|
اقتباس:
نعم أخي الغالي ابو ماريا .. "ماليزيا" مع أحترامي الشديد لكل المحبين لهذا البلد و لكني و على الرغم من تعدد زياراتي له لم أجد ما يشفع له كي أجعله في قائمة البلدان التى تزار بالنسبة لي .. في أحد الزيارات ركبنا مع سائق سيارة و كانت الوجهة حديقة الفواكة في لنكاوي .. بعد الخروج سألنا السائق عن أنطباعنا فكانت الأجابة فيها نوع من أن المكان عادي !! حيناها قال السائق لو أشتريت بربع قيمة التذاكر ما لذ و طاب من أنواع الفاكهة لأكلتم منها أسبوع كامل لكان أحسن لكم :10: أتحدى واحد راح حديقة الفواكة في لنكاوي و لا وقفته سيارة الجولة عند هالمنظر اللى قالك ألحين أختراع :32::32: https://encrypted-tbn0.gstatic.com/i...mQKM-&usqp=CAU |
بسم الله الرحمن الرحيم اهلا بالمبدع ابو لجين و بجميع اعضاء المنتدى المحترمين .. س - متى كانت اول سفره والى اين - اول سفره لي كانت عام 1983 و كانت لبريطانيا س - هل تذكر شعورك قبل السفر - طبعا .. كان شي لا يوصف .. لك ان تتخيل في ذلك الوقت البون الشاسع بيننا وبين بريطانيا .. و ندرة المعلومات عن ذلك البلد في ذلك الحين س - هل تعرضت للنصب في سفراتك - ولله الحمد ما فيه شي يذكر .. س - بلد تشعر انه يعيش بداخلك - أكيد مكة المكرمة الله يشرفها س - بلد ما ارتحت فيه - سوريا س - هل تنام في الطياره - بصراحة ما اقدر انام الا بغفوه بسيطة احيانا عند الاقلاع س - اطول سفره و اقصر سفره - اطول سفر كان لعدة اعوام و اقصر سفره كانت لفترة ساعات و يعطيك العافية يابولجين |
الأسئلة خلتني انتعش من جديد:1: -متى كانت اول سفره والى اين ؟ تركيا وبلغاريا( مع بعض ) قبل سنوات عديده أيام الطفولة مع الوالد الله يرحمه - هل تذكر شعورك قبل السفر بيوم ؟ ابتشقق من الفرحة:1: -هل تعرضت للنصب في سفراتك ( علمنا ماراح نعلم احد ) لا الحمد الله - بلد تشعر انه يعيش داخلك جزيره لنكاوووووي- امريكا - اليونان -بلد تقول لو اروح لعرعر ( ماطبيته مره ثانيه ) مصر مع احترامي للشعب المصري - لندن -هل تنام بالطيارة ( زي نومه اللقلق جالس ومنزل دقنك) مايجيني النوووووم ابدا -عادة مزعجه تسويها بالسفر ودك تغيرها حمل الملابس والاغراض الكثيرة الي مالها سنع -اطول سفرة في حياتك كم كانت يوم / اقصر سفره أطول سفره شهر ونص ( ماليزيا – بالي ) اقصر سفره دبي أسبوع :::: سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد أقول الحمد الله على سلامتي - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه وش شعورك لو اهداك احد تذكرة سفر الحين ويقولك اختاري البلد الي تبين :12: |
هلا وغلا ابو لجين عمت مساءً وكن قريبا مني دائما لتجدد لنا الذكريات باسلوبك الشيق قد نحتاج في وقت ما لرسالة دون سبب لورد دون مناسبة لصوت من نحب دون انتظار للقاء دون ترتيب لقلب يستمع إلينا دون كلمات لأحداث جميلة تفاجئنا وتجعلنا نبتسم لسفر يبقينا في أماكننا ويجلب لنا العالم بأكمله أمامنا :e32b: |
-متى كانت اول سفره والى اين ؟ كانت الى تايلند تخيل اول سفرة الى هذي البلاد كل شي مسموح فيها اذكر شخص يتبعني في الشارع وقرب مني وقال تبي حشيش جتني دوخة واطلقت سيقاني للريح حتى الفندق وسكرت الغرفة من الرهبة الله لايوفقة ما انساه طول حياتي - هل تذكر شعورك قبل السفر بيوم ؟ لا انام واقلق قبل السفر -هل تعرضت للنصب في سفراتك ( علمنا ماراح نعلم احد ) نعم واكثر من مرة ويرجع لطبيعتنا الثقة العمياء في الناس اذكر ركبت مع تكسي وقلت ابي مكان كذا قالى اركب وجلس يدور في نص ساعة حتى وصلنا المكان وحاسبتة على العداد وبعدها طالعت يسار وركزت على المكان حصلتة المكان الى كنت جالس فية طبعا قبل قوقل طول الله عمرة - بلد تشعر انه يعيش داخلك النرويج بلد جميل -بلد تقول لو اروح لعرعر ( ماطبيته مره ثانيه ) سيرلنكا فندق 4 نجوم والاكل علية ذباب والفرش مليان عثة والريحة لاتطاق في البشر -هل تنام بالطيارة ( زي نومه اللقلق جالس ومنزل دقنك) ابدا ابدا ياليت اتغير انقهر اذا جنبك واحد من اول ماتقلع حتى اذا نزلنا وهو نايم ولا يشاخر بعد -عادة مزعجه تسويها بالسفر ودك تغيرها اشتري من اول يوم وتقعد تشيلها طول المدة اخاف ماعاد احصلها اطول سفرة في حياتك كم كانت يوم / اقصر سفره اطول سفرة كانت 28 يوم في امريكا وأقصر سفرة دول الخليج اذكرة رحت قطر صد رد ودبي يومين سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اجلس اطالع من النافذة طول وقت الوصول وكاني اول مرة اشوفها - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه هل انت حريص على الشراء من البلد التي سافرت لها هدايا دايما حتى لو كانت رمزية |
هلا أبو لجين طرح متميز دوماً الله يسعدك :e032::e032: متى كانت اول سفره والى اين ؟ أول رحلة سياحية كانت الى تايلند في عام 1987 رغم أني متخرج من امريكا وقتها الا أن تايلند أبهرتني بتنوعها السياحي ومن هناك بدأت رحلاتي تتكرر لشرق آسيا الى أن زرت أغلبها هل تذكر شعورك قبل السفر بيوم ؟ رتبت الشنطة اكثر من مرة وشلت أشياء كثيرة ما احتاجها ومنها بدأت اخفف ما أحمله الى شنطة مناسبة لـ كبينة الطائرة هل تعرضت للنصب في سفراتك ( علمنا ماراح نعلم احد ) نعم اكثر من مرة ومنها اكتسبنا خبرة السفر في البرازيل رحت مشي لعنوان صديقي وضيعت قلت ما لها الا تاكسي قعد يلف في 10 دقايق وبالنهاية اكتشفت أني واقف قدام البناية من الخلف في اثيوبيا انسرق جوالي وفي تايلند رحت لمساج وتحط ملابسك في خزانة طلع معهم ماستر كي وأخذوا فلوس من جيبي بلد تشعر انه يعيش داخلك قلبي يتسع لأكثر من بلد ولو ضغطت عليه شوي ممكن يتسع للبلدان كلها لكني أحمل لنيوزلندا الجميلة و شعبها الودود الكثير من الاحترام والتقدير كذلك ايسلندا أبهرتني بعفوية شعبها وبساطة تعاملهم اتذكر فاتتني رحلة تزلج على الجليد في ريكافيك وكان مكان الاجتماع غير واضح بالنسبة لي وما أن وصلت للمحل وسألت الفتاة على الكاشير حتى اتصلت بالقروب فوراً وطلبت منهم العودة لكنهم كانوا قد غادروا فـ رجعت وعيناها تدمع وأعطتنا شوربة مجاناً كنوع من التضامن معنا وما أن وصلنا الشقة حتى اتصل بهم صاحبها وأخذ يتحدث معهم حتى أقنعهم بتعويضنا برحلة اليوم التالي . شعب حطه على يمناك . بلد تقول لو اروح لـ عرعر ( ماطبيته مره ثانيه ) جيبوتي رغم بساطة الشعب الا أن البلد كئيب اتذكر أول غرفة فندق سكنتها كانوا راشينها بـ قاز بدل الديتول يعني هل تنام بالطيارة ( زي نومه اللقلق جالس ومنزل دقنك) اذا كنت راجع أنام و أشخر بنغمات نوكيا مبرمج عليها أما اذا كنت مسافر لبلد جديد التفكير فيه يشغلني عن النوم ولا استسلم الا اذا غلبني النوم عادة مزعجه تسويها بالسفر ودك تغيرها عشقي للكافيهات مبالغ فيه أتذكر كنت أجلس بالساعات في كافيه كونسيرتو في لندن كافيه ون في جاكرتا كان يسحرني مع نغمات عازف البيانو اعمل بحث عن الكافيهات المميزة و أزورها وهذا قد يستهلك الكثير من الوقت اطول سفرة في حياتك كم كانت يوم / اقصر سفره أطول رحلة لامريكا 45 يوم وهنا التقرير وصلنا عند اورلاندو https://www.arabtrvl.com/vb/t42531.html أما أقصر رحلة كانت للبحرين الغالية عبارة عن ويكند بس ما انسى رحلة جاكرتا فيها نوع من الجنون (الرحلة 11 ساعة) طلعت الثلوث بالليل جلست الربوع والخميس و رجعت الجمعة والسبت كان دوام سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. أحس بالانجاز اللي قمت فيه و أطلق ابتسامة رضا من داخلي و أردد : هذي بس البداية الجاي أكثر ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه ما مدى أهمية التخطيط للرحلة ؟ وكيف يخطط شخص مبتدئ لسفرياته ؟ شخصياً أضع خطة مبدئية للرحلة لكني لا أقوم بعمل أي حجوزات عند الوصول لكل مطار اجلس في الكوفي شوب لمدة ساعة واقوم بالحجز وهكذا لكل مدينة قادمة والسعر ما يفرق كثير بل أحياناً يكون أرخص اذا كان معي عائلة احجز للمدينة الاولى فقط الشخص الحديث عهد بالسفر المفروض يتدرج في سفرياته ويخطط لها فيبدأ بدول شرق آسيا ثم افريقيا ثم اوروبا الشرقية ثم امريكا الجنوبية واذا تزوج يروح اوروبا والشرق الاقصى مثل اليابان كوريا تايوان وبكذا يبني خبرة كبيرة بالسفر ويصبح مرجع فيه علماً بأني ضد تكرار الزيارة لنفس الدولة مهما تعلقت بها خالص تقديري أبو لجين لك ولكل من أضاف معلومة هنا :e306::e306: |
اقتباس:
اقتباس:
ههههه الله عليك يابو معتز وماله هالاختراع فيس جميل من الفاكهة حديقة لنكاوي تصور لاخر زيارة في لنكاوي وكان عندي وقت زايد قلت اشوعها ولاهي جدا عادية اصلا لنكاوي للمنتجعات مورحلة المنغروف والقرية الشرقية فقط والباقي زيادة عدد فقط لاعير ولايهمني انها تتغير ام لا من ناحية المزارات المهم اروح هناك وانبسط بالشيء اللي احبه |
اقتباس:
واحد مثثل حالتي يحيب لنكاوي |
قد اطرح اجابات لكل سؤال على فترات متباعده وترتيب عشوائي لكن نفس الأسئلة يعني النصب : قبل سنتين في اسطنبول اخذت تاكسي الي مكان الباصات بنطلق الي بولو ، المهم لما وصلنا موقف الباصات راعي التاكسي قلي حسابك بشرح بالعملة السعودية لأجل الأكثرية تفهم قالي حسابك 100ريال وانا غير مركز عطيته ال100عادي على طول غافلني وبدل ال100 ب10ريال ورفعها نحوي وقلي مية مية مو عشرة يبغاني اصدقه واشيل ال10 واعطيه 100 ثانية تذكرت اني قريت في موقع تحذير من هذه الطريقة في النصب ماعصبت اللي جاني في الحقيقة صدمة السواق مثل جدي حنين ومتعاون وخدوم ظنيت انه اطيب واحد في تركيا ، وثانيا السماسرة حقين الباصات اجتمعوا على راسي كل واحد يبغاني اجي مع شركته وانا عائلة مافي كثير مرونة فقلت للسواق لا تلعبها عليه قديم ومشيت :63: |
-متى كانت اول سفره والى اين ؟ المغرب سنة 1997 - هل تذكر شعورك قبل السفر بيوم ؟ فرحة ما اقدر أوصفها خصوصا إني كنت صغير والمغرب كانت شي خيالي -هل تعرضت للنصب في سفراتك ( علمنا ماراح نعلم احد ) الحمد لله ما تعرضت الا الى غلاء الأسعار في الدول العربية -بلد تقول لو اروح لعرعر ( ماطبيته مره ثانيه ) مصر ثم مصر -هل تنام بالطيارة ( زي نومه اللقلق جالس ومنزل دقنك) نعم انام اذا كان وقت نومي -عادة مزعجه تسويها بالسفر ودك تغيرها ما فيه والحمد لله -اطول سفرة في حياتك كم كانت يوم / اقصر سفره أطول سفره كانت بريطانيا 45 يوم الأقصر منها 40 يوم بريطانيا ايضا أقصر سفره كانت بيروت 3 أيام وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اذا رجعت أحسن بضيقه لفتره ( ما قدرت أتخلص من هذي الضيقه تبدأ قبل العوده بيوم ) ( سوال مفتوح اسأل نفسك وجاوبنا ) وش رايك بالسياحة بالدول العربية ؟ الجواب : كمبتدئ بالسفر اوك .. ولكن اذا تعلمت السفر واحترفته راح تتحسف على كل فلس دفعته لهم |
| الساعة الآن 04:53 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO