شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة تركيا (https://www.arabtrvl.com/vb/f135.html)
-   -   رحاله كويتيه في تركيا ٩٠ يوم (https://www.arabtrvl.com/vb/t46735.html)

ليمونه حزينه 11-12-2020 01:51 AM

رحاله كويتيه في تركيا ٩٠ يوم
 
السلام عليكم


يعطيكم العافيه




بعد انقطاع فتره طويله عن المنتدى حابه ارجع لكم بأخر سفره لي كانت بزمن كورونا ابتديت فيها من شهر أغسطس إلى شهر نوفمبر ٢٠٢١



الحجز والتخطيط والنيه كلها كانت بلحظات وساعات قليله ماقبل السفر


قبل السفر بليله سوينا التأمين المشروط لنا ك شعب كويتي قبل السفر يحتاجون هالتأمين في المطار

تأمين كورونا[emoji24]


وكعائله سويت التأمين اعتقد ٣٢ دينار ومعاي الحلو عمره أكبر من ١٨ سنه فتأمين لوحده وعلا والله وخلصنا من اول مشوار وهو التأمين


الفجر سويت بحث ع التذاكر واستقرت ع طيران الجزيره وحجزت التذاكر الساعه الرابعه فجرا والساعه التاسعه طيارتي

وأسرع سريع جهزت الجناط والعفش لأنه عندي علم إني مطوله وموراده الكويت بسرعه فالعفش بيكون وايد ومنه رز طبعا لزوم الكرشه
ومنه عزبة المزاج القهوه والشاي والدلال والهيل وووو

وأسرع سريع قفل ع الحقائب وأخذ شور سريع لصحصحة المطار وع المطار


وربنا الطياره بعد شهور من تعب وضغط نفسي من هالفايروس

بالنسبه لي كانت سالفة الحجر والحظر وعفسه والشغل ونص مسافر شرق آسيا بعز كورونا والنص الثاني في أوروبا واخر محطه شهرين في هولندا ع مايتم السماح للعوده للبلد يعني شحططه

وضروري هالسفره للترفيه والنقاهه


مالكم بالطويله ركبنا الطياره كل منا وده يبوس الكرسي من الشوق والوله خو انا ودي ابوس كل من الطياره إذا حرمه والمظيفه المهم

بعد ثلاث ساعات وصلنا مطار صبيحه الغالي ع قلبي
واخذنا باص الشخص سبعون ليره ومباشر ع بورصه الحب ومن وصلنا بورصه أخذنا باص أو فإن يسمونه واخذنا ع الشقه عطيته اعتقد ميه وخموس أو ميتين مادري ليره طبعا



وخلونا الحين مع بعض الصور الي حطيتهم اليوم بالانستا وتويتر قبل لا امسحهم


زيارتي حق قريه golyazi bursa إلى تستحق رحلة نص يوم مافيها الا قوارب وحوله بالبحر وتشوف ن الزهره إلى م موجوده الابهالبحيره وكذلك كافيهات بسيطه وخفيفه ومتواضعه. بيوت قديمه لازالت محافظة ع تراثها وتصميمها القديم والبعض منه استثمر جزء من بيته ك مطعم أو كافيه ليعيش





https://uploads.tapatalk-cdn.com/202...50a4a8130d.jpghttps://uploads.tapatalk-cdn.com/202...a6e6def3ca.jpghttps://uploads.tapatalk-cdn.com/202...f5f839b173.jpghttps://uploads.tapatalk-cdn.com/202...f5a9236b96.jpghttps://uploads.tapatalk-cdn.com/202...60a0c5676a.jpghttps://uploads.tapatalk-cdn.com/202...bea11a5c8e.jpghttps://uploads.tapatalk-cdn.com/202...387ff63f20.jpghttps://uploads.tapatalk-cdn.com/202...c65f647cb7.jpghttps://uploads.tapatalk-cdn.com/202...e0fb5fa7d8.jpghttps://uploads.tapatalk-cdn.com/202...256d4e3633.jpghttps://uploads.tapatalk-cdn.com/202...b2ca8f9195.jpghttps://uploads.tapatalk-cdn.com/202...4e0df76265.jpghttps://uploads.tapatalk-cdn.com/202...7af7e13256.jpghttps://uploads.tapatalk-cdn.com/202...0622da827a.jpghttps://uploads.tapatalk-cdn.com/202...2cc401b046.jpghttps://uploads.tapatalk-cdn.com/202...d3a9df1195.jpghttps://uploads.tapatalk-cdn.com/202...4f6e79114f.jpghttps://uploads.tapatalk-cdn.com/202...74055a95be.jpghttps://uploads.tapatalk-cdn.com/202...1672e297a5.jpg

تم الإرسال من VOG-L29 باستخدام Tapatalk

سعيد 11-12-2020 01:15 PM

رحله سعيده ان شاء الله

والحمد لله على سلامة الوصول
طريقة تنزيل الصور عجبتني
لو قلتي لنا سعر التذاكر وكيفية الاجراءات في الطياره
ترى احنا تعبانين نفسيّاً لكن ش نسوي هذا الفيروس اللعين حبسنا
عن روحة تركيا العشق الذي لاينتهي
يالله حظكم انتوا مسموح لكم السفر (ان شاء الله مانحسدكم) لكن خل نغبطكم

:13::3::14::2:

نـــواف 11-12-2020 07:18 PM

هلا بك اختي ليمونة

الحمد لله على سلامتكم
ما شاء الله رحلة مطولة جداً
ولعل هالشي بيكون في صالحنا
نحتاج مثلك عنده خبرة يفيدنا بتجاربه
دائماً أقول اللي بيروح بورصة يتابع سائح كويتي
فالسعوديين تخصصهم الشمال التركي والكويتيين بورصة

متابعين ومتشوقين لكل جديد

المسافر2020 11-12-2020 09:47 PM

اشتقنا لتركيا كثير
وتقريرك ما شاء الله بدايته رائعة بتفاصيله وصوره
عسى يصبرنا على هذا الاشتياق
حتى يرفع الله عنا هذه الغمة


لا أخفي عليك تابعت بعض المقتطفات من
هذه الرحلة على السناب شات


ومثل ما قال أخوي نواف أنتم أهل الكويت
لكم السيادة والخبرة في بورصة
فلي متابعات في السناب لعدد منهم أمثال
عشقي بورصة والدرباس والعتيقي وغيرهم


واصلي أختي متابعين ومستمتعين
بهذا التقرير الجميل

الإماراتي 12-12-2020 08:09 AM

ماشاء الله واضح أن التقرير دسم اختي ليمونه ومتابعين معاج .

آخـــرفـــرصـــة 12-12-2020 09:11 AM

بداية جميلة
اشتقنا لتقارير ليمونه
ما شاء الله الرحلة مطولة
يعني راح نستمتع معاك بصور كثيرة ولقطات متعددة


الصور روعة
منورة بعد انقطاع

:e306::e306:

Rolls-Royce 12-12-2020 07:26 PM

منوووووره بعد طول انقطاع
تسلمين على البداية و ننتظر باقي التقرير و الصور الجميلة
متاااابع:e312:

ليمونه حزينه 13-12-2020 03:18 AM

اقتباس:

المشاركة الأصلية كتبت بواسطة Rolls-Royce (المشاركة 536377)
منوووووره بعد طول انقطاع
تسلمين على البداية و ننتظر باقي التقرير و الصور الجميلة
متاااابع:e312:


شكرا ع المتابعه.....


اقتباس:

المشاركة الأصلية كتبت بواسطة آخـــرفـــرصـــة (المشاركة 536345)
بداية جميلة
اشتقنا لتقارير ليمونه
ما شاء الله الرحلة مطولة
يعني راح نستمتع معاك بصور كثيرة ولقطات متعددة


الصور روعة
منورة بعد انقطاع

:e306::e306:



بإذن الله بتستمتعون بس الله يعينكم ع مااخلص من هالتقرير يمكن احتاج بعد ٩٠ يوم
وشكرا ع المتابعه



اقتباس:

المشاركة الأصلية كتبت بواسطة الإماراتي (المشاركة 536343)
ماشاء الله واضح أن التقرير دسم اختي ليمونه ومتابعين معاج .


حياك الله ومتابعته شيقه اتمناها لكم



اقتباس:

المشاركة الأصلية كتبت بواسطة المسافر2020 (المشاركة 536324)
اشتقنا لتركيا كثير
وتقريرك ما شاء الله بدايته رائعة بتفاصيله وصوره
عسى يصبرنا على هذا الاشتياق
حتى يرفع الله عنا هذه الغمة


لا أخفي عليك تابعت بعض المقتطفات من
هذه الرحلة على السناب شات


ومثل ما قال أخوي نواف أنتم أهل الكويت
لكم السيادة والخبرة في بورصة
فلي متابعات في السناب لعدد منهم أمثال
عشقي بورصة والدرباس والعتيقي وغيرهم


واصلي أختي متابعين ومستمتعين
بهذا التقرير الجميل


اللهم امين شده وتزول
وتركيا جميله
واتمنى لك متابعه شيقه



اقتباس:

المشاركة الأصلية كتبت بواسطة نـــواف (المشاركة 536319)
هلا بك اختي ليمونة

الحمد لله على سلامتكم
ما شاء الله رحلة مطولة جداً
ولعل هالشي بيكون في صالحنا
نحتاج مثلك عنده خبرة يفيدنا بتجاربه
دائماً أقول اللي بيروح بورصة يتابع سائح كويتي
فالسعوديين تخصصهم الشمال التركي والكويتيين بورصة

متابعين ومتشوقين لكل جديد


اي نعم كان ودي تكون بعد أطول لكن الظروف امنعت والا انا مسويه تأمين حق ست شهور
واتمنى لكم متابعه شيييقه والله يسلمك



اقتباس:

المشاركة الأصلية كتبت بواسطة سعيد (المشاركة 536312)
رحله سعيده ان شاء الله

والحمد لله على سلامة الوصول
طريقة تنزيل الصور عجبتني
لو قلتي لنا سعر التذاكر وكيفية الاجراءات في الطياره
ترى احنا تعبانين نفسيّاً لكن ش نسوي هذا الفيروس اللعين حبسنا
عن روحة تركيا العشق الذي لاينتهي
يالله حظكم انتوا مسموح لكم السفر (ان شاء الله مانحسدكم) لكن خل نغبطكم

:13::3::14::2:


شكرا لك
يو صح انتو مومسموحين بالسفر ياربي كيف كذا انا مافكرت اني مااعور القلب الملتاع ماعليه تحملو كلها فتره. تعدي وبتروحون الشمال وتستمتعون فيها طرابزون وماحولها لكم

بالنسبه للإجراءات والأسعار حاضر بعلم


تم الإرسال من VOG-L29 باستخدام Tapatalk

ليمونه حزينه 13-12-2020 04:03 AM

صباح الخير ع الجميع

واشكر متابعتكم ومشاركاتكم وتشجيعكم

بالنسبه ل سعر التذكرة والإجراءات

اتذكره انا اخذتها One-way طيران الجزيره وإن أربعين كيلو للشخص ويادوب كفاني الوزن طبعا احنا مجموعه مو بس انا الي رايحه لاطبعا وبعد يادوب الوزن حده حده

اخذتها الشخص خمسه وثمانين دينار كويتي فقط ذهاب

الإجراءات عاديه كانت احنا الكويتين م محتاجين حق تركيا فحص pcr الحمدلله فقط التأمين وعادي عند الباب مال المطار حاطين موظفين يشوفون أوراق التأمين ولازم كل المسافرين منزلين تطبيق شلونك ومفعلينه وحاطين بياناتهم

وبعدها ع الكاونتر ختم الأوراق واستودعنا روحنا وروح الكويت وكل من فيها

وأول ما كنا الطياره عطونا أوراق نكتب بياناتنا وبس
ونزلنا المطار هدوء عكس كل مره الازعاج لا بهذله ومسخره وأطفال تصارخ وفلان يسولف لا كل من لابس كمام وساكت ينتظر بس يشوف سماء تركيا ويشم ريحتها

وختمو الجوازات وطلعنا احنا مايشم لنا لافيزا ولاشي الحمدلله

وباقي التفاصيل ذكرتها لكم فوق أخذت باص البلديه بس مو الأصفر لا واحد ثاني يمكن عشان كورونا مغيرينهم ومخلين كل باص عدد قليل الحمدلله والشخص تذكرته للباص ٧٠ليره بس البعض كان يدفع ستون ليش الله العالم ماعلينا وقتها لو طالب مني تسعين بعطيه بس اوصل للمكان إلى ابيه


أقل من ساعه ونص وانا في بورصه الحبيبه




الان مع فقره الصور العفويه إلى اخذتها بسناب لأول ليلتين وطبعا انا جلست اول عشر ايام ماعلمت احد اني سافرت واني خارج الكويت لا أهل لا أصدقاء لا سوشيل ميديا سكاتي سافرت بس الوالدين والإخوان عندهم علم وكنت حزتها اصور واحفظ عشان تالي أنزلهم الأحداث



ونبتدي ونقول بسم الله



فيهم اول مطعم تغدينا فيه يم دوار شكرجا وفندق انتوليا وفيهم جلستي في حديقة الشقه يوميا اجلس فيها بليل لي ماتنعس عيوني ومرات الصبح انزل ريوقي واتريق في الحديقه اتريق يعني الإفطار
وفيهم حديقتي إلى احبها hüdavendigar وفيها بعد الأسود إلى مسافرين وياي والتي اتقهوى فيها اول مااصحى أو العصر أو المغرب المهم عزبتي معاي حاضره بالشقه وبالسياره والطياره






https://uploads.tapatalk-cdn.com/202...f3c94961da.jpghttps://uploads.tapatalk-cdn.com/202...4ef1fdd80c.jpghttps://uploads.tapatalk-cdn.com/202...0611cc55da.jpghttps://uploads.tapatalk-cdn.com/202...de97cac77b.jpghttps://uploads.tapatalk-cdn.com/202...017b392f21.jpghttps://uploads.tapatalk-cdn.com/202...a811b4047b.jpghttps://uploads.tapatalk-cdn.com/202...f436939e8b.jpghttps://uploads.tapatalk-cdn.com/202...6073866a78.jpghttps://uploads.tapatalk-cdn.com/202...966ebb6d21.jpghttps://uploads.tapatalk-cdn.com/202...b38b5d07b9.jpghttps://uploads.tapatalk-cdn.com/202...418446d7b6.jpghttps://uploads.tapatalk-cdn.com/202...811faba356.jpghttps://uploads.tapatalk-cdn.com/202...fd2b7ab98e.jpghttps://uploads.tapatalk-cdn.com/202...57a665d240.jpghttps://uploads.tapatalk-cdn.com/202...1dd47d9dc9.jpghttps://uploads.tapatalk-cdn.com/202...9e27343d97.jpghttps://uploads.tapatalk-cdn.com/202...2e559f81f4.jpg





فيديو حق رحلتي ل قرية golyazi في bursa



https://youtu.be/rLDCkw9Xv2I


تم الإرسال من VOG-L29 باستخدام Tapatalk

Rolls-Royce 13-12-2020 09:15 AM

ماشاء الله إضافة جميلة



متااابعين


الساعة الآن 08:04 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO