كل عام وانتم بخير .. ومن العيدين الفايزين يا احبه .... كنت ابي اقول انه ...

اقلعت الرحلة من مطار الملك خالد في الرياض في الوقت المحدد وكان الجو شمس وحر ...

كنت طالب وقت الحجز وجبه ووزعوها بعد لاقلاع ...

https://www.arabtrvl.com/vb/picture....ictureid=70856
وصلنا مطار باتومي وكانت الاجواء غيم ومطر ...

https://www.arabtrvl.com/vb/picture....ictureid=70857

https://www.arabtrvl.com/vb/picture....ictureid=70858

مطار باتومي صغير مره ، يمكن مثل مطار بادن بادن المانيا ... الكاونترات نسيت كم بس الموظفين مرررررررره دقيقين .. وطلبوا كل الاوراق بما فيها حجز السكن .. واكدوا على موضوع انه لازم فحص PCR خلال 3 ايام ... خلال الانتظار في الطابور شفنا ناس رجعوهم من الكاونتر بس مااعرف السبب ...


كنت قبل السفر عندي فكره عن جورجيا والمزارات السياحية فيها .. وان بعض المناطق الطرق لها وعرة .. كنت حريص اشوف سيارة رفيعه ... مواقع الشركات العالمية ماحصلت عندهم الا سيارات صغيرة ماتكفي شناطنا فضلا عن انها رفيعه ... حصلت الموقع هذا
https://www.discovercars.com/
وشفت الريفيو حقه وكان مقبول عندي نوعا ما ... حجزت منه وانا مفتح عين ومغمض عين .. ماكنت مقتنع كثير بس مضطر .. بس الصدق طلع بطل (بالنسبة لي ) من ناحية تعاملهم والدعم حقهم .. ماجابوا السيارة اللي طلبت او مثلها بس كانت لا بأس بها ... كانت تويوتا هايبرد رفيعه شوي .. مو رفيعه مثل الجيب ولانازله مثل الكامري .. مثل البغل ...ههههههه. نظامهم ميت اند قريت .. لقيته ينتظرني برا ومعه لوحه بإسمي ... طبعا نظام اشارات واصوات غريبه .. انا ما أعرف جورجي وهو مايعرف عربي او انجليزي ... بس الامانه مرررررررررررره محترمين .. اخذوا شناطنا من المطار وركبوها السياره ... وشرح لنا شوي عن السيارة ... قفلت السياره برجع للمطار وقال لي ليش ؟؟؟ قلت بشتري شريحه نت قال لا انها غاليه مره هنا ... خذها من المدينه احسن ... كنت مشتري باقة يوم واحد من الاتصالات السعودية بس للامانه طلعت نكبه .... يالله شغلت قوقل ماب عشان احط عنوان الشقة ... تحركنا بالسيارة اللي مكلفتني 7072.63 ريال لمدة 25 يوم شامل التأمين الشامل بنسبة تحمل (صفر ) ... توكلنا على الله لشقتنا اللي مستاجرينها من موقع airbnb.com لمدة ثلاث ليال بمبلغ 139.48 دولار ...

وصلنا للعنوان بس ماحصنا الشقه ... البنايات كثيرة ... وقفنا نسال قالوا لنا هناك ( مكان مقابلنا ) ... كنا نكلم اللي مستأجرين منها بس ماتتكلم انقليزي .. وارسلت على الموقع انها جايه ... وقفنا عند المكان اللي قالوا لنا .. وسألنا عجوز عن العنوان قالت هنا (بالاشاره ) وبصعوبة التفاهم ... قالت لزوجتي تعالي وصعدوا بالمصعد ... طبعا الوضع اللي جالس اشوفه بالنسبة لي تحت السيئ بكم درجه ... واتخيل الصور في الموقع .. واقول حسبي الله انلعب علي ... كثير حجزت من الموقع في هولندا والمانيا وكان 100 فل وعشرة ... كانت حاجزته زوجتي ... وهنا اقول لكم لا تخلون الحريم يحجزون ...
شوي الا ووصلت عند مدخل العمارة عجوز تلهث .. جاية تركض .. بدون ما اكلمها عرفت انها اللي مؤجرتنا بس خليتها تريح شوي ... كلمتها .. نفس الشي بالاشارة .. المهم صعدنا بعدها بالمصعد ... المصعد لحاله قصة وموب اي قصة .. مصعد قديم جدا ... من ايام العثمانيين يمكن او قبل بعد ... يركبون الناس ويتقفل الباب عليهم ويفتحونه غصب ... مصعد خشبي .. هذي صورته بس من عند الشقه مو من الدور الارضي

https://www.arabtrvl.com/vb/picture....ictureid=70802

بنتي عندها فوبيا شوي ورفضت تصعد فيه اول الامر .. وصعدت مع امها بالدرج ...

https://www.arabtrvl.com/vb/picture....ictureid=70803

شقتنا اللي ع اليمين بابها مفتوح

https://www.arabtrvl.com/vb/picture....ictureid=70805

وصلنا فوق للدور التاسع ... ورحنا للشقة ... لقينا العجوز فاتحه الشقه ومعها زوجتي .. الشقه كانت جدا جميله ونفس الصور في الموقع ...

https://www.arabtrvl.com/vb/picture....ictureid=70814


غرفتين نوم

https://www.arabtrvl.com/vb/picture....ictureid=70813

https://www.arabtrvl.com/vb/picture....ictureid=70812


دورة مياه الله يكرمكم + مروش


صالة
https://www.arabtrvl.com/vb/picture....ictureid=70815


مطبخ
https://www.arabtrvl.com/vb/picture....ictureid=70806

https://www.arabtrvl.com/vb/picture....ictureid=70807


بلكونه مطله على البحر الاسود وممشى باتومي الشهير

https://www.arabtrvl.com/vb/picture....ictureid=70809

https://www.arabtrvl.com/vb/picture....ictureid=70816

وهنا اقولكم خلو اللي فوق يحجزون هههههههه .

الشقه فيها انترنت مجاني سرعته مقبوله..


استلمنا الشقة وقررنا اليوم بما انه اخر النهار نصير قريبين من الشقه ونتمشى شوي ع البحر والشوارع المحيطة ....
الجو كان جدا حلو ...

https://www.arabtrvl.com/vb/picture....ictureid=70817

https://www.arabtrvl.com/vb/picture....ictureid=70818

https://www.arabtrvl.com/vb/picture....ictureid=70819

https://www.arabtrvl.com/vb/picture....ictureid=70820

https://www.arabtrvl.com/vb/picture....ictureid=70821

https://www.arabtrvl.com/vb/picture....ictureid=70822

https://www.arabtrvl.com/vb/picture....ictureid=70823

https://www.arabtrvl.com/vb/picture....ictureid=70824

واحنا نتمشى وصلنا بالصدفه ل مترو سيتي مول وهو مركز تجاري من طابقين .. لابأس به في ملابس والكترونيات ومنطقة مطاعم ... بس كان منتهي وقت الدوام وقت وصولنا له ...

الشارع اللي كنا ساكنين عليه هو شارع شريف كيمشيفلي .. شارع على الواجهة البحرية لباتومي وعليه مطاعم وفنادق ومراكز تجارية...والواجهة البحرية عليه كل اللي تتوقعون او ماتتوقعون من اكشاك وملاهي وتأجير قوارب وتأجير سياكل وسكوترات كهربائية ودبابات ويمكن دنانات بعد ... كلش كلش موجود حتى ملاعب كرة الشاطئ وكرة الطائرة والباراشوت ... حتى الدلافين بتشوفونها في البحر بدون جولة بحرية ... وبنتكلم عنها حسب الظروف ...

مرينا سوبر ماركت واخذنا بعض الاغراض ... وطبعا كان فيه حظر تجول يبدا من 11 بالليل الى 6 الصباح ...

رجعنا الشقه .... وفي الصباح من بكره توكلنا على الله ورحنا لمنطقة Europe Square

https://www.arabtrvl.com/vb/picture....ictureid=70825

https://www.arabtrvl.com/vb/picture....ictureid=70826

https://www.arabtrvl.com/vb/picture....ictureid=70828

هذا يقولون اجمل فرع لماكدوناذز في العالم ...

https://www.arabtrvl.com/vb/picture....ictureid=70829

الشوارع كانت فاضية ... ووقفنا سيارتنا هناك ... وانطلقنا نمشي ...
احنا نحب في السفر نطلع بدري نشوف الدنيا قبل الزحمه ....

وقفنا تقريبا عند Europe Square المواقف حاولنا نشوف اذا هي ببلاش او بفلوس ماعرفنا لان بدري وتقريبا مافيه ناس وماكان فيه اجهزة دفع للمواقف ...
اعتذر ان حطيت صور منطقة داخل اخرى بس الاماكن قريبه من بعض ..

اول ماشفنا هو تمثال الاميره ميديا اميرة كولخيس ، وكولخيس هو الاسم الذي كان يطلق على الجزء الغربي من جورجيا الان .. وسالفتها اسطورة يونانية اكثر منها حقيقه والشي اللي شايلته هو الصوف الذهبي اللي ساعدت واحد اسمه جيسي في الحصول عليه ، واذا بغينا نعرف ليش ساعدته فلازم نعرف ان الصوف الذهبي هو لخروف طائر وسالفته سالفه تلقونها هنا للي يبي

https://ar.wikipedia.org/wiki/%D8%A7...87%D8%A8%D9%8A

ساحة اوروبا وتمثال الاميرة في مكان واحد فيه مجموعة مقاهي ومطاعم ومنطقة سياحية

https://www.arabtrvl.com/vb/picture....ictureid=70831

https://www.arabtrvl.com/vb/picture....ictureid=70833

المطاعم كانت توها بادية تفتح ...
فكملنا مشي لان مالقينا شي جاهز يصلح لنا ...
https://www.arabtrvl.com/vb/picture....ictureid=70835

https://www.arabtrvl.com/vb/picture....ictureid=70836

وصلنا للمكان هذا وهو جدا حلو بالليل والنهار بعد اتعقد اسمه بوليفارد ... او ان البوليفارد هو الممشى اللي على طولى الواجهة البحرية ...

https://www.arabtrvl.com/vb/picture....ictureid=70838

وهذا عنوانه على خرائط قوقل
https://www.google.com.sa/maps/place...05!4d41.635612

المكان فيه نوافير راقصه وتقدر تمشي بين النوافير وهي تشتغل عبر الجسور الموجوده .. المكان موب طويل بس جدا (( ونيس )) وفيه كافيهات ومحلات بيع التذكارات ... والتذكارات هناك مره مغرية صراحة سواء بجمال التصميم او رخص السعر .. يبي لكم شنطه بس للتحف من جورجيا للي يحبون التحف .. وصدقوني يمكن تستحون تكاسرون احيانا من رخص السعر .. احيانا تحطون سعر ويطلع ارخص ... مره اعجبني عربه بالخيزران يجرها ثور مع واحد يبيع في كوتايسي .. حطيت ببالي 300 لاري وقلت لو يحج مادفعت زود ... سالته بكم قال بـ 50 لاري ... استحيت والله اكاسره .. المكاسر او المفاصله في السعر شي عادي جدا وتحصلون بها اسعار زينه للنصف يمكن ...

https://www.arabtrvl.com/vb/picture....ictureid=70839

من الاشياء الخايسه في جورجيا وهي قليله كثرة الكلاب في الشوارع ... موب كذا بس ... يعني ممكن يحبك كلب وتتوهق به يلاحقك في كل مكان وهذا صار معنا كم مره ...

https://www.arabtrvl.com/vb/picture....ictureid=70834

بس تجاهلوها وخلاص وماشفنا منها اذية ..او انها نبحت علينا .. بالعكس تستجيب للطرد وتروح .. وشفت طريقة عند اصحاب المطاعم في طردها عن الجلوس قريب من الزباين انهم يرشونها بشوي مويه وخلاص تمشي ...

https://www.arabtrvl.com/vb/picture....ictureid=70840

https://www.arabtrvl.com/vb/picture....ictureid=70841

وصلنا للشاطئ واللي هو بنفس الوقت امتداد للممشى الشهير والممشى هذا اعتقد طوله ( ماسويت بحث ) 4 كيلو من شقتنا الى تمثال علي ونينو ... والمسافة هذي كلها مليانة فعاليات واماكن تصوير واكشاك بيع تذكارات واكل .. وعلى طوله ايضا متوفر كراسي اسمنتيه للجلوس ... يعني الواحد يمشي ويجلس ويتقهوى ويستانس وهو بجانب شاطئ مره جميل ...

https://www.arabtrvl.com/vb/picture....ictureid=70842

https://www.arabtrvl.com/vb/picture....ictureid=70843



المهم ... لقينا مطعم وكان تركي وجلساته ع البحر

https://www.arabtrvl.com/vb/picture....ictureid=70844

https://www.arabtrvl.com/vb/picture....ictureid=70845

https://www.arabtrvl.com/vb/picture....ictureid=70846

https://www.arabtrvl.com/vb/picture....ictureid=70848

https://www.arabtrvl.com/vb/picture....ictureid=70849

اخذنا اي شي لان توهم فاتحين ومانبي نجلس ندور على مطعم ...

صاحب المطعم قال تعالوا بالليل الجو احلى ... قلنا حجر ... قال انتم سياح محد يكلمكم ..لانكم جايين تصرفون فلوس .. والكلام هذا قاله لنا كم واحد بس ما حبينا نجرب لان اصلا احنا دايم بالليل خلاص ينتهي اليوم ..

حاسبنا وكملنا مشي

هذا برج الحروف وفيه مطعم وكوفي فوق وبيجي الكلام عليه بآخر الرحلة ان شاء الله ...
https://www.arabtrvl.com/vb/picture....ictureid=70847

هذا فنار مبني في العصر العثماني

https://www.arabtrvl.com/vb/picture....ictureid=70850

علي ونينو
https://ar.wikipedia.org/wiki/%D8%B9...8A%D9%86%D9%88

والثمثالين يتحركون الين يتداخلون في بعض ثم يتفرقون من جديد ...
https://www.arabtrvl.com/vb/picture....ictureid=70851

منطقة تأجير قوارب وومكن تاخذون رحلة بحرية لمدة 40 دقيقه بـ 120 يمكن او في حدود المبلغ هذا ( نسيت فعلا ) وفيه رحلات مشاهدة الدلافين .. وحنا شفناها من على الشاطئ وبحط صورها باخر الرحلة ان شاء الله ....

المنطقة بأخر النهار واول الليل مره حلوه لان كل شي مفتوح ..

https://www.arabtrvl.com/vb/picture....ictureid=70853

مبنى الشرطة ( مدري من هي هدومه المنشورة فوق )

https://www.arabtrvl.com/vb/picture....ictureid=70854

وبطريق الرجعه لقينا محل شركة اتصالات ماغتي مفتوح

https://www.magticom.ge/en/home

بصراحة جتنا صدمه من الاسعار ... وحسيت بالغبنه بعد ... انترنت مفتوح لمدة اسبوع ب 5 لاري ( 5 ريال ) + 3 لاري قيمة الكرت ... والتجديد عن طريق التطبيق حقهم ... هذا انترنت بدون مكالمات .. اذا مع مكالمات مفتوح ورسايل يطلع ب16 ...
طبعا اللي يحب هنا خذو اسبوعي وجددوا لانه ارخص من الشهر اللي بيطلع ب 80 مع مكالمات مفتوحه ورسايل او 44 لاري مع نت مفتوح و100 دقيقه مكالمات وبدون رسايل ..

الكلام عن باتومي جدا كثير وطويل وما اقدر اقول كل اللي ودي ... احنا قسمنا باتومي مرحلتين ... قدوم ومغادرة وكل مره 3 ايام ...

الحين خلصت جزء والجزء القادم احاول اكمل باتومي الجزء الاول ....

اعتذر عن التأخر واشوفكم على خير ... وكل عام وانتم بخير