|
الللله ياذكريات يونسفيرسال ستوديو ..وجمال ألعابها وروعة ديكوراتها وبراعة عروضها.. VIP OR EXPREE PASS غالي جدا على كل تذكرة حوالي 280 دولار للتذكرة ويشمل دخول الألعاب لمرة واحدة دون انتظار وأماكن مضمونة لحضور العروض أما خدمة VIP فهي أغلى طبعا وتدفع مبلغ وقدره عشان تحصل على الخدمات اللي ذكرها أخوي العنان وكانت موجودة يا أبرار من الزمانات بس يمكن ماكنت تنتبهين لها .. رأيي الإكتفاء بالأكسبرس لأنها تغني عن سناكهم البارد ومرشدهم اللي يقرقر على راسنا لأن في كل مكان تلاقي مرشدين وناس تقدم المساعدة قمة في الذوق والأخلاق.. متابعي ن أخوي العنان لا تتأخر علينا بالأجزاء الجميلة:e304: |
اقتباس:
بصراحه الخدمه جدا ممتازه وحتى تساعد ان الواحد يستغل وقته افضل استغلال لان في احد يرشده للامكان اللي تجذب اهتمامه وحتى ينصحه بافضل الاوقات لزيارة بعض الفعاليات وحجز اغلبها .. الله يعافيك اختي وشاكر لك متابعتك العطره. |
اقتباس:
دايما منور الموضوع الغالي بومعتز تصدق مع ان عندي بطاقة امريكان اكسبريس الا اني ما استغلها افضل استغلال نفس ماتفضلت كثير من الاماكن في امريكا سواء ترفيه مطاعم فنادق وحتى مطارات تقدم مميزات اضافية لحامل البطاقة وحتى وكيل البطاقة يرسل كل فترة عروض عن ميزاتها صحيح الشباب يبون انطلاق بدون تقيد، لكن مع عائلتي حبيت اعيش نوع من الرفاهيه بالاضافه لاختصار الوقت وإنتقاء الاماكن اللي تشد اهتمامنا .. مازال في الجعبة كثير ترقب يالغالي |
اقتباس:
مرحبا اختي قطرية انا معاج المبلغ كبير بس عن نفسي جدا استفدت من هالتجربه معاهم .. الجاي اجمل ان شاءالله خلج متابعه |
اقتباس:
|
العنان وينك ترا ناطرينك |
السلام عليكم ورحمة الله وبركاته بداية اعتذر من الجميع على الانقطاع في استكمال التقرير ، لان اللي شغلني عن امريكا هو امريكا :17:، طبعا وانا اكتب في هالتقرير الفترة اللي طافت هاضت مشاعري وحنيت للاجواء الامريكية وبصراحة فكرت اني اسافر هالصيف بعد اخر انقطاع عن السفر والسفرة الاخيره اللي كانت لامريكا، ومن الصدف ان كانت تأشيراتنا الامريكية تنتهي شهر 6 /2021 فقمت انا والعايله صورنا واخذنا موعد في السفارة الامريكية والحمدلله جددوا لنا التأشيرة 10 سنوات، ويقوم اخوكم يجهز للسفرة تذاكر وسكن وسيارة وفعاليات ويسحب على الموضوع :32:، لكن الحمدلله تقريبا خلصت 80% من الحجوزات وراح استكمل معاكم التقرير. |
Los Angeles To Las Vegas صباح يوم 16 ديسمبر كان موعد انطلاقنا من لوس انجلوس الى لاس فيغاس، من اول ماقعدنا الصبح كان الحماس عندنا ماله حدود الجو كان حلو و البنات متحمسين للسفر وبالاخص لحضور استعراض ديفيد كوبرفيلد ، بعد ماخلصنا فطور نزلت الشنط للسياره ورجعت فوق للشقه حتى ابدل وبعدها نمسك الخط وهنا كانت بداية النكبه !! جيت ادخل للشقه فتحت الباب ولما بغيت اسكره واقفله بالمفتاح الا القفل اخترب .. كان هذا الشي الوحيد اللي ناقصنا:21: ، كانت الساعه 8 الصبح تقريبا حاولت في القفل مارضى يعتدل حتى اني بدلت ورحت لقيت محل مقابل بنايتنا متخصص بالمعدات وادوات المنزل اخذت لي عدة سكاريب وقمت احاول محاولات يائسه ولا ضبط معاي طبعا كان معاي رقم صاحبة الشقه واتصلت عليها كذا مره وارسلت لها رسايل لكن عمك اصمخ الوقت كان وهل وصادف يوم الاثنين اول يوم دوام بعد ويك اند يعني هالكفار كل واحد راسه منتفخ من السهره :11:.. في الاخير قررنا نغامر طبعا احنا دافعين سكن في فيغاس وغير تذاكر العروض يعني لازم نسافر ، المغامره كانت ان نقفل باب البيت بالترباس من الداخل واخوكم في الله يطلع من الدريشه مثل سبايدر مان.. الحمدلله ان واجهة الشقه كان فيها دريشه كبيره جنب باب المدخل قفلت الباب بالترباس ونطيت من الدريشه ، وخليت الدريشه وهي سحب مردوده مب مسكره من باب الاحتياط لان ارسلت رساله لصاحبة الشقه وقلت لها اللي صار وطلبت منها ترسل احد يصلح الباب واني ماراح اكون بالشقه لمدة 3 ليالي ، طبعا اخذنا معانا كل شي غالي بالشقه وتركنا بس الملابس وركبنا السياره واستودعنا الله ماتركنا ورانا.. بصراحه كان مزاجي جدا متعكر لكن قلت سبحان الله علها خيره ان الله رايد نتأخر ثلاث ساعات ممكن تكون خيره عن شي ، حطينا عنوان الفندق في القارمن وكانت المسافه تقريبا 5 ساعات وشوي وفي الطريق مرينا قهوة بلو باتل وتقهوينا وبعدها قبضنا الخط https://www.arabtrvl.com/up/uploads/...748540671.jpeg https://www.arabtrvl.com/up/uploads/...574855362.jpeg https://www.arabtrvl.com/up/uploads/...748743788.jpeg .. الجو كان حلو والحمدلله الاجواء في السياره بدت ترجع حماسيه بعد كوب القهوة. قبل وصولنا فيغاس تقريبا بساعه ونص مرينا على منطقة الاستراحات اللي فيها محطات البترول والمطاعم شيكت بترول ومرينا اخذنا لنا وجبات سريعه اكلناها بالسياره وكملنا طريقنا ، طبعا كل ماقلت المسافة زادت اللافتات الاعلانية عن فيغاس من فنادق او عروض استعراضية:53:، شوي شوي بدت معالم فيغاس تبين لحد ماوصلنا شارع السترب وهو شريان حياة فيغاس فنادق ولافتات ومحلات تجاريه على يمين ويسار الشارع متعه في النهار ومتعة بالليل اكبر. https://www.arabtrvl.com/up/uploads/...748689286.jpeg https://www.arabtrvl.com/up/uploads/...748796479.jpeg https://www.arabtrvl.com/up/uploads/...844506291.jpeg المهم وصلنا فندقنا ووقفنا السياره ونزلنا الشناط ورحنا نسوي التشيك ان. حجزنا كان عباره عنه سويت غرفتين نوم وصاله مع غرفه ثالثه كونكتد والمساحة كانت جدا كبيره، رتبنا شنطنا وكل واحد دخل خذ شاور وبدل وصلى وبعدها انطلقنا في ربوع فيغاس، تغدينا في احد المطاعم بالمول بعدها قعدنا نتمشى لين المغرب. https://www.arabtrvl.com/up/uploads/...844567122.jpeg https://www.arabtrvl.com/up/uploads/...844620423.jpeg طبعا كان عندنا عرض بالليل لديفد كوبرفيلد فقلنا نرجع الفندق نصلي ونريح ونطلع قبل العرض بنص ساعه، وحياتكم دخلنا نريح قعدنا من النوم ثاني يوم:32: ولاحسينا باعمارنا تعب الطريق اثر علينا والوقت كان متأخر والمشكله ضاعت من ثلاث ساعات في لوس انجلوس بسبب باب الشقة، طبعا التذاكر:e125: كل عام وانتوا بخير راحت علينا واضطرينا نشتري تذاكر جديدة بسعر مضاعف لانه في نفس اليوم وغير ان المقاعد المتوفره هي اللي قريبه من المسرح وكانت غاليه، لكن الحمدلله حصلنا التذاكر. |
ما شاء الله الله يسهل عليكم و ان شاء الله تستانسون ونشوف تقرير يديد بعد ويي الشقه قصه مع قفلها .. اي والله خيره الحمدلله شنو اسم الفندق اللي سكنتوا فيه ؟ باريس ؟! معوضين خير على التذاكر |
تقرير روعه اخوي ومعلومات مفيدة يمكن يستفيد منها المسافرين،يمكن خيره ان قفل الباب اخترب، شنو نوع القارمن الي استخدمته ؟ ننطر المزيد من التقرير |
| الساعة الآن 02:27 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO