|
ما شاء الله الحمد لله انك نزلتي موضوع عن تركيا لان لي فتره ابي انعش ذاكرتي بهذي الاراضي الجميله لكن عندي ملاحظه صغيره ( نبي تفاصيل اكثر السكن السياره هل الاسعار نفسها ) بورصه جميله جدا ولي عوده لها |
ابتديت فيها من شهر أغسطس إلى شهر نوفمبر ٢٠٢١ اكيد تقصدين 2020 :18: الله يونسكم بخير يارب 90 يوم رحتوا غير بورصة وصلتوا الشمال التركي ايش الجدول |
حي الله بليمونتنا الحزينه الاجواء بالسفر وقت الكرونا تخوف مع ان وايد سافرو تركيا بهالوقت عليكم بالعافيه الصور طبعا شغل عدل والتفاصيل حلوة قواج الله متابعين باستمتاع |
اقتباس:
اقتباس:
اقتباس:
وبالنسبه ل ٢٠٢٠ اي مو ٢٠٢١ شكلي مستعجله عليها ادور نحشة٢٠٢٠ إلى اتعبت العالم بأكمله اللهم الاعتراض ع اقدارك بالنسبه ل ٩٠ يوم في تركيا تجولت وأخذت الجنوب كله حتى الارياف رحت لها اقتباس:
لكم وحشه والله وللمنتدى ولكل العمالقه القديمه والأجيال الجديده إلى سجلت بالمنتدى والمتابعين الصامتين بالنسبه للسفر بزمن كورونا صح فيه خطوره ومجازفه بس انا من الأساس كنت مسافره من قبل كورونا وتميت وانا مسافره بعد ماصار وانتشر الفايروس وكنت بعز الجاليات الصينيه واليابانيه والكوريه والآسيويه من شهر نوفمبر ٢٠١٩ إلى فبراير ٢٠٢٠ والنصف الثاني كان في جوله أوروبي وصار الحظر الجوي وتمو هناك ل شهر يوليو يعني مااقدر اوصفلج حالي نصي عندي ونصي موعندي بين ناري ونار غيري ولكن الحمدلله انا قويه ومتعوده ع المغامرات والأحداث المفاجأة وعلمت الأسود ع هالصفات والقوه وكانو قدها وقدود وهم لحالهم في أوروبا وحظر وووو مالنا شغل بهالسالفه الحين علينا بسالفه سفراتي بزمن كورونا والله انا من قبل لا يفتحون الطيران كنت اعطي تنبيهات وتلميحات انه بس يفتحون الطيران راح أطير قلبي تعبان يبي السفر ماتحمل اقعد أكثر من جذي بعد مع اني ماقعدت ولاشفت الحظر ولا الحجر المهم السفر يبيله قلب قوي وإيمان بالله بكل إلى الظروف المحتمله إلى يمكن تصير وتوكلت ع الله وعزمت وزاد عزمي يوم صقوري. اسودي قالو معاج معاج مسافرين مانخليج بروحج اهو حب لي اهو زلقه بطيحه بيسافرون وحجه إذا أحد اعترض يقولون رايحين مع big boss وباقي التجهيزات جايتج بالدرب تم الإرسال من VOG-L29 باستخدام Tapatalk |
يسألونك عن بورصه وانا ابسألك سوال مباشر ( وين لقيتوا الوقت .. عن الاعمال وعن المدارس وعن الالتزامات الحياتيه ) هذه المده هي اقامه وليست سياحه السوال الاخير كيف تعامل الاتراك معكم خصوصا بعد الازمات الاخيره .. |
نكمل معاكم يومياتي في أراضي تركيا الجميله وتجهيزات السفر بزمن كورونا وأول تجهيز كان لزمن كورونا علبة ماسكات كمام وعلبة قلافز ومناديل معطره ديتول ومعقم سنيتايزر حجم كبير وحجم صغير ع عددنا إلى مسافر كل من في جيبه علبه وكمامات ذات جوده عاليه للشباب اطلبوا من النت غسيل ولبس انا طبعا حتى ديتول أكبر حجم ماخذه معاي بالجنطه ع اساس ماعندهم الأصلي وطلع كل شي عندهم بس ديتولنا احلى من ديتولهم (: طبعا ماخذه علبه علبه لأنه عارفه تركيا بلد مصدر لهالمستلزمات إلى كل دول العالم كانت محتاجته فأنا حسبت حسابي بس حق اول الايام وتالي اشتري منهم وماقصرت الحلوه كل ماطلعت اشترت ماسك ذات جوده حلوه خام مخيط هناء ميد ع قولتهم اخذ لعمري واحفاد امي و لخواتي وامي اما الشيبان واخواني ادري مايلبسون جذي سوالف حدهم اسود والا الطبي مال المستشفى انصدمت يوم اني وصلت بـ التزام الشعب بالقوانين ومافي مجال للعب والغشمره والتهاون في امه خير واحد يفصخ ينزع الكمام أو م لابس بالمره سجن أو مخالفه غرامه أو يكتب تعهد طبعا القانون ماشي ع السواح والشعب الكبير قبل الصغير الغني قبل الفقير لاتقول انا وزير ولاتقول انا شحات مايمشي هالكلام التزام ويعجبني هالشي وفشلني بنفس الوقت كدوله بحجم تركيا وعدد المواطنين إلى فيها والسواح واقدرو يلتزمون ويخافون عكس بعض البلدان الصغير بالساحه مقارنه فيها ومايلتزمون مستحيل ندخل مول مطعم نركب تاكسي قطار الا الكمام الماسة لابسينه والا الموظف يحرجك أو السايق وهذا شي حلو صراحه ومن صالحنا والمعلمات بكل مكان وبكل محل ومطعم وع كل طاوله طعام وحتى بالتاكسي اهو يعطيك أو تشوفه حاطه لك بالسياره يحليلهم حريصين علينا وع أعمارهم . . . بالنسبه للوقايه مااقدر انقص وابخص بحقهم مع العلم انه عدد الحالات عندهم وايد رغم هالحرص والقوانين لكن للأسف بعض من الشعب ماكان يلتزم إذا فيه كورونا مايلتزم بالحجر لا يطلع وعادي ومايعلم احد صادفت وايد ناس فيهم كورونا ومحجورين فكانو اعيالهم واهلهم وحبايبهم يتواصلون معاهم عن طريق البلكونه أهم تحت وأهم فوق والا من الدراويش النوافذ الشقق جيران وصادف عماره كامله اي مبنى كامل سكاني فيهم كورونا فكانت كلها محجوره ومخلين سياره شرطه عند الباب عشان ولا واحد منهم يتجرأ ويطلع من بيته ومن باب العماره ومرات كنت اتمشى بحديقه الكويتين لونابارك بعض الشباب الكويتي المراهق مايلتزم وفاصخ الكمام يجونهم الشرطه ينبهونهم ويشرط عليهم يلبسون جدام عيونهم وهالشي حلو بعد وانا مره توني طالعه من الشقه راكبه السياره مامداني اطلع من الشارع والا سيكل شرطه يوقفني يقولي وين الماسك قلت يحافظ وياستار انا بسيارتي وتوني راكبه وطالعه َمن حارتنا حتى مامداني اشغل المسجل واحط إبراهيم تاتلس. قالي الحين تلبسينه قلت ابشر ع هالخشم ماطلبت الا حقك ٩٠ يوم وانا اشوف انضباط وحرص للأمانه وكلمة حق اقولها ومااجذب عيوني يا اما شفت فرق عسكريه من ٥٠ عسكري تالي الليل تنزل ع أماكن المطاعم المفتوحه وتشوف وتجيك ع الي موجود لابسين كمام والا وكذلك بين البيوت والشوارع والحداطق والمطاعم والمؤهلات عسكر جواله تمشي ع ارجولها وكذلك بالسياكل الموتر والدوريات كلهم يشوفون ويجيك ن ويراقب ن ويبحثون ع المخالف واخر شهر صار قرار غرامه المخالف سائح والا مواطن غرامه ٩٠٠ ليره وبالنسبه للأتراك هالمبلغ جدا غالي وايد موكل من يقدر عليه ويدفعه وحتى احنا السواح هم بعد عندنا وايد المبلغ إذا كان العدد أكثر من شخص فيهم سفره حق النمسا اسبوع صادف في عايله كويتيه خالفهم ٤٠٠٠ليره عشان بس الكمام وغيرهم وايد سيارات الإسعاف ٢٤ ساعه تسَمع صوتهم وتشوفهم قواهم الله ويعطيهم الف عافيه ملائكة الرحمه في الأرض والمستشفيات فل فل مصابين كورونا وموملحقين مساكين عليهم انا من ظمن تجهيزات قبل السفره كل الأعشاب والزهورات والمطيبات الحاره اخذتها معاي وبعد أخذت ادويه احتياط قلت لاسمح الله واحد منا استمرض والا صار فيه الا انا عندي وحاسبه احسابي وسلامتكم بعد هالقرقا والسوالف والكلام الي قلته لكم احتاج شاي و سميت يطيب خاطري وينسيني Simit sarayi أكثر واحد احبه وارتاح بالجلسه فيه موقعه ف شارع هيكل الخلفي اني رديت الكويت وخليت بورصه لأهلها وناسها https://uploads.tapatalk-cdn.com/202...dd4b53e2a0.jpghttps://uploads.tapatalk-cdn.com/202...6dbe892adf.jpg تم الإرسال من VOG-L29 باستخدام Tapatalk https://uploads.tapatalk-cdn.com/202...b3efa5eda6.jpg |
اقتباس:
اولا هي رحله سياحيه وليست أقامه وكنت اتمناها أقامه وكانت النيه أقامه أكثر من ست شهور لكن تحتم على العوده بعد ثلاث شهور وبالنسبه وين لقينا الوقت عن العمل والدراسه والأمور الحياتيه بالنسبه للعمل اصلا احنا بالكويت اغلب الوزارات ماكان فيها عمل أو منظمين العمل ومقيم بين مجموعات وفي إدارات مااشتغلت بالكامل وفي من اعفوهم عن العمل وفي بالمره ماخلوهم يردون للعمل وفي من يعمل وهو في بيته ومكانه وبالنسبه للدراسه صار كله عن بعد وللعلم عندي ٢ خريجي ثانوي آخر سنه وتخرجو وسجلو للجامعه واهم في تركيا والبقيه كان ماعندهم دراسه وبعدها م مبلشه وأبناء الصديقات الجامعيين كانو مبلشين من الصيف وكانو يكملون دراستهم كلها عن بعد. اهم في تركيا يعني سالفة الدراسه ماعطلت الحياه والتعليم والتخرج وبالنسبه للحياه اليوميه في تركيا عادي كما كانت في بلادنا تعايشنا وكأنها في بيتنا بالكويت نطلع نتسوق نشتري من الفرضه ونطبخ ونروح ونتعازم بين الأهل والأصدقاء والشباب يطلعون ويردون واحنا نطلع ونرد والوضع كولوش تمام روتين ك روتين الكويت اليومي هذا الي فهمته من الأمور الحياتية إذا لك مقصد ثاني مادري بالنسبه ل تعامل الاتراك جدا جيد وماشفت منهم اي تعكرف وتعرف وتعصب وكراهيه بالعكس يبون بس رضاك وخدمتك عشان حاجتهم عندك بالذات بأزمة كورونا والخسارة إلى عاشوها والاقتصاد السياحي اعرف وايد ناس باعو سياراتهم التاكسي ماعندهم يدفعون إسقاطها ووووو فكان تعاملهم جيد بس الي لاحظته زياده خفيفه وبسيطه بتسعيرة العداد وهذا ما أثر علينا بعد ما أنزلت الليره وايد يعني ما قفت علينا زياده جم ليره ع فتح العداء أو تسعيرة الباص أو أسعار منيو المطاعم انا بالنسبه لي ماشفت زياده وايد وكبيره لأنه مثل ماقتلكم الليره طاحت وايد وين كانت وشلون صارت والفنادق وايد أسعارها اختلفت عن السابق إلى كان ب ١٠٠ دولار صار ب ٥٠ دولار ومنهم ٧٠ دولار حتى تأجير الشقق كذلك وبالأخير عندي قاعده معلمه نفسي عليها ومعلمه اجيالي عامل البشر كما تحب أن تعامل ومثل ماتحترم الغير الغير مجبر يرد ذاك الاحترام يعني انا شلون اعامل التركي اهو بيرد يعاملني مثل معاملتي له لذلك ولله الحمد ولاعمري شفت منهم معامله سيئه أو غير مرضيه منهم ولله الحمدغير الترحيب والشكر والمدح والحب والضيافة وكنت استغرب اذا سمعت احد يتذمر من معاملتهم اقول وبكل ثقه ويقين اكيد شاف شي منكاو تصرف غير مرضى أو اسلوب غير جيد وكذلك ليس البشر كلهم متشابهه يمكن صادف انه انت تعاملت مع شخص غير جيد ولكن لايمكنان احكم ع شعب بأنه غير جيد بالتعامل تعاملهم جدا جميل ويحاولون يكسبون السائح وشكرا تم الإرسال من VOG-L29 باستخدام Tapatalk |
بداية جميلة الحمد لله على السلامة اشتقنا لتقارير ليمونه ما شاء الله الرحلة مطولة يعني راح نستمتع معاك بصور كثيرة ولقطات متعددة الصور روعة منورة بعد انقطاع مـــــــــــــــــــــــــــــــــبـــــــــــــــ ــــــــــــــد عـــــــــــــــــــــــــــــــــــــــــــة دايــــــــــــــــــــــــــــــــــــــــــــــم |
https://uploads.tapatalk-cdn.com/202...6073866a78.jpg[ السلام عليكم على فكره انا اموووت في هذي النوعيه من التفاح اول مااروح تركيا اشتري منه تعتقدين لو بغيت شقه مفروشه أجار شهري بجم احصلها؟ |
الحمدلله والله الحافظ المهم الواحد يلتزم بالتعليمات تمام انج مظبطة ربعج بالحمايه شوقتينا على السميت والشاي التركي بالعافية |
| الساعة الآن 03:51 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO