|
عليكم السلام اذا مسافر لوحدك تحتاج فعاليات وانشطة حتى لا تصاب بالملل وضالتك موجودة في بالي اندونيسيا اسعار متوسطه وعلى حسب ميزانيتك تستطيع السكن |
اولا .. اقرا تقارير النخب في هذا المنتدى الشامخ و شف الدولة اللي تناسب رغباتك .. طبعا استبعد بلدان اوروبا الغربية لغلاءها - استخدم المترو و الباصات في التنقل فهي ارخص واوفر وتبعد بك عن المشاكل .. طبعا طريقتها سهله جدا .. بتغلط مره او ثنتين وبعدين بتفهم طريقتها .. وتحصل الشباب كاتبين تقارير عنها .. لا تستخدم التكاسي الا اذا كنت مضطر وخلك باقصى درجات الحذر .. لان 99% من سواقين التكاسي في جميع دول العالم بينصبون عليك اذا لقو فرصة .. - ارشح لك تسكن في بيوت الشباب فهي ارخص - انتبه تثق في أي شخص يجي يعرض عليك خدمات ايا كانت .. اذا بغيت اي شي ابحث عنه بنفسك - احفظ محفظتك الرئسية و جواز سفرك في مكان آمن - احرص على ان تكون شنطة سفرك صغيره بقدر الامكان هذا ما يحضرني الان .. |
تسافر والعياذ بالله !! :17: تركيا اتوقع اسلس سفرة بتكون لك المسافة سهولة الدخول التكلفة الطيران 1700 شامل كل شي المصروف اليومي حنا كنا شخصين عائلة يعني قلنا بنصرف في اليوم حدود 400ريال واخذنا ميزانية ذلك والواقع متوسط المصروف اليومي للشخص 150ريال لكن تجيك ايام تصرف اكثر وايام اقل حسب احتياجاتك |
السلام عليك أخوي عبدالعزيز بما أن هذه أول سفرة في حياتك ولوحدك فأول شي تسويه تقرأ كثير في المنتدى حتى تقتنع بدوله معينه تناسبك وما في دولة ممكن تحقق كل طلباتك في سفرة وحدة ثانيا تجمع كل المعلومات التي تحتاجها في السفرة وتاخذ فكرة عن البلد والمناطق والمواقع السياحية وأماكن السكن والتسوق والمطاعم والتنقل هناك عدد من الدول توفر الفيزا من المطار أو ألكترونية وعليك قراءة المعلومات المتعلقة بها وخطواتها من بوابة التأشيرات وهي سهلة وبما أنك مسافر لوحدك ففكرة أنك تسوق سيارة بتكون ممتعه كثير لك وتساعدك على زيارة المناطق الخارجية وأرخص من إستئجار سيارة مع سائق ، بس كأول مرة تسافر فهذا محتاج جرأة كبيرة منك أو أنك تطلع مع قروبات سياحية ، في الفندق ممكن يساعدونك تحصل شركات وبرامج سياحية هناك دول تعتبر سهلة كأول مرة مثل ماليزيا وخصوصا للعرسان وإذا سفرتك بالصيف ممكن تجرب جزيرة موريشيوس فجوها مناسب وإذا بالشتاء ممكن تجرب تايوان أما أنك تسافر كأول مرة في حياتك وفي الصيف لتركيا ما أنصحك ، تعامل الشعب بيكرهك كل شي ثاني وبيخرب عليك متعه السفر وخصوصا تقول أنها يمكن تكون الوحيدة في العمر نصيحة إبحث عن بلد تعامل شعبها راقي ومحترم وما يضايق السياح |
انا اوافق مع ترشيح تركيا واذا المصروف وايد خلها اسبوع ووفر من سعر الفندق للتمشيات والله يسهل سفرتك باذن الله |
اقتباس:
وهالشي صعب علي من نواحي كثيره اهمها هو اني ماعرف الطرسقه اصلاً ولا اعرف من يودي ولا اضمن الي بركب معه اذا كان نصاب او لا وخاصه اني وحيد ممكن القا الي بيطمع فيني ف الافضل اخذ سياره اضمن لي واسهل لتنقلاتي لكني احتاج معلومات كافيه عن القياده هناك عشان يوم اروح ما اخبط كثير |
اقتباس:
لو تعرفون كيف احجز ارخص قولو لي |
اقتباس:
وانا بنفسي ودي اروح مكان اكثر متعه من تركيا لكن اغلب الدول المتاحه لميزانيتي كلها طبيعه فقط لاغير مثل البوسنه مافيها غير الطبيعه ف ماهي مؤهله انها تكون تجربه اولا لكن هذا مايمنع اخذ توجيهاتك عشان تكون رحلتي الاولى ممتعه |
اقتباس:
واذا تبي تستاجر سياره فنصيحة لازم تكون ملم بقوانين البلد وعندك المقدره المالية و اللغوية و الخبره الكافية عند حصول أي شي من مفاجآت القياده لو لاسمح الله .. والا بتورط نفسك في امور انت في غنى عنها .. |
اقتباس:
لكن بخصوص التنقلات بالباص او القطار كيف اعرف لهم و وين اماكنهم وكيف الطريقه انا اسف اني كثرت عليك لكن هذي بتكون اول تجربه وما اعرف شي نهائي ممكن اسافر ومن الجهل اجلس في نفس المدينه الي وصلت لها لين ارجع للسعوديه ولا اصير استفدت شي |
| الساعة الآن 01:57 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO