|
اقتباس:
ان شاءالله اجرب الموقع اذا انفرجت الامور وسافرنا |
ما الومكم منو راح ينام اكيد من الوناسة راحت النومه يازين فرحة البنات من تركيا الى امريكا اأحلى مفاجأة |
اقتباس:
عنه بس للامانه تقييمه 10/10. احلى ليليه ليلة السفر ، شاكر لج المتابعة والتفاعل :e131:. |
اقتباس:
والله الفندق من ناحية عائلي فهو جدا ممتاز والاهم ان كلنا كنا في مكان واحد واللوبي ماله في ستار بكس البنات مكيفين عليه في الدخله والطلعه مارين عليه:1: الله يجزاج الخير ويحفظ لج غاليينج ، فعلا احلى شي تجهيزات السفر والله يستر من اجراءاتهم اللحين بعد كورونا |
اقتباس:
العفو اختي , ان شاءالله قريب تنفرج الأمور بإذن رب العالمين وترجع الحياة مثل ماكانت واحسن |
اقتباس:
والله كانت فرحه ماتنوصف ، وتابعي مواقفهم هناك بعد:22: |
Lax Airport https://www.arabtrvl.com/up/uploads/...3380909291.jpg الحمدلله الطيارة نزلت في مطار لاكس بخير وسلامه، وبعد ماتوقفت المحركات وانفتح الباب على خرطوم المطار سحبنا شناطنا وتوجهنا الى اخر محطه متعبة بالسفر واللي هي كاونتر الجوازات، طبعا الطابور كان طويل بشكل خيالي فالواحد بين تعب السفر وتعب الوقفه في الطابور وصوت صياح اطفال غير الف فكره وفكره في راسه عن الاسئله اللي راح يسألها اياه موظف الجوازات فالاعصاب كانت نوعا ما متوتره. https://www.arabtrvl.com/up/uploads/...3391761111.jpg https://www.arabtrvl.com/up/uploads/...7341283451.jpg لكن الحمدلله بدا الطابور بالتدريج يخف لحد ماوصلنا لمكان فيه اجهزة خدمة ذاتيه دخلنا فيها الجوازات وعبينا البيانات وبعدها طبعت لنا ورق حطيناه مع الجوازات وتوجهنا لضابط الجوازات، طبعا كانت اسئله خفيفه كان الضابط سمح للامانه جلس يسولف ويضحك معانا وبعدها سمعنا صوت ختم الجوازات السته طاخ طاخ بعدها اهلا وسهلا بكم في لوس انجلوس بعد هالكلمة كل التعب راح وتوجهنا على طول الى استلام الشنط واستلمناها بحمدالله. https://www.arabtrvl.com/up/uploads/...4240778217.jpg بعدها خرجنا من المطار وكنا ندور على اللافتات اللي تدل على منطقة باصات النقل اللي توصل المسافر لمكاتب ايجار السيارات(معلومة للي ماوصل من قبل على مطار LAX، مكاتب او شركات ايجار السيارات ماتكون في مبنى المطار تكون في منطقة تبعد عن المطار ممكن 15 دقيقه وطبعا يكون الذهاب لها من خلال باصات نقل مجانية خاصة بكل شركة) حصلنا اللافتة اللي تدل الى مكان الباصات وجلسنا نتبع الارشادات تقريبا مشينا 20 دقيقه لان كنا نسحب شناطنا معانا، المهم وصلنا على رصيف مكتوب عليه اسمه الشركه اللي استأجرنا منها السيارة Thrifty انتظرنا لدقايق لحد ماوصلنا الباص وركبنا فيه وصفينا شنطنا داخل الباص وتوجهنا الى مكتب الايجار. https://www.arabtrvl.com/up/uploads/...3465608981.jpg https://www.arabtrvl.com/up/uploads/...3465614182.jpg بعد ماوصلنا لمكتب ايجار السيارات انتظرت في طابور لحد ماوصلت للكاونتر عطيتهم رقم الحجز والجواز والليسن القطري وبطاقة الائتمان ، خلال 10 دقايق خلصنا الاجراءات وتوجهنا للساحة الخلفية للشركة واستلمنا السيارة وكانت مثل ماطلبنا شيفرولية سوبربان، الحمدلله السياره شالت 11 شنطة (6 شنط كبيرة و 5 شنط صغيرة كابن)، ركبنا السيارة وطلعت من شنطتي الباك باق جهاز الملاحة قارمن (طلبته من امازون قبل السفر بخرايط امريكا، انا بالعادة كنت استعمل القوقل ماب من الجوال بس بهذا بصراحة جهاز القارمن كان احسن من حيث ان الشاشه اكبر وفي نفس الوقت اوفر شاحن الجوال) المهم دخلت عنوان السكن في غرب هوليوود وتوكلنا على الله. https://www.arabtrvl.com/up/uploads/...3465618933.jpg |
اخ احلى صوت طاخ طاخ تختيم الجواز 💔 كمل متتتتتابعه معاك |
West Hollywood وصلنا إلى منطقتنا اللي حجزنا فيها السكن West Hollywood المنطقه كانت عاديه بشكل عام مب هي الفخمة المنظمة ولا هي السيئة الرديئة يعني لو بقيمها تاخذ 6/10 وطبعا لو راح اجي مره ثانيه ماراح تكون من ضمن المناطق اللي راح افكر اسكن فيها، وشوي شوي بدت المسافة تنقص في عداد القارمن لحد ماوصلنا الى البناية اللي فيها شقتنا، تعليمات الدخول ارسلتها لنا مالكة الشقة على بريد حسابي في موقع AirBnb وكانت تشمل رقم الكود للدخول الى كراج البناية ورقم الموقف بالاضافة الى كود قفل باب الشقة، وصلنا ونزلنا الشنط وتوجهنا الى الشقة اللي حجزناها وكان على باب الشقه فيه مثل قفل لما دخلت فيه الكود اللي وصلني بالرساله انفتح وطلع لي نسختين من باب الشقه و ريموت لكراج البنايه. الشقه كانت مثل الصورة للامانه لكن بصراحه كان فيها عيبين الاول ان الغبار كان منتشر في كل مكان (مع العلم ان من ضمن المبلغ اللي دفعته هو تنظيف الشقه) الظاهر ان اخر زبون طلع منها كان من وقت طويل ونظفوها وقفلوها لكنهم ما اعادوا تنظيفها لي، العيب الثاني كان في تقريبا 3 او اربع ليتات (لمبات) محترقة ولا تغيرت، طبعا ارسلت ايميل لصاحبة الشقه بالعيدين وتعطيني احلى تنسيش وحياتكم لكن ماقصرت معاها بالكومنت في تقييم السكن وصاحب السكن في موقع AirBnb. طبعا بعد ماحطينا الشنط ريحنا شوي واخذنا شاور بعدها انطلقنا للسوبر ماركت اخذنا احتياجاتنا و بعدها اشترينا خطوط جوال مع باقات انترنت وعدينا على محل اشترينا منه مفارش جديدة للأسرة. هذه صور لشقتنا https://www.arabtrvl.com/up/uploads/...1655275018.jpghttps://www.arabtrvl.com/up/uploads/...1655186581.jpg https://www.arabtrvl.com/up/uploads/...1655199652.jpghttps://www.arabtrvl.com/up/uploads/...1655212383.jpghttps://www.arabtrvl.com/up/uploads/...1655225784.jpghttps://www.arabtrvl.com/up/uploads/...1655235685.jpghttps://www.arabtrvl.com/up/uploads/...1655245326.jpghttps://www.arabtrvl.com/up/uploads/...1655258977.jpg |
Warner Bros. Studios للأمانة المكان ماخططنا لزيارته نهائيا وكنت كل مره أزور فيها لوس انجلوس اشوف اعلان عنه واقول السفره الجايه راح ازوره، لين جات هاللحظة المكان عباره عن استديوهات شركة Warner Bros. اللي اعدوا فيها اشهر البرامج التلفزيونية والمسلسلات والافلام ، المهم صحينا الصبح وتريقنا في الشقة بعدها ادخلنا اسم المكان في القارمن وتوجهنا له، وصلنا الى مبنى عبارة طوابق تحت الارض وقفنا السياره فيه وبعدها ركبنا اصانصير اخذنا الى مكان شراء التذاكر، سعر التذكرة للبالغين من 13 سنة وصاعد ب69 دولار وسعرها للاطفال بين 8 الى12 سنه 59 دولار، بعد ما اخذنا التذاكر كان في ستار باكس داخل المبنى جلسنا وشربنا لنا قهوه حتى نتنشط وحتى ندفى لأن الجو كان بارد أول الصبح، بعدها توجهنا الى مكان الانطلاق، فكرة المكان ان يكون هناك دليل ارشادي معاك يتنقل بسيارة داخل المبنى سواء داخل الاستديوهات او اماكن التصوير بالاضافة الى مخازن لملابس الممثلين ويتوقف معاكم لاخذ الصور والشرح والاستراحة والدخول لدورات المياه اجلكم الله بالاضافة لحضور خدع سينمائية مباشرة، في الفترة اللي تواجدنا فيها كان هناك تصوير لبعض الافلام فشاهدنا بعض الامور مباشرة وكان شي مشوق، الرحلة مدتها ساعتين تقريبا يعني الواحد بيعيش اجواء جميلة ومن ضمن الاشياء اللي زرناها كان استوديو تصوير مسلسل Friends، التجربة كانت جدا جدا ممتعة خصوصا للي يتابع مسلسلات امريكية او برامج امريكية من انتاج شركة Warner Bros. Studios ، بالنسبة لي اقيم المكان 8.5/10 وانصح بزيارته واترك لكم اللحين بعض الصور للمكان اتمنى تعجبكم ، وبانتظار تعليقكم https://www.arabtrvl.com/up/uploads/...492526791.jpeg https://www.arabtrvl.com/up/uploads/...949256852.jpeg https://www.arabtrvl.com/up/uploads/...492593033.jpeg https://www.arabtrvl.com/up/uploads/...492627664.jpeg https://www.arabtrvl.com/up/uploads/...492661295.jpeg https://www.arabtrvl.com/up/uploads/...492695196.jpeg https://www.arabtrvl.com/up/uploads/...492723197.jpeg https://www.arabtrvl.com/up/uploads/...949275888.jpeg https://www.arabtrvl.com/up/uploads/...492788859.jpeg https://www.arabtrvl.com/up/uploads/...928268110.jpeg https://www.arabtrvl.com/up/uploads/...928539511.jpeg https://www.arabtrvl.com/up/uploads/...492886812.jpeg https://www.arabtrvl.com/up/uploads/...929196413.jpeg |
| الساعة الآن 02:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO