|
ابــريــل 2019 ميامي - اورلاندو - لاس فيغاس - سان دييغو - بورتلاند - سيياتل بسم الله الرحمن الرحيم الرحلة الثالثة للولايات المتحدة المريكية اورلاندو ميامي لاس فيغاس سان دييغو بورتلاند سيياتل https://www.arabtrvl.com/up/uploads/...3228832941.jpg . . . . . . . يــــــتـــبــــــــــــع |
رابطه الحزام و قاعده في السويت اترحل معاكم في الرحلة الأمريكية |
سمعنا في تقرير امريكي جديد ويينا ركض:e134::e134::e134: |
ويطل علينا تقرير جديد يئن في أوردتنا وينثر بين أيدينا نسائم من ربوع العم سام بجمالها نترقب جديدك المميز بشوق لك فائق احترامي و تقديري اخوك بن قوت |
احجزولي كرسي معكم:e142::e01f: |
ما شاء الله تنوع جميل في تقارير امريكا السنة هذي أكيد راح نحظى بلقطات جميلة متابع معكم :e032: |
ليه ما عزمتوني ؟؟ :25: ليه ما علمتوني ؟؟:3::3: فيه تقرير عن أمريكا و أنا ما أدري ؟؟ ترا أنا جيت و بكيفكم بجلس قدام أبي أشوف زين و أقرا التقرير أول بأول ... "ما أبي قهوة .. جايب قهوتي معاي :e045: |
ابو معتز هههههه هلا ابو امريكا كلها اخاف اخي علي يهج من كثر التراحيب |
حي الله أخوي علي ...تقرير كنت انتظره ...الحمد لله إن ربي يسر الأمر ووفقك إلى البدأ به..:62: بانتظارك بعد هالمقدمة الرايقة..بس رجاء لا تتأخر علينا.. |
شلوني معاكم :18: |
حياكم الله جميعا و شكرا على تفاعلكم من عادتي اني اكتب تقرير رحلتي بعد العودة مباشره وتكون الذاكره مشحونه تفاصيل ولمحات من الرحلة لكن للأسف هذي المره بسبب ضغوط العمل ما مداني اكتب التقرير مباشره و نسيت امور وربما بعض المواقف بحاول اجمع بعض الأمور مثل اسعار المصاريف و غيرها اذا حصلت شي لأني بالعاده اسجل عندي المصاريف في مكان ما يتبع... |
الرحلة الثالثه وليش الرحله الثالثه؟ المخطط كان اليابان ارض الشمس المشرقه وكان توقيت جدا ممتاز لليابان (موسم الساكورا) و لكن عندي خطة مسبقا امريكية بعد زيارتي الأولى وتعرفون من تقريري لزيارتي الأولى ليش احب امريكا بعد الرحلة الأولي سويت خطة حق اشوف المدن الي ودي ازورها وبالتحديد سان دييغو و بورتلاند و سيياتل وفيغاس للمره الثانيه.... انه من محبين الغرب الأمريكي ولكن ضفت اورلاندو و ميامي كتسجيل زياره واكون زرت اهم المدن السياحية الي نفسي اشوفها و الحمدلله رب العالمين توفقنه (مع اني ودي في سفره خريفية:e119: لأقليم New England الي اهوه الشمال الشرقي مع العلم انه غير سياحي مثل باقي المناطق لكن اريافه في الخريف تصير ساحره).... وسبب مهم ايضا الي خلانه نفضل امريكا لأنه نهاية هذي السنة تنتهي التأشيره وقلنا نروح ونحللها الرحلة كانت بتاريخ 10 ابريل على الناقل الألماني Lufthansa سعر التذكره 450 دينار للشخص ... كانت 400 دينار وماحجزتها قلت يمكن ترخص:17: https://cdn.1min30.com/wp-content/up...hansa-logo.png خط سير الرحله البحرين - ستوب في الرياض - ترانزيت في فرانكورت مدته تقريبا 6 ساعات وتالي اورلاندو بشكل عام لوفتانزا طيران الماني عريق جدا وممتاز واغلب اسطولهم طيارات حديثه ولكن حظنا انه الشركة تشغل في رحلتنه البوينق B747-4 القديمة ومب الـB747-8 (في الرحلتين من فرانكفورت الى اورلاندو و الرجوع من سياتل الى فرانكفورت) اما بالنسبة من البحرين لفرانكفورت A330-300 والعوده من فرانكفورت الى البحرين بعد A330 لكن كانت مجدده بالكامل انطلقنا بحفظ الرحمن ورعايته و وصلنا فرانكفورت ترانزيت طويل ومطار كبير ولكن مع التمشي واخذ قسط من الراحه الوقت طاف علينه الموقف العجيب صار جريب وقت البوردنق وتمشينه للبوابة للمغادرة الى اورلاندو وجاني واحد على طول من بد كل افواج المسافرين الي يمشون ياني لي وحق زوجتي بالتحديد وسألني .... مستر فلان الفلاني؟؟ قلت له يس:10: وطلع جواله وراواني صورة تأشيرتي الأمريكيه:30: وقالي اسمه (والله ناسي شنو كان اسمه) وطلع الأخ من امن المنافذ والحدود الأمريكية... قال تسمح لي اشوف جوازاتكم وعطيته الجوازات....وانه متوتر... وبدأ يسأل بكل لطف وشوي يسولف وين سافرت اخر 3 سنوات؟؟ ... هل زرت ايران؟؟... ليبيا ... الخ الخ... وين بتروح في امريكا ؟؟ انه كنت اشتغل في قطر و ...و ...و الأكل عندكم لذيذ في الخليج.....( وانه اشوفه يقلب في صفحات الجوازات بسرررررعه وكأنه يدور شي) هل مازلت في وظيفتك نفسها؟؟؟ وسلمني الجوازات وقالي our guys will take care of you there !! وانه في قلبي اقول لا والله لا ابيهم تيك كير أوف9 مي ولا هم يحزنون ابي ادخل بسلام وسألته عفوا بس من باب الفضول هل في شئ ؟؟؟ قال لا مجرد اسأله روتينيه لأنه تأشيرتك قديمة:28: و صعدنا البوينق و بعد 8 ساعات من فرانكفورت وصلنا اورلاندو الساعه 5:55 مساء يتبع |
اللللللله :e204: وابتدى المشوار :e50c::e50c::e50c::25::25: والله أنه ربي حابك وفكك من اليابان :14: وخلاك تقرر تروح أمريكا ..:25: صراحة ماعنده سالفة موظف أمن المنافذ:4: اشدعوى بتطير الدنيا جايكم يركض زوغ قلوبكم؟:59::59: مافيه صبر ينطر لين توصلون البوابة وتسلمون جوازاتكم لهم ويشيكون على راحتتهم؟:e113::47: في ناس في هالوظايف تنقصهم اللباقة والحكمة في التصرف.. وعسى ما خذوا كير أوف يو يوم وصلتوا البوابة وافتكيتوا منهم؟ متابعين للتكملة بكل شوق وترقب :e31d: |
بداية اكشن :34: منتظرين باقي التقرير |
وصلنا اورلاندو وطابور حق موظفين الجوازات وصلنا عندهم ... وبصمنا ، وقالو خلوكم على جنب:8: ايه صارت المهم اخذنا احد الموظفين حق صاله وفيها ايضا ناس معانه في الرحله ... وشفت جوازاتنه عندهم على الرف.... وانتظر بس لي مايجي الدور عليك و كالعاده اسأله و اسأله وجابو لنه الشنط و خلصنا من هذي الموضوع بسلام والحمدلله رحنا لمكتب تأجير السيارات من شركة Dollar لأستلام السياره ، وكانت من نوع شفر Cruze وحجزتها موقعhttp://Rentalcars.com كانت الخطة ان اول مانوصل اورلاندو نروح اقرب AT&T لشراء بطاقة التلفون لكن تأخرنا في المطار وظلم الوقت و تقريبا كل محلات AT&T قفلت ضبطنا الGps على فندقنا Quality Inn & Suites By the Parks الفندق مجدد .....و جدا جدا بسيط ولكنه نظيف وصاير بالتحديد في منطقة Kissemmee حجزت في الفندق من Booking بسعر 153 دينار لمدة 5 ليالي، واهم شي فيه المواقف مجانيه https://www.booking.com/hotel/us/qua...mee.en-gb.html اول ماوصلنا وبعد الـ Check in السلس على طوووول نوم بعد التعب والدرب الطويل يتبع............ |
اليابان حلوه ويمدحونها بس مدام فيزتك بتنتهي زين سويت رحتو امريكا البداية بالمطار والرحله حلوة بس تعب ترانزيت وسفر طويل سعر الفندق للخمس ليالي حلو 150 المهم التقرير ناقصه الصور ننطرها |
بعد؟؟ لاااا عيل كانوا ناويين عليها ومحددين الأسامي في كشف عشان جذي جاكم موظف المنفذ يشيك على جوازاتكم في مطار الترانزيت.. ترى عادي هذي اجراءات احترازية فقط ويسوونها على عينة عشوائية .. على مايقول المثل لا تبوق..لا تخاف..:13: خل يشيكون ويفتشون على راحتهم ماعندنا شي نخاف منه..بس الواحد يتملل إذا عايلة او معاه أطفال والرحلة طويلة مايصدق يطلع من المطار..:56: الفندق اللي اخترتوه حلوو ونظيف وفعلا شكله مجدد بالكامل ..وسعره روووعة ...بس طبعا هالسعر لايمكن تلاقيه في اشهر الصيف اللي كل شي يتغير 3 أضعاف سعره :73: متابعين بشوق حتى بدون صور ..لأن ماشاء الله كل شي تذكره نستفيد منه معلومة.. :e032: |
اورلاندو اليوم الأول صحينا الصبح صلينا وتجهزنا ولازم وجهتنا تكون حق اقرب AT&T وبعدها نروح مطعم Hash House a go Go من المطاعم الي قريت عنها وتقييمها عالي فقلت ان شاءالله بخليه اول مكان نتريق فيه ركبنا السياره ونبي نشغل الـ GPS ،،، هذي GPS عباره عن جوال شركة Honor و مبرمجينه حق يكون GPS بس ماتقدر تستخدمه كجوال عادي المهم نبي نشغله ومايشتغل البتري مخلص الشحن ماله.... افا شلون !!! :8: كان عندنا شاحن متجول ولكن الـGps منتهي وماياخذ شحن بسرعه بطيئ وماعندنا شريحة حق نستخدم Google map من الجوالات قلت الحمدلله انه الشحن ماخلص واحنه طالعين من المطار ولا جان مابنعرف درب الفندق عقب التعب ...قلت حق زوجتي احين خليه على الشحن وبنتوكل على الله نتجول على مايشحن شي بسيط ونضبطه ويمكن واحنا نمشي بالسياره نشوف محل AT&T او حته T-Mobile بكون ممتاز تحركنا والجوو عجيب جو صافي نقي وماكان حار وانا اسوق في السياره شفت لافتة International Drive طريق غني عن التعريف في اورلاندو مطاعم ومحلات و اوتلت وغيرها .. اكثر السياح يفضلون يسكنون قريب من الـ International Drive وشفنا هالماك ... اكبر ماك في العالم https://www.arabtrvl.com/up/uploads/...3389481011.jpg وانا اسوق السياره السياره على امل نلمح At&t او T-Mobile شفت المطعم الي نبيه:e116::e116::18::18: سبحان الله رب العالمين وصلنا له قلنا ننزل نتريق ونخليه الشاحن يشحن الGPS على راحته لنه بطيئ وهذي المطعم https://www.arabtrvl.com/up/uploads/...3110612161.jpg انه طلبت اسبريسو حق التصحصح وكورن بيف مع اومليت وزوجتي طلبت اومليت https://www.arabtrvl.com/up/uploads/...3150199181.jpg https://www.arabtrvl.com/up/uploads/...3110621872.jpg https://www.arabtrvl.com/up/uploads/...3110630093.jpg حجم اطباقهم كبيره انه ذاك اليوم عقب الريوق ماحسيت باليووع عند المدخل صور المشاهير الي زارو المطعم https://www.arabtrvl.com/up/uploads/...3150203722.jpg طلعنا وشغلنا الـ GPS الي اخيرا خذ جارج شي بسيط حق يوصلنا على اقرب AT&T وبعد ماخذينا الشريحة اعتمدنا على قوقل map من الجوال اسرع واحسن من الـ GPS مالهم :11: اول وجهة بحيرة Eola في الداون تاون، وارولاندو فيها اكثر من 100 بحيره !! https://www.arabtrvl.com/up/uploads/...3110640734.jpg https://www.arabtrvl.com/up/uploads/...3110648465.jpg https://www.arabtrvl.com/up/uploads/...3110657826.jpg https://www.arabtrvl.com/up/uploads/...3110673929.jpg https://www.arabtrvl.com/up/uploads/...1106773310.jpg حوالين المنطقة مطاعم ومقاهي وتعتبر منطقة ايضا مفضلة للسكن ،، بس الشوارع كانت فاضية وايد وماكان في حركة اتوقع في الليل وايام العطل تصير فيه حركة تمشينا في المنطقة https://www.arabtrvl.com/up/uploads/...1106860311.jpg https://www.arabtrvl.com/up/uploads/...1106902812.jpg https://www.arabtrvl.com/up/uploads/...1106965513.jpg https://www.arabtrvl.com/up/uploads/...1107000614.jpg https://www.arabtrvl.com/up/uploads/...3110703515.jpg وبعدها رجعنا للفندق ارتاحينا شوي وطلعنا العصر للـOld Town وعلى حظي كان في تجمع سيارات:18: https://www.arabtrvl.com/up/uploads/...1107076416.jpg https://www.arabtrvl.com/up/uploads/...1107109617.jpg https://www.arabtrvl.com/up/uploads/...1107141218.jpg https://www.arabtrvl.com/up/uploads/...1107174919.jpg https://www.arabtrvl.com/up/uploads/...1107253620.jpg https://www.arabtrvl.com/up/uploads/...3330939121.jpg https://www.arabtrvl.com/up/uploads/...3330947062.jpg https://www.arabtrvl.com/up/uploads/...3330956413.jpg وبعدها رحنا Disney Springs https://www.arabtrvl.com/up/uploads/...3330965884.jpg https://www.arabtrvl.com/up/uploads/...3330973135.jpg https://www.arabtrvl.com/up/uploads/...5333098886.jpg https://www.arabtrvl.com/up/uploads/...3331000067.jpg https://www.arabtrvl.com/up/uploads/...3331006628.jpg https://www.arabtrvl.com/up/uploads/...3331010429.jpg بالنسبة لي احس ديزني سبرنقس في النهار تكون احلى حسيتهاوايد مظلمة في الليل وهذي نهاية اليوم الأول يتبع |
واااايد حلوة جولة اليوم الأول ..:72: GPS مشكلة إذا مو جهاز منفصل ومبرمج فيه الأماكن المطلوبة للسفرة من البلد قبل السفرة ومشحون وجاهز.. بالنسبة لي أبدا ما احب اعتمد على قارمن البيلت إن في السيارة أو ألموبايل ..دايما قارمن السيارة المتنقل أسلم حل خصوصا مع مدن وولايات الإرسال فيها ضعيف مثل أورلاندو وسان فرانسيسكو لأنها مرتفعة والابراج المحيطة بها تمنع الإرسال داخل الداون تاون.. جربت فرع هذا المطعم في سان دييجو وكان عادي جدا ومايستاهل المدح اللي ماخذه ولا السعر الغالي له وأطباقه فعلا جدااا كبيرة :49: متابعين للتقرير |
جميل جدا اليونيفيرسال ستوديو..وجولتكم فيه ممتعة.. فعلا الأفضل إنك تشتري التذاكر وكل شي من البلاد أون لاين عشان ماتفكر هناك بمصاريف غير البترول والأكل والتسوق.. متابعين :e32e: |
ما شاء الله أخوي علي ... التقرير ممتع .. و أنا أتابع و مستمتع بقهوتي و أعيش الأجواء الأمريكية ... نقطة شراء تذاكر الفعاليات .. بصراحة أنا أشتريها أثناء وجودي في المكان و السبب كي لا أربط نفسي بيوم محدد في الزيارة لأنه في بعض الأيام يكزن تأثير الطقس يؤخر بعض الألعاب فأتابع موقع الطقس و أحدد متى أزور الملاهي مثل ديزني أو يونفيرسال .. |
هلا فيج اختي قطرية بصراحه المطعم عجبني وكررت له الزياره في لاس فيغاس ابو معتز اوافقك الرأي ولكن الحلو في تذاكر يونفرسال انك تقدر تروح في اي يومين يعجبونك بدون التقيد في تاريخ محدد |
اقتباس:
سبحان الله..الناس أذواق اخي الكريم:58: وبالعافية عليكم يارب :e112: |
اقتباس:
بس الطبق الي اخذته في فيغاس كان عادي جدا مب مثل الريوق الي في اورلاندو مع انه شكله كان وايد مغري |
يعطيك العافيه خوووش صور ترى انا احب الصور لانها تعيشني تفاصيل التقرير ماشاءالله المطعم طلع بطريجكم بدون تعب الحمدلله والريوق اطباقه عجييبه بالعافيه مستمتعين بجولاتكم الجميله |
ننتظر التكمله :18: |
ويني عن التقرير ليش مابلغتوني :27: كنت لاهيه في ادنبره :1::1::1: بداية فيها اكشن الله يعينكم الحمدلله عدت على خير متابعين التقرير |
بداية جميلة للتقرير ومنتظرين الباقي بحماس :3::69: |
اورلاندو اليوم الثالث اليوم الرابع وجهتنا لمنطقة Celebration الي تبعد دقائق فقط من الفندق Celebration مدينة صغيره صممتها وبنتها Disney بأسلوب معماري يرجع لمطلع القرن العشرين، بدا انشائها في تسعينات القرن الماضي المكان جميل وهادئ https://www.arabtrvl.com/up/uploads/...1323926181.jpg https://www.arabtrvl.com/up/uploads/...1323938242.jpg سينما https://www.arabtrvl.com/up/uploads/...1323947843.jpg سوق المزارعين https://www.arabtrvl.com/up/uploads/...1323955064.jpg https://www.arabtrvl.com/up/uploads/...1323959735.jpg https://www.arabtrvl.com/up/uploads/...1323964066.jpg https://www.arabtrvl.com/up/uploads/...1323972348.jpg https://www.arabtrvl.com/up/uploads/...1323979489.jpg https://www.arabtrvl.com/up/uploads/...3239856110.jpg https://www.arabtrvl.com/up/uploads/...3239931411.jpg وبعد ماخلصنا من Celebration توجهنا الى اشهر شواطئ ولاية فلوريدا Daytona Beach و الي يبعد عن منطقتنا ساعه ونصف https://www.arabtrvl.com/up/uploads/...3240034512.jpg https://www.arabtrvl.com/up/uploads/...1324008113.jpg https://www.arabtrvl.com/up/uploads/...3240149414.jpg https://www.arabtrvl.com/up/uploads/...3240210315.jpg https://www.arabtrvl.com/up/uploads/...3240277216.jpg https://www.arabtrvl.com/up/uploads/...3240365117.jpg وغادرنا المكان https://www.arabtrvl.com/up/uploads/...3240412718.jpg حلبة Daytona International Speedway لسباقات الـ Nascar :25::25: https://www.arabtrvl.com/up/uploads/...3240465619.jpg وصادنا الجوووع واكلنا في مطعم Cracker Barrel له عدة فروع في اورلاندو ويتميز ببيع المشروبات و الحلويات القديييمة https://www.arabtrvl.com/up/uploads/...3240504220.jpg رايي الشخصي في دايتونا بيتش، بصراحه ماتوقعت المكان هلون مهمول وقديم مافيه اي اهتمام، المباني قديمه و محلات وايد مهجوره و مسكره واكثر صنف من الناس بتشوفونهم هناك ذلين:14: صوره من قوقول v v v v v v v v v v https://gp1.wac.edgecastcdn.net/8028...jpg?1543721794 نهاية اليوم الثالث يتبع........ |
ماشاء الله عليك أخ علي دائما رحلاتك وزياراتك مميزة وغير مكررة..:13: سيلبريشن منطقة أول مرة أسمع عنها في ديزني..واستفدنا منك معلومة جديدة اليوم عنها..:e214: سؤال: هل سوق المزارعين موجود بشكل يومي هناك وإلا له أيام ومواعيد معينة؟ أما ديتونا بيتش فكانت ضمن مخططي الصيف الماضي بس كنسلتها آخر لحظة لأن البنات حبوا يرجعون المول للتسوق للمرة الثانية في نفس المول :24:..والحمد لله إني لغيتها دام رايك فيها جذي والله قلبي كان حاس إنها بتطلع مثل ماقلت عشان جذي حذفتها بكل سهولة..:14: غير محسوف عليها.. مطعم كراكر بيرل من أجمل المطاعم اللي زرتها في فلوريدا لدرجة إني زرته مرتين ...:13: بانتظار الجزء القادم بكل شوق..فلا تتأخر علينا .. |
حسافه طلع الشاطئ مو نفس توقعاتك انا اتحسف اذا طلع المكان مو نفس ما سمعت عنه المهم انك رحت وشفته وبلغتنا علشان الغالية قطرية ما تتحسف المطعم لو حاط لنا صور لنوع المشروبات والحلويات القديمة نتذكر معاك الماضي مستمتعين معاكم |
السلام عليكم و رحمة الله و بركاته .. "لولا أختلاف الأراء .. لبارت السلع" كلا منا يرى المكان من زاوية تختلف عن الأخر و أتفق معك أخوي علي في كون ديتونا لم تعجبك و لكني في نفس الوقت .. لا أراها بذلك السوء فلقد زرتها أكثر من 3 مرات في فترات متقطعة و أقمت فيها ليلتين في زياراتي الأخيرة إلى أمريكا .. كان كل أفراد العائلة يتمنون أن نمدد أقامتنا فيها و لكن الأرتباط بالرحلة لم يعطينا المجال بالتمديد .. و لكني وعدتهم بإقامة أطول في المرات القادمة .. منظر راكبي الدرجات منتشر في كل أمريكا و بشكل مرعب في بعض المناطق .. على سبيل المثال في لوس أنجلوس في شاطئ فينيسيا مناظر أشد رعب و كم تمنيت أني لم أذهب هناك أغلب أقامتي في ديتونا كانت في منتجع الـ Hilton و الشاطئ الممتد عليه و قد كان ممتع https://www.arabtrvl.com/up/uploads/...4575942211.jpg "وجهة نظر .. " |
اقتباس:
هلا فيج اختي قطرية سلبريشن مملوكة حق ديزني وسوق المزارعين حسب علمي بس في الويكند جريي تمرين على دايتونا مرور الكرام يمكن تعجبج مطعم كراكر بارل هذي ايضا ثاني زيارة اول زيارة تريقت فيه الحلو انه المنيو بسيط اقتباس:
الحمدلله مافي حسافه اهم شي اني شفته بس وسجلت حضور لأنه من اهم شواطئ الساحل الشرقي تشرفني متابعتج اقتباس:
هلا بيك ابو معتز، اتفق معاك سبحان الله الأذواق تختلف بالنسبة للدراجين ابد ماعندي اي مشكله خصوصا اني من محبين الـHarley Davidson من الصغر |
اورلاندو اليوم الرابع و الأخير اليوم الرابع راح اختصره في صورتين فقط ، زيارتنه كانت للجزء الثاني ليونفرسال ستوديو لأنه باقي الأعضاء كفو و وفو في تغطية هذي المكان الغني عن التعريف من مخططات السفره اذا وصلنا مدينة بورتلاند في ولاية اوريغون نجرب دونت Voodoo و مصنف من الأشياء الي لازم الواحد يجريها في مدينة بورتلاند، حاليا صار عندهم 6 افرع في امريكا موقعهم V V V https://www.voodoodoughnut.com/ https://www.arabtrvl.com/up/uploads/...3538512451.jpg https://www.arabtrvl.com/up/uploads/...3538525322.jpg بصراحه الدونت جيد بس بالنسبه لي شخصيا Krispy Kreme مازال افضل دونت عندي لذيذ و خفيف، بالنسبه لكم شنو احلى دونت ؟؟ هذي نهاية اليوم الرابع و الأخير في اورلاندو باقي برنامج واحد ولكن يوم ;kj بحجز تذكره ماكان في له يوم مناسب اله في يوم المغادرة من اورلاندو و بنزله لكم في الجزء القادم بالنسبه لي اورلاندو حلوه خصوصا الي عنده عائله ويبي عياله يستانسون صح انسب مكان لهم الجو كان حليو في شهر ابريل ماكان حار سمعت وايد عن الحر و الرطوبه في الأشهر من يونيو لي نهاية سبتمبر، مع ان الوالد راح في اغسطس 2018 يقول الجو حلو ومب حار ورطب مثل البحرين كان باقي برنامج ايضا في كنت ناوي احجز له تذاكر قبل السفر بس في نهاية الوقت كنسلته واهوه Kennedy Space Centre في آخر لحظه حسيت اني مب مهتم نوعا ما ولكن متأكد انه مكان حلو و يستحق الزيارة يتبع |
عندنا بالكويت دونت محشية لذيذة ما ذقت نفسها اذا ييتوا الكويت بنعلمكم عنها صناعه كويتيه ههه |
صور جميلة من اورلاندو سيلبرايشن منطقة جديدة مناسبة لقضاء ساعة أو ساعتين ديتونا بيتش باجازة الصيف ما تلقى لك مكان كراكر بيرل من المطاعم الجميلة بالافطار زرته شبه يومي خلال تواجدي باورلاندو تظل أجواء اورلاندو رائعة وبحيراتها تفتح النفس متابعين معاك يا باشا :58: |
جزء جميل وقصيرعن اليوم الأخير بأورلاندو :12: بس ممتع.. بالنسبة للجو في اورلاندو انا بعد خوفوني من حرها ورطوبتها القاتلة بالصيف ولكن مالقيت هالشي ولا 1% من رطوبة دول الخليج ..زرتها بيوليو 2019 كان مطر وأحيانا شمس ..بس لا تقارن بشمس وحرارة لوس أنجلوس في نفس الوقت من السنة عادة (من وجهة نظري).. أما بالنسة للإجابة عن سؤالك أي دونات نفضل ؟ فللأسف ما جربت فودو دونات ولكن حتى لو جربته أظن أن رأيي راح يظل نفس ماهو Krispy Kreme وبس :e20c: والفرع اللي في كيسمي يقدمه حار من الفرن للفم :1: أما زيارة وكالة ناسا الفضائية فزين سويت كنسلتها ما أحس أنها ضرورية أو ممتعة |
يوم المغادرة اورلاندو - ميامي صحينا و نزلنا حق الجيك اوت، الفندق الجيك ان و الجيك اوت جدا سلس و لا تعطيل و لا شي ومن ضمن الحجز كان فيه فطور بسيط، المدام قالت نتريق في الفندق و ننطلق، عن نفسي احب اكتشف مطاعم الريوق واجرب اشياء يديده ماحب اتريق في الفندق بس كان انسب لكسب الوقت تذكرون في الجزء الي قبل واحنه راجعين من دايتونا شنو صورت ؟؟ Daytona International Speedway https://www.vippng.com/png/detail/22...edway-logo.png البرنامج في الحلبه ركوب سيارة سباقات الـ NASCAR الأمريكية مع سائق سباق محترف الحلبة من اشهر حلبات السباق في امريكا مع العلم انهي مو اول حلبة سباقات Nascar ولكنها الحلبه الي يفتتح فيها الموسم للسباق، تم اففتاح الحلبه في عام 1959 اما بالنسبة لأول سباق Nascar كان في 1949 في حلبة شارلوت في ولاية كارولاينا الشمالية حجزت التذكره من موقع Richard Petty V V V https://www.drivepetty.com/ التذكره الي اخذتها اهيه الـ Ride along سعر التذكرة 89 دينار مع صورة و تصوير فيديو من داخل السياره من ضمن التذاكر في Driving experience الي بنفسك تسوق السياره ويارييتني اشتريتها بالنسبة لحلبة دايتونا في لها Tour ياخذونكم جوله في الحلبه مع مرشد ويتكلم عن تاريخها موقع الحلبه V v v https://www.daytonainternationalspeedway.com/ مايحتاي اقولكم شلون كنت متحمس و وانه رايح لأحلى برنامج في الرحله بالنسبه لي:1: وصلنا الحلبه https://www.arabtrvl.com/up/uploads/...2866771181.jpg https://www.arabtrvl.com/up/uploads/...2866780862.jpg https://www.arabtrvl.com/up/uploads/...2866790623.jpg الأستقبال و مركز الزوار وفيه محل تذكارات سجلنا الحضور وخذونا لي داخل الحلبه https://www.arabtrvl.com/up/uploads/...2866800524.jpg https://www.arabtrvl.com/up/uploads/...2866810245.jpg https://www.arabtrvl.com/up/uploads/...2866820196.jpg :e132::18::18::18::18::18::18::e132: https://www.arabtrvl.com/up/uploads/...2866828297.jpg فيديو قصير من تصوير التلفون.... رفعو الصوت:e317::e317: https://www.youtube.com/watch?v=0n0X0WFKnxo https://www.youtube.com/watch?v=3Sq_EtyCCnE https://www.arabtrvl.com/up/uploads/...2866838078.jpg جاهز :17::62: https://www.arabtrvl.com/up/uploads/...2866846339.jpg وصل الشفر:33: https://www.arabtrvl.com/up/uploads/...3286685410.jpg و توكلنا على الله https://www.arabtrvl.com/up/uploads/...3376648781.jpg https://www.arabtrvl.com/up/uploads/...8669055414.jpg https://www.arabtrvl.com/up/uploads/...8668815211.jpg https://www.arabtrvl.com/up/uploads/...8668899312.jpg https://www.arabtrvl.com/up/uploads/...8668971913.jpg وصلت السرعه تقريبا 170 ميل، احلى شي لما يكون بينك وبين السور سانتيمترات بسيطة على المنعطف والسياره تتسارع خلصنا وانه ماشبعت:31: https://www.arabtrvl.com/up/uploads/...8669145615.jpg وداعية دايتونا و متجهين الى ميامي https://www.arabtrvl.com/up/uploads/...8669215416.jpg الي يحب السيارات و يعشق السيارات نصيحه يجرب، والأحلى انك تسوق، وراح اسويها المره القادمه اذا رب العالمين كتب لنا سفره رابعه للعشق، السيارات هذي الموديلات القديمة وقير عادي Manual السيارات الي حاليا يستخدمونها في السباقات احدث وشكلها انسيابي اكثر برامج Richard petty متوفره تقريبا في اشهر حلبات الـ Nascar في امريكا وليس فقط في حلبة دايتونا، تدخلون الموقع وتختارون الحلبه و التاريخ ونوع التذكره. نلقاكم في ميامي يتبع |
يمممه تخرع سيارات السباق هههه عليك بالعافيه يارب حلوه تجربة الاشياء المحببه للنفس مستمتعين للآخر |
| الساعة الآن 03:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO