتحف بعد اما بورتلاند خيال المناظر فيها اتهبل ما شاءالله والتصوير تبارك الرحمن لقطات حلوه تسلم الأيادي علي واكيد ان شاءالله بورتلاند بتكون في الخطه دامها جذي حلوه |
Oregon اليوم الثاني Wooden Shoe Tulip Festival اوريغون في اليوم الثاني و زيارة المكان الي المدام من قبل سنه مخططة تشوفه، وانطلقنا من الداون تاون الى مهرجان التولب, والي يبتدي من شهر مارس الى مايو اذا ماكنت غلطان، وهالسنه ماراح يكون بسبب الفايروس والله يعديها على خير ويرفع عنا البلاء و الوباء ان شاءالله مزرعة التولب صايره في مدينة Woodburn في مقاطعة Marion المسافة 30 دقيقه بدون زحمه من الفندق https://www.arabtrvl.com/up/uploads/...1968515712.jpg https://www.arabtrvl.com/up/uploads/...4719685283.jpg رسوم الدخول كاش وناسي كم:20: https://www.arabtrvl.com/up/uploads/...1968537614.jpg https://www.arabtrvl.com/up/uploads/...1968544285.jpg https://www.arabtrvl.com/up/uploads/...7196855596.jpg https://www.arabtrvl.com/up/uploads/...1968565067.jpg https://www.arabtrvl.com/up/uploads/...1968565067.jpg https://www.arabtrvl.com/up/uploads/...1968574668.jpg https://www.arabtrvl.com/up/uploads/...1968585779.jpg https://www.arabtrvl.com/up/uploads/...9685930410.jpg https://www.arabtrvl.com/up/uploads/...9686014611.jpg https://www.arabtrvl.com/up/uploads/...9686083312.jpg https://www.arabtrvl.com/up/uploads/...9686138513.jpg https://www.arabtrvl.com/up/uploads/...9686227414.jpg https://www.arabtrvl.com/up/uploads/...9686325415.jpg https://www.arabtrvl.com/up/uploads/...1968639716.jpg https://www.arabtrvl.com/up/uploads/...9686535217.jpg https://www.arabtrvl.com/up/uploads/...9686588418.jpg وبعد قضاء وقت ممتع ونتأمل جمال المكان رجعنا، قريب من المزرعه كلية طيران واذا ماخاب ظني يقدمون رحلات بسيطه لمشاهدة المزرعه من فوق https://www.arabtrvl.com/up/uploads/...9686634119.jpg وفي الدرب من الأشياء الي ماصورتها زرت وكالة هارلي دافيدسون للدراجات قلت يمكن احصل جاكيت او قبعه حلوه للوالد و طلعنا من وكالة الهارلي وشفت هالشي الزين:e419: قلت حق المدام تو الناس وفيه وقت خل نرجع نشوف المكان اذا يمدي ، فتحنا قوقل نشوف مته يسكرون وكان فيه وقت World of Speed Motorsports Museum و بالتحديد في منطقة Wilsonville https://www.arabtrvl.com/up/uploads/...9686670620.jpg وما ندمت ابد ابد ابد اندر السيارات الي صنعت اسم في عالم السباقات في هالمكان !!! دراجات نارية، سيارات كلاسيك، و المزيد شوي صور... تحملوني شوي مللتكم بصور السيارات :29: سيارات كسر ارقام السرعه الي تقام في Bonneville salt flats Land speed record هذي السياره في ستينات القرن الماضي كسرت حاجز الـ400 ميل بالساعه تعود لمايكي تومسون، و اسمها Challenger حاليا مايكي تومسون من اشهر شركات الإطارات الي تستخدم لسباقات الدراق (الربع ميل) https://www.arabtrvl.com/up/uploads/...2070429141.jpg وهذي نستختها المطوره Challenger 2 https://www.arabtrvl.com/up/uploads/...7207043932.jpg مستحيل ماتشوف بورش في اي متحف سيارات https://www.arabtrvl.com/up/uploads/...2070448073.jpg هذي الفورد الأسطورية الي يبغي يعرف عنها يشوف فلم Ford Vs Ferrari للمثلين كريستيان بيل و مات دايمون https://wp.stanforddaily.com/wp-cont...-v-ferrari.jpg https://www.arabtrvl.com/up/uploads/...2070464384.jpg هذي الزاوية عند المدخل فيها كتب عن السيارات و السباقات وهدايا واشياء جدا حلوه للأطفال https://www.arabtrvl.com/up/uploads/...2070471635.jpg وهذي نهاية اليوم الثاني يتبع.... |
اللللللله يالتوليب أحب الورود إلى قلبي..وكان الثيم حق ليلة زفافي أتذكر وعلى ذيك الأيام ما كان وايد مشهور..:13: روووعة الألوان وتمازجها في المزرعة..سبحان من أبدع وخلق فصور..اللهم إنا نسألك الجنة :23: ماشاء الله كثير متاحف سيارات السباق في تقريرك ولو إن مانحبها ولانعرف عنها شئ ..بس أبدا لاتقول مللتنا بالكلام عنهم وتصويرهم..هذا تقريرك وإنت حر تحط فيه كل مايروق لك ونحن نحترم هوايتك ونشجعك عليها..وشكلها وراثة من الوالد الله يحفظه...وابن الوز عوام طلع..:34: متابعين تقريرك الممتع بكل شوق.. |
متابع تقريرك بشوق ولهفه :e32a: اوريجون هي الهدف لرحلتي القادمة اللي تأخرت كثييييرا :e324: |
عجيييييب مهرجان التوليب متابعه الجمال |
Portlans - OR To Seattle - WA يوم المغادرة يوم الوصول - اليوم الأول Seattle بصراحه الداون تاون الي كنا ساكنين فيه ماعطيته حقه، المنطقة حلوه الصبح وتشوف الناس جالسين برع عند الكافيهات، المنطقة يقلب عليها اشكال الـ Hipsters يوم المغادرة كان المخطط له نطلع من بورتلاند ونوصل سيياتل الضهر نتغدى هناك ونكتشف المنطقة لكن صار الي ماصار بالحسبان ( وعسى ان تكرهوا شيئا وهو خير لكم) صحيت من النوم بصداع شديد وقوي:e334: الي مب عارف شنو سببه قلت حق زوجتي راسي احسه بينفجر، اخذت بانادول وقلت لها بحاول ارتاح ساعه حق يبتدي مفعول الباندول و بنتأخر شوي:26: سوينا الشيك آوت وطلعنا متآخرين ومسكت الخط الى سيياتل والصداع ماسك:e334: معاي وصلنا سيياتل والصداع :59: ذبحني، وصلنا الفندق وسوييينا تشيك ان ونزلنا الشنط، رجعنا السياره لمكان التسليم وخلاص ما نحتاجها:69: اخذنا برقر من مطعم اسمه Great state burger وكان جدا ممتاز:58: وعلى طول رجعت للفندق من العصرر ونمت الى اليوم الثاني وضاع علينا اليوم الأول ولكني على يقين انه خيره و صلاح ومن الأماكن الي كانت في الخطة نزورها في اوريغون ولكن لضيق الوقت ما استطعنا اهوه الـCannon beach صورة من قوقول https://sgl-assets.imgix.net/files/a...op=faces,edges يتبع |
Seattle اليوم الثاني الفندق الي حجزته في سيياتل Motif Seattle من بوكنق فندق ممتاز وموقعه ممتاز لكن الغرفه كانت صغيره، كنت في سيياتل بحجز شقه من AIRBNB لأنه اسعار الفنادق كانت مرتفعه واايد، في آخر لحظه وبالصدفه شفت هذي الفندق نزل سعره وحجزته بسعر 286.5 دينار لأربع ليالي https://www.booking.com/hotel/us/mot...tle.en-gb.html وعلى طوول من بداية اليوم الأول كان عندنا توور الى Mount Rainier National Park ولحسن الحظ اننا حصلنا حجز في هالتاريخ لأنه شهر ابريل يكون فوق الجبل ثلووج وكل الطرق مسكره، التور حجزته من موقع Viator بسعر 108 دينار لشخصين ومن الصباح الباكر نزلنا تحت عند الفندق والجو في سيياتل باااااارد وعجيب وصل الباص و وانطلقنا في الرحله ومعانا تقريبا 12 شخص واخليكم مع الصور وكل ما اترفعنا فوق الجبل الجو غير 180 درجه وكان فيه ثلج وفوق قمة الجبل كانت تتشكل عاصفه ثلجيه https://www.arabtrvl.com/up/uploads/...6888212831.jpg https://www.arabtrvl.com/up/uploads/...6888219492.jpg https://www.arabtrvl.com/up/uploads/...6888227023.jpg https://www.arabtrvl.com/up/uploads/...6888233984.jpg مازال هناك بعض الطرق مسكره من الثلوج فوق الجبل افضل وقت لزيارة Mount Rainier من منتصف شهر مايو الى بداية شهر سبتمبر https://www.arabtrvl.com/up/uploads/...6888240025.jpg https://www.arabtrvl.com/up/uploads/...6888243246.jpg https://www.arabtrvl.com/up/uploads/...6888246517.jpg https://www.arabtrvl.com/up/uploads/...6888249618.jpg https://www.arabtrvl.com/up/uploads/...4688825459.jpg https://www.arabtrvl.com/up/uploads/...8882592410.jpg https://www.arabtrvl.com/up/uploads/...8882721611.jpg في الرحله وقفنا في استراحات لدخول دورة المياه عزكم الله وشوي سناك خفيف وهذي المرشد وباين عليه خبره في الرحلات والكشتات https://www.arabtrvl.com/up/uploads/...8882790412.jpg https://www.arabtrvl.com/up/uploads/...8882829813.jpg https://www.arabtrvl.com/up/uploads/...6888288314.jpg https://www.arabtrvl.com/up/uploads/...8882920615.jpg وهذي لقطة من درب الرجوع، وقفنا في سوبر ماركت خارج سيياتل وقال لنا المرشد الي يبي يشتري شي عندكم 10 دقايق الأسعار وايد ارخص من الداون تاون [Ihttps://www.arabtrvl.com/up/uploads/...8882966116.jpg[/IMG] و بعد رحله شيقة واستمتعنا فيها وانصح فيها بصراحه:63:، رجعنا للفندق وصلينا و طلعنا نكتشف الداون تاون:e022: https://www.arabtrvl.com/up/uploads/...8883000417.jpg https://www.arabtrvl.com/up/uploads/...8883059818.jpg https://www.arabtrvl.com/up/uploads/...8883098819.jpg اشهر مكان في سيياتل سوق المزارعين او مثل ما يسمونه Pike Place http://pikeplacemarket.org/ https://www.arabtrvl.com/up/uploads/...8883136820.jpg واول محل قهوة ستاربكس في العالم ودائما زحمه عليه فتح في عام 1971 https://www.arabtrvl.com/up/uploads/...7208051381.jpg لازم ادش و اشوف مع اني مب من محبين قهوة ستاربكس Caribou بالنسبة لي قهوتهم افضل، جربت كل انواع حبوب قهوة ستاربكس مايابو راسي:28: وجربتهم على طريقة French press و Auto drip https://www.arabtrvl.com/up/uploads/...7208058762.jpg https://www.arabtrvl.com/up/uploads/...7208067713.jpg https://www.arabtrvl.com/up/uploads/...7208074654.jpg اشهر دواعيس سيياتل وعلى الجدران ملصقين علك https://www.arabtrvl.com/up/uploads/...7208081435.jpg المكان في النهار احلى وفيه وايد ممرات تطلعكم على مطاعم ومحلات https://www.arabtrvl.com/up/uploads/...7208090646.jpg محل اسبريسو له سمعته في المنطقة https://www.arabtrvl.com/up/uploads/...7208098127.jpg شوفو العلك/ العلووج https://www.arabtrvl.com/up/uploads/...7208102448.jpg https://www.arabtrvl.com/up/uploads/...7208107859.jpg https://www.arabtrvl.com/up/uploads/...2081114210.jpg https://www.arabtrvl.com/up/uploads/...2081161911.jpg https://www.arabtrvl.com/up/uploads/...2081217912.jpg و تعشينا في مطعم بحري واخذت طبق روبيان https://www.arabtrvl.com/up/uploads/...7208126913.jpg وهذي الـ Harbour Steps وكنت بحجز شقة من Airbnb في هالمنطقة https://www.arabtrvl.com/up/uploads/...2081338614.jpg نهاية اليوم يتبع |
دائما متميز في الانتقاء رحلة مليئة بالجمال الطبيعي الثلوج بعض المرات تكون عائق للتنزة والمشي حلاتها تشوفها فوق الجبال فقط هل صحيح اخ علي ان الادمان للكوفي يجعلك تميز بين المحلات التي تقدم كوفيات انا اشرب من ستار بوكس ومن غيرة ماهو بذاك الادمان التي تخليني لازم اتعنى واروح لمكان معين تحياتي لك |
|
اقتباس:
هلا بيك عزيزي منور التقرير يا بن قوت فعلا الثلوج عائق وقد تسبب خطورة في الرحلة خصوصا اثناء السياقة والله بالنسبة للفهوه نعم تقدر تفرق في طعمها ويعتمد على نوع التحميص ونوع حبوب القهوة و طريقة تحضريها واحيانا يكون الطعم مقارب في بعض الأصناف وصعب تميز بينهم :e306: |
خسارة أوريغون ما مداكم تعطونها حقها..:e201: وألف سلامة عليك ..الصداع متعب جدا وخاصة لو صادف نوبة الصداع يوم السفر ..:27: تخرب المود طول اليوم.. جميلة سياتل بمحلاتها القديمة وخاصة الكوفي ...معشوقة الجميع ..:e123: نبي توضيح أكثر لرحلتك مع الباص السياحي شنو شفتوا بالرحلة؟ مرتفعات متعبة؟ شلالات قريبة وإلا طريقها وعر؟ هل تشبه غابات يوسميتي أم شيئ مختلف عنها؟ الفنادق بسياتل هذي عيبها طوول السنة الأسعار نااااار تذكرني بنيويورك.. زين توفقتوا بالعرض على الفندق ..ماتسوى 3 أيام شقة وغرابيل مع عقود وإلتزامات Air bnb متابعين لما تبقى :e44c: |
اقتباس:
هلا فيج اختي قطرية والله يسلمج من الشر بالنسبة للرحلة في نقاط توقف للمناظر ومنها شلالات، و اماكن اطلالات، بصراحه مارحت رحلة يوسيميت في كاليفورنيا، بس متأكد نفس الطريقة، ويوسيميت اكبر على حسب علمي واعتقد ايضا اجمل:e444: حسب ما كنت اطلع عليه عن المكان، وابد على فكره في هذي الرحلات مافيها تعب، و المشكلة شفنه الشي البسيط من Mount Rainier بسبب الثلوج، في الصيف تكون الرحلة امتع واجمل وكل شي اخضر. الفندق ماشاءالله توفقنا فيه موقع و نظافة، ولكني احب اسكن في Airbnb خصوصا اذا تكون شقه مميزه نظافة و موقع، تضيف على الرحلة تجربه حلوه. |
Seattle - WA اليوم الثالث بعض المدن تعرف انهي راح تعجبك قبل لا تشوفها، و سيياتل واحده كانت من هذي المدن اليوم الثاني تمشي في المدينه ونبتدي الصباح بالأسبريسو من Monorail Espresso هذي المحل الصغير الي ساعات يصير عليه طابور طويل، قريب من الفندق خطوات بسيطه فقط عجبني الأسبريسو وصرت كل يوم احتسي الأسبريسو:e50f: من عندهم الصبح :72: https://www.arabtrvl.com/up/uploads/...0089208291.jpg مكتوب تحت الصوره We Are The People:62: https://www.arabtrvl.com/up/uploads/...0089218682.jpg مركز مؤتمرات ولاية واشنطن https://www.arabtrvl.com/up/uploads/...0089227873.jpg https://www.arabtrvl.com/up/uploads/...0089237614.jpg منطقة Pioneer Sqaure قريبه من الفندق و فطرنا في احد المطاعم، كان يوم اجازه و بعض المحلات مسكره https://www.arabtrvl.com/up/uploads/...5008924855.jpg https://www.arabtrvl.com/up/uploads/...0089260126.jpg ورجعنا للـHarbour Steps هذي الواجهة من الجهة الثانيه الي صورتها في الجزء السابق https://www.arabtrvl.com/up/uploads/...0089269237.jpg https://www.arabtrvl.com/up/uploads/...0089274478.jpg https://www.arabtrvl.com/up/uploads/...5008928129.jpg متحف سيياتل للفنون https://www.arabtrvl.com/up/uploads/...0892897610.jpg ومرينا على الـ Post Alley https://www.arabtrvl.com/up/uploads/...0089295211.jpg https://www.arabtrvl.com/up/uploads/...0893026412.jpg https://www.arabtrvl.com/up/uploads/...0893111513.jpg رجعنا الفندق عقب الجوله هذي الي والحمدلله عوضنا فيها يوم الوصول الي ماصار لنا مجال نشوف فيه شي والعصر طلعنا لأشهر معلم في سيياتل Space Needle https://www.arabtrvl.com/up/uploads/...0893176714.jpg https://www.arabtrvl.com/up/uploads/...0893239515.jpg الإطلاله من فوق على سيياتل https://www.arabtrvl.com/up/uploads/...0893274716.jpg https://www.arabtrvl.com/up/uploads/...0893321317.jpg https://www.arabtrvl.com/up/uploads/...0893381118.jpg https://www.arabtrvl.com/up/uploads/...0893459819.jpg https://www.arabtrvl.com/up/uploads/...0893500120.jpg https://www.arabtrvl.com/up/uploads/...0249155631.jpg نزلنا من الـ Space Needle ورحنا Chihuly Garden and Glass حرف و اشكال فنيه من الزجاج https://www.arabtrvl.com/up/uploads/...0249165732.jpg https://www.arabtrvl.com/up/uploads/...0249170773.jpg https://www.arabtrvl.com/up/uploads/...0249177354.jpg https://www.arabtrvl.com/up/uploads/...0249212135.jpg واصلنا المشوار https://www.arabtrvl.com/up/uploads/...0249217116.jpg https://www.arabtrvl.com/up/uploads/...0249221627.jpg https://www.arabtrvl.com/up/uploads/...0249225688.jpg الـ International Fountain https://www.arabtrvl.com/up/uploads/...5024923529.jpg ومن هنا توجهنا الى Kerry Park استخدمنا المواصلات العامه (الباص) عيب المواصلات العامه في سيياتل تدفع دائما كاش مافيه بطاقه تعبيها لمدة معينه او لعدد استخدام معين المسافه مب بعيده لكن الشارع مرتفع و متعب شوي ونزلنا عند النقطه اقرب نقطة للبارك خطوات بسيطة لـ Kerry Park https://www.arabtrvl.com/up/uploads/...2492402510.jpg https://www.arabtrvl.com/up/uploads/...2492453411.jpg https://www.arabtrvl.com/up/uploads/...2492505812.jpg وماشاءالله جمهور في البارك ماتوقعت هذي العدد من الناس الكل متعني حق يشووف سيياتل من من افضل مكان الي اهوه Kerry park https://www.arabtrvl.com/up/uploads/...2492542713.jpg https://www.arabtrvl.com/up/uploads/...2492575214.jpg جلسنا شوي نتأمل و ناخذ بعض الصور، مع اني شفت صور الليل من هالمكان خيالية للمدينه ماعرف ليش بس وايد حبيت ذي الصوره من الشقق السكنية مقابل البارك https://www.arabtrvl.com/up/uploads/...2492608215.jpg في انتظار الباص من نفس المنقطة الي نزلنا عندها للبارك ورجعنا للداون تاون https://www.arabtrvl.com/up/uploads/...2492645516.jpg بعد هذي الجوله تعشينا في مطعم قريب من الفندق وانتهى اليوم نهاية اليوم الثاني |
ما شاء الله أخوي علي زيارة سياتل جميلة .. و كانت مدينة سياتل هي مدخلي إلى الغرب الأمريكي .. و على طاري فندق Motif Seattle سكنت فيه و حجزته عن طريق Booking و قبل وصولي إلى سياتل بكم يوم حصلت على عرض من Hotels أقل بكثير من Booking و كان الفندق ممتاز كموقع و مستوى و نظافة .. متابعين معاك ... |
ياسلام على سياتل ..رااايقة :48: حلوة الجولات في السوق القديم او البنقلة كما يسمى ..والسبيس نيدل معلم سياحي مشهور.. جميل متحف الزجاجيات..فن عبقري ..ومتميز :e24c: العجلة الدوارة أو عين سياتل هل سنرى لها زيارة في تقريرك أم لا؟ متابعين ماتبقى من المتعة..ز:e130: |
مستمتعين بالجولات الف سلامه لك الرحله للجبل والثلوج وايد غاليه شنو السبب ؟ الفندق جميل وسياتل جميله بصورك |
تقرير رائع من شخص انيق دغدغ فيها مشاعرنا اه يا portland ياجمل ايام العمر |
عجيبه الرحلة الشركة اللي رحتوا معاها عادي كانت توقف عند المطل لابغيتوا ولا اهم يحددون ؟؟ في فنادق صوب الحديقة ولا لا ؟ عجيبه سياتل |
وااااو سياتل وايد حلو معرض الزجاج والحديقة والاطلالة من البرج والاطلاله الثانية اعتقد الفيلم الهندي my name is Khan لشاروخ وخان وكاجول في لقطة يوديها هالاطلالة الفير وكان المنظر عجيب .. ممتع التقرير ياعلي ما شاءالله وسلامات |
اقتباس:
منطقة السوق اهم نقطة سياحية في سيياتل لا والله ماكنت مهتم فيها بس تصوير اقتباس:
اعتقد تتغير اسعار الرحلات في المواسم ونوعا ما غاليه شوي بس تسوه ونص اقتباس:
هلا بيج اي القايد كان يوقف عند كل مطل وكان فله وعارف الأماكن عدل اي فيه فنادق قريبه من الحديقه |
اقتباس:
شاكر لك مرورك عزيز بو بدر ما الومك في حبك في بورتلاند لها جوها الخاص تحياتي اقتباس:
الله يسلمج، بصراحه ماعرف ماتابع افلام هنديه، الجذب و الرقص مايخلص عندهم:1: |
Seattle- WA اليوم الرابع وانه اكتب التقرير اقول حق نفسي في يوم ناقص وارجع اشوف صور الرحله عندي في شي غلط اعادة ترتيب الأيام اليوم الأول يوم الوصول اليوم الثاني الي اهوه رحنا Mount Rainier و المساء اخذنا جوله في المدينه اليوم الثالث جوله في المدينه و سبيس نيدل اليوم الرابع مافيه صور !! ؟؟ اليوم الخامس يوم المغادره في قليل صور سألت المدام اقولها في شي غلط تقولي شكلك نسيت الأوتلت، الحريم ماينسون السوق:e419: اليوم الرابع قضيناه في Seattle premium Outlet ويبعد عن المدينه بالسياره من 38 الى 50 دقيقه ! Uber راح يطلع تقريبا 45 الى 50 دينار المشوار رايح وراجع واخذنا خيار جريئ ورحنا الباص في قوقل ماب اذكر كانت المسافه تاخذ وقت طويل قريب الساعتين وتبديل الباص في محطتين، محطتين رايح و محطتين راجع اعتقد محد يسويها بس سويناها:61: واخذنا وقت اقل من ساعه كانت مغامره ورجعنا الفندق في الليل وجهزنا كل شيئ للمغادرة في اليوم الخامس والأخير يتبع... |
Seattle - WA اليوم الخامس و الأخير ولو كانت آخر الأيام ممتعه مثل بداية الأيام وربما اكثر متعه ولكن دائما في قلبي آخر يومين حزن توديع الرحله :e023: موعد اقلاع الرحله لمغادرة امريكا الساعه 13:50 صحينا الصباح ونزلنا جوله بسيطه نودع سيياتل وكالعاده احتسيت اسبريسو من عزيزي الصديق Monorail Espresso وبعدها جوله سريعه في السوق https://www.arabtrvl.com/up/uploads/...6340578921.jpg https://www.arabtrvl.com/up/uploads/...6340590162.jpg https://www.arabtrvl.com/up/uploads/...6340598433.jpg https://www.arabtrvl.com/up/uploads/...6340608924.jpg لازم تدخلون كل دواعيس السوق، واكثر المحلات تقدم طبق الـ Chowder والي اهيه شوربة سي فوود:e34d: https://www.arabtrvl.com/up/uploads/...6340619155.jpg https://www.arabtrvl.com/up/uploads/...6340625196.jpg حبيت سيياتل من قبل لا اشوفها، كان المفروض زيارتها في 2018 قبل زيارة فانكوفر في كندا ولكن اجلت زيارتها والحمدلله الي قدرنا على زيارتها وزيارة باقي المدن الي كان ودي ازورها سيياتل ثاني احلى مدينه امريكيه بالنسبه لي شخصيا من بعد سان فرانسيسكو توقعت اني خلاص تشبعت واحتاج تغيير، بريطانيا , واشوف ويلز و لندن ...او المانيا...او اليابان ولكن كلها فتره وماتقدر تشوف غير امريكا في بالي مخطط للمستقبل البعيد لزيارة شمال شرق امريكا المعروف بـ New England والي تتضمن الولايات Connecticut Rhode Island اصغر ولاية امريكية Massachusetts New Hamsphire Vermont Maine خصوصا في فصل الخريف:e119: تقبلو مني العذر و السموحه على التقصير ناسي وايد تفاصيل و مواقف ومعلومات من الرحله بسبب اني تأخرت في كتابة التقرير، من عادتي اكتب التقرير حامي اول مارجع من السفر لكن هالمره بسبب تغير نوبات العمل تأخرت في كتابته النهاية الى اللقاء |
ما شاء الله ... سعدنا جداً بالتفاصيل الجميلة التى حواها التقرير .. و كما تعودنا منك "متميز في كل طرحك .. مبدع في كل نقلك" تمنياتنا لك بالتوفيق .. و أن شاء الله تصحبنا قريباً في تقرير مميز كالمعتاد ... :e110::e447::e110: |
حلقة الختام موجعة للقلب..كآخر يومين في السفر قبل العودة.. استمتعنا جدا بتفاصيل تقريرك أخي الكريم..واستفدنامنك كالعادة الكثير من المعلومات المميزة .. صحبتنا معك في جولاتك الرائعة في القارة الأمريكية الغالية على قلوب الكثير منا في هذه البوابة..:e327: نتمنى لك أسفارا عديدة لها وعودة ميمونة قريبة لزيارة الولايات الشرقية التي اخترت زيارتها في فصل الخريف.. فلربما نتشجع بعد تقريرك عنها إلى زيارتها كونها ولايات غير سياحية وغيرمعروفة غالبا إلا لدى بعض الطلاب وأصحاب البعثات باستثناء ماساشوستس حيث أن بوسطن لها دور كبير في تعريف الناس بهذه الولاية:e505: كل الشكر لك أخ علي على إفادتنا وإمتاعنا:e303: |
اقتباس:
حبيب يا بومعتز انه الي اسعدتني متابعتك لي:e032: كلك ذوق عزيزي اقتباس:
لا شكر على واجب اختي استفدنا الكثير منكم و من هذي الصرح الي يجمعنا والله يكتب لج ولنا زيارة عاجلة غير آجله:e01d: |
اه على سياتل بس من اجمل المدن الي زرتها في حياتي و اتذكر اني زرتها شهر ١١ و كان ضربتنها موجة برد فضيعه حتى انه اول مره تثلج في شهر ١١ هالوقت من ٧٠ سنه بس استمتعت تقرييرك رائع جداً و استمتعت معاك صراحه رحلة موفقة من المدن و الرحلات و اهم شي الاكل شكراً لك |
نهاية السفر لازم التسوق وحامي بعد الله يزيل الغمة وتسافر كما خططت له واتمتعنا احنا بعد بتقرير مميز كالعادة شكراا لك كفيت ووفيت |
| الساعة الآن 12:30 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO